RREGULLON SHEQERIN NË GJAK

Agjërimi rregullon reagimin e trupit ndaj hormonit insulinë, i cili kontrollon sheqerin në gjak. Kur sheqeri në gjak rregullohet, zvogëlon rrezikun e shtimit në peshë dhe diabetit, dy faktorë rreziku për sëmundjet kardiovaskulare dhe probleme të tjera shëndetësore të lidhura me zemrën.

PARANDALON SËMUNDJET

Shkëputja e vakteve rutinë i jep trupit kohë për t’u fokusuar në funksione të tjera të rëndësishme, duke përfshirë parandalimin e sëmundjeve. Disa studime kanë zbuluar se agjërimi zvogëlon rrezikun e sëmundjeve të tilla si: sëmundjet e zemrës, skleroza e shumëfishtë dhe artriti reumatoid.

PESHA E MIRËMBAJTUR

Studimet tregon se agjërimi mund të ndihmojë në humbjen e yndyrës dhe të përmirësojë lipidet e gjakut. Kjo nuk është e gjitha. Studime të tjera tregojnë se agjërimi rrit aftësinë e metabolizmit për të djegur yndyrën, për të ruajtur masën muskulore dhe për të përmirësuar përbërjen e trupit te njerëzit me mbipeshë.

MUNDËZON QELIZAT TË PUNOJNË MË ME EFICIENCË

Një nga përfitimet e agjërimit është se ai mund të shkaktojë një proces të quajtur autofagji, sistemi i riciklimit qelizor të trupit tuaj. Duke vepruar si një lloj kontrolli i cilësisë për qelizat tuaja, autofagjia i lejon trupit të shpërbëjë dhe ripërdorë pjesët e vjetra të qelizave në mënyrë që ato të funksionojnë në mënyrë më efikase. E thënë thjesht, ky është një lloj pastrimi i trupit. Trupi shpëton nga qelizat e mutuara që shkaktojnë Alzheimer, Parkinson ose kancer.

PËRMIRËSON AFTËSITË E TË NXËNIT

Meqenëse trupi nuk kryen aktivitete të tilla si tretja, ai fokusohet në aktivitete të ndryshme. Një prej tyre është aftësitë e të mësuarit, perceptimit dhe kujtesës. Trupi i uritur gjen më shumë kohë për këto, gjë që rrit nivelin e perceptimit dhe kujtesës së personit.

The post 5 përfitimet shëndetësore të agjërimit appeared first on Prizreni Sot.

Agjërimi është sot pjesë e kremtimeve të ndryshme fetare, duke filluar nga feja muslimane, hebraike, e krishtere dhe ajo ortodokse.

Besimtarët e këtyre feve agjërojnë për një total prej 180-200 ditësh çdo vit. Në mjekësi, agjërimi është gjithashtu pjesë e përgatitjes së operacionit.

Nëse jeni duke iu nënshtruar një operacioni ose ndonjë lloj procedure që përfshin anestezinë, do t’ju kërkohet të agjëroni, për të shmangur të përzierat dhe për t’u siguruar që asnjë ushqim ose lëng nuk futet në mushkëri.

Çdo lloj forme e agjërimit ka listën e vet të përfitimeve dhe rreziqeve që duhet të merren parasysh me kujdes bazuar në statusin dhe qëllimet tuaja kryesore shëndetësore.

Agjërimi mund të nxisë djegien e dhjamit

Kur agjëroni, trupi juaj konsumon glukozën e ruajtur në mëlçi për energji dhe pikërisht atëherë filloni të digjni yndyrën. Kjo quhet ketosis dhe mund të çojë në humbje peshe.

Ndikon tek cilësia e gjakut

Agjërimi mund të ndihmojë në përmirësimin e kolesterolit, presionit të gjakut, niveleve të sheqerit në gjak ose glukozës, ndjeshmërinë ndaj insulinës dhe problemeve të tjera shëndetësore.

Ata që agjërojnë rregullisht mund të jetojnë më gjatë

Në dy studime të ndryshme, ku personat vullentatë kishin probleme me zemrën, u vu re se mbas disa vitesh agjërim, patën një ulje të rrezikut të vdekshmërisë, krahasuar me ata pacientë që nuk agjëruan. Studimi ishte vëzhgues, kështu që nuk provon shkakun dhe pasojën. Por agjërimi mund të jetë tregues për një mënyrë jetese të shëndetshme.

Çfarë ha para dhe pas agjërimit, ka shumë rëndësi

Studiuesit sugjerojnë të hani ushqime të shëndetshme para agjërimit, duke përfshirë fruta, perime dhe proteina. Kur të keni përfunduar agjërimin, rivendosni gradualisht ushqimet në mënyrë që të mos e teproni.

Agjërimi nuk është për të gjithë

Lista e njerëzve që nuk duhet të agjërojnë përfshin gratë shtatzënë ose që ushqejnë gji, njerëzit me diabet dhe ata që marrin ilaçe.

The post Disa nga përfitimet shëndetësore nga agjërimi appeared first on Prizreni Sot.