Një përmbledhje.

Punëdhënësve gjermanëu mungojnë qindra mijëra punëtorë: në TI si dhe në infermieri, në zeje, teknologji, logjistikë dhe shumë sektorë të tjerë. “Ligji për zhvillimin e mëtejshëm të imigracionit të kualifikuar” i miratuar në verë synon të ulë menjëherë pengesat për imigracionin në Gjermani të punëtorëve të kualifikuar nga të ashtuquajturat vende të treta, pra nga vendet jo anëtare të BE-së.

Ndryshimet e para do të zbatohen nga data 18 nëntor 2023

Karta blu e BE-së

Specialistët me diplomë universitare, ose nivel kualifikimi të ngjashëm, që vijnë nga vendet e treta, pra jashtë BE-së, mund të imigrojnë në Gjermani me Kartën Blu të BE-së – pa u kontrolluar më parë, nëse ka aspirantë gjermanë ose qytetarë të BE-së për vendin e punës dhe pa dëshmi të aftësive gjuhësore.

Kufijtë e pagave për të shmangur abuzimin me specialistët që vijnë nga jashtë do të ulen në 40,000 euro në vit për profesionet ku ka më shumë mungesa dhe 44 000 euro për të gjitha profesionet e tjera (që nga viti 2023).

Lista e profesioneve me mungesa (më parë: matematikë, shkenca kompjuterike, shkenca natyrore, inxhinieri dhe mjekësi) është zgjeruar dhe tani përfshin, ndër të tjera, edhe arsimin dhe personelin infermieror.

Për industrinë e TI-së, punëtorët e kualifikuar pa diplomë universitare mund të marrin gjithashtu një kartë blu të BE-së, nëse mund të vërtetojnë se kanë përvojë profesionale të krahasueshme prej të paktën tre vjetësh.

E drejta e qëndrimit, më shumë fleksibilitet

Kush plotëson të gjitha kushtet si punonjës i kualifikuar me formim profesional ose akademik ka të drejtë të marrë leje qëndrimi. Deri më tani, kjo u lihej ta vendosnin misionet diplomatike dhe autoritetet e imigracionit.

Përveç kësaj, hiqet kufizimi për të punuar në fushën profesionale që ke mësuar ose studiuar. Një njeri që ka mbaruar për mekanik, për shembull, mund të punojë edhe në logjistikë. Përjashtim bëjnë profesionet e rregulluara, për shembull në fushën e mjekësisë, drejtësisë ose mësimdhënies.

Bëhet më i lehtë edhe miratimi nga Agjencia Federale e Punësimit për shoferët profesionistë. Leja e punës jepet pa kontrolluar nëse ka qytetarë të BE-së që e kërkojnë këtë vend dhe pa provim gjuhe.

Çfarë do të hyjë në fuqi më 1 mars 2024

Emigrim me eksperience pune

Njohja e kualifikimeve profesionale në Gjermani, e cila më parë ka qenë shpesh një pengesë burokratike, nuk do të kërkohet më për specialistët me përvojë.

Kush ka një kualifikim profesional të njohur nga shteti në vendin e origjinës dhe ka së paku dy vjet përvojë profesionale në të, mund të emigrojë në Gjermani si punëtor. Nga kjo përjashtohen profesionet e rregulluara. Specialistët e TI-së nuk kanë nevojë për diplomë.

Partneriteti i njohjes së kualifikimit

Kush ka nevojë për një kualifikim shtesë në Gjermani për të arritur barazvflefshmërinë e kualifikimit do të mund të qëndrojë në Gjermani deri në tre vjet në të ardhmen. Aplikantët lejohen të punojnë deri në 20 orë në javë, ndërsa janë duke bërë shkollën për barazimin e kualifikimit.

Mundësia për të punuar me kohë të pjesshme po zgjerohet edhe për studentët dhe kursantët. Nëse punëdhënësit në Gjermani dhe aplikantët nga vendet e treta krijojnë një partneritet njohjeje, punëtorët e kualifikuar mund të vijnë direkt në Gjermani dhe të punojnë ndërkohë që procesi për njohjen e kualifikimit të tyre është në vazhdim. Qëndrimi mund të zgjatet deri në tre vjet. Duhet të kenë së paku dy vjet kualifikim profesional dhe njohuri të gjuhës gjermane (niveli A2).

Përveç personelit infermieror, edhe nidhmës-infermiereve me më pak se tre vjet trajnim infermieror do t’u jepet akses në tregun gjerman të punës në të ardhmen.

Ribashkimi familjar

Nëse punëtorëve do t’u bashkohen bashkëshortët dhe fëmijët e mitur, ata duhet të dëshmojnë se të ardhurat mjaftojnë për të jetuar, por jo edhe se kanë sipërfaqen e duhur për banesë. Ata gjithashtu mund të sjellin edhe prindërit ose vjehrrin për të qëndruar me ta nëse e marrin lejen e qëndrimit pas marsit 2024.

Çfarë hyn në fuqi më 1 qershor 2024?

Karta e mundësive për kërkimin e punës

Karta e mundësive me sistem pikësh do të hyjë në përdorim për herë të parë në qershor 2024. Me kartën e mundësive (Chancenkarte) njerëzit mund të vijnë në Gjermani për të kërkuar punë për një vit, nëse e kanë të siguruar jetesën.

Kushdo që mund të provojë ekuivalencën e kualifikimeve të tyre me ato gjermane, konsiderohet punëtor i kualifikuar dhe e merr kartën pa asnjë kërkesë të mëtejshme.

Të gjithë të tjerët kanë nevojë për një diplomë universitare ose një kualifikim profesional prej së paku dy vjeçar, si dhe njohuri bazë të gjuhës gjermane (niveli A1) ose njohuri të gjuhës angleze (niveli B2).

Pikë merr edhe për përvojën profesionale, njohjen e kualifikimeve në Gjermani, moshën, aftësitë gjuhësore në gjermanisht dhe/ose anglisht, lidhjet me Gjermaninë dhe potencialin e partnerit ose bashkëshortit që vjen me ju.

Punëtorët me Kartën e Mundësive lejohen të punojnë deri në 20 orë në javë ose si provë. Karta e mundësive mund të zgjatet deri në dy vjet nëse ka një kontratë pune për punësim të kualifikuar.

Rregullorja e Ballkanit Perëndimor

Një tjetër rregullore prek njerëzit nga vendet e Ballkanit Perëndimor. E ashtuquajtura Rregullore e Ballkanit Perëndimor për rekrutimin e punëtorëve nga Shqipëria, Bosnje-Hercegovina, Kosova, Mali i Zi, Maqedonia e Veriut dhe Serbia tani është e vlefshme për një periudhë të pakufizuar. Nga qershori 2024, kuota vjetore do të dyfishohet në 50,000 punëtorë./DW

The post Ndryshimet në ligjin e migracionit në Gjermani që prekin edhe kosovarët, disa fillojnë së zbatuari nga sot appeared first on Prizreni Sot.

Sipas rregullave të reja të propozuara, të cilat ende duhet të miratohen nga parlamenti, natyralizimi në Gjermani do të ishte i mundur pas pesë vjetësh në vend të tetë vjetëve sa është tani.

Ata që janë veçanërisht të integruar mirë dhe kanë aftësi shumë të mira të gjuhës gjermane do të mund ta marrin nënshtetësinë pas vetëm tre vjetësh.

Qytetarët e rinj potencial do të duhet të tregojnë se nuk janë të varur nga ndihmat sociale të shtetit, megjithëse do të ketë përjashtime nga ky kusht.

Projektligji do t’ua hapë gjithashtu derën më shumë njerëzve që të mbajnë nënshtetësi të dyfishtë, përfshirë ata nga komuniteti i madh turk i Gjermanisë.

Rruga drejt shtetësisë ka mbetur e vështirë për shumë emigrantë nga Turqia dhe vende të tjera që erdhën në Gjermani si të ashtuquajtur “punëtorë mysafirë” në gjysmën e dytë të shekullit të njëzetë.

E drejta për shtetësi të dyfishtë në përgjithësi është aktualisht e kufizuar për qytetarët e BE-së dhe zviceranëve, megjithëse janë bërë disa përjashtime.

Rishikimi i legjislacionit ishte një premtim kryesor i bërë nga qeveria e koalicionit të udhëhequr nga qendra e majtë e kancelarit Olaf Scholz kur erdhi në pushtet në fund të vitit 2021.

Vendi me ekonominë më të madhe në Evropë po përpiqet gjithashtu të tërheqë punëtorë të huaj për t’i plotësuar mungesat akute të fuqisë punëtore dhe dëshiron ta bëjë veten një destinacion më tërheqës.

Ligji i ri pasqyron “shoqërinë e larmishme” të Gjermanisë, tha në një konferencë shtypi ministrja e Brendshme, Nancy Faeser.

Gjermania ishte në një “konkurrencë globale për mendjet më të mira” dhe do ta përmirësonte ofertën e saj për punëtorët potencial duke ofruar një rrugë të qartë drejt shtetësisë, tha Faeser. /REL/

The post Qeveria gjermane pajtohet t’i lehtësojë procedurat për marrje të shtetësisë appeared first on Prizreni Sot.

Në lidhje të drejtpërdrejtë në RTK, gazetarja e Deutsche Welle-s, Lindita Arapi, shpjegoi reformat e ndërmarra nga qeveria gjermane në lidhje me këtë çështje.

Në fakt, ajo tha se reforma në këtë drejtim ka qenë synim i Socialdemokratëve, përkatësisht Kancelarit Olaf Scholz.

“Në këtë mënyrë, koalicioni qeveritar ka vendosur që të fillojnë diskutimet në Lande dhe më pas të bëhet ndryshimi për lehtësimin e marrjes së nënshtetësisë”, tha Arapi

Duke shpjeguar se çfarë pritet të ndryshojë, gazetarja Arapi sqaroi se të huajt që duhej të prisnin tetë vjet për të marrë pasaportën gjermane, në të ardhmen duhet të presin vetëm pesë vjet.

Gjithashtu ajo tha se do të bëhet e mundur marrja e nënshtetësisë gjermane edhe pas tre vjetësh, por për këtë duhen arritje shumë të veçanta në integrim siç janë; të flasësh në mënyrë të shkëlqyer gjermanishten, të kesh rezultate të veçanta në punë, të kesh rënë në sy për diçka të veçantë, apo edhe të marrësh pjesë edhe në angazhime vullnetare.“Por nuk duhet harruar se duhet plotësuar edhe kushtet për ta marrë këtë nënshtetësi. E para dhe më e rëndësishmja është sigurimi i jetesës për vetën dhe familje, pra të mos jesh pjesë e sistemeve sociale, të pranosh rendin liberal demokratik të Gjermanisë, të bësh edhe testin e nënshtetësisë, të mos kesh asnjë dënim për vepër penale”, tha Arapi. “Gjithashtu përjashtuese për marrjen e nënshtetësisë gjermane do të jenë edhe shkaktimi i veprave anti-semite apo vepra me motive urrejtje dhe racizmi”.

Për më tepër, këto ndryshime cilësohen si shumë të mëdha nga shteti gjerman, por mbi të gjitha, pritet të hiqet një nga kushtet që është cilësuar si shumë diskriminues për të gjithë ata që kanë plotësuar kriteret e tjera për marrjen e nënshtetësisë gjermane, e ajo ishte heqja dorë nga nënshtetësia e shtetit të origjinës.

Në fakt, Gjermania ishte ndër vendet pakta në Evropë, bashkë me Austrinë dhe Holandën, që kishin ligjin i cili nuk lejonte nënshtetësi të dyfishtë, pra nuk lejonte marrjen e nënshtetësisë gjermane, pa hequr dorë nga ajo paraprake.

“Por me reformën, ata që duan ta marrin nënshtetësi gjermane, nuk do të jenë të detyruar ta dorëzojnë nënshtetësinë e parë, pra në njëfarë forme, të heqin dorë nga një pjesë të identitetit të tyre”, tha Arapi

Përveç kësaj, ajo shpjegoi se ka edhe një ndryshim tjetër, sepse fëmijët e lindur në Gjermani, nga prindër të huaj, do ta marrin më letë nënshtetësinë gjermane. ‘Por kusht është që njëri nga prindërit të ketë jetuar në Gjermani të paktën pesë vjet me leje të rregullt”.

Për më tepër, ajo tregoi se deri më tash ky kusht ka qenë deri në tetë vjet. “Detyrimi për testin e nënshtetësisë do të hiqet për ata që janë mbi 67 vjeç për të marrë nënshtetësinë dhe për ta mjafton vetëm gjuha e komunikimit”.

The post Gjermania nis procesin e lehtësimit të marrjes së nënshtetësisë, përfshihen edhe kosovarët appeared first on Prizreni Sot.

Të huajt që jetojnë prej vitesh në Gjermani do të mund të marrin më shpejt pasaportën gjermane. Deri më tani ata duhet të prisnin tetë vjet për të marrë pasaportën, në të ardhmen do të mjaftojnë pesë. Në një projektligj të koalicionit gjerman, thuhet, se dhënia më e shpejtë e nënshtetësisë do të ishte “një stimul për t’u integruar më shpejt”, sipas ZDF.

Sipas ministres së Punëve të Brendshme të Gjermanisë, Nancy Faeser (SPD) është i mundur edhe një integrim më i shpejtë. Kush ka arritje të veçanta në integrim mund të marrë edhe pas tre vjetësh nënshtetësinë gjermane. Kjo vlen për ata që flasin shumë mirë gjuhën gjermane, arrijnë në punë rezultate të shkëlqyera apo angazhohen në punë vullnetare.E mundur nënshtetësia e dyfishtëEdhe nënshtetësia e dyfishtë është e mundur, sipas projektligjit. Fjala është për lejimin e disa nënshtetësive.

“Shumë të ardhur në Gjermani, ndjehen gjermanë, por nuk duan ta ndërpresin plotësisht marrëdhënien me vendin e prejardhjes”, ka thënë Faeser. Në të ardhmen ata nuk do të jenë të detyruar të dorëzojnë një pjesë të identitetit të tyre.Po ashtu fëmijët e lindur në Gjermani nga prindër të huaj do të marrin më lehtë nënshtetësinë gjermane. Kusht është që njëri nga prindërit të ketë jetuar të paktën pesë vite në Gjermani. Deri më tani ky kusht ishte tetë vite. Politikani për çështjet e brendshme të CDU-së, Alexander Throm e kritikoi reformën e qeverisë, sepse me të “rritet reziku, që të marrin nënshtetësi shumë shpejt personat që nuk janë të integruar sa duhet”.

Një integrim pas tre ose pesë vjetësh është shumë i hershëm, ka thënë Throm. “Integrimi ka nevojë për kohën e vet.”

“Shenjë e mirë” – antisemitizmi është kriter përjashtuesRregullat për integrim më të shpejtë përmes nënshtetësisë nuk do të vlejnë për ata persona që kanë rënë në sy për veprime antisemitiste.

“Për të pasur siguri për këtë ne duam të forcojmë verifikimet dhe pyetje të sigurisë të personave që bëjnë kërkesë për nënshtetësi”, është shprehur drejtuesi grupit parlamentar të Partisë Liberale, FDP, Stephan Thomae për “ZDFheute”.

Kreu i Këshillit Qendror të Hebrenjve në Gjermani, Josef Schuster e mbështeti këtë rregullore.

“E përshëndes shprehimisht”, tha ai. Një veprim antisemitist e ka penguar edhe më parë marrjen e nënshtetësisë, por që tani futet qartësisht në rregullore është një shenjë e mirë. E Majta kritikon, që me këtë presupozohet sikur antisemitizmi është i importuar. Atë e gjen thellë edhe në Gjermani, ka thënë një zëdhënës i Të Majtës.

FDP kishte kërkuar një ashpërsim të rregullave. Sipas Stephan Thomae duhet të pengohen nënshtetësitë që “çimentojnë marrjen e asistencave sociale”. Liberalët kërkojnë që të “marrin nënshtetësi ata persona që mund të sigurojnë vetë jetesën për veten dhe familjen e tyre.” Rregulloret parashikojnë përjashtime për punëtorët e ftuar, “Gastarbeiter” dhe raste të veçanta vështirësie. Reforma e nënshtetësisë ka qenë e parashikuar në marrëveshjen e koalicionit. Sipas Ministrisë së Punëve të Brendshme me ujdinë e arritur në qeveri fillojnë miratimet në landet gjermane./DW/

The post Të huajt do të mund të marrin nënshtetësinë pas 5 vjetësh, qeveria gjermane bie në ujdi për reformën e nënshtetësisë appeared first on Prizreni Sot.

Sipas të dhënave të Institutit për Tregun e Punës dhe Studimet e Profesionit (IAB) aktualisht ka 1,98 milionë vende të lira pune në Gjermani. Për të vepruar kundër mungesës kronike të fuqisë punëtore, qeveria gjemane planifikon të liberalizojë ligjin përkatës për migracionin e punës. Një pjesë e paketës ligjore është e ashtuquajtura “Rregullorja e Ballkanit Perëndimor. Qeveria parashikon dy ndryshime themelore: Nga njëra anë kjo rregullore nuk do të jetë më e kufizuar në kohë – rregulloja e deritanishme zgjat deri në fund të vitit 2023 – nga ana tjetër kontigjenti i punëtorëve nga Ballkani do të dyfishohet në 50.000 punëtorë në vit.

Leja e punës – pa kualifikim

Kur në gjysmën e dytë të vitit 2015 në kulmin e krizës së refugjatëve erdhën më shumë se 1 milionë refugjatë nga Siria, Iraku e Afganistani përmes itinerarit të Ballkanit, atyre iu bashkangjitën edhe shumë njerëz nga 6 vendet e Ballkanit Perëndimor. Atëherë ata përbënin 30% të kërkesave për azil, megjithëse gati të gjitha kërkesat nuk njiheshin. Qeveria e Merkelit atëherë mbylli marrëveshje me vendet e Ballkanit për pranimin e refugjatëve të kthyer dhe në vitin 2016 u miratua Rregullorja e Ballkanit Perëndimor. Me të lejohej ardhja e një kontigjenti të atyre që kërkonin punë pa pengesat burokratike të paraqitjes së kualifikimit. Dy kritere duheshin plotësuar: Kërkesa për lejen e punës duhet të paraqitej tek përfaqësitë gjermane në këto vende dhe më parë nuk duhej të kishe bërë kërkesë për azil.

Një rregullore që duhej të kënaqte të githa palët. Në Gjermani do të kishte imigrim të rregulluar të fuqisë punëtore pa kualifikim ose me kualifkim të mesëm. Nga ana tjetër do të lehtësohej gjendja e vështirë e tregut të punës në këto vende, ku sidomos rinia vuan nga papunësia. Në Kosovë për shembull papunësia arrin 21%, ajo e të rinjve madje 55%. Kështu nuk të habit fakti që si pasojë e rregullores Agjencia Federale e Punës deri në fund të vitit 2020 ka dhënë 260.000 leje parimore për vizë dhe 98.000 leje për viza pune nga aplikuesit e vendeve të Ballkanit Perëndimor.

Këto shifra priten të rriten edhe më tej. Planet e qeverisë gjermane për Rregulloren e Ballkanit Perëndimor përshëndeten nga punëdhënësit gjermanë. Janë pikërisht ata që ushtrojnë presion të rregullt ndaj qeverisë që të liberalizojë kushtet e imigrimit për punë në Gjermani. Shoqata e Sindikatave Gjermane, DGB është më kritike. Evelyn Räder, në bordin e kësaj shoqate thotë se DGB e përshëndet migracionin për punë, por thekson se kushtet e punës për punëmarrësit nga Ballkani duhen parë me shumë kujdes. “Njerëzit që vijnë janë në masë të madhe të varur nga punëdhënësi i tyre. Ata kanë një leje pune, por kjo është e lidhur me vendin e punës që kanë. Kjo krijon frikë, që nëse nuk ulin kokën, mund edhe të kthehen.” Nga ana tjetër ata nuk flasin gjermansiht dhe nuk informohen për të drejtat e tyre. Të gjitha këto bëjnë që në praktikë ata të pranojnë kushte më të këqija pune, thekson Räder.

Jo “forca të kualifikuara” por punëtorë

Tre të katërtat e punëtorëve nga Ballkani punojnë në ndërtim, në gastronomi dhe në kujdesin shëndetësor për të moshuarit. 44% vetëm në ndërtim. Shumica e këtyre punëve janë punë me rroga relativisht të ulta. Megjithëse qeveria gjermane e shpjegon reformën në tregun e punës për të huajt me mungesën e fuqisë punëtore, Rregullorja e Ballkanit Perëndimor nuk i përgjigjet kësaj në atë masë, sepse për ta nuk kërkohet kualifikim për të marrë një leje pune.

Sipas vlerësimit të DGB-së nuk bëhet fjalë për të tërhequr forca të kualifikuara, por për të fituar fuqi punëtore për punë të thjeshta të papaguara mirë. “Ky është thjesht një program punësimi në favor të punëdhënësve, që në këtë mënyrë fitojnë fuqi punëtore, të cilën në rast nevoje mund ta nxjerrin në rrugë sërish”, thotë Räder.

Punë e pasigurtë në kantiere ndërtimi

Kjo problematikë vërehet më shumë në degën e ndërtimit. Shoqata e Industrisë së Ndërtimit ka hequr dorë vitin e kaluar nga zgjatja e marrëveshjes për pagesën në bazë tarifash. Punëtorët mund të paguhen vetëm me një pagë minimale prej 12 eurosh në orë, që është shumë më pak se pagesa më parë. Dikur në këtë degë paguheshin 13 deri në 16 euro në orë.

Në këtë mënyrë punëdhënësit mund të ushtrojnë presion ndaj atyre që kërkojnë një rrogë më të lartë – sepse ka gjithmonë forca pune që kushtojnë më pak. Nga ana tjetër ata nuk kanë pse të kenë frikë nga gjyqet. Punëtorët nga Ballkani janë grup veçanërisht i rrezikuar , ata nuk i njohin të drejtat e tyre, dhe për shumë vetë nga Ballkani kushtet e punës janë të papranueshme krahasuar edhe me vendet nga vijnë. Kësaj i shtohet që kontrollet shtetërore janë shumë të pakta.

Mbrojtja e punëtorëve dhe autonomia

“Ne jemi të shqetësuar, se në këtë mënyrë ushtrohet presion për kushtet e punës të të gjithë të punësuarve në këtë degë- do të bëhet më e vështirë të arrihet marrëveshje tarifash dhe pa to krijohet një program dumpingu më drejtim uljen e rrogave”, paralajmëron Evelyn Räder nga DGB.

Zgjidhja për Shoqatën e Sindikatave, DGB qëndron tek ndryshime të tjera të Rregullores së Ballkanit Perëndimor. Një nga ndryshimet kryesore do të ishte mundësia e ndryshimit të punëdhënësit, pa u detyruar të aplikosh sërish për vizë pune, si tek shumë punëtorë të huaj të tjerë.

Sipas rregullores aktuale aplikimi për vizë bëhet në përfaqësitë gjermane në vendin origjinë dhe jepet për një punë të caktuar. Ndryshimi është i mundur në këto përfaqësi, por kërkesa për lejen e vizës së punës duhet të bëhet sërish nga e para tek Agjencia Federale e Punës. Për shumë punëtorë nga Ballkani kjo është një procedurë shumë e komplikuar, shumë vetë as nuk e dinë se ekziston një mundësi e tillë. DGB kërkon punësimin mbi bazën e Rregullores së Ballkanit Perëndimor vetëm aty ku ka marrëveshje tarifash. Nga njëra anë do të mbroheshin kështu punonjësit, nga ana tjetër nuk do të minohej autonomia e taifave të sindikatave.-

Evely Räder ka një mesazh për punëtorët nga Ballkani që duan të punojnë në Gjermani: “Informohuni për të drejtat tuaja dhe kërkoni në rast nevoje ndihmë. Nuk duhet të përtypni gjithçka, që ju ofrohet.” Në Gjermani punëtorët kanë të drejta, thekson Evelyn Räder./DW

The post “Mos përtypni gjithçka, që ju ofrohet”, shoqata e sindikatave gjermane mesazh punëtorëve nga Ballkani që duan të punojnë atje appeared first on Prizreni Sot.

Pasojat e pandemisë së Coronës duken se janë tejkaluar nga ana ekonomike, edhe ndaj luftës në Ukrainë dhe kostove që ka sjellë ajo duket se ekonomia gjermane është përshtatur. Kriza bankare në SHBA dhe Zvicër nuk e rëndon ekonomikë gjermane. Një recesion i thellë, si ai i shumëpërfoluri nuk pati dhe tregu i punës mbeti i stabilizuar. Por këtë javë që kaloi dy studime vunë gishtin në plagën e ekonomisë gjermane: mungesa e fuqisë punëtore në Gjermani. Instituti i Ekonomisë Gjermane, IW në Köln në Raportin për Fuqinë Punëtore, Dhjetor 2022 ka përcaktuar se boshllëku i fuqisë punëtore të kualifikuar është zvogëluar disi, por ai mbetet “në nivel të lartë”. Kurse Dhoma e Tregtisë dhe Industrisë, (DIHK) në raportin për fuqinë punëtore, 2022 arrin në përfundimin se “ngushticat e fuqisë punëtore po shtohen”.

Mungesë e ndjeshme në shumë fusha

Eksperti i tregut të punës, Stefan Hardege nga DIHK tha në bisedë me Deutsche Wellen se problemi i fuqisë punëtore nuk prek vetëm disa degë specifike. “Ky është një problem ndërkohë që ekziston përtej degëve të caktuara. Këtu janë të prekur shumë sektorë të ndryshëm.” Ata që kërkohen janë punonjës të transportit të shinave, makinistë dhe punëtorë që komandojnë dhe vëzhgojnë transportin e shinave. Sabine Köhne-Finster, që ka punuar për studimin e IW, Köln thotë se shumë i prekur është edhe sektori social: mungojnë pedagogë socialë, punonjësit socialë, edukatorët. Më së shumti kjo mungesë ndjehet në kujdesin shëndetësor për të moshuarit dhe kujdestarët në spitale”, sipas Köhne-Finster. Në sektorë të tjerë si në profesionet elektronike dhe ato të përpunimit të metalit vihet re mungesa jo vetëm tek punëtorët e kualifikuar, por edhe “tek ekspertët, njerëzit me arsim të lartë. Aty mungojnë shumica e ekspertëve dhe gjendja po keqësohet.”

Paradoksi i vazhdueshëm

Stefan Hardege ka përmendur prej kohësh një paradoks: Nëse shikon numrin e të papunëve në Gjermani, rreth 2,5 milionë të papunë dhe shikon numrin e vendeve të pazëna, shtrohet pyetja, pse ky paradoks.” Hardege vëren se “shpesh shohim, se kualifikimi i të papunëve në shumë raste nuk përshtatet me kualifikimet që kërkojnë sipërmarrjet.” Jo rrallë dëgjohet akuza, se të papunët nuk janë të kualifikuar sa duhet, se janë shumë të rehatuar dhe se të rinjtë nuk duan të punojnë më 8 orë në ditë. Vërtet thotë Hardege, punonjësit sot janë në një situatë më të mirë se kurrë më parë dhe mund të kërkojnë kushte më të mira pune dhe rroga më të larta. Por ata nuk janë aspak shkaku për mungesën e fuqisë punëtore. “Nuk kam asnjë të dhënë, se ky problem është i përgjithshëm.”

Kurse ekspertja, Sabine Köhne-Finster nga ana e saj kërkon më shumë fleksibilitet. “Duhet parë me vëmendje: si kanë ndryshuar profesionet? Ka profesione të tjera të përafërta? A mundem që pëmes një shkollimi tjetër dhe ndërrimit të profesionit të ndihmojë për të zvogëluar mungesën e fuqisë punëtore?” Ekspertja i vlerëson në përgjithësi “përpjekjet e politikës për të mundësuar imigrimin e fuqisë punëtore të kualifikuar.” Por sipas saj duhet të “forcohet orientimi profesional në shkolla, universitete dhe shkollat profesionale”.

Stefan Hardege nga DIHK nxjerr në pah një aspekt tjetër. Sigurisht që nevojiten shumë ide, thotë ai dhe është detyra e kompanive të gjejnë zgjidhje kreative. Të përpiqen të jenë më atraktivë, të bëjnë oferta të mira për të harmonizuar jetën e familjes me profesionin, apo të mundësojnë punën nga shtëpia. Megjitthatë pa kornizën e duhur të kushteve nuk do të lëvizin shumë gjëra, thotë Hardege. “E në këtë drejtim rëndësi kanë kushtet që krijon politika.”

Lehtësimi i imigrimit të punës

Më 29. mars qeveria gjermane miratoi projektligjin për të riorganizuar ardhjen e fuqisë punëtore në Gjermani dhe lehtësimin e ardhjes së punëtorëve të kualifikuar. Stefan Herdege e vlerëson këtë hap. “Kjo është gjë e mirë dhe e rëndësishme. Qeveria gjermane e ka marrë në dorë këtë ligj që në shumë sektorë shkon në drejtimin e duhur.” Por sipas ekspertëve “zbatimi i tij do të jetë shumë i rëndësishëm.” Sipas Hardege rregulloret e reja duhet të “funksionojnë shpejt dhe mirë” dhuet të krijohen strukturat e duhura. Megjithatë ardhja e fuqisë punëtore nuk mund ta zgjidhë vetëm problemin. “Ne duhet të shohim si t’i shfrytëzojmë më mirë potencialet brenda vendit, kujtoj këtu punësimin e grave apo punësimin edhe atyre që kanë moshë të caktuar. Ekspertët mendojnë, se duhen shfrytëzuar të dyja opcionet: fuqi punëtore e kualifikuar nga jashtë dhe të mos harrohen të kualifikohen punëtorët brenda Gjermanisë./DW

The post Çfarë fuqie punëtore kërkon konkretisht Gjermania? appeared first on Prizreni Sot.

“Me këtë, ne po hedhim themelet për një fillim të ri në politikën e migracionit,” shkroi në Tëitter ministri i Financave Christian Lindner pasi kabineti miratoi reformat. “Kushdo që mund të kontribuojë në suksesin ekonomik të vendit si punëtor i kualifikuar është i mirëpritur.”

Një nga reformat është ligj i ri i imigracionit që synon të adresojë pengesat kryesore për migrantët në Gjermani, në veçanti për ata që vijnë nga jashtë BE-së.

Draftligji, i parë nga Reuters, thotë se reforma mund ta rrisë numrin e punëtorëve nga shtetet që nuk janë pjesë e BE-së për 60 mijë në vit.

Ajo i ofron punëtorëve të huaj tri rrugë për të hyrë në vend. E para kërkon diplomë profesionale ose universitare të njohur në Gjermani dhe kontratë punë. E dyta kërkon së paku 2 vjet përvojë pune në sektorin përkatës ose diplomim ose formim profesional. E treta është një “kartë mundësie” për individë që nuk kanë oferta punë por kanë potencial të gjejnë punë. Kjo kartë e mundësisë e ndjek një sistem të bazuar në pikë që merr parasysh aftësitë gjuhësore, përvojën profesionale, lidhjen me Gjermanin dhe moshën.

Kabineti miratoi edhe një ligj të arsimit që u jep të drejta të rinjve për trajnime pa pagesë. Agjencia Federale e Punës në Gjermani do të paguajë deri në 67% të pagës neto për kohëzgjatjen e trajnimit.

Gjithashtu, kabineti ka vendosur që t’i zgjasë rregulloret për punëkërkuesit nga Shqipëria, Bosnja e Hercegovina, Kosova, Republika e Maqedonisë së Veriut, Mali i Zi dhe Serbia, të cilat më parë pritej të përfundonin në fund të vitit. Gjermania do të jetë në gjendje të rekrutojë deri në 50 mijë punëtorë në vit nga këto shtete.

The post Gjermania i hap dyert, merr deri në 60 mijë profesionistë nga Ballkani, përfshirë Kosovën appeared first on Prizreni Sot.

“Sigurimi i punëtorëve të kualifikuar është sigurimi i prosperitetit”, tha Hubertus Heil (SPD) të premten (20.01.2023) në Bundestag. “Nëse nuk i heqim tani pengesat, deri në vitin 2035 do të na mungojnë shtatë milionë punëtorë të kualifikuar”.

Strategjia e re qeverisë, e cila iu kalua për shqyrtim komisioneve përkatëse në Bundestag, parashikon shfrytëzimin e potencialit të fuqisë punëtore brenda vendit, duke rritur ofertat e trajnimeve profesionale për të rinjtë që lënë shkollën, përmirësuar kushtet e punës për nënat me fëmijë, apo duke rritur shanset për punësimin e refugjatëve apo azilkërkuesve të refuzuar.

Por sipas Heil shfrytëzimi i potencialit të brendshëm nuk mjafton për ta zgjidhur problemin: pa migracion, nuk dalim dot nga kjo krizë, tha ministri. Ai njoftoi se qeveria do të parashtrojë qysh në mars një projektligj të ri për migracionin.

Karta e shanseve bazuar në një sistem pikësh

Deutsche Welle e ka një draft paraprak të këtij projektligji, që synon lehtësimin e mërgimit të fuqisë punëtore nga vendet e treta. Risia kryesore e këtij projektligji është e ashtuquajtura “kartë shansesh”, që do të thotë një vizë njëvjeçare për të kërkuar punë në Gjermani. Viza jepet në bazë të një sistemi pikësh, që mund të mblidhen, bazuar në katër kritere: njohja e gjuhës, përvoja profesionale, mosha dhe lidhja me Gjermaninë.

Kështu për shembull, sipas draftit aktual, gjashtë pikë mjaftojnë për të marrë një vizë njëvjeçare për të kërkuar punë në Gjermani. Katër pikë i merr nëse ke një kualifikim profesional, tri pikë nëse ke së paku tre vjet përvojë pune, tre pikë për njohuri të mira të gjermanishtes.

Për njohuri të mjaftueshme të gjuhës merren dy pikë, dy pikë jepen edhe për moshat nën 35 vjeçare ose për ata që kanë vetëm dy vjet përvojë pune.

Një pikë e merr për lidhjen me Gjermaninë, pra, nëse më parë ke banuar në mënyrë të rregullt për së paku gjashtë muaj në Gjermani.

Rritet kontingjenti i imigrantëve sipas rregullores së Ballkanit Perëndimor

Një tjetër element i projektligjit të ri është rritja e kontingjentit të punëtorëve që vijnë me rregulloren e Ballkanit Perëndimor. Sipas draftit që ka DW, është parashikuar që ky kontingjent të dyfishohet, nga 25 000 që është aktualisht në maksimumi 50 mijë në vit. Heil tha (20.01.2023) në Bundestag se ka plane që kjo rregullore të zgjerohet edhe për vende të tjera.

Herbert Brucker, profesor në Universitetin Humboldt të Berlinit, e përshëndet si ngritjen e kontingjentit ashtu edhe zgjerimin e modelit me vende të tjera. Instituti i tij merret me hulumtime në fushën e mërgimit dhe është marrë në mënyrë të hollësishme me migrantët që vijnë në bazë të Rregullores së Ballkanit Perëndimor (BP).

Në një intervistë me DW shqip, ai tha se kjo rregullore ka rezultuar shumë e suksesshme. “Shkalla e punësimit është shumë e lartë, dhe vetëm 2 për qind e imigrantëve të ardhur me këtë rregullore marrin ndihma sociale”.

“Pra, është një model i sigurt që ka një impakt pozitiv jo vetëm për ekonominë, por edhe për shtetin social. Edhe pagat e punëtorëve të ardhur me Rregulloren e Ballkanit Perëndimor, janë po aq të larta sa pagat fillestare të vendasve, dhe madje pak më të larta se ato të punëtorëve që vijnë nga vendet tjera të BE-së”, i tha Brucker DW.

Rregullorja e Ballkanit Perëndimor: Migracion pa kualifikim

Rregullorja e Ballkanit Perëndimor ekziston që nga viti 2015 dhe u mundëson shtetasve të gjashtë vendeve të BP (Shqipëri, Bosnjë-Hercegovinë, Kosovë, Maqedoni e Veriut, Mali i Zi dhe Serbia) qasje të privilegjuar në tregun gjerman të punës, pavarësisht nga kualifikimi që kanë. Parakusht për të marrë vizën e punës është një kontratë pune e rregullt në Gjermani. Nuk nevojiten as njohuri të veçanta të gjuhës gjermane.

Siç tha për DW një zëdhënës i Ministrisë së Brendshme të Gjermanisë, deri më 31 dhjetor 2022, në Regjistrin Qendror të të Huajve, (AZR) figuronin rreth 62 000 imigrantë me leje qëndrimi në bazë kësaj rregulloreje. Sipas zëdhënësit, mendohet që numri faktik të jetë më i lartë, sepse evidentimi statistikor i imigrantëve nga Rregullorja e Ballkanit Perëndimor ka filluar të bëhet që nga viti 2020.

Rregullorja e BP: Kontingjenti i vizave është shteruar

Rregullorja e Ballkanit Perëndimor është në fuqi deri në fund të vitit 2023, por në draftin e ri të ligjit të migracionit është parashikuar që ajo të bëhet pa afat. Si rritja e kontingjentit ashtu edhe heqja e afatit janë dy masa që përputhen jo vetëm me nevojën e tregut gjerman për fuqi punëtore, por edhe me dëshirën e shtetasve të këtyre vendeve për të emigruar në Gjermani.

Sipas Ministrisë së Jashtme gjermane, konsullatat e vendeve të Ballkanit Perëndimor kanë dhënë në vitin 2022, 25 000 viza sipas kësaj rregulloreje, duke shteruar kështu kontingjentin e përcaktuar nga ligji. Numri i kërkesave për vizë sipas rregullores së Ballkanit Perëndimor është shumë më i lartë, i tha DW një zëdhënës i Ministrisë së Jashtme.

Aktualisht 2 milionë vende pune të pazëna

Sipas projektligjit të ri të migracionit, përllogaritet që në bazë të këtyre ndryshimeve në Gjermani të vijnë mesatarisht deri në 65 000 fuqi punëtore të reja në vit. Për shumë ekspertë kjo nuk e plotëson aspak nevojën e Gjermanisë për fuqi punëtore, Siç del në pah nga një studim i Dhomave të Tregtisë dhe Industrisë që u prezantua në mes të janarit në Berlin, Gjermania që tani ka 2 milionë vende pune të pazëna. Nga kjo mungesë punëtorësh ekonomia më e madhe e Evropës ka 100 miliardë euro më pak të ardhura kombëtare në vit. Situata përkeqësohet nga viti në vit.

Nga njëra anë për shkak të hartës demografike të vendit: Në 15 vjetët e ardhshëm një e treta e të punësuarve aktualë do të dalin në pension. Por edhe për shkak të ndryshimeve strukturore të shkaktuara nga digjitalizimi, si dhe ndryshimeve për shkak të pandemisë së Koronës dhe luftës në Ukrainë.

Ekspertët përllogarisin se Gjermanisë i duhen 400 000 imigrantë të kualifikuar në vit. Prandaj edhe shumë syresh ndër ta edhe Herbert Brucker propozojnë që rregullorja aq e suksesshme e Ballkanit Perëndimor të zgjerohet për të gjitha vendet dhe të mos ketë fare kufizime në kontingjent. /DW

The post DW: Gjermania ka 2 milionë vende të lira pune, në mars pritet ligji i ri appeared first on Prizreni Sot.

“Ne kemi nevojë për ju”, ka thënë ministri i Ekonomisë, Robert Habeck, në një video-mesazh të hënën, në gjuhën angleze, drejtuar punëtorëve të shteteve të huaja në gjithë botën.

Gjermania ka pasur mungesë të punëtorëve – në veçanti në teknologji, tregti, hotelieri, logjistikë, edukim e infermieri.

Reformat e Qeverisë së Socialdemokratëve pritet të përfshijnë masa që modernizojnë ligjin e imigrimit në Gjermani. Ideja është të largohen pengesat burokratike në sistemin e azilit, për ta bërë më të lehtë që imigrantët të marrin leje qëndrimi të përhershme dhe t’u ofrojë shtetësi qytetarëve që kanë jetuar në Gjermani për kohë të gjatë. Ata që janë më të moshuar se 67 vjeç përjashtohen nga testimi i detyrueshëm i gjuhës.

Opozita ka kundërshtuar planet për reforma.

Ligji pritet t’ua mundësojë gjermanëve dyshtetësinë me shtete jashtë Bashkimit Evropian dhe t’ua mundësojë të huajve në Gjermani të aplikojnë për shtetësi pas vetëm pesë vjetësh dhe jo tetë siç është deri tash. Vetëm duhet të përmbushen kriteret e kërkuara. Masa thuhet se ka qëllim të ndihmojë në integrimin e popullatës me rrënjë turke.

Deri në fund të vitit të shkuar, 240 mijë qytetarë jetonin në Gjermani me të ashtuquajtur “status të toleruar”. Kjo nënkuptonte që azili u është refuzuar, por edhe u është pezulluar dëbimi, për shkak të kërcënimeve në vendlindje, sëmundje të rëndë apo mungesë dokumentesh. Shumë njerëz kanë jetuar në Gjermani nën këto kushte dhe disa kanë rritur edhe fëmijët.

Tani Qeveria planifikon t’ia mundësojë secilit që ka kaluar pesë vjet në këtë status në Gjermani deri më 1 janar 2022, “mundësi njëvjeçare të lejeqëndrimit”. Viti mund të shfrytëzohet për t’i përmbushur kriteret e nevojshme për të aplikuar për lejeqëndrim të përhershëm. Rreth 136 mijë njerëz thuhet se e përmbushin këtë kusht.

Të gjithë azilkërkuesve pritet t’u ofrohen kurse të gjuhës dhe integrimi, transmeton KOHA.

Për ta bërë edhe më atraktive Gjermaninë për punëtorët nga shtetet jashtë BE-së, Gjermania po planifikon t’ua bëjë më të lehtë bashkimin familjar: Të afërmit s’do të kenë nevojë për dëshmi të testit të gjuhës para hyrjes në shtet.

Gjermania ka kalkuluar se ka nevojë për rreth 400 mijë punëtorë çdo vit. Shumica vijnë nga brenda BE-së.

Një ligj migrimi për punëtorët është në fuqi nga viti 2020, por numri i imigrantëve nga shtetet jashtë BE-së ka qenë i kufizuar.

“Kartela e Kaltër” për specialistët e kualifikuar qe prezantuar në Gjermani para dhjetë vjetësh. Kjo garantonte që njerëzit e kualifikuar të kenë të drejt të hyjnë në Gjermani pa kontrolle shtesë apo pa teste të gjuhës. Atyre u duhet të siguronin pagë minimum 50 mijë euro në vit, për t’u përjashtuar nga dumpingu në pagë. Qeveria dëshiron t’i ulë këto paga minimale, ashtu që të marrë më shumë mjekë, IT e inxhinierë.

Ndërsa “kartela e mundësisë”, e bazuar në sistem pikësh, do t’ua mundësojë njerëzve të shkojnë në Gjermani për të kërkuar punë apo edhe trajnime. Kriteri për këtë është kualifikimi, mosha, gjuha dhe përvoja e punës.

Qeveria planifikon ta zgjerojë “pakon” e “Kartelës së Kaltër” edhe te profesionet joakademike, përfshirë kuzhinierët, ekspertë të ndërtimtarisë, teknikë të energjisë dhe shoferë të kamionëve.

Qeveria gjermane po ashtu dëshiron që më shumë njerëz të shkojnë në Gjermani për të studiuar ose për t’u trajnuar e më pas të punojnë aty. Prandaj, planifikohet eliminimi i “kontrolleve” për praktikantët, ndërsa studentëve do t’u mundësohet të punojnë krahas studimeve.

Studentët nga shtetet jashtë BE-së me njohuri të mjaftueshme të gjuhës gjermane mund të lejohen të kryejnë praktikë deri në 6 javë pa leje të Agjencisë së Punësimit.

Për Ballkanin Perëndimor ligji aktualisht lejon që shtetasit e Kosovës, Shqipërisë, Bosnjës dhe Hercegovinës, Maqedonisë së Veriut, Malit të Zi dhe Serbisë të punojnë në Gjermani nëse kanë marrë ofertë pune nga një punëdhënës gjerman. Para miratimit, bëhej një kontroll për të përcaktuar nëse ka në dispozicion punonjës nga Gjermania apo BE-ja. Por ky rregull më herët ishte i limituar deri në fund të vitit 2023. Në të ardhmen, do të aplikohet pakufi. Deri tash, ka pasur kufizim prej 25 mijë personash për vit kalendarik. Gjermania do të donte ta rriste ndjeshëm kuotën dhe po konsideron ta zgjerojë edhe te shtete të tjera. Asociacioni i Punëtorëve ka bërë thirrje që kuota të hiqet tërësisht.

Edhe pranimi i diplomave të huaja ka qenë pengesë burokratike. Qeveria dëshiron ta lehtësojë procesin – duke lejuar dokumentet që të dorëzohen në gjuhën angleze apo të tjera, në vend se të kërkohet përkthim i certifikuar. Por Qeveria tash planifikon ta lejojë imigrimin për disa profesione edhe pa njohjen gjermane të kualifikimit të tyre.

Parakusht do të ishte së paku dy vjet përvojë pune dhe një diplomë që njihet nga shteti i origjinës. Punëdhënësi më pas do të duhej të ishte përgjegjës për kontroll të shkathtësive të gjuhës. Gjithsesi, kjo nuk aplikohet te profesionet e rregulluara si ato në mjekësi e infermieri.

Paga minimale pritet të ulet për specialistët e IT-së. Punëdhënësit do të vendosin vetë se çfarë shkathtësie gjuhe duhet.

The post Gjermania planifikon lehtësimin e migrimit, mund të përfitojnë edhe kosovarët appeared first on Prizreni Sot.

Qeveria gjermane do ta hapë më shumë tregun e punës për fuqinë e kualifikuar punëtore nga shtetet jashtë BE. Këtë e parashikon drafti për reformimin e ligjit të migracionit që do të miratohet në vitin 2023. Parashikohet ndër të tjera të jepet një “kartë e shanseve” mbi bazën e një sistemi pikësh për kërkim të punës në Gjermani.

Tek kriteret për kartën e shanseve do të hyjnë kualifikimi, njohuritë gjuhësore, përvoja e punës dhe lidhja me Gjermaninë. Po ashtu thuhet se do të dotë krijohet mundësia e një punësimi dyjavor për ata që kanë “potencial të mirë”.

Mungesë e madhe e fuqisë së kualifikuar punëtore

“Gjermania ka nevojë për forca të kualifikuara për të qenë e suksesshme nga ana ekonomike”, sipas ministrit gjerman të Punës, Hubertus Heil.

Përveç mobilizimit të fuqisë punëtore të brendshme do të nevojitet “më shumë fuqi punëtore e ardhur nga jashtë”.

Ajo që vlen është “të përfitojme kokat e mençura, dhe duart ndihmëse për tregun tonë të punës”, ka theksuar socialdemokrati Heil.

Sipas një studimi të porositur nga Ministria e Punës, boshllëku i fuqisë së kualifikuar punëtore mes nevojës së re të krijuar dhe ofertës pritet të rritet deri në vitin 2026 në 240.000 persona, kjo sidomos për arsye demografike.

Sipas qarqeve qeveritare në Berlin, të kualifikuarve nga shtetet e treta do t’u lehtësohet imigrimi për punë edhe pa njohjen formale të diplomës apo arsimimit të caktuar. Kush ka të paktën një përvojë dy vjeçare në punë dhe ka përfunduar universitetin apo shkollimin profesional, atij duhet t’i jepet mundësia për të pasur një punë në një sektor jo të përcaktuar nga rregulla të forta.

Diplomimi nuk ka nevojë të njihet në Gjermani, kjo do të lehtësonte punësimet. Ndërsa për sektorë me mungesë të theksuar të fuqisë punëtore mendohet të lejohet “udhëtimi i kufizuar i disa kontigjenteve” dhe kjo “pavarësisht nga kualifikimi”.

Po ashtu do të duhet të vijnë më shumë të rinj nga vendet jashtë BE për shkollim profesional në Gjermani. Për këtë mendohet të hiqet verifikimi prioritar për hyrjen në Gjermani për shkak të shkollimit. Kështu Agjencia Federale e Punës nuk do të duhet të vërtetojë më që me këtë kërkesë nuk spostohet një aplikues vendas.

The post Gjermania ka nevojë urgjente për punëtorë të kualifkuar, priten lehtësime për qytetarët e vendeve jashtë BE-së appeared first on Prizreni Sot.

Kjo ambasadë ka ndarë detaje lidhur me këtë.

 “Bashkohuni me Programin tonë të Internshipit të Biznesit Gjerman për Vendet e Ballkanit Perëndimor dhe bëhuni mbajtës i bursave të gjeneratës 2023. Aplikoni për një praktikë me pagesë tre deri në gjashtë muaj në një kompani lider gjermane në Gjermani duke filluar nga data 3 korrik 2023”, thuhet në njoftim.

Sipas ambasadës, thirrja për aplikim është e hapur nga 1 tetori deri më 16 nëntor.

“Thirrja për aplikim është e hapur nga data 1 tetor deri më 16 nëntor (11:59 pasdite) 2022”.

The post 3 deri 6 muaj punë në Gjermani, Ambasada me detaje për kosovarët e interesuar appeared first on Prizreni Sot.

Që nga hyrja në fuqi e Rregullores së Ballkanit Perëndimor, mijëra punëtorë nga vendet e Ballkanit Perëndimor kanë gjetur punë e kanë filluar një jetë të re në Gjermani. Si rregull pas dy vjetësh, por edhe në varësi të llojit të lejes së qëndrimit në Gjermani, ata mund të bashkohen me familjet e tyre. Sigurisht për këtë duhet të plotësohen disa kritere, si psh të ardhurat e mjaftueshme, të rregulluara në bazë kategorish nga ligjëvënësi, të cilat do të mundësonin që bashkëshorti/tja e fëmijët apo të tjerë të kishin një jetesë normale nga rroga e familjares apo familjarit që fiton të ardhurat. Edhe gjuha në nivele të caktuara kërkohet ndër kriteret e tjera për arritjen e bashkimit familjar në Gjermani.

Por megjithëse shumë vetë i plotësojnë kriteret, për familjarët kthehet në një kohë të mundimshme e shpesh dëshpëruese pritja për të marrë së pari një orar për shtrimin e kërkesës për vizë e më pas marrja e vizës. Një pritje që jo rrallë e kalon një vit. Të lodhur nga kjo, jo pak vetë marrin rrugën e vijnë në Gjermani, duke shpresuar të zgjidhin problemin e vizës në vend. Një rrugë, të cilën ekspertët e bashkimit familjar nuk e rekomandojnë, sepse familjarët përballen pastaj me vështirësi të tjera, kur nuk respektohen rregulloret.

MPJ: Do të ketë lehtësime për procedurën e vizave për bashkimin familjar

Ministria e Jashtme e Gjermanisë është e vetëdijshme për këto vonesa. Në një prononcim të fundit për DW, zyra e shtypit thotë, se në dy vitet e fundit për shembull në ambasadat e Beogradit dhe Prishtinës është arritur që të reduktohen kohët e pritjes për viza për bashkimin familjar. Kurse në ambasadat në Sarajevë, Shkup dhe Tiranë kohët e pritjes për një orar për aplikimin për vitën e baashkimit familjar edhe më tej konsistojnë në 6 muaj dhe deri në 9 muaj. Në Podgoricë nuk ka pasur kohë pritjeje para pandemisë, dhe përmes sistemit online mund të merrje një orar brenda pak ditësh.

“Ministria e Jashtme punon me intensitet që të rrisë kapacitetet e përfaqësive të huaja jashtë për pranimin e kërkesës për vizë dhe përpunimin e saj, me qëllim të uljes së kohës së pritjes. Por përpjekjet aktuale vështirësohen edhe për shkak të situatës së vazhdueshme të pandemisë dhe me masat që lidhen me mbrojtjen e punonjësve dhe vizitorëve”, thuhet në prononcimin e Ministrisë së Jashtme në Berlin për DW.

Pak shpresa mund të kenë aplikuesit e bashkimit familjar për të ardhmen. Jo vetëm zbutja e gjendjes së pandemisë, por edhe planet e koalicionit të ri qeveritar gjerman për bashkimin familjar pritet të çojnë në përmirësimin e gjendjes. Shpesh organizatat e azilit apo ekspertët në Gjermani,kanë ngritur zërin, se familjet kanë një të drejtë për bashkim dhe se është e padurueshme ndarja për një kohë të gjatë e tyre. Partitë e koalicionit qeveritar, SPD, Të Gjelbrit dhe liberalët kanë premtuar përmirësime. Në marrëveshje theksohet, se “dhënia e vizës do të përshpejtohet dhe digjitalizohet më shumë”.

Këtë e konfirmon edhe zyra e shtypit e Ministrisë së Jashtme në Berlin. “Krahas masave organizuese në marrëveshjen e koalicionit janë parashikuar edhe lehtësime të tjera për procedurën e vizave për bashkimin familjar, të cilat pas zbatimit mund të çojnë po ashtu në zvogëlimin e kohës së pritjeve.” Ministria e Jashtme gjermane i tha DW, se për zbatimin e këtyre lehtësimeve që kërkojnë pjesërisht edhe ndryshime ligjore, kjo ministri është në këmbim të ngushtë me ministritë përkatëse./DW

The post Priten lehtësime për procedurën e bashkimit familjar në Gjermani appeared first on Prizreni Sot.

Kjo listë e regjistrimeve do të jetë e hapur deri me 14 mars në ora 14:00.

“Dhënia e termineve ka ndryshuar duke filluar nga data 01.12.2021, kjo për shkak të kërkesës tejet të lartë për caktim të termineve, e cila i tejkalon dukshëm terminet që janë në dispozicion, duke filluar nga dhjetori 2021 terminet do të caktohen nëpërmjet procedurës së tërheqjes së shortit”, kishte njoftuar ambasada.

The post Nga sot mund të aplikoni për termin në Ambasadën gjermane për viza pune appeared first on Prizreni Sot.

“Mungesa e punëtorëve të kualifikuar është bërë aq serioze deri tash, saqë është duke e ngadalësuar në masë dramatike ekonominë tonë”, tha Christian Duerr, shef i grupit parlamentar të Demokratëve të Lirë, parti që është pjesë e koalicionit qeveritar.

“Problemin e fuqisë punëtore që po vjetrohet mund ta marrim nën kontroll vetëm me një politikë moderne të emigrimit. Duhet ta arrijmë shifrën prej 400.000 punëtorësh të kualifikuar nga jashtë sa më shpejt që është e mundshme”, tha Duerr për revistën biznesore, “WirtschaftsWoche”.

Socialdemokratët e Kancelarit Olaf Scholz, Demokratët e Lirë të Duerr-it dhe Partia e Gjelbër janë pajtuar në marrëveshjen e koalicionit për masat si sistemi i pikëve për specialistët e vendeve jashtë BE-së dhe ngritjen e pagës minimale kombëtare prej 12 eurosh në orë për ta bërë punën në Gjermani më tërheqëse, shkruan Reuters, përcjell Gazeta Express.

Instituti Ekonomik Gjerman vlerëson se fuqia punëtore do të tkurret për më shumë se 300.000 persona këtë vit, pasi ka më shumë punëtorë të moshuar që do të dalin në pension sesa të rinj që futen në tregun e punës.

Ky dallim pritet të rritet në më shumë se 650.000 në vitin 2029, duke lënë një mungesë të grumbulluar të njerëzve në moshë pune më 2030 prej rreth 5 milionë personave. Pavarësisht pandemisë, numri i gjermanëve të punësuar vitin e kaluar u rrit në gati 45 milionë.

The post Gjermania do nga 400.000 punëtorë të kualifikuar nga jashtë çdo vit appeared first on Prizreni Sot.

Sipas njoftimit për lejet e drejtimit të automjeteve nga Republika e Kosovës parashihet konvertimi i patent shoferëve pa provime shtesë në këto kategori: AM, A1, A2, A, B, BE, C1, C1E, C, CE, D1, D1E, D dhe DE.

“Për lejet e drejtimit të automjeteve nga Republika e Kosovës parashihet konvertimi i patent shoferëve pa provime shtesë në këto kategori: AM, A1, A2, A, B, BE, C1, C1E, C, CE, D1, D1E, D dhe DE. Kjo projekt-rregullorja pritet të shqyrtohet në seancat e radhës në Bundesrat dhe sapo të konkretizohet data e shqyrtimit do t`ju informojmë në kohë përmes kanaleve tona të komunikimit”, thuhet në njoftim.

Njoftimi i plotë:

Të nderuar qytetarë të Republikës së Kosovës!

Me qëllim të informimit korrekt dhe në kohë, dëshirojmë t`ju vëjmë në dijeni se Ministria Federale e Komunikimeve Digjitale dhe e Transportit të Republikës Federal të Gjermanisë i ka kërkuar Këshillit Federal (Bundesrat) me datë 29 dhjetor 2021 të miratojë disa ndryshime në rregulloren për provimet e patent shoferëve, ndër to edhe për konvertimin pa provime shtesë të lejeve të drejtimit të automjeteve nga Republika e Kosovës, Shqipërisë, Britanisë së Madhe, Irlandës së Veriut dhe Moldavisë.

Për lejet e drejtimit të automjeteve nga Republika e Kosovës parashihet konvertimi i patent shoferëve pa provime shtesë në këto kategori: AM, A1, A2, A, B, BE, C1, C1E, C, CE, D1, D1E, D dhe DE. Kjo projekt-rregullorja pritet të shqyrtohet në seancat e radhës në Bundesrat dhe sapo të konkretizohet data e shqyrtimit do t`ju informojmë në kohë përmes kanaleve tona të komunikimit.

The post Lajmi i rëndësishëm rreth njohjes së patentë shoferëve të Kosovës nga Gjermania appeared first on Prizreni Sot.

Sipërmarrjet gjermane së shpejti mund të kenë mungesë të miliona punëtorëve. Agjencia Federale e Punësimit dëshiron të marrë kundërmasa mbi të gjitha me trajnime të mëtejshme. Askush nuk duhet të humbasë nga jeta e punës, thotë kreu i autoriteteve të Nurembergut.

Në luftën kundër mungesës së madhe të punëtorëve të kualifikuar në tregun gjerman të punës, ekspertët thonë se sa më shumë njerëz duhet të vazhdojnë të punojnë – përfshirë edhe ata me më pak kualifikime. “Është e rëndësishme që të fitojmë sa më shumë punëtorë potencial në Gjermani dhe të mos humbasim askënd”, tha kryetari i Agjencisë Federale të Punësimit, Detlef Scheele. Në të ardhmen, do të hapen po aq vende të reja pune sa do të eliminohen si pasojë e procesit të automatizimit dhe transformimit – por punëtorët duhet të kenë një profil tjetër.

Trajnimet e mëtejshme

Personat që janë të kërcënuar nga papunësia për shkak të ristrukturimit të ekonomisë mund të humbasin vendet e punës, por kjo fuqi punëtore duhet të ruhet dhe të rikualifikohet për punë të tjera. “Duhet t’i trajnojmë”, theksoi Scheele. Agjencia Federale ka një fond prej rreth 900 milionë eurosh për programe të trajnimit të mëtejshëm të punonjësve për vitin 2022. “Ato para duhet të përdoren për të përballuar ndryshimet strukturore, transformimin e ekonomisë dhe për të mbajtur njerëzit në punë”, tha Scheele.

Në radhë të parë punëdhënësit janë ata që duhet të reagojnë dhe të veprojnë, sepse ata duhet të përcaktojnë se në ç’drejtim duhet të rikualifikohet fuqia punëtore. Agjencia Federale e sheh veten në dhjetë vitet e ardhshme si një lloj moderatori në këtë proces. “Si mund të kalohet nga kompania A në kompaninë B”, tha Scheele, duke përshkruar problemin me të cilin ata duhet të merren. Tashmë janë bërë edhe projektet pilot për fusha të ndryshme, në industri dhe zeje. “Ne po mësojmë të jemi qendra e transformimit”, tha Scheele.

Numri i personave ekonomikisht aktivë në Gjermani që janë subjekt i kontributeve të sigurimeve shoqërore është tashmë në një nivel rekord me 34.3 milionë. Agjencia Federale e Punësimit supozon se – nëse nuk ndërmerret asgjë – deri në vitin 2035 Gjermania do të ketë një mungesë prej shtatë milionë punëtorësh.

Kërkimi i fuqisë punëtore në vendet e tjera

Kjo është arsyeja pse Gjermania ka nevojë të sjellë fuqi punëtore të kualifikuar nga vendet e Bashkimit Evropian, por edhe vendet jashtë BE-së – që tani vijnë infermierë dhe punonjës që kujdesen për të moshuarit nga vendet si Kolumbia, Meksika ose Indonezia. Gjermanisë i duhen urgjentisht këta punonjës që vijnë nga BE-ja dhe nga vendet e treta. Nëse nuk do të vinin në numër të mjaftueshëm, Gjermania mund të përballet me vështirësi në rritjen ekonomike. Mungesa e ardhjes së të huajve mund të frenojë rritjen ekonomike.

Përveç kësaj, duhen bërë përpjekje për të rikthyer në procesin e punës të paktën disa nga rreth një milion të papunë afatgjatë në Gjermani. Një hap i duhur në këtë drejtim është edhe pjesa e Marrëveshjes së Koalicionit ku parashikohen ndryshime në këtë fushë, tha Scheele. Këtu mund të ndihmojnë edhe subvencionet e konsiderueshme për punësimin e të papunëve afatgjatë.

Kërkohen më pak taksa për punëtorët e huaj të kualifikuar

Kryetari i Dhomës për tregti të jashtme, Dirk Jandura, i ka kërkuar qeverisë federale të ulë përkohësisht barrën tatimore për punëtorët e huaj të kualifikuar që vijnë në Gjermani. “Unë mund të imagjinoja që për ta bërë Gjermaninë tërheqëse për ta, punëtorëve të kualifikuar t’u jepej një ulje e tatimeve për dy ose tre vitet e para si një lloj nxitje për ardhje këtu”, tha Jandura për gazetën Rheinische Post.

Mungesa e punëtorëve të kualifikuar është që sot një disavantazh vendimtar ndaj konkurrencës. Prandaj, qeveria federale duhet të rrisë shpejt atraktivitetin dhe të bëjë një politikë më të përshtatshme ndaj imigrantëve. Për të janë shumë të paqarta formulimet në marrëveshjen e koalicionit. “Unë do të doja një qasje sistematike me rregulla të qarta si kristali, se kush duhet të vijë tek ne, me çfarë kualifikimesh profesionale dhe cilat do të jenë stimulimet e përshtatshme për këta njerëz. Beteja globale për kokat më të mençura ka nisur prej kohësh. Ne po rrezikojmë të humbim këtë betejë”.

Sindikatat – trajnimet janë tepër të rëndësishme

Nuk ka dyshim se përgatitja e mëtejshme profesionale duhet të jetë një fushë thelbësore e ndryshimit strukturor. Por kush duhet të jetë përgjegjës për të? Sindikatat e shohin qeverinë si përgjegjëse. Ajo duhet të mbështesë punonjësit në ndryshime strukturore, për shembull me të drejtën për kualifikim dhe mësim, thotë shefi e DGB-së, Reiner Hoffmann.

Kryetari i Shoqatës së punëdhënësve Rainer Dulger, nga ana tjetër, thotë: “Kompanitë nuk kanë nevojë për rregulla burokratike të pakoordinuara ligjore”. Trajnimet janë “e nesërmja” e sipërmarrjeve dhe fuqia punëtore duhet të jetë sa më fleksibël. “Kompanitë dhe punonjësit e tyre mund të vendosin më së miri për opsionet individuale dhe kushtet që kërkohen.”

Trajnimi i mëtejshëm është një nga sfidat që sjell ndryshimi strukturor, tha Dulger. “Ne kemi nevojë për një revolucion të mëtejshëm arsimor – ai duhet të ndodhë dhe do të ndodhë në kompani.” Dugler mendon se shuma prej rreth 41 miliardë eurosh që kompanitë tashmë kanë investuar në trajnime të mëtejshme do të vazhdojë të rritet./dw

The post Mungesa e fuqisë punëtore në Gjermani, sektorët ku po kërkohen urgjentisht punëtorë të huaj appeared first on Prizreni Sot.

Por, ndryshe nga herët e tjera, procedura për pajisje me vizë pune gjermane është ndryshuar nga kjo e hënë.

Qytetarët e Kosovës që duan të marrin vizë gjermane, nga 1 dhjetori e deri më 17 dhjetor do ta kenë sistemin e hapur për aplikim dhe se përzgjedhja e tyre do të bëhet me short.

Pavarësisht se sa aplikojnë, brenda një muaji me vizë pune mund të pajisen rreth 450 persona. Në njoftimin e Ambasadës lëshuar të hënën thuhet se procedura e shortit do të mbikëqyret në Ministrinë e Jashtme Federale në Berlin.

Personat e interesuar do të kenë mundësinë që nga sot në orën 14:00 deri më 17 dhjetor në orën 12:00, nëpërmjet sistemit online të termineve të ambasadës të shprehin interesimin e tyre për procedurën e shortit.

The post Sot hapet aplikimi për viza pune në Ambasadën e Gjermanisë, kjo është procedura appeared first on Prizreni Sot.

Me Evropën edhe një herë epiqendrën e pandemisë, Gjermania, Austria dhe Sllovakia kanë rifutur kufizime në prag të Krishtlindjeve. Të enjten, kancelarja gjermane, Angela Merkel, njoftoi kufizime në jetën publike për ata që nuk janë vaksinuar në zonat ku spitalet po mbushen me pacientë me koronavirus.

Greqia ka vendosur gjithashtu më shumë kufizime për njerëzit e pavaksinuar pas një rritje të rasteve të fundit, duke përfshirë ndalimin e tyre nga të gjitha hapësirat e brendshme, si kinematë, muzetë dhe palestrat. Shkalla e vdekjeve nga virusi ka arritur nivelin më të lartë në gjashtë muaj, pasi afërsisht një e treta e popullsisë së Greqisë mbetet e pavaksinuar.

Austria ka vendosur një bllokim të ngjashëm, me dy shtete – Salzburgun dhe Austrinë e Epërme – duke zgjeruar masat edhe për personat e vaksinuar dhe duke hyrë në një bllokim të plotë nga java e ardhshme, me shkollat ​​e mbyllura dhe një shtetrrethim të vendosur.

Kufizimet e reja do të lejojnë vetëm udhëtimet për në dhe nga puna, blerjet e sendeve thelbësore dhe daljen nga shtëpia për stërvitje. Nivelet e vaksinimit në Austri janë ndër më të këqijat në Evropën Perëndimore, shkruan Skyneës.

Të enjten, disa qindra njerëz protestuan jashtë ambasadës austriake në Paris, nga frika se Franca mund të ndjekë të njejtin shembull. Megjithatë, Presidenti Emmanuel Macron ka thënë se nuk do të vendosë një bllokim për njerëzit e pavaksinuar.

The post Evropa vendos kufizime, këto janë masat strikte të Gjermanisë dhe Austrisë appeared first on Prizreni Sot.

Ambasada njofton se lista e pritjes do të hapet sërish gjatë muajit dhjetor për datat e aplikimit nga janari 2022.

Më tutje, kjo ambasade bën me dije se informacionet më të detajuara do të publikohen në faqen zyrtare në kohën e duhur.

“Për shkak të një ndryshimi në procedurën e aplikimeve sipas rregullores së Ballkanit Perëndimor nga Ministria e Jashtme Federale, lista e pritjes do të hapet sërish gjatë muajit dhjetor për datat e aplikimit nga janari 2022. Informacionet më të detajuara do të publikohen këtu në kohën e duhur”, thuhet në njoftimin e ambasadës gjermane.

Kujtojmë se deri tash lista e pritjes për termine hapej në fillim të çdo muaji për muajin vijues.

Kjo forme pati nxitur pakënaqësi të madhe të ata që duan të caktojnë një termin për viza pune.

Kjo për shkak të kërkesave të mëdha të kosovarëve për të zënë një termin.

Madje, disa qytetarë patën thirre edhe protesta për të shprehur pakënaqësitë e tyre.

The post Ambasada gjermane tregon se ka ndryshime në procedurën e aplikimit për viza appeared first on Prizreni Sot.

Kjo pasi qeveria gjermane e ka hequr vendin tonë nga lista e kuqe, e cila përbëhet nga vende që kanë shkallë të lartë të infektimit me koronavirusin COVID-19.

Në njoftimin e Ambasadës së Gjermanisë në Kosovë, bëhet e ditur se ky ndryshim do të vlejë nga data 24 tetor.

“Ndryshimet e fundit: Heqja e Kosovës si zonë me rrezik të lartë nga 24 tetor 2021”, thuhet në njoftim.

Gjermania kishte futur Kosovën në listën e shteteve me rrezik të lartë më 22 gusht të këtij viti, pas rritjes së numrit të raste pozitive me koronavirus.

The post Njoftim me rëndësi për kosovarët që ia mësyjnë Gjermanisë nga kjo e diele appeared first on Prizreni Sot.

Ambasada e Gjermanisë në Kosovë ka njoftuar se të gjitha terminet tashmë janë mbushur.

“Për terminet që janë në dispozicion në muajin e ardhshëm tashmë ka regjistrime të mjaftueshme. Prandaj lista pritjes për termine për muajin tetor është mbyllur”, ka bërë të ditur Ambasada.

Ndërkaq ka njoftuar se në fillim të tetorit do të hapet afati për listën e pritjes të muajit nëntor.

The post Terminet për viza, Ambasada Gjermane ka një njoftim për kosovarët appeared first on Prizreni Sot.

Tash e dy muaj, në fillim të çdo muaji hapet sistemi ku disa prej të interesave arrijnë të caktojnë terminë.

Njoftimi i fundit nga ambasada e Gjermanisë është se për terminët që janë në dispozicion në muajin e ardhshëm tashmë ka regjistrime të mjaftueshme.

“Prandaj lista e pritjes për terminë për muajin shtator është e mbyllur. Lista e pritjes për Tetorin do të hapet në javën e dytë të Shtatorit”, thuhet në njoftimin e ambasadës të postuar në faqen zyrtare të kësaj ambasade.

Muajin e kaluar ka pasur vështirësi të mëdha për të siguruar termin, kjo për shkak të kërkesave të mëdha.

Në medie madje është raportuar se qytetarët po paguajnë shuma të mëdha në agjensione të ndryshme për të siguruar një termin.

The post Ambasada gjermane jep një lajm për vizat e punës, ka të bëjë me termin për muajin tetor appeared first on Prizreni Sot.

“Vendit po i mbarojnë punëtorët e aftë,” tha Scheele për të përditshmen Sueddeutsche Zeitung, përcjell Albinfo.ch.

“Për mua kjo nuk ka të bëjë me azilin, por me një emigracion të shënjestruar për boshllëqet në këtë treg,” vuri në dukje ai.“Ne kemi nevojë për shumë më tepër emigrant sesa vitet e mëparshme. Nga kujdesi për të moshuarit tek ajri i kondicionuar e punonjësit e logjistikës, do të ketë mungesë të punëtorëve të kualifikuar kudo,” theksoi Scheele.

Ai e hodhi poshtë idene e nje rezistence ndaj emigracionit si zgjidhje për çështjet e punës.

“Ju mund të ngriheni dhe të thoni:” Ne nuk duam të huaj. Por kjo nuk funksionon,” tha Scheele. “Fakti është se Gjermanisë po i mbarojnë punëtorët.” Për shkak të zhvillimeve demografike, numri i punëtorëve potencialë të moshës profesionale tipike do të ulet me gati 150,000 këtë vit. situata do të jetë shumë më dramatike në vitet e ardhshme.”, shtoi zyrtari gjerman. Gjermania strehon rreth 3 milionë persona me origjinë turke.

Shumë prej tyre mbërritën atje në vitet 1970, kur vendi kishte nevojë për forcë punëtorë për shkak të mungesave të mëdha të krijuara pas Luftës së Dytë Botërore.

The post Gjermania po i kërkon 400 mijë punëtorë, këto janë detajet appeared first on Prizreni Sot.

Vlerësimi i situatës u bë nga Instituti gjerman për Epidemiologjinë dhe Virologjinë “Robert Koch”, teksa vendi po përballet me rritjen e numrit të rezultateve pozitive të testimeve në popullatë. Këtë herë më të prekura janë grupmoshat e reja.

“Deri në mesin e muajit gusht, mostrat pozitive të testeve PCR u rritën nga 4% në 6%, brenda një jave” njoftoi Instituti për Epidemiologjinë dhe Virologjinë në raportin e tij javor.

Numrat në rritje të infektimeve vijnë pasi varianti tepër ngjitës “Delta” u kthye në formën mbizotëruese të virusit, duke përbërë 99% të të gjitha rasteve në Gjermani.

Instituti gjerman për Epidemiologjinë dhe Virologjinë “Robert Koch” njoftoi se grupmoshat më të prekura janë të rinjtë dhe se rritja e incidencës në Gjermani u vu re që nga fillimi i korrikut. Kjo u bë e dukshme veçanërisht tek personat e grupmoshës mes 10 dhe 49 vjeç.

Varianti Delta përhapet më lehtë sesa variantet e tjera të virusit korona edhe ndër personat e vaksinuar kundër Covid-19. Prandaj ekspertët rekomandojë edhe më tej mbajtjen e maskave dhe respektimin e distancës fizike.

The post Gjermania hyn në valën e katërt të koronavirusit appeared first on Prizreni Sot.

Më 1 gusht hyri në fuqi detyrimi i testit për të kthyerit nga pushimet, masë që u mor për të penguar përhapjen e virusit në fund të pushimeve të verës.

Të gjithë personat nga mosha 12-vjeçare duhet të paraqesin para hyrjes në Gjermani testin negativ, vërtetimin e vaksinimit apo shërimit nga virusi.

Ky rregull vlente deri tani për pasagjerët ajrorë, por tani vlen për të gjitha rrugët e hyrjes në Gjermani, me automjet, autobus apo tren. Kontrollet do të zhvillohen në masë të gjerë.

Ndërkohë në Gjermani debatohet për ndalimin e testimit falas për personat e pavaksinuar.

Megjithëse qeveria gjermane ka thënë se testet falas aktualisht do të vazhdojnë ka mjaft zëra nga qeveritarë gjermanë, që kërkojnë përcaktimin e një date për futjen e testimit me pagesë.

Ministria gjermane e Shëndetësisë në një prononcim për agjencinë gjermane të lajmeve, dpa, tha se, “ministri gjerman i Shëndetësisë, Jens Spahn ka thënë para javësh, se e quan të mundur, që të mos ofrohen më falas testet për të pavaksinuarit në një kohë të mëvonshme.

Se kur është ky afat mbetet të përcaktohet.

Por sipas qarqeve qeveritare, ende nuk ka ujdi, nëse nga fundi i shtatorit nuk do të ofrohen më testet falas për të pavaksinuarit në Evropë.

Edhe ministri gjerman i Financave, Olaf Scholz (SPD) në intervistë për grupin mediatik “Funkegruppe”, tha se “testet e Coronës do duhet të bëhen me pagesë, kur të gjithë të kenë mundësinë të vaksinohen, pra në pak javë, raporton DW.

“Përjashtime duhet të ketë natyrisht për ata që nuk mund të vaksinohen për shkaqe shëndetësore apo për fëmijët e të rinjtë. Edhe kryeministri i landit, Shlezig-Holshtajn, Daniel Günther i kërkoi federatës t’i bëjë me pagesë sa më shpejt të jetë e mundur testet kundër Coronës.

“Qeveria gjermane duhet që në javën e ardhshme të përcaktojë një datë konkrete për zbatimin e testit të Coronës me pagesë. Kjo datë mund të të jetë 20 shtatori. Deri atëherë çdo i pavaksinuar e ka shansin të vaksinohet dy herë”, shkruan dpa.

The post Nga sot në Gjermani mund të hyni vetëm me test negativ Anti-COVID appeared first on Prizreni Sot.

Nga Ambasada e Gjermanisë në Kosovë kanë thënë se tani e tutje terminet për vizat Shengen mund të bëhen përsëri në ambasadën në Prishtinë.

Nga kjo ambasadë kanë thënë se ata që duan të udhëtojnë për në Gjermani, do të duhet të kenë dëshmi për vaksinim.

“Nga 4 korriku 2021, qeveria federale ka hequr të gjitha kufizimet e hyrjes për individët me banim në Kosovë. Udhëtimi në Gjermani nga banorët e Kosovës do të lejohet për të gjitha qëllimet e udhëtimit nga kjo datë nëse është e nevojshme, por kërkohet një vizë e vlefshme. Nga tani e tutje, terminet për vizat Shengen mund të bëhen përsëri në ambasadën në Prishtinë. ·Testimi, prova e rekreacionit ose prova e vaksinimit kërkohet gjatë hyrjes ”, është thënë nga kjo ambasadë.

Tutje nga Ambasada e Gjermanisë në Prishtinë kanë thënë se po përpiqen që të ofrojnë sa më shumë takime të jetë e mundur, por që kërkesat aktuale i tejkalojnë kapacitetet e tyre.

The post Ambasada e Gjermanisë në Kosovë del me njoftim të rëndësishëm për qytetarët appeared first on Prizreni Sot.

Tani më zyrtarisht janë hapur ambasadat, po kush mund të udhëtojë nga Kosova, Shqipëria, Maqedonia e Veirut…? Kur fillon dhënia e vizave Shengen? E kur do të bëhen terminet për viza pune? Cilat janë rregullat për Shqipëri e Maqedoni të Veriut, e cilat për Kosovë? Janë disa nga pyetjet që shumë shqiptarë po i preokupon të dijnë në detaje.

Udhëtimet turistike

Prej datës 20 qershor Gjermania ka hapur kufijtë edhe për udhëtime turistike për shtetasit nga Shqipëria, Maqedonia dhe Serbia. Ajo çfarë duhet të keni parasysh është se për çdo udhëtim eventual në Gjermani përmes fluturimeve duhet të keni një test PRC Negativ. Vlen të theksohet se çdo udhëtim përmes makinave, nuk nevojitet test, transmeton albinfo.ch.

Po shtetasit e Kosovës dhe Malit të Zi?

Prej datës 25 qershor të gjithë shtetasit e vaksinuar të Kosovës dhe Malit të Zi mund të udhëtojnë drejt Gjermanisë. Shtetasit e Kosovës mund të udhëtojnë për vizita, udhëtime afariste dhe ato turistike.

Sa i përket vizave për udhëtime, tërminet për viza Schengen mund të caktohen në Ambasaden e Gjermanisë në Prishtinë nga fillimi i mujit korrik në mënyrë online.

Ndërsa për përsonat që aplkojnë për viza Schengen duhet të dëshmojnë edhe dokumentin që janë vaksinuar.

Tërminet për viza pune

Tërminet për viza pune, për të gjithë përsonat e vaksinuar të shteteve Ballkanike do të filloj në fillim të muajit gusht, në ambasadën e Prishtinës, Tiranës, Shkupit dhe Podgoricës, transmeton tutje albinfo.ch.

Vaksinimi si kusht për udhëtime në Gjermani

Theksohet se për shtetin e Kosovës dhe Malit të Zi, udhëtimet drejt Gjermanisë lejohen vetëm për personat e vaksinuar. Nëse jeni vaksinuar me vaksinat kineze dhe ato ruse, nuk pranohen për udhëtime drejt Gjermanisë. /Albinfo.ch

The post Rregullat e udhëtimit që duhet t’i kenë parasysh kosovarët që ia mësyjnë Gjermanisë appeared first on Prizreni Sot.

Armenia, Azerbajxhani, Bosnja dhe Hercegovina, Libani, Moldavia, Mali i Zi, Maqedonia e Veriut, Serbia, Qipro dhe Ukraina janë hequr poashtu nga lista e zonave të rrezikut.

Kjo vlen edhe për dy rajone në Norvegji dhe ishullin Madeira në Portugali. Kushdo që vjen në Gjermani nga këto zona nga toka në të ardhmen nuk duhet të respektojë më asnjë kufizim hyrjeje për shkak të Coronas.

Për të gjitha këto vende dhe rajone, Ministria e Jashtme gjermane nuk bën më paralajmërim për udhëtimet.

SHBA dhe Kanada gjithashtu që nga e diela nuk janë më zona rreziku. Megjithatë, në këto dy shtete ekziston ende ndalimi i hyrjes për gjermanët që nuk jetojnë atje.

Për shkak të numrit në rënie të infektimeve me Corona, qeveria federale heq nga lista e shteteve zona rreziku edhe të gjithë Austrinë dhe pjesë të Greqisë, Kroacisë dhe Zvicrës. Kjo u njoftua nga Instituti Robert Koch (RKI).  BE po punon për një “frenë emergjence” nëse situata përkeqësohet përsëri.

The post Gjermania e heq sot Kosovën nga lista e zonave të rrezikut për COVID-19 appeared first on Prizreni Sot.

Lajmi është bërë të ditur përmes një postimi në web faqen zyrtare të MPJ’së së Gjermanisë.

“Ndryshimet e fundit: Lajmet (me efekt nga 13 qershor 2021, Kosova nuk është më një zonë rreziku, situata epidemiologjike)”, thuhet në njoftimin e Ministrisë.

Por, Ministria ka paralajmëruar qytetarët që të mos udhëtojnë drejt Kosovës për udhëtime të panevojshme turistike.

“Përhapja e COVID-19 vazhdon të çojë në kufizime në trafikun ajror dhe udhëtimin ndërkombëtar dhe dëmtimin e jetës publike. Paralajmërimet lëshohen kundër udhëtimeve të panevojshme turistike në Kosovë deri më 12 qershor 2021. Udhëtimet e panevojshme turistike në Kosovë nuk rekomandohen me efekt nga 13 qershori 2021”, thuhet në njoftim.

Tutje, ky institucion këshillon qytetarët që të përcjellin lajmet për të marrë informacionet e fundit, meqenëse situata mund të ndryshojë.

The post Gjermania ka një njoftim të rëndësishëm për mërgimtarët që ia mësyjnë Kosovës appeared first on Prizreni Sot.

Sipas një hulumtimi nga Instituti Gjerman i Ekonomisë (IW), mësohet se pandemia COVID-19 ka shkaktuar dëme serioze ndaj ekonomisë gjermane. Pandemia ka shkaktuar një dëm prej 300 miliardë euro në Prodhimin e Brendshëm Bruto të vendit në 18 muajt e fundit.

Hulumtimi zbuloi se ekonomia gjermane do të ishte në një situatë më të mirë, me 300 miliardë euro më shumë nëse pandemia nuk do të ishte përjetuar.

Drejtori i IW, Michael Hüther në një vlerësim lidhur me çështjen tha se nëse nuk do të ishte pandemia e COVID-19, ekonomia gjermane do të vazhdonte rritjen e saj 10 vjeçare dhe se “do të duhen vite për të rikuperuar dëmin ekonomik dhe trazirat strukturore”.

“Norma e vaksinimit në Gjermani është rritur. Ky është një sinjal se nuk duhet të merret lehtë për ekonominë. Por, sërish nuk duhet të përfshihemi në mendimin se kriza e COVID-19 nuk do të lë shenja. Ekonomia do të rritej në masë të madhe nëse nuk do të ishte COVID-19”, tha Hüther.

Ekonomia gjermane, në tremujorin e parë të këtij viti shënoi rënie me 1.7 për qind në krahasim me tremujorin e mëparshëm për shkak të ngadalësimit të konsumit privat nga kufizimet e gjata dhe më të rrepta të zbatuara me qëllim parandalimin e përhapjes së pandemisë.

Analistët presin që ekonomia gjermane të rikthehet në rritje pas pranverës.

Qeveria gjermane, këtë vit parashikon se PBB-ja do të rritet me 3.5 për qind.

Ekonomia gjermane e cila në vitin 2020 shënoi rënie me 4.9 për qind si pasojë e krizës ekonomike dhe shëndetësore të shkaktuar nga pandemia, i dha fund trendit të saj të rritjes e cila vazhdonte prej 10 vitesh./AA/

The post Kriza e Covid-19 i ka shkaktuar Gjermanisë një dëm prej 300 miliardë euro appeared first on Prizreni Sot.