Rrahje në një lokal në Prizren, policia arreston një nga të dyshuarit

Policia e Kosovës ka reaguar mbrëmë në një rast të ndodhur në rrugën “Ismajl Kryeziu” në Prizren.

Pas marrjes së informatës për sulm fizik, policia ka arritur në vendin e ngjarjes ku në një lokal nate kishte patur një përleshje fizike në mes dy personave.

Me këtë rast njësitet policore të stacionit policor në veri të Prizrenit kanë ndërmarrë veprimet e nevojshme, ku edhe është bërë identifikimi i të dyshuarit në këtë rast.

Xh.B., i lindur në vitin 1980.

Viktima kishte pësuar lëndime nga goditjet me grushte në fytyrë dhe i njëjti është duke u trajtuar në Spitalin e Prizrenit.

“I dyshuari është intervistuar dhe me vendim të Prokurorit të shtetit është ndaluar në qendrën e ndalimit për 48 orë. Rasti është duke u hetuar.”, thuhet në njoftimin e policisë.

Njoftimi i plotë:

Arrestohet një person për veprën “Lëndim i rëndë trupor”

Prizren, 24 mars 2022

Më datën 24 mars 2022, në orën 01:15, Policia në Prizren kishte pranuar një informatë se në Rr.’Ismajl Kryeziu”, lagja Arban e Prizrenit, ne një lokal të natës, ka një sulem fizike ne mes te dy personave. I menjëhershëm ka qenë reagimi i Policisë duke dërguar njësitet policore në vendin e ngjarjes.

Njësitet policore të Stacionit Policor Prizren VERI, i kanë ndërmarrë veprimet e nevojshme. Është bërë identifikimi i të dyshuarit i përfshirë në këtë rast:

-XH. B., i datëlindjes 1980 ,m/sh/sh
Viktima kishte pësuar lëndime nga goditjet me grushte ne fytyrë, dhe është duke u trajtuar ne spitalin rajonal te Prizrenit.

I dyshuari është intervistuar dhe me vendim të Prokurorit të shtetit është ndaluar në qendrën e ndalimit për 48 orë. Rasti është duke u hetuar.