Këtë vit, festivali “Hasi jehon 2024”, e shënon edicionin e 35-të, ku Kurti tha se ky festival ka sfiduar vështirësitë dhe është forcuar nga aspekti i cilësisë, duke bërë kështu që sipas tij, ta marrë epitetin e një prej festivaleve më të rëndësishme të folklorit burimor të trojeve ku jetojnë shqiptarët.

Teksa foli për ngritjen e kapaciteteve për mbështetjet financiare nga ana e Qeverisë së Kosovës, dhe Ministrisë së Kulturës, Rinisë dhe Sportit ai premtoi përkrahje në mënyrë të vazhdueshme për ansamblet, projektet e veçanta, studimet, botimet e aktivitetet e ndryshme në të gjithë Kosovën, në nivelin qendror dhe atë lokal.

“Këtë vit Festivali folklorik “Hasi Jehon”, feston 35-vjetorin e jetës së tij artistike, dhe si çdo vit tjetër edhe këtë vit vazhdon fuqishëm të sjell program cilësor, të zgjedhur me profesionalizëm dhe të prezantuar me mjaft kujdes nga bartësit tanë të folklorit. Prandaj, siç tha kryeministri festivalin “Hasi Jehon” e shohim si aktivitet kulturor të pandalshëm dhe të pandashëm me trashëgiminë tonë kulturore”, thuhet në njoftimin e qeverisë.

Më tej, Kurti tha se tradita, profesionalizmi, publiku, bashkëpunimi dhe serioziteti i vazhdueshëm kanë bërë që ky festival të jetë nën mbrojtje dhe përkrahje të shtetit.

“Ai shprehu mirënjohjen dhe falënderimin e tij të përzemërta për organizimin, aktivitetet, angazhimin dhe punën e palodhshme të gjithë organizatorëve të festivalit, ndërsa i uroi suksese të gjithë pjesëmarrësve që marrin pjesë me shfaqjet e tyre në festival, e të pranishmëve shikim e përjetim të këndshëm gjatë tre netëve sa zgjatë festivali”.

“Me këtë rast ai bëri thirrje që në këto tre net të vijnë dhe ta vizitojnë Hasin dhe ta përcjellin festivalin sepse në këtë mënyrë e përcjellin trashëgiminë kulturore gjithandej, pasi që siç e cilësoi edhe kryeministri treva e Hasit është zemra e shqiptarisë”, thuhet tutje në njoftim.

The post Kurti mori pjesë në “Hasi jehon 2024”: E ka epitetin e një prej festivaleve më të rëndësishme të trojeve tona appeared first on Prizreni Sot.

Haziz Hodaj: Po është e vërtetë bukën e kemi armën kryesore, është trashëgima jonë shpitrtërore, por edhe trashëgimia jonë ekzistenciale

Haziz Hodaj, drejtor i Festivalit falenderoi pjesëmarrësit e pranishëm.

“Ne hasajnët kur të bëjmë postime, në mënyrë ironike na thonë, hajt shkoni qitni bukë ju hasjanët, se nuk dini tjetër sen. Po është e vërtetë bukën e kemi armën kryesore, është trashëgima jonë shpitrtërore, por edhe trashëgimia jonë ekzistenciale, kështu që në hapje të Festivalit në dhjetëvjetëshin e fundit e kemi praktiku që ta hapim edhe ekspozitën e prodhimit të bukës, të gjitha prodhimeve, duke filluar nga buka e misrit, bukën pogaqe deri te prodhimet më moderne të furrave për të tregu se ne jemi hasjanë, por dimë edhe punë të tjera me bo.

Adem Morina: Hasi Jehon festival mbarëkombëtarë

Adem Morina, drejtor i Kulturës Rinisë dhe Sportit pasi i përshëndeti të pranishmit në emër të kryetarit Shaqir Totaj, i cili gjindet në një udhëtim zyrtar dhe uroi edicionin e 33 të Festivalit “Hasi Jehon”.

Festivali Hasi Jehon na ka munguar qe dy vite, në kohën e pandemisë, kështu që erdhi viti 2022 që Hasi dhe jo vetëm Hasi, por të gjitha trevat shqiptare, ta kemi një festival mbarëkombëtar. Ne si Drejtori e Kulturës jemi pran Festivalit “Hasi Jehon dhe të gjitha atyre festivaleve që promovojnë vlerat kulturore, të trashëgimisë, kështu që e përgëzoj drejtorin e Festivalin dhe ju urojmë suksese të gjitha grupeve arstistike” tha ai.

Vlora Misurica: Ju falenderoj që po e ruani këtë traditë

Drejtoresha e Radio Kosovës, Vlora Misurica tha se dhe se është kënaqësi e jashtëzakonshme që jemi sot këtu.

“Ne kemi qenë në forma të ndryshme pjesë e festivalit, e kemi përcjellë gjithmonë duke e vlerësuar jo vetëm si aktivitet por është një pasuri kombëtare e gjithë kjo që ndodh këtej duke filluar nga veshja, nga cdo gjë që bëhet aq bukur. Ne gjithmonë i këmi dhën hapësirë në Radio Kosovë dhe në Radio Televizionin e Kosovës.  Ju falenderoj që po e ruani këtë traditë, tha ajo.

The post Drejtori i Kulturës Adem Morina e hapi edicionin e 33 të Festivalit “Hasi Jehon” appeared first on Prizreni Sot.

Drejtori i festivalit, Haziz Hodaj, thotë se janë bërë të gjitha përgatitjet e duhura për mbarëvajtje sa më të suksesshme të edicionit të 33-të të këtij festivali. Ai ndjehet i lumtur që pas periudhës 2 vjeçare, si pasojë e pandemisë, ” Hasi Jehon” po rikthehet në shtratin e tij në Kodrën e Pajtimit.

Sipas tij, interesimi i grupeve artistike për të marrë pjesë në festival ka qenë tejet i lartë, ndërsa njofton se nga ky edicion, është vendosur një rregulloree re dhe grupeve pjesëmarrëse iu është kërkuar që programin e tyre t’ia përshtatin kritereve të reja të ruajtjes së trashëgimisë shpirtërore të festivalit, pasi Festivai është në proces të pranimit nga Ministria e Kulturës që të jetë si aset në mbrojtje të përhershme.

Në edicionin e radhës së festivalit ” Hasi jehon”, do të marrin pjesë 16 grupe artistike nga hapësirat mbarëshqiptare, ndërsa tradicionalisht festivali hapet nga nikoqiri SHKA ” Malësori” nga Gjonaj.

Festivali  Folklorik  “ Hasi Jehon 2022 ”

Programi:Dita e parë ( 5 maj 2022 , ora 18.00 hapja e ekspozites  se bukes)

1. SHKA  “ Malësori “ – Gjonaj
2. SHKA  “Çeta e Profetëve” –  Krumë
3. Kengetaret: Hamit Kastrati dhe Klevi Gaxha
4. Emin Sallahu – Melodi me Okarinë
5. AKV   “ Deçani ”  –  Deçan
6. Kengetarja:  Blerina Dibra
7. AEK   “ Katarina Josipi ” – Zym

Dita e dytë ( 6 maj 2022 ora 18 e 30 min )

1. SHKA “ Bajram Curri ” – Prishtinë
2. SHKA “ Kastriotët ” – Ferizaj
3. SHKA “ Rapsha” – Tuz
4. SHKA  “ Zëri i Kosovës ” – Fushë Kosovë
5. SHKA  “ Minatori i Ri ” – Kizhnicë
6. SHKA  “ Kemajl Aziz i” – Viti  

 Dita e tretë  ( 7 maj 2022 ora 18 e 30 min )

1. SHKA  “ Bajram  Curri “ – Krushë e Madhe
2. SHKA  “ Bresana” – Bresanë
3. Rapsodi: Jeton Fetahu
4. Ansmabli  “ Besa “ –  Kavajë
5. SHKA “ Shqiponja “ – Shkup
6. AFA  “ Rugova ” – Pejë
7. SHKA  “ Malësori ” –  Gjonaj

The post Sonte fillon edicioni i 33- të i festivalit  “Hasi Jehon” appeared first on Prizreni Sot.

Pjesë e kësaj tryeze ishin organizatorët e festivalit ” Hasi jehon” dhe përfaqësues të ansambleve foklorike, ekspertë dhe  përfaqësues të institucioneve të ndryshme.

Në këtë tryezë, është prezantuar rregullorja e re për organizimin e festivalit folklorik ” Hasi jehon”, e cila sipas drejtorit të këtij festivali, Haziz Hodaj, ka lindur si nevojë që kjo ngjarje kulturore të ketë një dimension dhe status të ri, e cila edhe na obligon pas vendimit që jemi duke e pritur nga MKRS që të pranohemi si aset në Mbrojtje të Përhershme.

Kjo rregullore e paraqitur mbrëmë nga ekspertë të angazhuar në hartimin e saj, po shihet si një qasje krejtësisht ndryshe dhe më pozitive për festivalet, nga profesori universitar dhe koreografi, Dilaver Kryeziu.

Njëri nga hartuesit e kësaj rregulloreje, prof.dr Arsim Canolli, tha se përmes ndryshimeve të parapara në rregullore po tentojmë të krijojmë një dialog kulturor ndërshiptar, si dhë në shërbim të tejkalimit të sfidave të festivaleve dhe ansambleve.

Për këtë qasje të re të festivalit ” Hasi jehon” dhe jo vetëm, kërkohet mbështetje më e madhe nga ministria e Kulturës dhe komunat, vijoi më tej profesor Canolli. Samir Hoxha, drejtor i QRTK në Prizren, tha se përkundër faktit se ishim optimist që aplikimi i festivalit ” Hasi jehon”  në MKRS që të pranohet si aset në mbrojtje të përhershme vitin e kaluar, një gjë e tillë ende nuk ka ndodhur.

Por shpresojmë se komisioni përkatës i Ministrisë do të rishqyrtoj këtë kërkesë në fund të muajit prill, dhe vendimi të shpallet para mbajtjes së edicionit të radhës së festivalit.

Gatishmëri për të mbështetur festivalin ku kultivohen dhe promovohen vlerat e trashëgimisë kulturore dhe shpirtërore mbarëshqiptare, shprehu drejtori i DKRS në Prizren, Adem Morina.

Pjesë e kësaj tryeze ishin edhe përfaqësuesit e ansambleve folklorike, të cilët e vlerësuan të rëndësishme si dhe dhanë mendimet dhe sygjerimet e veta rreth kësaj rregulloreje, duke bashkëbiseduar me hartuesit e saj. Edicioni i radhës së festivalit ” Hasi jehon”, do të mbahet nga datat 5,6 dhe 7 maj në Gjonaj. / Tv Prizreni

The post PREZANTOHET RREGULLORJA E RE PËR FESTIVALIN ” HASI JEHON”, ORGANIZATORËT ENDE NË PRITJE TË VENDIMIT NGA MKRS QË FESTIVALI TË SHPALLET ASET NË MBROJTJE TË PËRHERSHME appeared first on Prizreni Sot.

Këtë vit “Hasi Jehon” do të mbahet me 5, 6 dhe 7 maj në mabient të hapur.

Postimi i plotë:

5, 6 dhe 7 maj

Festivali Folklorik

“Hasi Jehon 2022”

The post Festivali “Hasi Jehon”, këtë vit mbahet me 5,6 dhe 7 maj në embient të hapur appeared first on Prizreni Sot.

“ Edhe ky edicion është spikatë me shumë karakteristika që e shenjëzojnë si një ngjarje të shënuar kulturore. Natyrisht, e ka pas shumë vështirë të qëndroj në ballë të problemeve të cilat janë praktikisht të pranishme në jetën tonë siç është Covid 19 dhe problemet tjera. Megjithatë ka shumë karakteristika që e shenjëzojnë si Festivalin unikat tash për tash në Kosovë dhe ky eveniment, kjo ngajrje kulturore shpresoj që të jetë pjesë e ruajtjes insttitucionale të trashëgimisë shpirtërore dhe materiale. E them për shumë arsye dhe njëra ndër to është organizimi kaq dinjitoz i Ansamblit “Malësori” si gjenerator faktikisht realizues i këtij Festivali në krye me kryetarin Haziz Hodaj” tha Sami Piraj.

Ai në vazhdim i shpalosi çmimet.

Çmimin “Malësori” e fitoi Ansambli “Çeta e Profetëve” nga Kruma e Hasit

Çmimi “Malësorja” iu nda për Ansamblin “Deçani” nga Deçani

Çmimi “Lahuta” iu nda Ansamblit “Bresana” nga Bresana

Çmimi “Nazmije Totaj” iu nda këngëtares  Mamure Belaj nga Kaçaniku

Ritali më objektiv Ansambli “Bresana” nga Bresana

Grupi më i dalluar i rapsodëve nga “Hajvalia”  nga Hajvalia

Kostumet autoktone “Deçani” nga Deçani

Koreografia më e mirë Ansambli “Bajram Curri” Prishtinë

Grupi më i mirë i vallltarëve “Anamorava” Viti

Dyshja më e mirë e valltarëve dyshja e Ansamblit “Deçani” nga Deçani

Vallatarja më e mirë Rilindë Gjonbalaj “Vuthaj” Mal i Zi

Valltari më i mirë Fahri Musa nga Ansambli “Anamorava” Viti

Rapsodi më i dalluar Përparim Brati nga Kruma

Orkestra më e dalluar “Bajram Curri” Prishtinë

Instrumentisti i dalluar I takon Muharrem Dibrës nga Kruma e Shqipërisë

The post Ansambli “Çeta e Profetëve” nga Kruma e Hasit të Shqipërisë fituese e edicionit të 32 te Festivalit “Hasi Jehon” appeared first on Prizreni Sot.

Manifestimi kombëtar i kulturës Festivali Folklorik “Hasi Jehon”, si manifestim i përshpirtshëm kulturor, në skenën e festivalit sjell vlerat më autentike të trashëgimisë shpirtërore, është unik, më i vjetri dhe më i organizuari në veprimtarinë e këtij lloji në trevat e Ballkanit

Është themeluar në shtator të vitit 1976, nga SHKA “Malësori” dhe rinia e fshatit Gjonaj. Ka nisur veprimtarinë e vet me SHKA, grupet artistike të shkollave të Hasit, rapsodë, lojtarë të lojërave popullore, instrumentistë popullor, me veshje unike kombëtare, për të arritur pas luftës në organizimin më të konsoliduar të kulturës e trashëgimisë në nivel kombëtar.

Festivali Folklorik “ Hasi Jehon”  bazohet në disa shtylla të veprimtarisë së vet dhe ato kanë bazë dhe ekskluzivetet, trashëgiminë shpirtërore por që identifikohet me folklor burimor, vallet, këngët, lojërat, doket dhe zakonet e mbarë trevave shqiptare.

Drejtori i Qendrës Rajonale për Trashëgimi Kulturore në Prizren Samir Hoxha, thotë se vlerat përfaqësuese të këtij festivali, na obligojnë ta ruajmë, ta kultivojmë, ta zhvillojmë dhe ta afirmojmë edhe në përmasa ndërkombëtare, si festival ndër më të veçantit, i cili përmes vlerave të kulturës e të trashëgimisë, qet në pah vlerat tona kombëtare, me të cilat identifikohemi si komb, si popull me traditë dhe trashëgimi të pasur e të pa kontestuar.

The post Festivali Hasi Jehon, propozohet që të merr statusin e asetit në Mbrojtje të Përhershme appeared first on Prizreni Sot.

Haziz Hodaj drejtor i Festivalit tha se është bërë traditë hapja e ekspozitës së prodhimit të bukës

“Para se të nis proframi festiv e Festivalit “Hasi Jehon” traditë tanimë është edhe hapja e ekspozitës së prodhimit të bukës, me të cilën Hasi ka mbijetu nëpër shkeuj, ka ekzistu nëpër shekuj dhe i ka mbijetu shumë sfidave, pra buka është simboli jonë….edhe bujarisë, edhe i fisnikrisë edhe i mbijetesës, kështu që këto dhejtë vitet e fundit e kemi pa obligim që këtij evenimenti t’ia bashkëngjesim edhe këtë pjesë të festës” tha Haziz Hodaj.

Më tej ai tha se në “në kushte të zakonshme ne e kemi bërë edhe demonstrimin e gatimit në ambiente të Festivalit. Gra hasjane kanë gatuar në magje, kanë pjekë pite këtu, kanë pjekë flija, por tani jemi në kushte pak më të rënda dhe këto gatime, shumica janë gatime të shpisë, që i kanë bërë gratë tona, por edhe furrat për ta bërë një lidhshmëri në mes të të vjetrës dhe modernes”.

“E vlerësoj prezencën e juaj në këto kushte të rënda, pak specifike. Pran meje e kam drejtorin e Qendrës Rajonale të Mbrojtjes së Trashëgimisë, Samir Hoxha, i cili është iniciator që Festivali “Hasi Jehon” ka kapërcy në Komisionin Departamentit të Trashëgimisë  të Ministrisë së Kulturës për të hy në mbrojtje të shtetit. Po e presim një vendim final, vetëm nga Komisioni Paralamentar dhe realisht pas kësaj Festivali “Hasi Jehon” do të jetë një pasuri shtetnore e jona, e cila do ta ketë përkujdessjen shtetërore.

Unë besoj që e kemi meritu një status të tillë sepse Festivali “Hasi Jehon” tashmë është njëri ndër Festivalet më të vjetra, sepse mosha e tij është 45 vjet, këtë vit, ndërsa është edicioni i 32” tha Haziz Hodaj.

“Sigurisht se jam shumë i lumtur me statusin që po na ipet sepse ne e kemi pas obligim që kemi punu me vite, që të ua bartim gjeneratave të reja një status më të sigurt për Festivalin Hasi Jehon. Jemi mundur që  duke filluar prej kësaj sofre këtu edhe në skenë t’i plasojmë vlerat tona të trashëgimisë shpirtësore sepse  kjo është alfa dhe omega e Festivalit “Hasi Jehon”.Pas marrjes së këtij statusi do të jemi edhe më të obligueshëm që këto vlera edhe t’I hulutmojmë, edhe t’I kultivojmë, por ti plasojmë edhe në skenë për  t’ua bartë” tha Haziz Hodaj.

Skënder Zogaj: Hasi e ka njohur që në lashtësi shejtninë e bukës prandaj një sofër që jep bukë jep gjithëçka

Skender Zogaj, poet dhe publicist (ish kryetar e Komunës se Fushë Kosovës) tha se sot ka ardhur këtu “nga dëshira e thellë e një dëshmitari të hershëm, që në këto treva është  luftu me shpirtin e njerëzve sepse 50 vjet më parë edhe qendrat më të mëdha të Kosovës ishte vështirë të thuhet një fjalë e mirë, të thuhet një këngë, të thuhet një varg etj. Hasi i njohur për thatësinë i ka ushqy së paku nja shtatë shtete  të Rajonit tonë sepse kanë qenë mjeshtrit kryesor dhe është shumë e bukur dhe shumë simbolike sepse shejtnia  ka të bëjë me bukë dhe Hasi e ka njohur që në lashtësi shejtninë e bukës prandaj një sofër që jep bukë jep gjithëçka”.

Unë sinqerisht nga zemra i uroj këta njerëz sepse këta kanë ditë me qëndru dhe konsidreoj së patriotizmi kryesor i njerëzve në këtë botën tonë është puna që nis nga buka dhe përfundon te kënga. Hasi është i njohur dhe jo që është Hasi I Prizrenit por unë mendoj që Hasi me punën e vetë është duke ndërruar këtë rend sepse jam I bindur që shumë shpejt Prizreni ka me thënë Prizreni i Hasit. Dhe unë uroj që Prizreni të jetë i Hasit.

Samir Hoxha drejtor i QRTK-së: Festivali “Hasi Jehon” propozohet që të merr statusin e asetit në Mbrojtje të Përhershme

Samir Hoxha drejtor i QRTK-së tha se për të është nder dhe kënaqësi e veçantë që sot  në këtë edicion të 32 të Festivalit “Hasi Jehon” .

“Të jem pjesëmarrës sikurse edhe herave të tjera që e kemi ndjek nga afër në funksione dhe pozicione të tjera dhe Hazizi po na e lenë meritat neve, po na e kemi kry detyrat dhe përgjegjësit në përputhje me mandatin që e kemi si Institucion bartës i Ministrisë së Kulturës. Kontributi dhe merita kryesore i takon banorëve të Hasit, i takon Hazizit dhe bashkëpunëtorëve të tij, të cilët e mbajtën Festivalin edhe në rethana okupimi dhe pas luftës tha Samir Hoxha dhe shtoi… “Prozpozimi i QRTK-së për ti dhënë statusin e mbrojtur ligjor këtij Festivali në kategorinë shpirtërore… besoj fuqishëm  që brenda këtij viti deri në vitin e ri do të formalizohet nga ana e Institucioneve, në këtë rast nga Këshilli I Kosovës për Tashëgimi dhe pastaj  do të aprovohet edhe nga ministri dhe jam i bindun që nga viti i ardhshëm, përkujdesi shtetnor përveç atij komunal do të jetë me i shtuar. Do te jëtë obligim shtetnor përkujdesja e duhur dhe të merituar për këtë Festival”.

Hasi Jehon është njëra ndër ngajrjet më të rëndësishme, më të konsoliduara dhe më të vjetra në Kosovë

Pas “Ekspozitës së bukës”, në skenën e Festivalit “Hasi Jehon” Haziz Hodaj ka thënë se është i emocianuar edhe i gëzuar edhe krenar.

“Hasi Jehon është njëra ndër ngajrjet më të rëndësishme, më të konsoliduara dhe më të vjetra në Kosovë, në të cilën kultivohetet, ruhet, hulmutohet dhe plasohet në skenë vlera e trashëgimisë sonë shpirtërore. Malësori vjen me një program ekskluziv duke ia dediku kësaj trashëgimie, historisë sonë, trashëgimisë sonë për të cilën jemi shumë krenarë” tha Haziz Hodaj.

The post Festivalit “Hasi Jehon” propozohet që të merr statusin e asetit në Mbrojtje të Përhershme appeared first on Prizreni Sot.

Në skenë pas “Malësorit” parakalojnë ShKA të pjesëmarrëse dhe këngëtarë folklorik. Festivali zgjatë tri netë dhe në natën e tretë finale nga juria profesionale ndahen çmimet tradicionale të Festivalit “Hasi Jehon”.

25. 11. 2021 (dita e parë)

Ekspozitat e prodhimit te bukës – ora 17.oo

Hapja solemne  dhe fillimi i festivalit – ora 18.oo

1. SHKA Malësori”- Gjonaj
2. Kengetarja: Shyhrete Osmanollaj
3. Ans. “ Ceta e Profeteve” – Krumë – Has
4. Shoqata (gr.polifonik) “Shpati”
5. SHKA “Bresana” – Bresane
6. Kengetari: Masar Sinani

26. 11. 2021 (dita e dytë)

1. AKV  “Anamorava”- Viti
2. SHKA “ Maja e Kranflit” – Vuthaj (Mali i Zi)
3. AKV   “ Decani ” – Decan
4. SHKA “ Tingujt e Vendlindjes” – Stagove – Kacanik
5. Dueti: Hamit Kastrati dhe Klevi Gaxha

27.11 2021 (dita e tretë)

1. SHKA “ Bajram Curri ” – Prishtine
2. SHKA “ Jahi Hasani “ Cegran – Gostivar
3. AKV   “ Hajvalia “ – Hajvali
4. Kengetarja: Vlore Duraku
5. SHKA “ Drita e Dervenit “ – Saraj – Shkup
6. Këngëtarja: Fatime Kalimashi
7. AKV  “ Bajram Shabani ” – Kumanove
8. SHKA “Malësori”( permbyllja)

The post Edicioni i 31 e Festivalit “Hasi Jehon” mbahet me 25, 26 dhe 27 nëntor appeared first on Prizreni Sot.