669 të vdekur nga Covid 19
Që nga shpërthimi i pandemisë COVID-19 në Kosovë kanë vdekur 669 pacientë.
Tash kur janë bërë më shumë se shtatë muaj prej që kur u paraqitën edhe rastet e para pozitive me COVID-19 në vend, numri i përgjithshëm i të infektuarve ka arritur në 18 mijë e 345, ku nga ta kanë arritur që të shërohen 15 mijë e 198 persona.
Nga të dhënat e Institutit Kombëtar të Shëndetësisë Publike të Kosovës (IKSHPK), bëhet e ditur se numri i rasteve aktive me COVID-19 është 2 mijë e 478 persona.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.018 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 197 raste pozitive. Brenda 24 orëve janë raportuar tre raste të vdekjes me SARS CoV-2 pozitiv (2 raste Spitali i Përgjithshëm Prizren dhe 1 rast Mjekimi Intenziv Qendror, QKUK). Numri total i rasteve pozitive është 18.345 raste nga 89.108 persona të dyshimtë në virusin SARS-CoV-2 dhe 669 raste të vdekjes. Gjatë 24 orëve të fundit, janë shëruar 48 pacientë derisa numri i përgjithshëm i të shëruarve deri më sot është gjithsej 15.198 raste, kurse numri i rasteve aktive është 2.478”, thuhet në të dhënat e IKSHPK-së.
Prishtina sërish vazhdon të prijë për numrin e rasteve pozitive.
Gjatë 24 orëve të fundit në komunën e Prishtinës janë shënuar 92 raste të reja me COVID-19. Më pas vjen komuna e Gjilanit me 17 raste, Gjakova me 14 raste, Peja me 14 raste, Ferizaj me 13 raste, Drenas me 4 raste, Istogu me 2 raste dhe me nga një rast komuna e Shtimes dhe Vitisë. Ku kjo e fundit kishte shënuar edhe rastin e parë meë COVID-19 më 13 mars 2020.
