Arrestohet një person në Prizren, dyshohet për posedim të substancave narkotike

Në rrugën “Ibrahim Rugova” në Prizren është arrestuar një person nën dyshimin për posedim të substancave narkotike.

Siç thuhet në raportin e Policisë së Kosovës, pas intervistimit me vendim të prokurorit kujdestar i dyshuari është dërguar në mbajtje.

Njoftimi i plotë:
“Rr. Ibrahim Rugova-Prizren,11.11.2024-11:40. Është arrestuar i dyshuari mashkull kosovar pasi që gjatë kontrollit në banesën e tij i janë gjetur dhe konfiskuar: 135 gram substancë e dyshuar narkotike e llojit marihuanë, një peshore elektronike ,para që dyshohet se janë të falsifikuara, foli alumini disa qese plastike të zbrazëta për paketim te substancës narkotike dhe dy telefona. Pas intervistimit me vendim të prokurorit kujdestar i dyshuari dërgohet në mbajtje.”, thuhet në raportin e Policisë së Kosovës.