Sot fillon ekzekutimi i 10 përqindëshit
Nga sot do të filloj ekzekutimi i pagesave për një pjesë të përfituesve të 10 përqindëshit të TRUST-it. Kështu ka njoftuar Fondi i Kursimeve Pensionale i Kosovës.
Sot do të filloj ekzekutimi i pagesave për aplikimet e realizuara më datë 11 dhjetor, ku në këtë ditë kanë aplikuar 219 mijë e 729 kontribuues dhe për ta do të shpaguhen rreth 112.2 milionë euro.
“Pas përpjekjeve maksimale nga stafi i Trustit, që pagesat të kryhen sa më shpejt, ju bëjmë të ditur se sot, gjatë ditës, fillon ekzekutimi i pagesave për aplikimet e realizuara më datë 11 dhjetor 2020. Pas dërgimit të mjeteve në banka, presim që pagesat të dalin në llogari të përfituesve brenda 24 orëve. Për informim, më 11 dhjetor kanë aplikuar 219,729 kontribuues dhe për ta do të shpaguhen rreth 112.2 milionë euro”, thuhet në njoftimin e Fondit të Kursimeve Pensionale të Kosovës.
Kurse, gjatë së martës do të ekzekutohen pagesat për aplikimet e realizuara prej 12 deri më 17 dhjetor.
“Ndërsa nesër, më 22 dhjetor, do të ekzekutohen pagesat për aplikimet e realizuara prej 12 deri 17 dhjetor 2020. Edhe ato presim të dalin në llogari brenda 24 orëve të tjera. Këtu përfitues janë 137,543 kontribuues me rreth 58.3 milionë euro”, njoftojnë nga TRUST.
Shuma totale e aplikimeve në 7-ditëshin e parë, prej 170.5 milionë euro, është e përbërë nga: kontributet në masën 137.7 milionë euro dhe fitimet nga investimet në vlerë 32.8 milionë euro.
Fondi i Kursimeve Pensionale të Kosovës lusin të gjithë kontribuuesit që t’i përmbahen udhëzimeve të dhëna nga bankat, që për tërheqjen e mjeteve t’i përdorin kartelat bankare ose pagesat përmes e-banking dhe të shmangin vizitat fizike nëpër banka.
