Komuna ku më së shumti pati raste të shkurorëzimeve është komuna e Podujevës me gjithsej 20 sosh, pas saj me nga 10 raste komuna e Prizrenit, Skenderajt dhe e Vushtrrisë.

Me numër më të vogël të shkurorëzimeve të çifteve pati edhe në komunat tjera në përjashtim të komunave: Leposaviq, Obiliq, Zveçan, Junik,  Graçanicë, Ranillug, Partesh, Kllokot, dhe Mitrovicë e Veriut. Në këto komuna nuk ka asnjë shkurorëzim të regjistruar, njashtu edhe jashtë Kosovës.

Në krahasim me të dhënat për muajin e njëjtë të vitit 2022, numri i martesave që morën fund apo shkurorëzimeve brenda dhe jashtë vendit, është rritur për 37 shkurorëzime më tepër. Numri i shkurorëzimeve në muajin janar 2022 ishte 119 raste.

Burimi i të dhënave të këtij publikimi ASK thotë se është Agjencia e Regjistrit Civil të Kosovës (ARC), dhe rekomandohet, që këto të dhëna të merren si të dhëna preliminare dhe jo si të dhëna përfundimtare.

Agjencia e Statistikave të Kosovës [ASK] publikon të dhënat preliminare në baza mujore për lindjet, vdekjet, kurorëzimet dhe shkurorëzimet për muajin janar 2023.

Këto të dhëna publikohen duke u bazuar në të dhëna administrative.

The post Për një muaj 156 çifte u divorcuan, 10 raste nga komuna e Prizrenit appeared first on Prizreni Sot.

Sipas të dhënave që ka publikuar ASK, gjatë vitit 2020 ka pasur më pak shkurorëzime sesa në vitin 2019.

“Sipas statistikave vitale, të dhënat për periudhën 9 mujore 2020, krahasuar me periudhën e njëjtë 2019 janë: numri i lindjeve kishte rënie për (-23.2%); numri i vdekjeve pati rritje për 9.5%; kurorëzimet patën rënie për (-31.4%); dhe shkurorëzimet patën rënie për (-73.6%)”, është bërë e ditur në statistikat e publikuar nga ASK.

Gjithashtu, numri i lindjeve gjatë vitit 2020 kishte rënie kurse numri i vdekjeve kishte rritje.

Po ashtu, Agjencia e Statistikave të Kosovë bën të ditur se numri i vizitorëve nëpër hotele, për periudhën 9 mujore 2020, krahasuar me periudhën e njëjtë 2019, pati rënie prej (-47.5%); dhe numri i net-qëndrimeve për periudhën 9 mujore 2020, krahasuar me periudhën e njëjtë 2019, pati rënie prej (-56.9%).

The post Bie numri i shkurorëzimeve në Kosovë appeared first on Prizreni Sot.