Sipas aktakuzës, i pandehuri L.M., me dashje dhe me qëllim të përfitimit të kundërligjshëm të pasurisë për vete,  kontrakton në mënyrë të paligjshme shuma të mëdha parash ndaj të dëmtuarit M.K., duke shfrytëzuar gjendjen e rënduar financiare të këtij të fundit, i pandehuri i ka dhënë borxh 20,000 euro me kamatë mujore 10%, që më pas janë grumbulluar deri në shumën 37,000 euro. Në pamundësi për ta kthyer borxhin, i dëmtuari është detyruar t’i japë banesën me sipërfaqe 123.8 m², në vlerë prej 70,000 euro. Në vitin 2022 i pandehuri merr edhe 10,000 euro të tjera me kamatë mujore 10%, ku borxhi i kamatave arrinë në 14,000 euro. Për shkak të pamundësisë për kthimin e borxhit, i dëmtuari detyrohet t’i japë edhe një banesë tjetër në fshatin Shirokë me sipërfaqe 80 m² dhe vlerë tregu 52,000 euro. Gjithsej, nga kamatat dhe borxhet e grumbulluara, i dëmtuari ka paguar rreth 92,000 euro dëm përkatësisht humbje në shkallë të madhe. Me këto veprime, L.M. ka kryer veprën penale “Fajdeja” sipas KPRK-së.

Po ashtu, në shtëpinë e tij në Korishë, gjatë kontrollit policor janë gjetur dhe sekuestruar 51 fishekë të kalibrit 7.62×39 mm, që i pandehuri i mbante pa leje, duke shkelur ligjin për armët. Me këto veprime, i njëjti ka kryer  veprën penale “Mbajtja në pronësi, kontroll ose posedim të paautorizuar të armëve” sipas KPRK-së.

I pandehuri B.K., gjatë vitit 2021 i ka dhënë në fajde shumën prej 75,000 eurosh me kamatë mujore 8% të dëmtuarit M.K. Kamata dhe borxhi janë rritur në mënyrë drastike, duke arritur shumën prej 240,000 eurosh deri në maj 2023.

Për shkak të pamundësisë së kthimit të këtyre parave, i dëmtuari detyrohet që t’ia jap të pandehurit banesën me sipërfaqe prej 300 m² dhe një lokal afarist prej 242 m², të cilat së bashku vlejnë 205,700 euro. Kjo ka shkaktuar dëm të madh financiar për të dëmtuarit në shumën prej 280,700 euro. Me këto veprime, i pandehuri B.K., ka kryer veprën penale “Fajdeja” sipas KPRK-së.

I pandehuri L.A., nga prilli i vitit 2022 e dëri në fillimin e hetimeve dhe në vazhdimësi në Suharekë, i ka dhënë borxh të dëmtuarit M.K., shumën prej 7,000 eurosh me kamatë dhjetëditore prej 2,000 eurosh, duke e detyruar të dëmtuarin të paguajë shumën disa herë më të madhe se borxhi i vërtetë. Kur i dëmtuari nuk kishte para për të paguar, i pandehuri i ka ofruar si “shpërblim” mallra të ndryshme (traktor, ëa, disa dem dhe krerë lopësh) të vlerës së konsiderueshme, duke shfrytëzuar situatën e vështirë financiare të viktimës. Për më tepër, i pandehuri ka lidhur parakontratë për marrjen e një banese në sipërfaqe prej 100m² dhe një lokal me sipërfaqe prej 100 m² në katin përdhesë dhe një garazhë me vlerë të përgjithshme prej 180,000 euro, duke shkaktuar dëm të madh financiar të dëmtuarit L.K., dhe vëllaut të tij M.K. Me këto veprime, i pandehuri L.A., ka kryer veprën penale “Fajdeja” sipas KPRK-së.

I pandehuri Xh.K., gjatë vitit 2022 e deri në fillimin e hetimeve, në Suharekë, duke përfituar nga gjendja e rënduar financiare e të dëmtuarit M.K, i jep këtij të fundit një shumë prej 10,000 euro me kamatë mujore prej 30%. I dëmtuari për një vit paguan nga 3,000 euro në muaj, duke ia dorëzuar gjithsej 36,000 euro vetëm në emër të kamatave, ndërsa borxhi bazë mbetet i papaguar. Më pas, për shkak të pamundësisë për të vazhduar pagesat, i dëmtuari i dorëzon të pandehurit krerë lopësh në vlerë prej 36,000 euro, ndërsa ky i fundit i shlyen për të edhe një borxh prej 37,000 euro ndaj një personi tjetër dhe në këmbim përpilojnë një parakontratë për shitblerjen e një lokali prej 100 m² me vlerë të deklaruar vetëm 20,000 euro, në emër të bashkëshortes së vëllait të të dëmtuarit. Gjatë një takimi më 23.08.2024, i pandehuri deklaron se obligimet e të dëmtuarit ndaj tij kishin arritur shumën prej 129,000 euro, duke përfshirë edhe dy vetura në vlerë prej 21,000 euro. Me këto veprime, të dëmtuarve M.K. dhe L.K., u është shkaktuar dëm në shkallë të madhe. Me këto veprime i njëjti ka kryër veprën penale “Fajdeja” sipas KPRK-së.

Po ashtu, Xh.K., ka mbajtur në mënyrë të paautorizuar një armë zjarri – pistoletë të llojit “Mauser – Ëerke Oberndorf GMBH” kalibër 9mm së bashku me një karikator dhe nëntë fishekë. Me këto veprime, ka kryer veprën penale “Mbajtja në pronësi, kontroll ose posedim të paautorizuar të armëve” sipas KPRK-së.

I pandehuri D.G., nga qershori i vitit 2021 deri në fillimin e hetimeve dhe më pas, në Suharekë, me qëllim përfitimi të kundërligjshëm, i jep të dëmtuarit M.K., para me fajde në shumë prej 20,000 euro me kamatë mujore 8%. Brenda një muaji e gjysmë, i dëmtuari merr në total 120,000 euro kesh, duke paguar çdo muaj kamata prej 10,000 euro, dhe në total gjatë 12 muajve paguan 120,000 euro kamata. Në qershor 2023, pasi i dëmtuari nuk mund të vazhdojë pagesat, i pandehuri kërkon nga ai dhe vëllai i tij L.K., shumën prej 320,000 euro në emër të kamatave, duke kërkuar në këmbim 750 m² banesa në fshatin Shirokë. Nga frika, të dëmtuarit pranojnë, por për shkak të vonesave në ndërtim, në maj 2024 i pandehuri kërkon rritjen e sipërfaqes së banesave në 1,180 m² (ekuivalent i 11 banesave) dhe nënshkruan parakontratë me datë 20.03.2023 për këtë shitblerje. Me këto veprime, i pandehuri i shkakton të dëmtuarve humbje të konsiderueshme prej 767,000 euro. Me këto veprime, i njëjti ka kryer veprën penale “Fajdeja” sipas KPRK-së.

Po ashtu, D.G., nga 08.02.2024 dhe në vazhdimësi, në Suharekë dhe Prishtinë, me qëllim përfitimi të kundërligjshëm, përdor forcë dhe kanosje serioze ndaj të dëmtuarve M.K., dhe L.K., për t’i detyruar të japin pronat e tyre. Më 08.02.2024, gjatë një takimi Prishtinë, ai i merr me makinë dhe gjatë rrugës, duke e kanosur M.K.,, arrijnë marrëveshje që të japin banesat prej 1,180 m² (ekuivalent i 11 banesave)  në Shirokë si pagesë për borxhet dhe kamatat. Këto veprime i shkaktojnë të dëmtuarve dëm prej 767,000 euro.Me këto veprime ka kryer veprën penale “Detyrimi”

I pandehuri K.K., nga korriku 2024 dhe në vazhdimësi, në Suharekë, duke shfrytëzuar gjendjen e rënduar financiare të të dëmtuarit M.K., i jep borxh 2,600 euro me kamatë javore prej 450 euro. Për shkak të pamundësisë për pagesë, kamatat për 16 javë grumbullohen dhe së bashku me borxhin bazë arrijnë në 9,800 euro. Këto veprime i shkaktojnë të dëmtuarit dëm në shumën prej 9,800 euro.

Me këto veprime, i njëjti ka kryer veprën penale “Fajdeja” sipas KPRK-së.

Prokurori i shtetit, me ngritjen e aktakuzës ka propozuar që të bëhet konfiskimi i mjeteve dhe sendeve të cilat kanë mundësuar kryerjen e veprës penale dhe të cilat janë dobi pasurore e fituar me vepër penale, ndër të tjera:

• Banesa dhe lokale, me sipërfaqe të përgjithshme prej 2,226 ^m2;
• Para në vlerë 9240 €; 
• Para në vlerë 1860 Franga;
• Armë;
• Telefona,
• Automjete, dokumente dhe gjësende tjera revelante

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit.

The post Aktakuzë ndaj gjashtë 6 personave për fajde në vlerë prej 1.4 milion euro – kërkohet konfiskimi dhe kthimi i 21 banesave dhe lokaleve afariste appeared first on Prizreni Sot.

I njëjti ka qenë në kërkim aktiv, pasi ndaj tij ishte lëshuar vendim i plotfuqishëm nga Gjykata Themelore në Prizren, me të cilin ishte dënuar me dy (2) vite e gjysmë burg për veprat penale ‘Fajde”.

I dyshuari është dorëzuar në institucionin korrektues për vuajtjen e dënimit.

Policia e Kosovës mbetet e përkushtuar në realizimin e urdhëresave gjyqësore dhe garantimin e sigurisë publike.

The post Prizren: Ndalohet edhe një i kërkuar dhe i dënuar me dy vite e gjysmë burg për fajde appeared first on Prizreni Sot.

Sipas aktakuzës, i pandehuri E.K., që nga muaji Korrik i vitit 2023 dhe në vazhdimësi, përkatësisht deri më 06.03.2025 për vete apo për personin tjetër pranon dhe kontrakton shuma dukshëm jo-proporcionale të pasurisë në këmbim të shërbimit për personin tjetër, duke shfrytëzuar gjendjen e rëndë financiare të personit të tillë, papërvojën dhe paaftësinë e tij për të gjykuar, në atë mënyrë që duke filluar nga muaji Korrik i vitit 2023, ia jep viktimës V.Q., shumën e të hollave prej 5,000.00 € (pesëmijë euro) për të cilën shumë e ngarkon viktimën me 15% kamatë, pra duke e obliguar atë t’ia kthejë 6,000.00 € (gjashtëmijë euro), duke vazhduar më tej, brenda një kohe të shkurtër, ia jep viktimës edhe dy herë nga 10,000.00 € (dhjetëmijë euro) në total 20,000.00 € për të cilat të holla e ngarkon të njejtin me 20% kamatë, praktikisht duke e obliguar atë t’ia kthejë 24,000.00 € (njëzet e katërmijë euro) dhe fill pas kësaj, viktima sërish pranon nga i pandehuri shumën e të hollave prej 25,000.00 € (njëzet e pesëmijë euro), të cilën shumë për shkak të vonesave disa ditore në pagesa, është detyruar ta paguajë në total shumën prej 40,000.00 € (katër dhjetë mijë euro), për të cilën më pas ka vazhduar të paguajë nga 6,000.00 € (gjashtëmijë euro) kamatë për muaj, me ç’rast aktualisht shuma e detyrimit prej 40,000.00 € (katër dhjetë mijë euro) ka arritur vlerën prej 51,000.00 € (pesëdhjetë e njëmijë euro), i cili përveç kësaj, pajtohet që nga i pandehuri ta blejë edhe një veturë, të cilën pas tre muajve do ta paguante 38,000.00 € për blerjen së cilës ia paguan të pandehurit këstin e parë prej 8,000.00 € (tetëmijë eurosh), mirëpo pavarësisht se i pandehuri ia pranon pagesën e shumës prej 8,000.00 € (tetëmijë euro), ia merr sërish dhunshëm veturën, madje duke e obliguar atë që t’ia paguajë shtesë edhe 6,000.00 € (gjashtëmijë euro) të tjera me justifikimin se viktima e kishte shfrytëzuar veturën për një kohë të shkurtër, ku përveç tjerash, viktima me qëllim që t’i rikuperojë humbjet financiare, është detyruar që të hedh në shitje edhe dy banesa të tij, me ç’rast i pandehuri ka arritur t’i shkaktojë viktimës humbje financiare rreth 100,000.00 € (njëqind mijë euro) nga të cilat humbje, viktima vazhdon t’i detyrohet të pandehurit edhe 48,000.00 € (katërdhjetë e tetë mijë euro) të tjera dhe përveç tjerash, pas arrestimit të të pandehurit dhe zbatimit të urdhër-kontrollit në shtëpinë dhe objektet përcjellëse të tij, policia ka sekuestruar një shumë të të hollave prej 8,985.00 € (Tetëmijë e nëntëqind e tetëdhjetë e pesë euro); 580.00 CH (Pesëqind e tetëdhjetë franga zvicerane); 1,000.00 $ (Njëmijë dollarë amerikanë) dhe 17,700.00 Lekë shqiptare si dhe një veturë për të cilat prova, ekziston dyshimi i bazuar mirë se janë dobi pasurore e fituar me kryerjen e veprës penale.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartëcekur për veprën penale për të cilën akuzohet të shpallet fajtor dhe të dënohet sipas ligjit.

The post Aktakuzë kundër një personi për veprën penale fajde appeared first on Prizreni Sot.

Ai dyshohet për dy vepra penale “Fajdeja” dhe “Organizimi i skemave piramidale dhe bixhozit të paligjshëm”.

Lidhur me rastin është deklaruar kryeprokurori i Prizrenit, Petrit Kryeziu.

Kryeziu tha për Klankosova.tv. se në këtë operacion policor janë konfiskuar 5 mijë euro.

“Mund t’ju konfirmoj se kemi arrestuar një person për dy vepra penale “fajdeja” dhe “Organizimi i skemave piramidale dhe bixhozit të paligjshëm dhe kemi sekuestruar 5 mijë euro të holla, të cilat janë përdorur gjatë aplikimit të masave të veçanta hetimore, gjithashtu janë sekuestruar edhe prova tjera materiale relevante për rastin”, tha ai për Klankosova.tv.

The post Aksioni kundër fajdes në Prizren: Konfiskohen 5 mijë euro appeared first on Prizreni Sot.

Pasi kontrollit në shtëpinë e të dyshuarit dhe objekteve të tjera përcjellëse, janë gjetur armë zjarri, municion dhe substanca narkotike. I njëjti dyshohet edhe për veprën penale “fajde”.

“Me 16.04.2025 DHKR me DHTN në bashkëveprim me Prokurorin Themelore Prizren kanë kontrolluar shtëpinë–objektet përcjellëse, automjetin dhe një banesë me qira e të dyshuarit mashkull kosovar, me ç’rast si prova materiale janë gjetur dhe konfiskuar: dy pistoleta, dy karikator me 9 copë fishekë, një armë automatike me 81 copë fishekë, një automjet, 1 kg e 57 gram narkotikë të llojit marihuanë, një peshore elektronike, dy grinder, dhe dy telefona mobil.”- sqaroi Policia në raportin 24 orësh.

Me vendim të prokurorit, i dyshuari është dërguar në mbajtje dhe rasti është iniciuar për “fajde, armëmbajtje pa leje dhe posedim i paautorizuar i narkotikëve.”

The post Një person në Suharekë dyshohej për fajde, pas kontrollit Policia i gjeti armë zjarri e substanca narkotike appeared first on Prizreni Sot.

I dyshuari është kapur në Prizren dhe dyshohet se që nga periudha e muajit shtator të vitit 2023, e cila kap vlerën e përgjithshme prej 81,400.00 të dhënie të fajdes.

Njoftimi i plotë:

Njoftim Lidhur me Rastin e Arrestimit të Një Personi për Veprat Penale Fajdeja dhe Organizimi i Skemave Piramidale dhe Bixhozit të Paligjshëm

Prizren, 10 Dhjetor 2024 – Prokuroria Themelore në Prizren, njofton opinionin publik se në bashkëpunim me Drejtorinë Rajonale të Policisë në Prizren – Sektorin Rajonal të Hetimeve, ka arrestuar të pandehurin F.Sh., për shkak të dyshimit të bazuar se i njëjti ka kryer veprat penale “Organizimi i skemave piramidale dhe bixhozit të paligjshëm” nga neni 294, dhe “Fajdeja” nga neni 331, sipas Kodit Penal të Republikës së Kosovës (KPRK).

I pandehuri i arrestuar, nga muaji Shtator i vitit 2023 dhe në vazhdimësi, deri në datën e arrestimit, duke shfrytëzuar gjendjen e rëndë financiare të personit të dëmtuar, varfërinë dhe papërvojën e tij, në atë mënyrë që pasi i dëmtuari – viktima, A.Z., nuk kishte pasur mundësi t’ia kthejë një borxh në shumën prej 70,000.00 €, të cilin borxh i detyrohej të pandehurit F.Sh., pasi që ky i fundit gjatë muajit Janar të vitit 2024, përmes një programi elektronik të lojërave të fatit, i kishte mundësuar të dëmtuarit të luaj bixhoz të paligjshëm, ashtu që në momentin kur viktima kishte hasur në vështirësi që t’ia paguajë borxhin, i pandehuri arrin ta bindë viktimën që në emrin e tij do të angazhohet dhe t’ia sigurojë paratë, në mënyrë që t’ia krijojë kushtet të njëjtit për kthimin e borxhit.

Në këtë rast i pandehuri i arrestuar, i ofon viktimës para me fajde – me kamata të paligjshme fillimisht prej 15% pastaj 20% e deri në 25%, kështu duke i shkaktuar viktimës dëm të konsiderushëm pasuror, i cili nuk kishte arritur t’ia paguajë shumën e mbetur të kamatës, gjegjësisht totalin e kamatës nga të gjitha huazimet e të hollave me fajde, që nga periudha e muajit Shtator të vitit 2023, e cila kap vlerën e përgjithshme prej 81,400.00 €.

I pandehuri ështe arrestuar në flagrance nga ana e Policise së Kosovës duke pranuar të holla nga viktima në emër të kamatave të paligjshme me të cilat e kishte ngarkuar të njëjtin.

I pandehuri i arrestuar, gjendet nën masën e ndalimit 48 orësh, dhe për të njëjtin, prokuroria ka parashtruar kërkesë për caktim të masës së paraburgimit.

Prokuroria Themelore në Prizren, vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin.

The post 81 mijë euro: Arrestohet në flagrancë një person për fajde në Prizren, Prokuroria jep detaje appeared first on Prizreni Sot.

32 vjeçari F.Sh, dyshohet për vepren e fajdesë dhe “Organizimi i skemave piramidale dhe bixhozit të paligjshëm”.

Aksioni u zhvillua nga Prokuroria Themelore në Prizren dhe Drejtoria për Hetimin e Krimeve të Rënda të Policisë dhe Drejtoria Rajonale e Prizrenit.

“Gjatë operacionit është kontrolluar edhe shtëpia dhe objektet përcjellëse të të dyshuarit me ç’rast janë sekuestruar dëshmi që kenë lidhje me rastin”, thuhet në njoftimin e policisë.

Pas arrestimit i dyshuari është intervistuar në prezencë të avokatit mbrojtës.

Me aktvendim të Prokurorit të Shtetit i dyshuari është dërguar në mbajtje për 48 ore.

The post Arrestohet një i dyshuar për fajde në Prizren appeared first on Prizreni Sot.

I arrestuari është 32 vjeçari, Demokrat Shigjeqi nga fshati Planej i Prizrenit.

Gjatë zhvillimit të hetimeve është arritur që të gjenden prova se i njëjti me qëllim të përfitimit të kundërligjshëm të pasurisë, kontrakton një shumë dukshëm jo proporcionale të pasurisë në këmbim të dhënies së borxhit duke e ngarkuar viktimën me kamatë.

I dyshuari në prezencë të avokatit mbrojtës është intervistuar në bazë të procedurave ligjore dhe me urdhër të Prokurorit të Shtetit është dërguar në mbajte për 48 orë.

The post Arrestohet një person në Prizren, akuzohet për veprën penale “Fajde” appeared first on Prizreni Sot.

Burimet e Sinjalit kanë bërë të ditur kontrollet janë kryer në qytetin e Prizrenit dhe në fshatin Korishë, ku janë arrestuar tre persona, ndërsa tre të tjerë janë kapur në fshatrat Shirokë dhe Dubravë të Suharekës.

Të dyshuarit janë arrestuar dhe shoqëruar për procedura të mëtejshme, ndërsa Policia ka ndërmarrë veprimet e nevojshme, në koordinim me Prokurorin e Shtetit.

Ndaj tyre, pritet të lëshohet urdhri për ndalim policor dhe brenda afatit ligjor, të ushtrohet kërkesa për masën e sigurisë.

The post Operacioni policor kundër fajdes në rajonin e Prizrenit: Këto janë lokacionet ku u kapën 6 të dyshuarit appeared first on Prizreni Sot.

Sipas PK-ja, ky i fundit kontraktoi një shumë dukshëm jo proporcionale të pasurisë në këmbim të dhënies së borxhit viktimës mashkull kosovar, duke e ngarkuar viktimën me kamatë mujore.

Me vendim të prokurorit i dyshuari është dërguar në mbajtje.

The post Arrestohet një person për fajde në Prizren appeared first on Prizreni Sot.

Personi i arrestuar është pjesë e grupit të cilët janë arrestuar gjatë aksionit të Prokurorisë të datës 22 dhjetor 2021 dhe i njëjti është arrestuar në pikën kufitare në Vërmicë.

“Arrestimi i të njëjtit vjen pas një pune hetimore gjashtë (6) mujore, të Prokurorisë në koordinim të plotë me Policinë e Kosovës –Sektorin e Hetimeve Rajonale në Prizren. Si rrjedhojë e këtij operacioni, janë bastisur 8 (tetë) lokacione dhe janë sekuestruar para, vetura, armë, telefona, laptop, kompjuterë, kontrata, regjistra të ndryshme dhe marrëveshje të nënshkruara mes të pandehurve dhe viktimave”, thuhet në njoftimin e Prokurorisë.

Personi i arrestuar dyshohet se ka vepruar me dashje dhe me qëllim të përfitimit të kundërligjshëm të pasurisë për vete duke kontraktuar shuma dukshëm jo proporcionale të pasurisë në këmbim të shërbimit (dhënies së borxhit), viktimave të fajdesë nga të cilët ka shfrytëzuar gjendjen e rënduar financiare, papërvojën e tyre dhe të njëjtëve u ka ofruar shuma të të hollave në formë të borxhit të cilët më pas i ngarkojnë me kamata të larta dhe të pa përballueshme. I njëjti është arrestuar në pikë kalimin kufitar në Vërmicë. Me aktvendim të prokurorit, i pandehuri është ndaluar për 48 orë dhe brenda afatit ligjor për të njëjtin do të paraqitet kërkesë për caktimin e masës së paraburgimit.

The post Rasti i fajdeve në Prizren, arrestohet edhe personi i pestë appeared first on Prizreni Sot.

Aksioni është zhvilluar në tri lokacione të ndryshme, ku të pandehurit gjatë aplikimit të masave të fshehta të vëzhgimit dhe hetimit, janë arrestuar në flagrancë.

Janë bastisur 8 (tetë) lokacione dhe janë sekuestruar para, vetura, armë, telefona, laptop, kompjuterë, kontrata, regjistra të ndryshme dhe marrëveshje të nënshkruara mes të pandehurve dhe viktimave.

Të njëjtit duke vepruar veç e veç, dyshohet se kanë vepruar me dashje dhe me qëllim të përfitimit të kundërligjshëm të pasurisë për vete duke kontraktuar shuma dukshëm jo proporcionale të pasurisë në këmbim të shërbimit (dhënies së borxhit), viktimave të fajdesë nga të cilët shfrytëzojnë gjendjen e rënduar financiare, papërvojën e tyre dhe të njëjtëve u ofrojnë shuma të të hollave në formë të borxhit të cilët më pas i ngarkojnë me kamata të larta dhe të pa përballueshme.

Me aktvendim të prokurorit, të pandehurit janë ndaluar për 48 orë dhe brenda afatit ligjor do të paraqitet kërkesë për caktimin e masës së paraburgimit ndaj të njëjtëve.

Prokuroria Themelore në Prizren, vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin.

The post Bastisen tetë lokacione, arrestohen katër persona për fajde appeared first on Prizreni Sot.

Në njoftim thuhet se Policia e Kosovës, përkatësisht Drejtoria për Hetimin e Krimit të Organizuar (DHKO), në bashkëpunim me Prokurorinë e Shtetit dhe gjykatën përkatëse, pas hetimeve intensive të kryera ndaj të dyshuarave të përfshirë në veprat penale ‘fajde’ dhe ‘detyrim’, më 15.09.2021, 16.09.2021 dhe 17.09.2021 në tre raste të ndara, në tri rajone Pejë, Gjakovë dhe Prizren, ka realizuar operacione policore ku janë arrestuar në flagrancë tetë të dyshuar.

“Në këto operacione policore janë arrestuar H.T., (1967), A.V.(1964), A.Ç. (1979), Rr.B.(1971), B.M. (1966), E.M. (1990), B.M. (1981) dhe S.M. (1970)”, thuhet në njoftim, përcjell Telegrafi.

“Bazuar në urdhëresën e gjykatës kompetente, në tri rajone, në gjithsej tetë lokacione, janë bërë kontrolle të shtëpive dhe objekteve përcjellëse të të dyshuarve me qëllim të mbledhjes së provave materiale që lidhen me rastet”.

Sipas Policisë, gjatë operacioneve janë sekuestruar 44,150 euro para kesh, në llogaritë e të dyshuarave janë ngrirë mbi 61,000 euro, dy revole, një pushkë e gjuetisë, 106 fishekë (kalibra të ndryshëm), tri vetura, fletore dhe dokumente të ndryshme relevante për rastet dhe shtatë telefona.

Të dyshuarit, me vendim të prokurorit janë dërguar në mbajtje. 

The post Policia godet fajdexhinjtë: Tetë të arrestuar në Pejë, Gjakovë dhe Prizren appeared first on Prizreni Sot.