Me ndihmën e qytetarëve në Prizren identifikohet i dyshuari për “Shperdorim të pasurisë së huaj”

Drejtoria rajonale e Policisë në Prizren, Stacioni Policor Prizren falë bashkëpunimit me media dhe qytetarë ka arritur që të identifikoj dhe lokalizoj vendqëndrimin e të dyshuarit H.R. (viti i lindjes 1982, mashkull kosovar shqiptar) i cili jeton dhe vepron përkohësisht jashtë Republikës së Kosovës.

Ai ishte i kërkuar nga ana Policisë së Kosovës me dyshimin për përfshirje në rastin ,,Shpërdorim i pasurisë së huaj’’. I njëjti është intervistuar në bazë të procedurave ligjore, ku janë gjetur prova të qëndrueshëm se i dyshuari në fjalë është i involvuar në këtë rast.

Në lidhje me këtë është njoftuar prokurori i shtetit i cili ka urdhëruar që rasti të procedohet në Prokurorinë Themelore në Prizren.

Drejtoria rajonale e Policisë në Prizren falënderon mediat dhe qytetaret në ofrimin e ndihmës për identifikimin e personit të lartcekur.