Kërkohet e dyshuara që vodhi pije alkoolike në Prizren

Policia ka publikuar fotografinë e një gruaje që syhohet se ka vjedhur pije alkoolike në një qendër tregtare.

Rasti ka ndodhur më 21 maj të këtij viti, rrethorës 18:15, në rrugën “ Rruste Kabashi ” në Prizren.

“Pas raportimit, në kamera sigurisë nga policia është vërejte një femër të moshës së re e cili merr disa pije dhe largohet në drejtim të panjohur. Nga video regjistrimet nga kamerat e sigurisë është siguruar fotografi e të dyshuarës, mirëpo deri më tani nuk është rezultuar në identifikim i tij. Me qëllim të ndriçimit të rastit nga Prokuroria Themelore në Prizren, kemi marr Autorizimin në pajtim dispozitave të nenit 76 prag 2 te KPPRK-së, për publikimin e fotografive të dyshuarës në mediume televizive dhe media sociale, ku kërkohet bashkëpunim-ndihmë nga qytetarët në ofrimin e informatave, që do të na ndihmonin në identifikim dhe arrestimin e të dyshuarës.”

Policia ka kërkuar nga qytetarët ndihmë për identifikimin dhe lokalizimin e të dyshuarës.

“Andaj kërkojmë bashkëpunim nga të gjithë qytetarët, që nëse kane çfarëdo informate apo din diçka për vendndodhjen e të dyshuarës në foto, të raportojnë policinë në Prizren në numrin 192, në rrjetet sociale , ne faqen zyrtare të Facebook-ut të policisë apo në cilin do stacion të policisë në Kosovë.”