Arrestohet një person në Prizren pas një mosmarrëveshje me zyrtarët e KEDS-it

Të martën është arrestuar një person në rrugën “Ardian Zurnagjiu” në Prizren, pasi që dyshohet se i njëjti kishte sulmuar fizikisht zyrtarët e KEDS-it.

Sipas raportit 24-orësh të Policisë, mosmarrëveshja ka ndodhur derisa zyrtarët e KEDS-it ishin duke kryer punën e tyre në ç’ kyçje të konsumatorëve.

“Rr. Ardian Zurnagjiu, Prizren 18.07.2023 – 11:00. Është arrestuar i dyshuari mashkull kosovar për shkak se kishte sulmuar fizikisht zyrtarët e KEDS-it derisa ishin duke kryer punën e tyre në ç’ kyçje të konsumatorëve. Me vendim të prokurorit i dyshuari është liruar në procedurë të rregullt”, thuhet në raport.