Dru Archives - Prizreni Sot

Ndahen 5 milionë euro për blerjen e druve për familjet me asistencë sociale, Murati jep sqarime

ramiberisha — Wed, 06 Dec 2023 09:15:58 +0000

Ministria e Financave sot ka prezantuar masën 1.2 për zbutjen e ndikimit të menjëhershëm socio-ekonomik të krizës energjetike përmes mbështetjes shtesë të njëhershme për blerjen e lëndës djegëse për ngrohje gjatë dimrit për familjet përfituese të asistencës sociale.

Kryeministri i vendit Albin Kurti, gjatë fjalës së tij përmendi të arriturat e kësaj qeverie sa i përket mirëqenies së qytetarëve.

Ai po ashtu tha se sot do të mbështesin familjet me asistencë sociale për blerjen e lëndëve djegëse.

“5 milionë euro kemi nda, ku qeveria do të mundësoj masën për blerjen e lëndëve djegëse për familjet me asistencë sociale. Jemi dhe do të mbetemi qeveri që udhëheq e mbështet dhe nuk lë askënd mbrapa”, ka thënë Kurti.

Ndërsa, ministri i Financave Hekuran Murati tha se në kuadër të kësaj mase për një familje katër anëtarësh do të jepen 120 euro dhe 30 euro për çdo anëtarë të familjes.

Përfitues të kësaj mase siç tha Murati do të jenë familjet me asistencë sociale.

“Masa më e fundit është kjo për familjet me asistencë sociale ku do të përftojnë për mbështetje shtesë për blerjen e lëndës djegëse, për stinën e dimrit… Pakoja energjetike emergjente është mbështetë nga Bashkimi Evropian. Janë 5 milionë euro të alokuara për këtë masë. Qendrat për punë sociale i kanë familjet me asistencë sociale. Për një familje katër anëtarësh janë 120 euro dhe 30 euro për çdo anëtarë të familjes, që i bien gjithsej 240 euro për një familje katër anëtarësh. Ai po ashtu tha se janë në proces të verifikimit të familjeve, ku janë diku 21 mijë familje ”, ka thënë Murati.

The post Ndahen 5 milionë euro për blerjen e druve për familjet me asistencë sociale, Murati jep sqarime appeared first on Prizreni Sot.

Ka filluar pajisja me vërtetim për furnizim me dru për familjet e dëshmorëve, invalidëve të luftës dhe për rastet në asistencë sociale në Komunën e Prizrenit

ramiberisha — Thu, 15 Dec 2022 15:54:20 +0000

Sot ka filluar pajisja me vërtetim për furnizim me dru për ngrohje për familje të dëshmorëve, invalidëve të luftës së UÇK-së dhe për rastet nën asistencë sociale në Komunën e Prizrenit.

Vërtetimi merret në zyrat e Drejtorisë së Punës dhe Mirëqenies Sociale, në rrugën “Wilian Walker” p.n. në Prizren.

Njoftimin zyrtar mund ta gjeni në vegëzën në vijim:

https://kk.rks-gov.net/…/Njoftim-nga-Drejtoria-per-Pune…

The post Ka filluar pajisja me vërtetim për furnizim me dru për familjet e dëshmorëve, invalidëve të luftës dhe për rastet në asistencë sociale në Komunën e Prizrenit appeared first on Prizreni Sot.

Kapet kamioni me dru të prerë ilegalisht në Vërmicë, policia ia konfiskon

ramiberisha — Sat, 23 Oct 2021 09:04:42 +0000

Policia e Kosovës ka konfiskuar gjatë ditës së djeshme 6m3 dru në Vërmicë të Prizrenit.

Fsh. Vërmicë, Prizren 22.10.2021 – 13:00. Njësitë policore kanë ndaluar automjetin transportues (kamion) me targa vendore të cilin e drejtonte i dyshuari mashkull kosovar.

Gjatë kontrollit është vërejtur se i njëjti ishte duke transportuar rreth 6m3 dru pa dokumentacion përcjellës. Sasia e drunjtëve është konfiskuar nga zyrtarët e pylltarisë, rasti vazhdon në procedurë të rregullt.

The post Kapet kamioni me dru të prerë ilegalisht në Vërmicë, policia ia konfiskon appeared first on Prizreni Sot.