COVID-19, Gjermania vendos kufizime gjithëpërfshirëse

Qeveritë federale dhe shtetërore të Gjermanisë kanë rënë dakord të vendosin kufizime të mëdha kontakti për muajin nëntor, në një përpjekje për të frenuar infektimet me COVID-19, sipas burimeve të përfshira në bisedimet midis udhëheqësve rajonalë dhe kancelares Angela Merkel.

Mbyllja e restoranteve para Krishtlindjes, e kërkuar nga Merkel, do të hyjë në fuqi të hënën.

Ajo mori mbështetjen e 16 kryeministrave shtetërorë gjermanë për të miratuar gjithashtu kufizime të mëdha kontakti nga kjo ditë, sipas së cilës anëtarët e vetëm dy familjeve mund të takohen në publik, me një maksimum prej 10 personash.

Gjithashtu, tifozët do të ndalohen nga ndeshjet e Bundesliga-s për muajin nëntor.

Gjermania ka në plan të mbyllë të gjitha objektet kulturore dhe rekreative dhe kjo përfshin të gjitha stadiumet dhe vendet që zhvillojnë ngjarje profesionale sportive.

Nga ana tjetër, shkollat dhe kopshtet do të qëndrojnë të hapura.

Dyqanet do të qëndrojnë të hapura gjatë mbylljes së nëntorit, megjithatë nuk do të lejohet më shumë se një klient për 10 metra katrorë.

Qendrat kozmetike, sallonet e masazheve dhe studiot e tatuazheve do të duhet të mbyllen duke filluar nga e hëna, por parukierët mund të qëndrojnë të hapur nën kushte të rrepta higjienike.