Çmimet e arit janë rritur në nivelet më të larta rekord, me shifrat që ka shënuar një kulm të ri prej 2450 dollarë për onz këtë javë. Edhe argjendi arriti nivelet më të larta shumëvjeçare në fillim të javës së kaluar.

Çmimet e metalit të verdhë kanë ruajtur vrullin e tyre rritës, edhe pse dollari amerikan është luhatur në tregje.

Kina është sot blerësi më i madh i lingotave të arit dhe argjendit, pasi vendi kaloi Indinë në vitin 2023, në tregun e bizhuterive.

Konsumatorët kinezë u renditën në krye, pasi blenë 603 tonë ar vitin e kaluar, me rritje10% nga viti 2022.

Analistët në SHBA parashikojnë shtrenjtim të mëtejshëm gjatë këtij viti, me çmimin që mund të arrijë deri në 3000 dollarë për onz.

Edhe argjendi u rrit mbi 31 dollarë për onz në nivelin më të lartë të një dekade, mes rritjes së interesit të investitorëve dhe sfidave të ofertës.

Aktualisht argjendi tregtohet me 31.7 dollarë për onz. Argjendi përdoret gjerësisht për qëllime industriale dhe zakonisht inkorporohet në prodhimin e automobilave, paneleve diellore, bizhuterive dhe elektronikës.

The post Rritje rekorde e çmimit të arit appeared first on Prizreni Sot.

Sipas mediave të huaja, përcjell Telegrafi, ari u tregtua shkurtimisht mbi 2,100 dollarë më 3 dhjetor në Nju Jork, duke vendosur një nivel të ri historik, përpara se të binte rreth 2% një ditë më pas në afërsisht 2,028 dollarë.

Por çfarë bie në sy është paralajmërimi i ekspertëve se çmimet e arit janë në rrugën e duhur për të arritur nivelet e reja të larta vitin e ardhshëm dhe mund të mbeten mbi nivelet e 2,000 dollarëve.

Si faktorë të mundshëm, analistët kanë përmendur pasigurinë gjeopolitike, një dollar të mundshëm më të dobët amerikan dhe ulje të mundshme të normave të interesit.

Ndërsa çmimet e metalit të verdhë janë rritur për dy muaj radhazi me konfliktin Izrael-Hamas duke rritur kërkesën për “asetin e sigurt”, pritjet për ulje të normave të interesit kanë dhënë mbështetje të mëtejshme.

Ndryshe, ari tenton të performojë mirë gjatë periudhave të pasigurisë ekonomike dhe gjeopolitike për shkak të statusit të tij si një rezervë e besueshme e vlerës.

Ndërkohë Heng Koon How, ekspert i tregjeve vlerësoi se çmimet e arit mund të arrijnë deri në 2,200 dollarë për ons deri në fund të vitit 2024.

Sipas një sondazhi të fundit nga Këshilli Botëror i Arit, 24% e të gjitha bankave qendrore synojnë të rrisin rezervat e tyre të arit në 12 muajt e ardhshëm, pasi rritjes së pesimizmit për dollarin amerikan si një aktiv rezervë.

Kjo edhe pritet të sjellë kërkesë potencialisht më të lartë nga sektori në vitet në vijim.

The post Çmimi i arit arriti në një nivel rekord – dhe ekspertët nuk presin që ai të ndalet me kaq appeared first on Prizreni Sot.

Një burrë ka raportuar se disa persona kanë hyrë në shtëpinë e tij dhe i kanë vjedhur stoli ari.

“VJEDHJE E RËNDË. Prizren, 01.04.2023-18:30-21:00. Ankuesi mashkull kosovar, ka raportuar se të dyshuar të panjohur, me forcë kanë depërtuar në shtëpinë e tij , me ç’rast kanë vjedhur stoli ari. Rasti nën hetime.”

The post Hajnat në një shtëpi në Prizren vodhën stoli ari appeared first on Prizreni Sot.

Enver Pakashtica – kryetar i Shoqatës së Artarëve të Kosovës në një intervistë për Indeksonline ka shpalosur më shumë detaje rreth kësaj çështje.

Ai thotë se momentalisht çmimi i arit është rritur në 54 mijë euro për kilogram, nga 47 mijë euro sa ka qenë në vitin 2020.

“Në krahasim me çmimet tjera të produkteve esenciale, çmimi i arit ka lëvizje por është një ngritje e përballueshme. Në mars 2020, në fillimin e pandemisë ka qenë 47 mijë euro një kilogram ari. Kurse sot e ke 54, do të thotë 12-13 % rritje. Po ta krahasojmë me metalet tjera, me hekur, plumb, zink, është ngritje, por ngritje e përballueshme”, thotë ai.

Se a pritet të vazhdojë avazi i rritjes edhe më shumë, Pakashtica njofton se çmimi i arit varet nga lëvizjet në bursën ndërkombëtare.

“Në rritjen e çmimit ne nuk kemi fort çasje, kjo është rritje në BERZh, aty caktohet çmimi i arit”, pohon ai.

Pakashtica tutje thekson se shkaku krizës ekonomike, ka rënie të madhe të blerësve të arit.

“Jemi bërë pak të tepruar, duke u ankuar se nuk ka punë e ka punë, jo dobët jo nuk ka fitim. Në krahasim që ari i takon kategorisë së luksit. Ari është mjeti më i mirë për investim. Me kursy. Ka rënie të madhe të blerësve, duke marrë parasysh gjendjen ekonomike të qytetarëve, ata mezi po ia dalin me produkte esenciale”, thotë Pakashtica.

“Arin e blejnë rinia, ata që fejohen, martohen, më së shumti ata e marrin. Edhe diaspora e blen edhe qytetarët e Kosovës. Mos me kanë diaspora na nuk mundem me ekzistu. Ata e ndihmojnë ahengun, e ndihmojnë familjarin e vet, edhe e ndihmojnë në blerjen e arit. Diasporën e falënderoj, jo vetëm për blerjen e arit, por të gjitha produkteve. Diaspora kontribuon për Kosovën”, thotë tutje ai.

The post Rritet dukshëm edhe çmimi i arit në Kosovë appeared first on Prizreni Sot.