Arrestohen dy persona në Landovicë

Zyra për informim publik e DRP në Prizren, përmes një komunikate për media, njofton se më datë 4 korrik 2021, Policia në Prizren kishte pranuar një informacion se në fshatin Landovicë është duke ndodhur një përleshje në mes disa personave .Veprimet policore ishin të menjëhershme .

Lidhur me ketë rast janë identifikuar personat e dyshuar të cilët para një lokali kishin ekspozuar një armë të zjarrit.

Personat e dyshuar janë:

N. TH., i lindur në vitin 1970 dhe

E. T., i lindur në vitin 2002

Të dyshuarve u është gjetur dhe sekuestruar:

– 1 (një) pushkë,

– 2 (dy) fishekë

– 1 (një) karikator i zbrazët

I dyshuari E.TH., pranon se rreth orës 14:00 të datës 04.07.2021, para lokalit të tyre ka ndodhur një rrahje në mes pesë personave .Në afërsi të personave të dyshuar e ka vërejtur babanë e tij ( të dyshuarin N. TH.) dhe me qellim që të pengojnë eskalimin e situatës ,nga lokali e merr armën dhe të njëjtën e ekspozon.

I dyshuari N.TH., pranon se arma është e tij. Në lidhje me këtë rast është njoftuar prokurori i shtetit dhe Departamenti i Krimeve të Rënda.

Me vendim të prokurorit rasti procedohet në procedurë të rregullt, thuhet në fund të kësaj komunikate