Me anë të raportit 24-orësh policia ka njoftuar se i dyshuari i arrestuar (i katëri me radhë), me vendim të prokurorit është dërguar në mbajtje.

“GRABITJE NË TETATIVË/Rr. Adem Jashari, Prizren 15.11.2021 – 17:02. Lidhur me rastin me datë 20.11.2021 është arrestuar edhe një i dyshuar mashkull kosovar Me vendim të prokurorit, i dyshuari pas intervistimit është dërguar në mbajtje”, thuhet në raportin 24-orësh të PK-së.

Të plagosur kishn mbetur babë e bir, të cilët aktuialisht janë në trajtim mjekësor dhe ndodhen jashtë rrezikut për jetë.

Kryeprokurori i Prokurorisë Themelore të Prizrenit, Admir Shala, ka njoftuar se hajnat kanë hasur në rezistencë të pronarëve dhe gjatë arratisjes kanë lënë veturën me të cilën kanë ardhë dhe me forcë kanë arritur të marrin një veturë në qarkullim.

“Të dyshuarit gjatë arratisjes kanë arritur që ta lëjnë veturën e tyre për arsye të panjohura dhe ta ndalin një veturë, e cila ishte në qarkullim në ato momente, me forcë e detyrojnë shoferin e automjetit që të largohet”, ka thënë Shala.

“Kanë hasur në rezistencë nga pronarët e lokalit, gjatë përleshjes mes tyre ka ardhur deri te shkrepja e armës së zjarrit ku si pasojë janë të lënduar edhe pronari i lokalit dhe djali i tij, të cilët gjenden jashtë rrezikut për jetën dhe janë duke u trajtuar në Spitalin e Prizrenit dhe Qendrën Klinike Universitare. Të dyshuarit gjatë arratisjes kanë arritur që ta lëjnë veturën e tyre për arsye të panjohura dhe ta ndalin një veturë, e cila ishte në qarkullim në ato momente, me forcë e detyrojnë shoferin e automjetit që të largohet. Të njëjtin automjet e marrin dhe shkojnë në drejtim të lagjes Jagllenicë, ku shkojnë deri të një pompë e benzinës, marrin benzinë dhe kthehen e kallin veturën me të cilën kishin ardhur në Prizren. Largohen në drejtim të suharekës, ku policia i është vënë në ndjekje, gjatë ballafaqimit me grabitësit ka pasur edhe shkrepje me armë. Por të njëjtit pasi kanë qenë të armatosur me armë të gjata kanë arritur të largohen në drejtim të autostradës më tej”, ka njoftuar kryeprokurori Shala.

Ndërsa, drejtori i policisë në Prizren për rastin ishte shprehur se prova kryesore për gjetjen dhe identifikimin e të dyshuarve ishte vetura që ata e dogjën.

“Vetura edhe pse e djegur përmes laboratorit është arritur të identifikohen numrat e shasisë, provë kjo kryesore e cila na ka orientu në zbulimin dhe arrestimin e personave të dyshimtë”.

Të dyshuarit janë nga rajoni i Prishtinës dhe kanë të kaluar kriminale, në fushën e grabitjes dhe përdorimit të armës. Sipas policisë, të njëjtit kanë qenë edhe në burg.

The post Plagosja e dyfishtë në argjendarinë në Prizren, arrestohet personi i katërt appeared first on Prizreni Sot.

Në njoftimi e Gjykatës bëhet e ditur se ndaj të dyshuarve rëndojnë disa vepra penale.

“Gjykata Themelore në Prizren, Departamenti i Krimeve të Rënda, ka caktuar masën e paraburgimit në kohëzgjatje tridhjetë (30) ditë, ndaj të pandehurve: R.F., për shkak të dyshimit të bazuar se ka kryer veprën penale ndihma në grabitje nga neni 317 par.1 dhe 4 lidhur me nenin 33 par.1 dhe 2 të Kodi Penal të Republikës së Kosovës; L.L., dhe I.Q., për shkak të dyshimit të bazuar se në bashkëkryerje kanë kryer veprat penale; · grabitja në tentativë nga neni 317 par.1 dhe 4 lidhur me nenet 28 dhe 31: · shkaktimi i rrezikut të përgjithshëm nga neni 356 par.1 lidhur me nenin 31; · mbajtja në pronësi, kontroll ose posedim të paautorizuar të armëve nga neni 366 parag.1· grabitja nga neni 317 parag.1 dhe 3 e lidhur me nenin 31· sulmi ndaj personit zyrtar nga neni 402 parag.1 dhe 3 e lidhur me nenin 31· shkaktimi i rrezikut të përgjithshëm nga neni 356 parag.1 e lidhur me nenin 31· dhe veprën penale asgjësimi apo dëmtimi i pasurisë nga neni 321 parag.1 dhe 2 e lidhur me nenin 31 të Kodit Penal të Republikës së Kosovës”, thuhet në njoftimin e Gjykatës.

Tutje bëhet e ditur se dy nga të pandehurit janë të njohur për organet e rendit dhe janë të regjistruar si kryerës dhe të dënuar për vepra të natyrës për të cilën dyshohen.

“Nga të lartcekurat, si dhe duke marrë parasysh peshën e veprave penale, mënyrën dhe rrethanat që dyshohen se janë kryer këto vepra penale dhe rrezikshmërinë e lartë shoqërore, ku dy të pandehurit L.L., dhe I.Q., janë të njohur për organet e ndjekjes dhe janë të regjistruar si kryerës dhe të dënuar për vepra të kësaj natyre për të cilat dyshohen, Gjykata ka ardhur në përfundim se caktimi i paraburgimit në këtë fazë është i arsyeshëm dhe i domosdoshëm, dhe kjo masë i shërben efikasitetit të procedurës penale ngase do të mundësoj zhvillimin normal të hetimeve, do të parandaloj ikjen apo fshehjen e të pandehurve e po ashtu edhe rrezikun e përsëritjes së ndonjë vepre penale”, thuhet në njoftim.

Ndryshe, tre të dyshuarit janë arrestuar mëngjesin e së enjtes, nën dyshimet se kanë tentuar të grabisin në një argjendari në Prizren, ku kanë plagosur me armë zjarri pronarin e argjendarisë dhe djalin e tij.

The post Grabitja me armë zjarri dhe palgosja e dy personave në Prizren, 30 ditë paraburgim për të dyshuarit appeared first on Prizreni Sot.