Një rast i tillë ka ndodhur në një familje në Zhur të Prizrenit, ku një grua ka kërkuar ndihmën e Policisë së Kosovës.

Burimet e Gazetës Sinjali kanë bërë me dije se 37-vjeçarja ka pohuar se bashkëshorti konsumon alkool dhe në të tilla raste bëhet i dhunshëm.

Si pasojë e dhunës me të cilën u përball, viktima ka kërkuar ndihmë mjekësore në spital, ndërkohë që i dyshuari është arrestuar dhe është shoqëruar në stacion policor.

Pasi i është nënshtruar testit për alkool, 50-vjeçari ka rezultuar në gjendje të dehur.

Me urdhër të prokurorit, i dyshuari është dërguar në mbajtje si i dyshuar për kryerjen e veprës penale ‘Dhunë në familje’.

The post Gruaja në Prizren denoncon në Polici burrin e dhunshëm, thotë se ka telashe me alkoolin appeared first on Prizreni Sot.