Një polic goditet nga një motoçiklist në Prizren

Policia e Kosovës e ka arrestuar një person në Prizren të hënën, pasi dyshohet se e ka goditur me motoçikletë një zyrtar policor.

Rasti ka ndodhur në fshatin Vlashnje, ku i dyshuari pas arrestimit është dërguar në mbajtje, derisa polici ka pranuar trajtim mjekësor.

Rasti është iniciuar si “sulm ndaj personit zyrtar”.

“Është arrestuar i dyshuari mashkull kosovar, pasi që me motoçikletë ka goditur zyrtarin policor. Zyrtari ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në njoftimin policor.