LDK: Në Prizren rrugët e ndotura e parqet e gërditshme nga pisllëku

Përmes një komunikate për media, Dega e LDK-së e kritikon pushtetin lokal se nuk ia ka dalur të përkujdeset as për shërbimet minimale ndaj qytetarëve, përkujdesi ndaj parqeve dhe hapësirave publike është lënë në mëshirën e fatit.

Komunikata e plotë:

Të dashur qytetar të Prizrenit,

– Kjo është gjendja e mjerueshme e parkut të Marashit.

– Në kulmin e virozave të stinës e të pandemisë, kur më së shumti ka nevojë për kujdes të shtuar në pastërti e rregull, Prizrenin e kanë mbuluar mbeturinat e pisllëqet gjithandej..

– Ky pushtet, nuk ia ka dalur të përkujdeset as për shërbimet minimale ndaj qytetarëve, përkujdesi ndaj parqeve dhe hapësirave publike është lënë në mëshirën e fatit.

– Rrugët e ndotura e parqet e gërditshme nga pisllëku që i ka kapluar, janë pasqyra reale e dështimit total të kryetarit Haskuka dhe kabinetit të tij.

Paaftësia e tyre për tu dalë në ballë përgjegjësive që u takojnë, gati që është e pamundur të përshkruhet me fjalë.

Prandaj, të dashur qytetar, mbajini në mend këta që dështuan të përmbushin çka premtuan dhe ndëshkojini me votë.

Vota është arma më e fortë në demokraci, përdoreni atë për të mirën tuaj, familjeve dhe gjithë komunitetit.

LDK-ja ka plan konkret për çdo problem, mungesë e nevojë tuajen. Ditëve në vijim do të informoheni në detaje.

Së bashku do ti largojmë dështaket, sepse Prizreni meriton më mirë!