Në mbledhjen e kryetarit me drejtorët, drejtori i Financave, Sulltan Badalli tha se nga thesari ka ardh nje letër në drejtorinë që e udhëheq ai, që e kërkon listën e grevistëve.

Kryetari Shaqir Totaj tha se grevën nuk është duke e organizuar Komuna, kështu që asnjë listë nuk duhet dërguar. “Grave është e ligjshme” tha ai.

The post Shaqir Totaj: Asnjë listë e grevistëve nuk duhet dërguar, greva është e ligjshme appeared first on Prizreni Sot.

Pas mbledhjes së kryetarit, Shaqir Totaj, me drejtorët e qeverisë komunale, para mediave ka folur zëdhënësja e komunës, Jona Hoxhaj, e cila ka njoftuar për detajet e këtij takimi. Ajo ka folur për raportimet e shumicës së drejtorëve, ndërsa ndër më interesantet ka qenë çështja e ngarkesës së Drejtorisë së Urbanizmit për dhënien e lejeve ndërtimore, pas miratimit të Hartave Zonale, për shkak të mungesës së stafit të mjaftueshëm të këtij dikasteri.

Zëdhënësja Hoxhaj, ka thënë se kryetari Totaj, ka kërkuar zgjidhjen sa më të shpejtë të kësaj çështje, që qytetarët në kohë sa më të shkurtër të pajisen me leje ndërtimore.

Në fund, zëdhënësja Hoxhaj, ka folur edhe rreth kërkesës së gastronomëve që të vazhdojnë të janë të liruar nga pagesa e hapësirave publike në qendër të qytetit.

Në këtë mbledhje është raportuar para kryetarit Totaj për konkurset në DKA, bursat për student, ndërtimin e një shkolle të re në transit dhe te një çerdheje në Has.

Gjithashtu është raportuar edhe për projektet infrastrukturore, eleminimin e deponive ilegale si dhe problemet me kontraktuesit e projekteve për shkak të ngritjes së çmimeve etj.

The post U mbajt takimi i kryetarit Totaj me drejtorët komunal, kërkohet përshpejtimi i dhënies së lejeve ndërtimore appeared first on Prizreni Sot.

Qeveria Totaj, nga kjo e martë ka hapur dyert për mediat dhe shoqërinë civile, të mbledhjeve të Bordit të Drejtorëve. Zëdhënësja e komunës, Jona Hoxhaj, tha se në këtë takim drejtorët i kanë raportuar kryetarit Totaj për punën e dikasterëve.

Ndër çështje e diskutuara ka qenë përfundimi me kohë i rrugës unazore, ku punimet pritet të kryhen në fund të kësaj jave. Ajo më tej ka njoftuar se në takimin e sotëm me drejtorë nga kryetari Totaj, është njoftuar për përfundimin e obligimeve ligjore që ka komuna për çështjen e objektit në rrugën e tranzitit, ndërsa ka përfunduar edhe hartimi i rregullores për shfrytëzimin e hapësirave publike për të gjitha zonat e Prizrenit.

Në këtë takim, siç njoftoi zëdhënësja Hoxhaj, kryetari Totaj ka kërkuar angazhime në ngritjen e përqindjes së investimeve kapitale gjatë pjesës së mbetur të vitit, pasi deri më tani përqindja është e ulët.

Në këtë takim i cili për herë të parë është përcjellur nga mediat dhe shoqëria civile, kryetari Shaqir Totaj ka kërkuar nga kabineti i tij qeverisës rritje më të shtuar të performancës së angazhimeve./ Televizioni i Prizrenit

The post HAPEN PËR MEDIA SHE SHOQËRINË CIVILE MBLEDHJET E KRYETARIT TOTAJ ME KABINETIN E TIJ QEVERISËS, U DISKUTUAN SHUMË TEMA TË RËNDËSISHME appeared first on Prizreni Sot.