Arrestohet i dyshuari që doli nga vetura dhe theri me thikë një këmbësor në Prizren

Është arrestuar i dyshuari që e theri me thikë një këmbësor në Prizren.

Këtë e konfirmoi për medie zëdhënësi i Policisë në Prizren, Shaqir Bytyqi.

Ai tha se i dyshuari është ndaluar pëe 48 orë.

“I dyshuari është identifikuar dhe është arrestuar. Me urdhër të prokurorit kujdestar I dyshuari ndalet në ndalim policor për 48 orë.”

I dyshuari pas një fjalosje ka dalë nga vetura dhe ka therë me thikë një këmbësor që ishte duke e kaluar rrugën.

Viktima, A.M 27 vjeçar, është jashtë rrezikut për jetë.