Qendra Rajonale për Trashëgimi Kulturore në Prizren hap ekspozitë në qytetin e Beratit

Në kuadër të zbatimit të kalendarit të përbashkët kulturor ndërmjet Ministrisë së Kulturës, Rinisë dhe Sportit të Kosovës dhe Ministrisë së Kulturës së Republikës së Shqipërisë, me datë 12.05.2022 në ora 11:00 në Qendrën Mesjetare në Berat, Qendra Rajonale për Trashëgimi Kulturore në Prizren hap ekspozitën “Trashëgimia e Prizrenit në Berat” si rezultat i bashkëpunimit me Drejtorinë Rajonale të Trashëgimisë Kulturore- Berat.

Ekspozita “Trashëgimia e Prizrenit në Berat” do të prezantoj monumentet më të veçanta të trashëgimisë kulturore të qytetit të Prizrenit, ku do të prezantohen 21 monumente më karakteristike që përshkruajnë evoluimin e trashëgimisë arkitekturore nga antikiteti e deri tek shtëpitë tradicionale të shekullit XIX-XX.