Raporti i policisë për rastin e vdekjes së 26 vjeçarit në Suharekë

Një person i moshës 26 vjeçare mbrëmë ka ndërruar jetë si pasojë e plagëve të marra nga arma e zjarrit në fshatin Greikoc të Suharekës.

Në raportin 24 orësh të Policisë së Kosovës, thuhet se ngjarja ka ndodhur të hënën rreth orës 15:55, në fshatin Greikoc të Suharekës.

Siç thuhet në raport, gjatë ekzaminimit të vendit të ngjarjes në afërsi të shtëpisë së viktimës është gjetur dhe sekuestruar një armë AK 47, një karikator dhe tre fishek si dhe janë vërejtur disa njolla gjaku.

“Në spitalin rajonal në Prizren është sjell i plagosur me armë zjarri një mashkull kosovar. Si pasoj e plagëve të marra viktima ka ndërruar jetë.

Gjatë ekzaminimit të vendit të ngjarjes në afërsi të shtëpisë së viktimës është gjetur dhe sekuestruar një armë AK 47, një karikator dhe tre fishek si dhe janë vërejtur disa njolla gjaku. Me urdhër të prokurorit të shtetit trupi i pa jetë i viktimës është dërguar në IML për obduksion”, thuhet në raport.