Personat e dyshuar për vjedhje janë larguar në drejtim të panjohur.

Lidhur me rastin është informuar prokurori.

Njësitet policore janë duke hetuar rastin.

Njoftimi i plotë nga Policia e Kosovës:

Prizren 06.06.2023 – 02:00. Ankuesi mashkull kosovar ka raportuar se persona të panjohur në oborrin e tij, i kanë vjedhur veturën me targa vendore dhe janë larguar në drejtim të panjohur. Lidhur me rastin është informuar edhe prokurori, ndërsa njësitet policore janë duke hetuar rastin.

The post Një personi në Prizren i vidhet vetura në oborrin e shtëpisë appeared first on Prizreni Sot.

Por jetojmë në kohën ku shumë habiten për shkak të paralajmërimeve që shpejtësia e trotinetëve në trotuar, do të mund të kufizohej në vetëm 6 kilometra në orë, transmeton Telegrafi.

Asokohe ishte në fuqi kufizimi prej vetëm 2 miljeve në orë, përkatësisht 3 kilometra, e që kjo të ishte më bizare, para çdo mjeti motorik është dashur të ecë njeriu, që i drejtonte mjetet me flamuj të kuq që paralajmëronte kalimtarët për rrezikun.

Kufizime të tilla, nuk kanë pasur ndonjë rëndësi për Walter Arnold nga Anglia. Ai ishte një prej të parëve që mori licencën për shitjen e mjeteve motorike të prodhuesit Benz, por zyrtarisht edhe shoferi i parë në histori të automobilizmit që u dënua për tejkalim shpejtësie.

Duke shëtitur nëpër Kent të Anglisë, Walter me Arnold Benzin e tij në vitin 1896 e shtypi pedalin e gazit – duke lëvizur me 13 kilometra në orë, kur në ato momente hasi në një polic në biçikletë i cili i shqiptoi një tiketë.

Pas kësaj ngjarje, autoritetet mësuan se zhvillimi i mjeteve motorike ka përparuar dhe se kufizimi në 3 kilometra në orë dhe burri me flamuj në dorë – duhet të largohen.

Dhe kështu vepruan, burri me flamuj hyri në histori, e kufizimi i shpejtësisë është rritur në 14 milje në orë – përkatësisht 23 kilometra në orë.

The post Kur është shqiptuar tiketa e parë për tejkalim shpejtësie? appeared first on Prizreni Sot.

Ky donacion sipas kryetarit të komunës, Mytaher Haskuka, ka rëndësi të veçantë për procesin e vaksinimit që po organizohet në Prizren, për të bartur vaksinat nëpër qendra të vaksinimit. Zv/ministri i Shëndetësisë, Arsim Berisha, tha se përmes mbështetjes së institucioneve shëndetësore në qendrat më të rëndësishme të vendit, ne po mundësojmë rritjen e shërbimeve në cilësi.

Kostoja e këtij automjeti kap shumën e rreth 50 mijë eurove, njoftoi ai, ndërsa tha se Kujdesi Parësor Shëndetësor në Prizren, do të ketë përkrah vazhdueshme nga Ministria, për shkak se është në nivelin më të mirë të mundshëm funksional në nivel vendi, u shpreh ai.

Drejtoresha e Shëndetësisë, Narqize Arënliu- Hoxha, e vlerësoi tejet të rëndësishëm këtë donacion nga MSH-ja, dhe njoftoi se procesi i vaksinimit në Prizren pritet të bëhet nëpër QMF, për shkak të kushteve jo të favorshme në Palestren Sportive,  si pasojë e rënies së temperaturave.

Ndërsa, mirënjohes ndaj MSH-së u shpreh edhe drejtori i QKMF-së, Xhevat Elezkurtaj, për dhurimin e këtij automjeti special, i cili do t’u ndihmojë profesionistëve shëndetësor në lehtësimin e transportimit të vaksinave.

Ndryshe, sipas drejtuesve të KPSH në Prizren, deri më tani janë administruar 125000 mijë doza të vaksinës, ku sipas tyre, rreth  75 % e popullatës kanë marrë dozën e parë, ndërsa mbi 50 % dozën e dytë, kanë njoftuar ata në fund./Tv Prizreni

The post MINISTRIA E SHËNDETËSISË I DHURON AUTOMJET QKMF-së SË PRIZRENIT PËR TRANSPORTIMIN E VAKSINAVE appeared first on Prizreni Sot.