Tradita 90-të vjecare, bënë që vëmendja dhe interesi i publikut të sillet tek dhe rreth Lirisë, pavarësishtë statusit juridik.

Ka kohë që Liria (nga viti 2023) është privatizuar, e në ndërkoh me 2024 riprivatizuar (shitur apo stërshitur te disa aksionar), por pavarësishtë kësaj, klubi spo gjen qetësinë.

Liria, për herë të fundit është bërë kampion në vitin e largët 1995 (30-të vite më parë), në kohën e sakrificës, ku emrat si:Mirsad Collaku, Astrit Berisha,Ergjan Dana,Nehari Toska,Ali Maralusha, Genc Tamniku, Ilir Bytyqi, Sami Buqaj, Ismail Berisha, Alev Nush,Bekim Bakaj, Nurtin Colak, etj. ishin jo vetëm pjesë e lavdisë së asaj kohe të vështirë segregacioni por që dhan edhe spektakël e kënaqësi, në fushë në ato vite.

Pas luftës Liria, dy herë fitoi titullin (Kupa e Kosovës 2006 dhe 2010) por që qëndrueshmëri s’pati duke rënë nga elita (Superliga) e futbollit Kosovar, e duke u rikthyer në elitë, por pa patur stabilitet.

Nga 2008-2013 Klubi u adminsitrua nga Kompania ‘Drini”, qe riktheu filliishtë statusin e skuadrës elitare, fitoi dhe Kupën e Kosovës, 2010 por që më pas  shkaku i problemeve financiare, klubi u rikhtye tek Komuna.

Vitit 2015 deri më 2018 kohë kur Klubi drejtohej nga disa ish futbollistët e sakrificës, në krye me Mirsad Collakun, pati stabilitetin në Superligë dhe Liria ishte konkuruese. Madje, në edicionin 2017/2018, kur klubi drejtohej nga z.Mirsad Collaku, kryetar i klubit atëherë (aktualishtë kryetar i LRF-së dhe anëtar i KE të FFK-së), Liria kishte prekur pothuaj Europën (pas pranimit në UEFA e FIFA), por që pengesë qe ‘futja e duarve të politikës’ në klub dhe pengimi i këtij suksesi.

Ndërkoh, klubi u privatizua por ai s’po gjenë rrugën e suksesit dhe po përpëlitet në rangun e dytë.Urojmë që në pranverë të rikhthet tek rezultatet që i dëshironë publiku.

Privatizimi që u bë si u bë (herë tjetër për te) nuk zgjidhi asnjë telashe, pos asaj financiare.Organizimi profesional, është në fazë dëshirore !

Ndërkoh, problem në vetë mbetet Shkolla e Futbollit, që dikur njihej si Akademia e Lirisë. Emri, Akademi është përdorur e keqpërdorur nga ‘ekspertë’ të ndryshëm që veq të tillë s’ishin kurrë.

Vitit 2014/2015 mbetet si viti i artë për Shkollën e Futbollit, kur pas një kohe të gjatë nxori hiq më pak  9-të Juniorë që ishin anëtarë të përfaqësueses së Kosovës dhe Shqipërisë.

Suksesi i dedikohet në radhë të parë trajnerëve Agron Beseni e Enis Gashi, që me modesti flasin për atë kohë.

Emrat si :Flamur Gashi, Ilir Mustafa, Lumbardh Dellova, Almir Kryeziu, Fitim Susuri, Albin Memaj, Ibrahim Gavazaj,Ardian Gashi, Roni Gashi, (pjesë e kombëtareve të Kosovës), Diellor Beseni e Zenel Gavazaj (të Kombëtares së Shqipërisë) në grupmoshat U-17 e U-19, i takojnë historisë, të kaluarës së lavdishme të këtyre trajnerëve e futbollsitëve.

Disa nga ta janë sot duke bërë karrierë si Dellova (Bullgari) Kryeziu (Ballkani), Mustafa (Drita) etj.

Nga atëherë e nuk ka ndonjë përfaqësim në grupmoshat e Kosovës e as të Shqipërisë !

Tash e 10-të vite Shkolla e Futbollit Liris, ka vend numëruar. Madje Kadetët dhe Juniorët e saj, tash e tre vite janë pjesë e rangjeve më të ulëta , kadetët bëjnë gara në LRF të Prizrenit.

Ndërsa,  Juniorët në  Ligën e Parë, për dallim që këta dikur shkundinin Superligën dhe tmerronin skuadrat me lojë e gola.

Eksperimentet e shumta, me ndërrimin e trajnerëve bashkë me statusin juridik të klubit, u treguan të kundër efektshme.

Ndërsa, kemi të bëjmë me një klub puro privat nga 2023 dhe më pas me aksionar nga 2024, Liria dhe interesi i saj mbetet publik.

Liria, ka qenë brend në vete që nga  vitet 70-ta.

Interesi institucional (pa amrrë parasysh spektrin politk) duhet të kthejë vëmendjen në rimëkëmbjen e klubit dhe sidomos Shkollës së Futbollt, për t’i kthyer namin Lirisë dhe për të nxjerrë futbollsitë,që vitet e fundit kanë munguar.

Duhet kthyer koha e lavdisë e të lartëpërmendurve, bashkë me yllin e Majorkas dhe Kombëtares, Vedat Muriqi ( I shëndrruar tash në legjendë të gjallë), Lumbardh Dellovës etj. /PrizreniSot

P.S.

Në foto janë disa nga lojtarët e kësaj gjenerate të artë

The post Aktuale te Klubi i futbollit Liria appeared first on Prizreni Sot.

Ndërkohë, inflacioni mujor shënoi një rënie prej -0.2% në krahasim me gushtin 2025. Rritja vjetore e çmimeve është ndikuar kryesisht nga shtrenjtimit në disa kategori të mallrave dhe shërbimeve.

Ndër to, çmimet e pushimeve të organizuara u rritën me 23.1%, biletat e fluturimeve me 22.5%, energjia elektrike me 17.4%, kafeja, çaji dhe kakaoja me 14.2%, si dhe pemët me 13.0%.

Rritje të ndjeshme kanë pasur edhe mishi (12.1%), qumështi, djathi dhe vezët (8.8%), shërbimet hoteliere (8.3%), dhe vajrat e yndyrat (6.8%).

Këto nëngrupe kanë pasur ndikimin më të madh në inflacionin vjetor, me një efekt të përbashkët prej 4.9 për qind në IHÇK.

Në anën tjetër, rënie e çmimeve është regjistruar te karburantet dhe lubrifikantët për pajisjet e transportit personal, me -3.1%, duke ndikuar me -0.2 për qind në indeksin e përgjithshëm. Në krahasim me muajin gusht 2025, çmimet mesatare të konsumit në shtator ranë për 0.2%.

Kjo rënie mujore është shpjeguar me uljen e çmimeve te karburantet dhe lubrifikantët (-3.6%), pemët (-2.8%), biletat e fluturimeve (-1.6%), dhe energjinë elektrike (-1.2%).

Megjithatë, disa kategori shënuan ngritje, përfshirë lëndët djegëse të ngurta si druri e peletët (1.4%), qumështin, djathin dhe vezët (1.1%), blerjen e automjeteve (0.6%) dhe shërbimet hoteliere (0.4%). ASK bën të ditur se këto luhatje të çmimeve ndikojnë drejtpërdrejt në normën mujore dhe vjetore të inflacionit, e cila matet përmes indeksit të harmonizuar të çmimeve të konsumit (IHÇK).

The post Rriten çmimet sërish, inflacioni arrin në 4.7 përqind appeared first on Prizreni Sot.

Bazuar në njoftimin e Policisë, gjatë bastisjes u gjetën dhe u sekuestruan 21.77 gramë marihuanë, 25 gramë kokainë, tre grinder, një AK 47, dy shufra metali, një elektroshok, 251 fishekë dhe dy revole.

Nga ky aksion, në pranga të Policisë përfunduan pesë persona, ku njëri prej tyre u dërgua në mbajtje, derisa katër të tjerët u liruan në procedurë të rregullt.

“Njësitë policore me autorizim të prokurorit kanë bastisur pronën e të dyshuarve meshkuj kosovarë, ku janë gjetur dhe sekuestruar: 21.77 gramë marihuanë, 25 gramë kokainë, tre grinder, një AK 47, dy shufra metali, një elektroshok, 251 fishekë dhe dy revole. Lidhur me rastin janë arrestuar 5 persona dhe pas intervistimit me vendim të prokurorit njëri dërgohet në mbajtje, ndërsa 4 lirohen në procedurë të rregullt”, thuhet në raportin 24-orësh të PK-së.

The post Policia gjen substanca narkotike në Prizren, arrestohen pesë persona appeared first on Prizreni Sot.

Pra, më 12 tetor, do të hapen 38 Qendra Votimi për votim me kusht, me gjithsej 54 vendvotime.

Në Zgjedhjet Lokale votimi me kusht lejohet vetëm brenda komunës ku është i regjistruar votuesi dhe mundësohet në qendrën e veçantë për votim me kusht e cila është caktuar nga KQZ.

KQZ mundëson votimin me kusht për votuesit të cilët e kanë emrin në listën votuese, por për arsye objektive nuk mund të votojnë në vendvotimin e tyre të rregullt.

Numërimi i votave me kusht bëhet në Qendrën e Numërimit dhe Rezultateve, disa ditë pas ditës së zgjedhjeve, pas përfundimit të procedurave të parapara.

The post Këto janë adresat e 38 Qendrave të Votimit për votimin me kusht në Zgjedhjet Lokale 2025 appeared first on Prizreni Sot.

Sipas të dhënave të Agjencisë së Statistikave të Kosovës (ASK), gjatë vitit shkollor 2020/2021 në institucionet arsimore të vendit ishin regjistruar gjithsej 229 mijë e 664 nxënës.

Statistikat tregojnë se rënia ka qenë e vazhdueshme çdo vit:

Në vitin 2021/2022 janë regjistruar 224 mijë e 429 nxënës;

Në 2022/2023, numri ka rënë në 220 mijë e 578;

Ndërsa në 2023/2024, janë regjistruar 215 mijë e 431 nxënës.

The post ASK: Për pesë vjet mbi 21 mijë nxënës më pak në shkollat e Kosovës appeared first on Prizreni Sot.

“Patrulla Policore e Njësisë Rajonale të Trafikut Rrugor- Prizren (NJRTRR), me daten 07.10.2025, rreth orës 18:17 në rrugën “Tranziti i Ri”në Prizren, ka ndaluar një autobus të një kompanie nga Lipjani. Pas verifikimit të dokumentacionit, është konstatuar se drejtuesi kishte masë aktive ndalimi për drejtimin e mjeteve motorike deri më 26.12.2025.”

Ai është gjobitur me 500 euro, ndalesë shtesë prej 6 muajsh dhe 5 pikë negative.

“Në zbatim të Ligjit për Trafikun Rrugor 08/L-186, ndaj tij është shqiptuar fletëparaqitje për kundërvajtje, gjobë prej 500 euro, masë ndalese shtesë prej 6 muajsh dhe 5 pikë negative në patentë. Autobusi është sekuestruar. Policia e Kosovës mbetet e përkushtuar në garantimin e sigurisë rrugore dhe zbatimin e ligjit.”

The post Shoferi kishte masë ndalimi aktive, sekuestrohet një autobus në Prizren appeared first on Prizreni Sot.

Tre nga të përfshirët në rast kanë pësuar lëndime trupore, për të cilat kanë marrë tretman mjekësor.

“Të dyshuarit janë intervistuar dhe me vendim të prokurorit dy prej tyre janë arrestuar dhe dërguar në mbajtje ndërsa të tjerët janë liruar” thuhet në njoftimin e policisë.

The post Rrahën ndërmjet vete 8 të mitur në Prizren appeared first on Prizreni Sot.

Dogana ka njoftuar se 153 pako me pluhur kolagjeni, secila nga 200 gramë, ishin të vendosura në bagazhin e automjetit dhe i dyshuari nuk ka paraqitur asnjë faturë apo dokumentacion përcjellës.

“Në Pikën Kufitare në Vermicë, gjatë kontrolleve të rregullta doganore, është identifikuar një rast i tentativës për shmangie të obligimeve doganore”, thuhej në njoftim.

“Malli është ndaluar përkohësisht deri në përfundimin e procedurave të mëtejshme, ndërsa ndaj palës është inicuar procedurë për kundërvajtje doganore, në bazë të nenit 244 të Kodit Doganor dhe të Akcizës së Kosovës”, thuhej në njoftimin e Doganave.

The post Kapet sasi e madhe e pakove me kolagjen në Vermicë appeared first on Prizreni Sot.

Pas javës mes 22 dhe 28 shtatorit, ku vdiqën pesë persona në aksidente trafiku, edhe fillimi i tetorit ishte i zi në komunikacion. Plot 419 aksidente u regjistruan në vetëm shtatë ditë.

Tre prej tyre përfunduan tragjikisht me humbje jetësh.

Një 10-vjeçar vdiq në Novosellë të Kamenicës mbrëmjen e së dielës.

Të mërkurën pasdite, në Bërnjak të Rahovecit humbi jetën një person pasi u aksidentua me traktor. Ndërsa më 29 shtator, këmbësori që ishte goditur nga vetura më 31 gusht të këtij viti nuk arriti të mbijetojë dhe vdiq.

Në mesin e qindra aksidenteve, 158 ishin me persona të lënduar, ndërsa 258 ishin vetëm me dëme materiale.

Dita më e rëndë ishte ajo e 2 tetorit, ku për një ditë të vetme u shënuan 91 aksidente./Klankosova

The post Mbi 400 aksidente në vetëm një javë në Kosovë, tre të vdekur appeared first on Prizreni Sot.

Në përputhje me legjislacionin në fuqi, Dogana e Kosovës ka ndërmarrë masat e parapara ligjore, ku është konfiskuar 25% e shumës së padeklaruar, ndërsa pjesa tjetër e mjeteve është ndaluar përkohësisht, deri në përfundimin e procedurave të mëtejshme.

“Dogana e Kosovës rithekson rëndësinë e respektimit të obligimeve ligjore nga të gjithë qytetarët dhe udhëtarët që kalojnë përmes pikave kufitare, duke rikujtuar se çdo shumë mbi 10,000 euro, e bartur në hyrje apo dalje nga territori i vendit, duhet të deklarohet paraprakisht pranë zyrtarëve doganorë”, thuhet tutje në njoftimin e Doganës.

The post Policia konfiskon mbi 10 mijë euro në Vërmicë appeared first on Prizreni Sot.

Ndërsa, sipas vlerësimeve preliminare remitancat për muajin gusht 2025 ishin rreth 143.4 milionë euro, duke arritur kështu vlerën 928.48 milionë euro (preliminare) për tetë muajt e parë të vitit 2025.

“Prurjet më të mëdha edhe gjatë muajit gusht kanë qenë përmes IFJB me 41.02% përmes bankave komerciale me 17.19% dhe kanaleve tjera me 41.79%”, thuhet në njoftim.

Ndërkaq, BQK ka dhënë statistika edhe lidhur me investimet direkte.

“Investimet Direkte në Kosovë deri në fund të korrikut 2025 ishin 540.94 milionë euro që paraqet një rritje prej 24.24% krahasuar me periudhën e njëjtë të vitit kaluar, përderisa investimet direkte jashtë Kosovës shënuan vlerën 212.78 milionë euro”, thuhet në raport.

Banka Qendrore e Kosovës ka njoftuar po ashtu lidhur me borxhin e jashtëm bruto.

“Borxhi i jashtëm bruto – i cili përfshinë borxhin publik dhe privat në fund të tremujorit të dytë 2025, arriti vlerën 4.43 miliardë euro, e cila paraqet rritje prej 218.19 milionë euro krahasuar me tremujorin paraprak. Kontribuuesi kryesor i rritjes së borxhit të jashtëm në Kosovë ishte sektori privat për 133.13 milionë euro, ndërsa borxhi publik u rrit për 85.05 milionë”, bëhet e ditur në raport.

Ndërkaq, sa i përket borxhit të sektorit publik – në fund të tremujorit të dytë 2025 arriti vlerën 1.02 miliardë euro duke marrë pjesë me 23.03% në gjithsej borxhin e jashtëm.

Pjesa më e madhe e borxhit publik përbëhet nga borxhi i jashtëm i qeverisë, i cili në fund të tremujorit të dytë 2025 ishte 857.81 milionë euro.

BQK ka prezantuar edhe të dhëna për borxhin e sektorit privat.

“Borxhi i sektorit privat – të tremujorit të dytë 2025 arriti vlerën 3.41 miliardë euro. Pjesëmarrësit në borxhin privat janë bankat komerciale 21.10% kompanitë në relacion të investimeve direkte 27.31% dhe sektorët tjerë 51.59%, thuhet në raport.

The post Për 8 muaj në Kosovë kanë hyrë 928 milionë euro nga diaspora appeared first on Prizreni Sot.

Si pasojë e aksidentit lëndime trupore ka pësuar drejtuesi i traktorit të cilit i është ofruar tretman mjekësor. I njëjti më vonë ka vdekur në QKUK.

I dyshuari për shkaktimin e aksidentit është dërguar në mbajtje.

“Fsh. Bërnjak, Rahovec/ 01.10.2025-16:20. Raportohet për një aksident trafiku në mes të një veture dhe një traktori me vozitës meshkuj kosovarë. Si pasojë e aksidentit lëndime trupore ka pësuar drejtuesi i traktorit të cilit i është ofruar tretman mjekësor. Lidhur me rastin rreth orës 22:54 nga QKUK-ja është pranuar informata se viktima ka ndërruar jetë.

Për procedurat e rastit është njoftuar prokurori dhe me vendim të tij trupi i pajetë është dërguar ne IML për obduksion, ndërsa i dyshuari me vendim të prokurorit është dërguar ne mbajtje”, thuhet në raportin e policisë.

The post Vdes i aksidentuari në Rahovec, arrestohet shoferi i veturës appeared first on Prizreni Sot.

Dogana bën të ditur se pajisjet e ndaluara përfshijnë laptopë, telefona mobilë, tabletë, pajisje fotografike, dëgjuese dhe orë dore, të cilat nuk ishin të shoqëruara me dokumentacionin përkatës.

Postimi:

Ndalohen pajisje elektronike të padeklaruara në Vërmicë

Prizren, 01 Tetor 2025 – Në kuadër të kontrolleve të rregullta në pikëkalimet kufitare, zyrtarët doganorë në Vërmicë kanë zbuluar dhe ndaluar përkohësisht një sasi të konsiderueshme të pajisjeve elektronike të përdorura, të cilat po tentohej të futeshin në territorin e Republikës së Kosovës pa u deklaruar në mënyrë të rregullt doganore.

Pajisjet e ndaluara përfshijnë: laptopë, telefona mobilë, tabletë, pajisje fotografike, dëgjuese dhe orë dore, të cilat nuk ishin të shoqëruara me dokumentacionin përkatës.

Pas evidentimit të shkeljes, janë marrë masa për ndalimin e përkohshëm të mallrave dhe ndaj personit përgjegjës është iniciuar procedurë për kundërvajtje doganore, në bazë të nenit 244 të Kodit Doganor dhe të Akcizave të Kosovës (KDAK).

Dogana e Kosovës vazhdon të jetë e përkushtuar në luftimin e kontrabandës, mbrojtjen e tregut të brendshëm dhe respektimin e ligjshmërisë në qarkullimin ndërkufitar të mallrave.

The post Dogana ndalon një rast kontrabande në Vërmicë me laptopë, telefona, orë dore, tabletë e dëgjuese appeared first on Prizreni Sot.

Ky ndryshim nënkupton që lindja dhe perëndimi i diellit do të ndodhin më herët, çka sjell më shumë errësirë në mëngjes dhe në mbrëmje — një shenjë e qartë se dimri po afron.

Çfarë do të thotë kjo për ju?

Një orë më shumë gjumë atë natë

Drita e ditës fillon dhe mbaron më herët

Mbrëmjet bëhen më të errëta dhe më të gjata

Ky ndryshim është pjesë e praktikës së zakonshme në vendet e Evropës për të kursyer energji dhe për t’u përshtatur me ritmin sezonal të dritës natyrore.

The post Kjo është data kur do të ndërrohet ora appeared first on Prizreni Sot.

Sipas aktakuzës, i pandehuri L.M., me dashje dhe me qëllim të përfitimit të kundërligjshëm të pasurisë për vete,  kontrakton në mënyrë të paligjshme shuma të mëdha parash ndaj të dëmtuarit M.K., duke shfrytëzuar gjendjen e rënduar financiare të këtij të fundit, i pandehuri i ka dhënë borxh 20,000 euro me kamatë mujore 10%, që më pas janë grumbulluar deri në shumën 37,000 euro. Në pamundësi për ta kthyer borxhin, i dëmtuari është detyruar t’i japë banesën me sipërfaqe 123.8 m², në vlerë prej 70,000 euro. Në vitin 2022 i pandehuri merr edhe 10,000 euro të tjera me kamatë mujore 10%, ku borxhi i kamatave arrinë në 14,000 euro. Për shkak të pamundësisë për kthimin e borxhit, i dëmtuari detyrohet t’i japë edhe një banesë tjetër në fshatin Shirokë me sipërfaqe 80 m² dhe vlerë tregu 52,000 euro. Gjithsej, nga kamatat dhe borxhet e grumbulluara, i dëmtuari ka paguar rreth 92,000 euro dëm përkatësisht humbje në shkallë të madhe. Me këto veprime, L.M. ka kryer veprën penale “Fajdeja” sipas KPRK-së.

Po ashtu, në shtëpinë e tij në Korishë, gjatë kontrollit policor janë gjetur dhe sekuestruar 51 fishekë të kalibrit 7.62×39 mm, që i pandehuri i mbante pa leje, duke shkelur ligjin për armët. Me këto veprime, i njëjti ka kryer  veprën penale “Mbajtja në pronësi, kontroll ose posedim të paautorizuar të armëve” sipas KPRK-së.

I pandehuri B.K., gjatë vitit 2021 i ka dhënë në fajde shumën prej 75,000 eurosh me kamatë mujore 8% të dëmtuarit M.K. Kamata dhe borxhi janë rritur në mënyrë drastike, duke arritur shumën prej 240,000 eurosh deri në maj 2023.

Për shkak të pamundësisë së kthimit të këtyre parave, i dëmtuari detyrohet që t’ia jap të pandehurit banesën me sipërfaqe prej 300 m² dhe një lokal afarist prej 242 m², të cilat së bashku vlejnë 205,700 euro. Kjo ka shkaktuar dëm të madh financiar për të dëmtuarit në shumën prej 280,700 euro. Me këto veprime, i pandehuri B.K., ka kryer veprën penale “Fajdeja” sipas KPRK-së.

I pandehuri L.A., nga prilli i vitit 2022 e dëri në fillimin e hetimeve dhe në vazhdimësi në Suharekë, i ka dhënë borxh të dëmtuarit M.K., shumën prej 7,000 eurosh me kamatë dhjetëditore prej 2,000 eurosh, duke e detyruar të dëmtuarin të paguajë shumën disa herë më të madhe se borxhi i vërtetë. Kur i dëmtuari nuk kishte para për të paguar, i pandehuri i ka ofruar si “shpërblim” mallra të ndryshme (traktor, ëa, disa dem dhe krerë lopësh) të vlerës së konsiderueshme, duke shfrytëzuar situatën e vështirë financiare të viktimës. Për më tepër, i pandehuri ka lidhur parakontratë për marrjen e një banese në sipërfaqe prej 100m² dhe një lokal me sipërfaqe prej 100 m² në katin përdhesë dhe një garazhë me vlerë të përgjithshme prej 180,000 euro, duke shkaktuar dëm të madh financiar të dëmtuarit L.K., dhe vëllaut të tij M.K. Me këto veprime, i pandehuri L.A., ka kryer veprën penale “Fajdeja” sipas KPRK-së.

I pandehuri Xh.K., gjatë vitit 2022 e deri në fillimin e hetimeve, në Suharekë, duke përfituar nga gjendja e rënduar financiare e të dëmtuarit M.K, i jep këtij të fundit një shumë prej 10,000 euro me kamatë mujore prej 30%. I dëmtuari për një vit paguan nga 3,000 euro në muaj, duke ia dorëzuar gjithsej 36,000 euro vetëm në emër të kamatave, ndërsa borxhi bazë mbetet i papaguar. Më pas, për shkak të pamundësisë për të vazhduar pagesat, i dëmtuari i dorëzon të pandehurit krerë lopësh në vlerë prej 36,000 euro, ndërsa ky i fundit i shlyen për të edhe një borxh prej 37,000 euro ndaj një personi tjetër dhe në këmbim përpilojnë një parakontratë për shitblerjen e një lokali prej 100 m² me vlerë të deklaruar vetëm 20,000 euro, në emër të bashkëshortes së vëllait të të dëmtuarit. Gjatë një takimi më 23.08.2024, i pandehuri deklaron se obligimet e të dëmtuarit ndaj tij kishin arritur shumën prej 129,000 euro, duke përfshirë edhe dy vetura në vlerë prej 21,000 euro. Me këto veprime, të dëmtuarve M.K. dhe L.K., u është shkaktuar dëm në shkallë të madhe. Me këto veprime i njëjti ka kryër veprën penale “Fajdeja” sipas KPRK-së.

Po ashtu, Xh.K., ka mbajtur në mënyrë të paautorizuar një armë zjarri – pistoletë të llojit “Mauser – Ëerke Oberndorf GMBH” kalibër 9mm së bashku me një karikator dhe nëntë fishekë. Me këto veprime, ka kryer veprën penale “Mbajtja në pronësi, kontroll ose posedim të paautorizuar të armëve” sipas KPRK-së.

I pandehuri D.G., nga qershori i vitit 2021 deri në fillimin e hetimeve dhe më pas, në Suharekë, me qëllim përfitimi të kundërligjshëm, i jep të dëmtuarit M.K., para me fajde në shumë prej 20,000 euro me kamatë mujore 8%. Brenda një muaji e gjysmë, i dëmtuari merr në total 120,000 euro kesh, duke paguar çdo muaj kamata prej 10,000 euro, dhe në total gjatë 12 muajve paguan 120,000 euro kamata. Në qershor 2023, pasi i dëmtuari nuk mund të vazhdojë pagesat, i pandehuri kërkon nga ai dhe vëllai i tij L.K., shumën prej 320,000 euro në emër të kamatave, duke kërkuar në këmbim 750 m² banesa në fshatin Shirokë. Nga frika, të dëmtuarit pranojnë, por për shkak të vonesave në ndërtim, në maj 2024 i pandehuri kërkon rritjen e sipërfaqes së banesave në 1,180 m² (ekuivalent i 11 banesave) dhe nënshkruan parakontratë me datë 20.03.2023 për këtë shitblerje. Me këto veprime, i pandehuri i shkakton të dëmtuarve humbje të konsiderueshme prej 767,000 euro. Me këto veprime, i njëjti ka kryer veprën penale “Fajdeja” sipas KPRK-së.

Po ashtu, D.G., nga 08.02.2024 dhe në vazhdimësi, në Suharekë dhe Prishtinë, me qëllim përfitimi të kundërligjshëm, përdor forcë dhe kanosje serioze ndaj të dëmtuarve M.K., dhe L.K., për t’i detyruar të japin pronat e tyre. Më 08.02.2024, gjatë një takimi Prishtinë, ai i merr me makinë dhe gjatë rrugës, duke e kanosur M.K.,, arrijnë marrëveshje që të japin banesat prej 1,180 m² (ekuivalent i 11 banesave)  në Shirokë si pagesë për borxhet dhe kamatat. Këto veprime i shkaktojnë të dëmtuarve dëm prej 767,000 euro.Me këto veprime ka kryer veprën penale “Detyrimi”

I pandehuri K.K., nga korriku 2024 dhe në vazhdimësi, në Suharekë, duke shfrytëzuar gjendjen e rënduar financiare të të dëmtuarit M.K., i jep borxh 2,600 euro me kamatë javore prej 450 euro. Për shkak të pamundësisë për pagesë, kamatat për 16 javë grumbullohen dhe së bashku me borxhin bazë arrijnë në 9,800 euro. Këto veprime i shkaktojnë të dëmtuarit dëm në shumën prej 9,800 euro.

Me këto veprime, i njëjti ka kryer veprën penale “Fajdeja” sipas KPRK-së.

Prokurori i shtetit, me ngritjen e aktakuzës ka propozuar që të bëhet konfiskimi i mjeteve dhe sendeve të cilat kanë mundësuar kryerjen e veprës penale dhe të cilat janë dobi pasurore e fituar me vepër penale, ndër të tjera:

• Banesa dhe lokale, me sipërfaqe të përgjithshme prej 2,226 ^m2;
• Para në vlerë 9240 €; 
• Para në vlerë 1860 Franga;
• Armë;
• Telefona,
• Automjete, dokumente dhe gjësende tjera revelante

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit.

The post Aktakuzë ndaj gjashtë 6 personave për fajde në vlerë prej 1.4 milion euro – kërkohet konfiskimi dhe kthimi i 21 banesave dhe lokaleve afariste appeared first on Prizreni Sot.

“Ministria e Shëndetësisë dhe Instituti Kombëtar i Shëndetësisë Publike, njoftojnë qytetarët se me datën 1 tetor fillon vaksinimi kundër gripit. Gripi sezonal është një infeksion i rrugëve të sipërme të frymëmarrjes që përhapet lehtë dhe mund të shkaktojë komplikime serioze, veçanërisht tek: fëmijët me imunitet të dobësuar, të moshuarit, gratë shtatzëna, punonjësit shëndetësorë dhe personat me sëmundje kronike.”

Simptomat më zakonshme sipas IKSHPK janë ethet, kollitja, dhimbjet e muskujve, lodhja dhe dhimbjet e kokës.

“Vaksinimi mbetet mënyra më efektive për të mbrojtur veten dhe të afërmit tuaj nga gripi dhe komplikimet e tij. Punonjësit shëndetësorë rekomandohet fuqimisht të vaksinohen për të garantuar sigurinë e tyre dhe të pacientëve që trajtojnë. Po ashtu, gratë shtatzëna rekomandohen të vaksinohen për mbrojtje të plotë të tyre dhe të foshnjës. Profesione të tjera me rrezik të shtuar që rekomandohet të vaksinohen janë: punëtorët e Policisë së Kosovës, Forca e Sigurisë së Kosovës, banorët dhe stafi i shtëpive të të moshuarve, mësimdhënësit dhe edukatorët si dhe kujdestarët e pacientëve me imunitet të dobësuar. Vaksinimi kryhet në të gjitha qendrat e mjekësisë familjare në komunat përkatëse, të cilat janë furnizuar me vaksina nga Instituti Kombëtar i Shëndetësisë Publike (IKShPK). Ju ftojmë të paraqiteni në qendrën tuaj të mjekësisë familjare për të marrë vaksinën falas.”

The post Më 1 tetor fillon vaksinimi kundër gripit, IKSHPK del me njoftim appeared first on Prizreni Sot.

Njëri, E.G. 22 vjeç, është arrestuar nën dyshim për “trafikim të miturve”, ndërsa A.K. 18 vjeç dyshohet për “moskallëzim të krimit”. Të dy janë nga Berati.

Policia thotë se familjarët kishin raportuar të dielën se 14-vjeçarja ishte larguar nga banesa.

“Tentoi të kalonte në kufi, një shtetase të mitur, me qëllim trafikimin e saj në Kosovë, arrestohet në flagrancë 22-vjeçari. Arrestohet dhe pasagjeri në automjetin e 22-vjeçarit, për moskallëzim të krimit. Shërbimet e Policisë Kufitare në Morinë, në vijim të punës për goditjen e paligjshmërive në kufi, bazuar dhe në analizën e riskut, kanë ndaluar në dalje të RSh-së, automjetin me drejtues shtetasin E. G., 22 vjeç, i cili udhëtonte me shtetasin A. K., 18 vjeç, dhe me një shtetase 14 vjeçe. Nga hetimet dyshohet se shtetasi E. G. po tentonte ta kalonte në kufi, 14-vjeçaren, me qëllim trafikimin e saj në Kosovë. Në vijim të veprimeve, specialistët për Hetimin e Trafiqeve të Paligjshme arrestuan në flagrancë shtetasit: E. G., 22 vjeç, banues në Berat, për veprën penale”Trafikimi i të miturve”; A. K., 18 vjeç, banues në Berat, për veprën penale “Moskallëzimi i krimit”. Më datë 28.09.2025, në DVP Durrës, kanë kallëzuar familjarët e 14-vjeçares, për largimin e saj nga banesa. Vijojnë hetimet për rastin. Materialet procedurale iu referuan Prokurorisë, për veprime të mëtejshme”, thuhet në njoftim.

The post Arrestohen dy persona në Morinë, dyshohen se po tentonin ta trafikonin një 14 vjeçare në Kosovë appeared first on Prizreni Sot.

Përmes raportit 24 orësh Policia e Kosovës, ka dhënë detaje të reja.

Sipas raportit thuhet se aksidenti ka ndodhur si rezultat i humbjes së kontrollit nga drejtuesi i veturës, i cili ka kaluar në shiritin e kundërt të rrugës dhe është përplasur frontalisht me një autobus që po vinte në kahun e kundërt.

Si pasojë e përplasjes një mashkull kosovar ka ndërruar jetë në vendin e ngjarjes, kurse katër persona të tjerë kanë pësuar lëndime trupore, përfshirë drejtuesin e veturës.

Tre nga të lënduarit janë dërguar për trajtim mjekësor në Spitalin e Prizrenit, ndërsa drejtuesi i veturës, i cili ka pësuar lëndime të rënda, është transferuar për trajtim të specializuar në Qendrën Klinike Universitare të Kosovës (QKUK) në Prishtinë.

Në vendin e ngjarjes kanë dalë njësitet policore për menaxhimin e aksidenteve, njësia e hetimeve dhe prokurori i rastit, i cili ka urdhëruar ndalimin e të dyshuarit – drejtuesin e veturës.

Trupi i pajetë i viktimës është dërguar në Institutin e Mjekësisë Ligjore (IML) për obduksion. /Telegrafi/

The post Detaje nga aksidenti me fatalitet në Suharekë – u lënduan katër persona, ndalohet shoferi i veturës appeared first on Prizreni Sot.

Njëri shofer është gjobitur me 500 euro, 4 pike negative dhe ndalim vozitje për 12 muaj.

Ndërsa shoferit tjetër i është bërë fletëparaqitje për gjykatë për kundërvajtjen në fjalë, si dhe për ngasje pa patentë-shofer, në kundërshtim me rregullat e trafikut rrugor.

“Me datë 25 shtator 2025, njësitet policore të Stacionit Policor Rahovec, gjatë realizimit të detyrave të tyre ligjore dhe bazuar edhe në informata të qytetarëve si dhe në verifikimin e kamerave të sigurisë, kanë ndërmarr masa ligjore ndaj dy shoferëve lidhur me kundërvajtje të rënda në komunikacionin rrugor. Më datë 25.09.2025, në rrugën “Mizahir Isma” në Rahovec, nga patrullat policore janë identifikuar dy shoferë të cilët me automjetet e tyre me datën 22.09.2025 kishin bërë gara shpejtësie, duke rrezikuar pjesëmarrësit tjerë në trafik. Veprime këto të raportuara nga qytetarët dhe të verifikuara nga kamerat e sigurisë. Njërit nga shoferët i është shqiptuar gjoba prej 500 euro, i janë shqiptuar 4 pikë negative dhe është marrë masa e ndalimit të drejtimit të automjeteve për 12 muaj. Ndërsa shoferit tjetër i është bërë fletëparaqitje për gjykatë për kundërvajtjen në fjalë, si dhe për ngasje pa patentë-shofer, në kundërshtim me rregullat e trafikut rrugor.”

“Drejtoria Rajonale e Policisë në Gjakovë apelon tek të gjithë qytetarët që të respektojnë rregullat dhe ligjet e komunikacionit rrugor, duke pasur parasysh se shpejtësia mbi normat e lejuara dhe pjesëmarrja në gara të paligjshme paraqesin rrezik të madh për jetën dhe sigurinë e qytetarëve. Policia e Kosovës mbetet e përkushtuar në parandalimin dhe luftimin e dukurive të tilla, duke ndërmarrë masa ligjore ndaj të gjithë shkelësve të rregullave të komunikacionit.”

The post Po bënin gara shpejtësie, policia gjobit dy shoferë në Rahovec appeared first on Prizreni Sot.

“Kemi qenë gjithmonë pranë bizneseve të qytetit tonë, por në mandatin e dytë mbështetja do të jetë edhe më e madhe, sidomos për bizneset e vogla dhe tradicionale që e bëjnë Prizrenin unik” – tha Kryetari Totaj.

Ai gjithashtu theksoi: “Lagjja Jeni Mahallë do të ketë një transformim të madh me projektin e ri të tregut të gjelbër dhe investimet infrastrukturore që kemi planifikuar. Kjo do të krijojë kushte më të mira për bizneset dhe qytetarët”.

The post Shaqir Totaj dhe Levent Bush së bashku takojnë bizneset e “Jeni Mahallës” në Prizren appeared first on Prizreni Sot.

Sipas Policisë, Sh.D., ishte i dënuar me një vit e 20 ditë burgim efektiv me vendim të plotfuqishëm të Gjykatës Themelore të Prizrenit.

54-vjeçari fillimisht ishte dërguar në stacionin Policor Prizren dhe më pas në burg në vuajtje të dënimit.

“Me datën 24.09.2025, policët e Stacionit Policor Prizren, në kuadër të Task Forcës dhe planit operativ ‘Realizimi i urdhëresave 2025’, kanë arritur që të lokalizojnë dhe të arrestojnë të dyshuarin Sh. D., mashkull, 54 vjeçar nga Prizren. I njëjti ka qenë në kërkim pasi që ka qenë i dënuar me 1 (një) vit e 20 ditë burg efektivë me vendim të plotfuqishëm të Gjykatës Themelore të Prizrenit. I arrestuari Sh. D. fillimisht është sjellë në stacionin Policor Prizren dhe më pas është dërguar në burg në vuajtje të dënimit”, thuhet në njoftimin e PK-së.

The post Arrestohet një 54 vjeçar, ishte i kërkuar nga Gjykata Themelore në Prizren appeared first on Prizreni Sot.

Në raportin 24 orësh të policisë thuhet se të dyshuarit me veturë u munduan të bëjnë kontrabandë me emigrantë me qëllim të përfitimit pasuror.

Të dyshuarit kanë deklaruar se destinacionin kanë pasur Mitrovicën.

Për rastin është njoftuar prokurori.

The post Dy të arrestuar në Shkozë të Prizrenit për kontrabandim të emigrantëve appeared first on Prizreni Sot.

Sipas aktakuzës, i pandehuri Sh.H., nga fshati Greme-Komuna e Ferizajt, në bashkëkryerje me V.G., shtetas i Bullgarisë, me qëllim përfitimi pasuror të kundërligjshëm, me datë 12.01.2025 në ora 03:40min të mëngjesit, vijnë në Prizren, ku e parkojnë makinën në një parking afër vendit të ngjarjes dhe, duke përfituar nga mungesa e njerëzve, të maskuar dhe të pajisur me mjete të përshtatshme, sigurojnë një palë shkallë, çaktivizojnë sistemin e alarmit dhe hyjnë me forcë në argjendarinë “G”në Prizren.
Të njëjtit, arrijnë të marrin rreth 3 kg ari 14 karatësh, 1 pesë-lirësh, 2 lira, disa hallka dore, 1 kg argjend dhe një peshore.

Vlera e përgjithshme e dëmit të shkaktuar pronarit A.B., është rreth 195,000 euro. Më pas të pandehurit kthehen në parking dhe qëndrojnë aty deri në orën 06:00min, më pas largohen drejt fshatit Greme në Ferizaj, në shtëpinë e Sh.H. Me këto veprime, të pandehurit në bashkëkryerje kanë kryer veprën penale “Vjedhja e rëndë” sipas KPRK-së.

Po atë natë, të njëjtit në argjendarinë “S.G.”në Prizren, në bashkëkryerje dhe me qëllim përfitimi të kundërligjshëm, dhe me përdorim të forcës fizike dhe me mjete të depërtojnë brenda lokalit të të dëmtuarit M.S. Pasi hyjnë brenda, tentojnë të hapin kasafortën me forcë, por nuk arrijnë ta hapin, dhe më pas largohen nga vendi i ngjarjes. Me këto veprime, Sh.H., në bashkëkryerje ka kryer veprën penale “Vjedhja e rëndë e mbetur në tentativë” sipas KPRK-së.
Ndërsa, më 23 janar 2025, në rrugën “Mbreti Pirro” në Prizren, i pandehuri Sh.H., me qëllim përfitimi pasuror të kundërligjshëm, depërton me forcë në objektin e të dëmtuarit S.A., duke thyer xhamin e pjesës së mbyllur të objektit, dhe nga aty merr një modem interneti dhe një DVR, si dhe dëmton kabllot e sistemit të kamerave. Me këto veprime, i njëjti ka kryer veprën penale “Vjedhja e rëndë” sipas KPRK-së.

Prokurori i shtetit, me ngritjen e aktakuzës ka propozuar që të bëhet konfiskimi i mjeteve dhe sendeve të cilat kanë mundësuar kryerjen e veprës penale dhe të cilat janë dobi pasurore e fituar me vepër penale, ndër të tjera:
Një (1) apartament në sipërfaqe prej 117 m2 në Ferizaj;
Automjeti i markës Renault/RFB i markës “Megane”, ngjyrë e kaltër;
Automjeti i markës “BMW/1K4”, ngjyrë e zezë;
Automjeti i markës “BMW/Z3”, ngjyrë e zezë;
Automjeti i markës “STELS/650-ST Traktor”;
Një (1) automjet të markës “Peugeot 308”.

Po ashtu, prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartëcekur për veprat penale për të cilat akuzohet të shpallet fajtorë dhe të dënohet sipas ligjit, thuhet në fund të këtij njoftimi nga Prokuroria e Prizrenit.

The post Aktakuzë ndaj të dyshuarit nga Ferizaj që kishte vjedhur 3 kg. ari nëpër argjendaritë e Prizrenit appeared first on Prizreni Sot.

1. Sistemi i ujitjes për tokat bujqësore

Fshatrat e Përdrinisë kanë mungesë të një sistemi modern ujitjeje. Investimi në kanale dhe rrjete shpërndarëse do të rriste rendimentin bujqësor dhe do të ulte varësinë nga kushtet atmosferike.

2. Stacionet anti-breshër

Breshëri çdo vit po shkakton dëme të mëdha në kulturat bujqësore. Ndërtimi i stacioneve anti-breshër do të mbronte fermerët dhe do të siguronte investimet e tyre.

3. Subvencionimi i fermerëve

Fermerët kanë nevojë për mbështetje jo vetëm për makineritë bujqësore, por edhe për naftën dhe plehrat artificiale. Subvencionimi i këtyre inputeve ul koston e prodhimit dhe rrit konkurrencën e produkteve vendore.

4. Rehabilitimi i shtratit të lumit Toplluha

Lumi Toplluha, i cili në shumë vende është ngushtuar, del shpesh nga shtrati duke përmbytur qindra hektarë tokë të mbjellur. Pastrimi dhe zgjerimi i tij është domosdoshmëri për të shmangur dëmet bujqësore.

5. Elektrifikimi dhe pastrimi i mbeturinave

Shumë fshatra kanë probleme me rrjetin elektrik dhe me mungesën e mirëmbajtjes së ndriçimit publik. Edhe pastrimi i mbeturinave shpesh është joefikas. Kërkohet një menaxhim më serioz dhe më efikas, si në qytet, ashtu edhe në fshatra.

6. Ndërtesat shumëkatëshe në Prizren

Një problem tjetër serioz është mungesa e menaxhimit në ndërtesat shumëkatëshe në qytet. Shumë prej tyre nuk kanë ashensorë funksionalë, mungon higjiena dhe furnizimi i rregullt me ujë e rrymë.

Zgjidhja është themelimi i një kompanie publike komunale, e cila do të merret me mirëmbajtjen dhe pastrimin e këtyre ndërtesave, duke garantuar standarde më të larta të jetesës urbane.

⸻

Përfundim

Zhvillimi i bujqësisë dhe menaxhimi i duhur urban janë dy shtyllat kryesore për një Prizren më të qëndrueshëm. Investimet në ujitje, mbrojtje nga breshëri, subvencione, pastrimin e lumit, elektrifikimin dhe menaxhimin e ndërtesave shumëkatëshe janë hapa konkretë që do të ndikojnë drejtpërdrejt në jetën e qytetarëve dhe fermerëve.

Duke votuar LDK  me Dritan Selmanajn kryetar,

Dhe mua Qemal Krasniqi me nr 11

këto projekte do të realizohen shpejt dhe lehtë

The post Qemal Krasniqi: Nevojat prioritare për zhvillim në fshatrat e Përdrinisë dhe qytetin e Prizrenit appeared first on Prizreni Sot.

Organizimi u bë i mundur nga shoqata “Iliria München”, në bashkëpunim me Konsullatën e Përgjithshme të Republikës së Shqipërisë dhe Konsullatën e Përgjithshme të Republikës së Kosovës në Mynih.

Veshjet tradicionale shqiptare u bënë pjesë e paradës së famshme “Trachten- und Schützenzug”, ku flamuri i Shqipërisë dhe ai i Kosovës u ngritën krah për krah në një atmosferë festive.

Për këtë ngjarje ka reaguar edhe kryeministri Edi Rama, i cili shkruan se Xhubleta shkëlqeu me format unike, trashëgimia e të cilës mbrohet nga UNESCO.

“Parakalimi i veshjeve tona tradicionale, për herë të parë në Oktoberfest, njëra nga festat më popullore në botë, ku Xhubleta shqiptare shkëlqeu me format e saj unikale”, shkruan Rama.

Oktoberfest, i cili për herë të parë u mbajt në vitin 1810, ka evoluar ndër vite duke u shndërruar në një nga ngjarjet më të rëndësishme të Gjermanisë. Festa zhvillohet nga 20 shtatori deri më 5 tetor 2025 në parkun e njohur Theresienwiese, ku çdo vit tërheq miliona vizitorë nga e gjithë bota.

Ashtu si tradita e kërkon, të dielën e parë të festivalit u mbajt parada e kostumeve tradicionale, ku për herë të parë mori pjesë edhe komuniteti shqiptar atje.

Përveç paradës, Oktoberfest vijon me atmosferën e zakonshme festive: ushqim bavarez, birrë tradicionale të Mynihut, lojëra dhe atraksione të shumta që e bëjnë këtë festë një përvojë unike për vizitorët.

The post Kultura dhe veshjet tradicionale shqiptare prezantohen për herë të parë në “Oktoberfest” në Mynih appeared first on Prizreni Sot.

Mallrat janë ndaluar përkohësisht dhe rasti është trajtuar si kundërvajtje doganore, në përputhje me nenin 244 të Kodit Doganor dhe të Akcizave të Kosovës (KDAK).

Dogana e Kosovës rikujton të gjithë qytetarët dhe bizneset se deklarimi i saktë i mallrave gjatë hyrjes në territorin e Republikës së Kosovës është obligim ligjor. Çdo tentativë për shmangie nga deklarimi përbën kundërvajtje dhe do të trajtohet sipas dispozitave ligjore në fuqi.

The post Ndalohen mallra të padeklaruara në Vermicë appeared first on Prizreni Sot.

Postimi i plotë:

Me qeverisjen e Komunës nga LDK, ky sektor do të ketë trajtim të veçantë, programe/projekte dhe marrëveshje bashkëpunimi me donatorë e shoqata bamirëse, nga të cilat do të fitojnë direkt familjet në nevojë.

Përgjatë viteve 2018-2019 kur unë kam menaxhuar me këtë sektor, vetëm në programin “Ndërtimi i shtëpive për familje skamnore”, kemi bërë marrëveshje qindra mijëra euro me shoqatën bamirëse “Jetimat e Ballkanit” nga e cila marrëveshje familjet skamnore kanë përfituar direkt.

Janë fituar 750.000€ ( shtatëqind e pesëdhjetë mijë euro ).

Janë ndërtuar komplet edhe të mobiluara 50 ( pesëdhjetë ) shtëpi

Me LDK në pushtet, në katër vitet e ardhme do të punojmë që të sigurohen marrëveshje të tilla, përmes të cilave do të përfitonin #qindra familje në nevojë

Mos aftësia e qeverisjes lokale aktuale për bashkëpunime të tilla nuk falet. Më shumë se kaq, ajo duhet dhe meriton të ndëshkohet.

Prandaj, të dashur qytetarë të komunës sonë; përkrahja për Driton Selmanaj kryetar të komunës është më se e nevojshme, është tashmë e domosdoshme.

Zëri e puna ime në katër vitet e qeverisjes së LDK-së janë vetë kërkesat e qytetarëve të komunës sonë.

LDK 113

Dr. Fejzë Kabashi

The post Fejzë Kabashi: Marrëveshje për Donacione me qeverisjen e Komunës nga LDK do të ketë trajtim të veçantë appeared first on Prizreni Sot.

Postimi i Plotë:

Më në fund një lajm i mirë!

Qeveria e Republikës së Kosovës ka miratuar vendimin për shpronësimin e pronës që është nën menaxhimin e AKP-së, në lagjen Arbanë.

Rreth dy vite më parë, në Kuvendin e Prizrenit kemi inicuar dhe proceduar kërkesën për shpronësimin e kësaj prone, e cila është e destinuar për ndërtimin e objekteve edukativo-arsimore dhe sportive.

Aktualisht në proces është edhe prona tjetër e cila është e dedikuar për stadiumin e lagjes. Për këtë arsye, jemi vazhdimisht në kërkim të miratimit të saj dhe shpresojmë që Qeveria e Republikës së Kosovës të aprovojë sa më shpejt edhe këtë kërkesë shumë legjitime dhe shumë të nevojshme.

Urime për të gjithë qytetarët e lagjes Arbanë.

The post Bajam Kastrati: Më në fund një lajm i mirë! Miratohet vendimi për shpronësimin e pronës që është nën menaxhimin e AKP-së, në lagjen Arbanë appeared first on Prizreni Sot.

Postimi i plotë:

Mirëqenie Sociale: Banimi ( kulmet )

Me qeverisjen e Komunës nga LDK, ky sektor do të ketë trajtim të veçantë, programe/projekte nga të cilat do të fitojnë direkt familjet në nevojë.

Përgjatë viteve 2018-2019 kur unë kam menaxhuar me këtë sektor, vetëm nga programi i “Kulmeve”, kanë përfituar 31 + 40= 71 familje nevojtare

Vlen të ceket se edhe për vitet 2020 e 2021 është lënë #kontrata aktive e lidhur nga prokurimi (kornizë-sipas nevojës mund t’i shtoheshin numrit të përgjithshëm 120 kulme edhe 30% e sasisë), përmes së cilës çdo vit do të ndërtoheshin nga 40 kulme të reja + 30 % e kësaj kontrate.

Me LDK në pushtet, në katër vitet e ardhme do të #meremetohen/ndërtohen mbi 200 #kulme nga Komuna (me mundësi shtimi sipas kërkesave të familjeve nevojtare). Nuk do të ketë më familje nevojtare që jetojnë me kulme që rrjedhin ujë dhe të pa izoluara sipas standardeve.

Këto familje kanë nevojë për përkrahjen e Komunës çdo dit, çdo javë, çdo muaj e çdo vit.

Asesi nuk duhet të abuzohet me ta e të shfryzëzohen veç për votë, siç e dëshmoi këtë pushteti aktual kur pas katër viteve pushtet, tash në kohë fushatash i shpalli listat (zgjedhet Qendrore), dhe fillimi i punimve për kulme tash (zgjedhjet lokale) !

Kjo formë #mashtrimi duhet të #ndërpritet, pikë.

Prandaj, të dashur qytetarë të komunës sonë; përkrahja për Driton Selmanaj kryetar të komunës është më se e nevojshme, është tashmë e domosdoshme.

Zëri e puna ime në katër vitet e qeverisjes së LDK-së janë vetë kërkesat e qytetarëve të komunës sonë.

#LDK 113

Dr. Fejzë Kabashi

The post Fejzë Kabashi: Me qeverisjen e Komunës nga LDK do të kenë prioritet programet/projektet nga të cilat do të fitojnë direkt familjet në nevojë appeared first on Prizreni Sot.

Kështu është bërë e ditur në mbledhjen e Komisionit Qendror të Zgjedhjeve më 17.09.2025.

Drejtori për Regjistrimin, Certifikimin dhe Kontrollin Financiar të Subjekteve Politike në KQZ, Besnik Buzhala bëri të ditur se deri më tani, rreth 10,000 pako individuale me fletëvotime janë dërguar jashtë Kosovës, ndërsa edhe 5,000 të tjera janë kompletuar dhe do të dërgohen gjatë ditës.

Në këtë mbledhje, KQZ konfirmoi adresat e kutive postare për votimin me postë nga jashtë Kosovës.

Me qëllim të ofrimit të mundësisë për votim për shtetasit që janë regjistruar për të votuar përmes postës, KQZ bëri të ditur se kutitë postare janë funksionale në këto shtete: Australi, Austri, Belgjikë, Çeki, Danimarkë, Francë, Gjermani, Holandë, Hungari, Itali, Kanada, Kosovë, Kroaci, Mali i Zi, Maqedonia e Veriut, Mbretëria e Bashkuar, Norvegji, ShBA, Shqipëri, Slloveni, Suedi, Turqi dhe Zvicër.

Votimi me postë për votuesit jashtë Kosovës për zgjedhjet lokale ka filluar më 17.09.2025 do të zgjatë deri më 11.10.2025.

Mundësi për votim me postë kanë të gjithë votuesit e regjistruar për votuar me postë për kryetarë të komunave dhe për Kuvend Komunale.

Komisioni Qendror i Zgjedhjeve ka njoftuar se kjo periudhë 25 ditore do të vlejë vetëm për 43 mijë e 933 votues që kanë arritur të regjistrohen suksesshëm si votues jashtë Kosove.

“Në përputhje me detyrimet e përcaktuara në Rregulloren Zgjedhore Nr. 04/2025 për regjistrimin dhe votimin jashtë Kosovës, sipas të cilave KQZ do të sigurohet që shtetasve të Kosovës të regjistruar për votim me postë t’ua dërgojë përmes postës pakon me fletëvotime, KQZ ka përgatitur pakot për secilin votues të regjistruar, e cila përmban nga dy fletëvotime, një për zgjedhjet për Kryetar Komune dhe një për Zgjedhjet për Kuvend Komunal” – ka njoftuar mes tjerash KQZ.

KQZ njofton se ka nisur përmes postës pako me fletëvotime për votuesit e regjistruar në disa shtete dhe se shërbimet postare do ta përcjellin tek votuesit e regjistruar në adresat e dhëna prej tyre gjatë procesit të regjistrimit.

Në ndërkohë do të vazhdohet dërgimi edhe i pjesës tjetër të pakove me fletëvotime.

“Zarfi i cili do t’i dërgohet votuesit, përmban: fletëvotimet; zarfin e fshehtësisë; udhëzuesin me informacione se si plotësohen fletëvotimet dhe si realizohet votimi përmes postës; zarfin kthyes dhe shiritin mbyllës” – njofton KQZ.

Votuesi ka për detyrë që pakon me fletëvotime ta dërgoj në ndonjë nga kutitë postare të KQZ-së.

KQZ ka njoftuar se në shumicën e zarfeve ka shënuar paraprakisht adresën e kutisë postare në shtetin përkatës të votuesit i cili është i regjistruar.

Megjithëkëtë, në rastet kur adresa nuk është shkruar nga KQZ, votuesi duhet që ta shkruaj njërën nga adresat e kutive postare të KQZ-së.

Lëvizja Vetëvendosje ka numrin 105; 191 Partia Demokratike e Kosovës; 113 Lidhja Demokratike e Kosovës; 174 Aleanca për Ardhmërinë e Kosovës; 186 NISMA Socialdemokrate; 170 Lista Serbe; 103 Alternativa; 118 Partia Guxo; 149 Partia Socialdemokrate.

Në këtë link mund të gjeni listën e plotë të numrave të subjekteve politike.

Numri i përgjithshëm i kandidatëve që përfaqësojnë këto subjekte politike është 5,626, prej të cilëve: 206 kandidatë për Kryetarë të Komunave dhe 5,420 për anëtarë të Kuvendeve Komunale.

Zgjedhjet e fundit lokale në Kosovë janë mbajtur më 17.10. 2021. Në zgjedhjet e kaluara ka prirë LDK për nga numri më i madh i votave, e pasuar nga LVV, e treta PDK, dhe e katërta AAK./Kallxo.com

The post Mbi 43 mijë shtetas të Kosovës janë regjistruar për të votuar me postë appeared first on Prizreni Sot.