Ta ndihmojmë Murrlanin nga Prizreni të ecë përsëri

Murrlan Asllani, 17 vjeçar nga Prizreni kishte pësuar një aksident në qershor të vitit të kaluar duke lënduar kurrizin, i cili aksident e la të palëvizshëm.

Pas intervenimit urgjent i cili nuk mund të realizohej në Kosovë, Murrlanit iu dha një shans i dytë për jetë nga mjekët në Shqipëri.

Nëna e Murrlanit, Gjylsyn Asllani ka thënë se lëndimi i kurrizit e la në karrocë, të palëvizshëm dhe në përballje të shumë betejave të përditshme.

“Sfida për të kthyer lëvizshmërinë e pjesshme në duar ishte e gjatë dhe e mundimshme, dhe të tilla janë shumë ditë. Të mësohesh me kufizime, të përkushtohesh aq shumë në terapi të përditshme, të mbetesh pozitiv e të ja dalësh përtej nuk është e lehtë”, ka thënë ajo.

Mirëpo, pas vlerësimit profesional të mjekëve të huaj për gjendjen shëndetësore të Murrlanit, atij po i jepet mundësia dhe shpresa që ta rikthej funksionalitetin e trupit të tij në gjendjen e mëparshme.

Shërimi i djaloshit 17 vjeçar mund të bëhet në Shtetet e Bashkuara të Amerikës (ShBA), dhe sipas gofundme.com për shërimin e tij kërkohen 120.000 dollarë.

Andaj familjarët e Murrlanit kërkojnë nga qytetarët të cilët kanë mundësi ekonomike ta ndihmojnë atë financiarisht përmes kësaj xhirollogarie bankare të nënës së tij, Gjylsyn Asllani: 1502001000010033, IBAN: XK05, SËIFT CODE: RBKOXKPR.

Por, mund ta kontaktoni edhe në këtë numër telefoni: +38349343934.

Më poshtë mund ta lexoni një përshkrim të jetës së Murrlanit para aksidentit, i bërë nga nëna e tij:

Para aksidentit Murrlani energjik, i buzëqeshur, kureshtar e gjithmonë pozitiv kënaqej me shoqëri, e cila edhe tash vazhdon ti qëndrojë pranë e për të cilën është shumë falënderues. Kënaqej duke kaluar kohën me familje dhe duke ndihmuar babain e tij në dyqanin e vogël në Prizrenin e bukur.

Murrlani e don leximin, e don kinemanë, i don shëtitjet, bisedat me motrën e tij të madhe Flakën dhe lojën me motrën e tij më të vogël Dëborën. I ka dashur dhe vazhdon ti dojë kafshët. Muzika ka luajtur gjithmonë rol të madh në jetën e tij dhe ai vijonte shkollën e muzikës për klarinet në kohën kur i ka ndodhur aksidenti.

Murrlani ishte notar premtues dhe medaljet e tija të shumta e përkujtojnë edhe në ëndrrën tjetër që u ndërpre vrazhdë nga aksidenti.

Përkujdesi ndaj Murrlanit është 24 orë dhe familja jonë po mundohet me çdo forcë të ndihmojë forcimin e tij dhe pavarësimin e tij të plotë.
Kjo dëshirë e jona e flaktë premton të përmbushet në spitalin e njohur TIRR Memorial Hermann, në Houston të SHBA-ve ku ka shpresë që djali ynë të qëndrojë sërish në këmbët e veta. Që familja jonë të rimëkëmbet. /Telegrafi/