Policja që u raportua e zhdukur paraqitet në stacionin e Rahovecit

Policja e cila është raportuar si e zhdukur është paraqitur në stacionin policor në Rahovec.

Lajmin e ka konfirmuar zëdhënësi i policisë në rajonin e Gjakovës, Sheremet Elezaj, i cili tha se gjendja e saj shëndetësore është e mirë.

“Sot rreth orës 17:00 zyrtarja policore e raportuar e zhdukur, është paraqitur në Stacionin Policor në Rahovec. Gjendja e saj shëndetësore është e mirë. Rasti do të trajtohet në procedurë të rregullt”, ka thënë Elezaj.

Ndryshe, zyrtarja policore ishte raportuar e zhdukur nga familjarët e saj në Rahovec.

“Dyshohet që nga e diela (28 prill) në mëngjes nuk është në kontakt me askënd, s’ka qasje as në telefon e as nuk është parë nga ajo kohë”, kishte deklaruar Policia e Kosovës para katër ditësh.