Këtë e ka bërë të ditur deputeti i Parlamentit Evropian, Lukas Mandl.

Mandli tha se vendimi është marrë sot në Këshillin e Ministrave të Austrisë, por që tani duhet të kalojë në Parlament.

Se kur do të mblidhet Parlamenti austriak për këtë çështje Mandli tha se ende nuk dihet.

“Po, sot në Këshillin e Ministrave u mor vendimi që të njihen patentë shoferët kosovarë në Austri. Tani krejt çka duhet është të miratohet edhe në Parlament, mirëpo ende nuk kemi ndonjë datë të saktë se kur do të mblidhet Parlamenti për këtë çështje”, tha Mandli për Klankosova.tv.

The post Austria i njeh patentat e shoferëve të Kosovës, Mandli jep detaje appeared first on Prizreni Sot.

123,000 vende të lira pune gjenden aktualisht në tregun e punës në Austri. Pikërsiht për këtë, agjencia shtetërore “Austrian Business Agency (ABA) po përpiqet të sjellë në Austri specialist të kualifikuar nga Evropa Juglindore.

“Ne shohim ende një potencial të madh në Shqipëri, Kosovë dhe Maqedoninë e Veriut”, shpjegon drejtori menaxhues i ABA -së, Rene Tritscher, raporton “Kurier”.

Sipas Tritscher në këto shtete ka shumë të rinj të trajnuar mirë, veçanërisht në fushën e IT-së dhe elektroteknikës. Përveç kësaj, shumë prej tyre flasin shumë mirë gjuhën gjermane dhe pëlqejnë kulturën austriake. “Qëllimi kryesor është kryesisht rekrutimi i të diplomuarve universitarë dhe integrimi i tyre në tregun austriak të punës”, ka shtuar ai, përcjell albinfo.at

Shefi i AMS-it ka frikë se gjendja në tregun e punës mund të përkeqësohet

Të mërkurën në mbrëmje, shefi i AMS-it,(Zyra e Punësimit në Austri) Johannes Kopf gjatë një interviste për “ZIB2”, tregun e punës në Austri e parashikon akoma më të zymtë, ku sipas tij do të kërkohet më shumë fuqi punëtore, transmeton albinfo.at.

Duke analizuar tregun e brendshëm të punës, Kopf shpjegoi se shkalla e papunësisë është aktualisht në vlerën më të ulët mujore në 17 vjetet e fundit. Megjithatë, kjo ka të ngjarë të ndryshojë së shpejti. Sidoqoftë, papunësia duhet të mbetet e qëndrueshme dhe e ulët në fund të vitit – veçanërisht në krahasim me fundin e vitit të kaluar (Shkaku: Bllokimi nga pandemia) – parashikimi për vitin 2023 tashmë duket disi më i keq.

Johannes Kopf dyshon se shifrat ka mundësi të rriten përsëri në tremujorin e parë të vitit të ardhshëm. Arsyetimi i tij: Tremujori i parë i 2022 ishte “shumë i mirë”. Ai ka “frikë” se në vitin 2023 do t’i duhet të shpallë shifra në rritje të shkallës së papunësisë. Kopf, supozon se do të ketë mungesë, veçanërisht në fushën e punëtorëve të kualifikuar, e cila ka gjasa të vazhdojë edhe në vitet në vijim.

The post Austria do të kërkojë punëtorë nga Kosova, rreth 123 mijë vende të lira pune appeared first on Prizreni Sot.

Bëhet fjalë për Dekretin për fuqinë punëtore profesionale, përkatësisht profesionet deficitare për vitin 2022, duke u bazuar në Ligjin për punësimin e të huajve në të gjithë Austrinë, kështu të paktën kanë bërë të ditur nga ambasada austriake në Sarajevë, transmeton Telegrafi.

Sipas listës së publikuar, disa prej profesioneve për të cilat ekziston një kërkesë e madhe janë infermieret e diplomuara/teknikët, kuzhinierët, molerët, automekanikët, xhamaprerësit, muratorët, punonjës që merren me rregullimin e kulmeve të shtëpive, elektroteknikë-inxhinierë të energjetikës.

Në listën e kuadrove deficitare janë inxhinierët e teknologjisë informative, mjekë, zdrukthëtarë, instalues të ujit, inxhinierë të diplomuar të makinerisë e kasapë.

The post Austria në kërkim të punëtorëve të rinj, publikohet lista e profesioneve appeared first on Prizreni Sot.