Avokati i ish-kryeparlamentarit, Valon Hasani konfirmoi që Krasniqi tashmë është nisur për në Hagë dhe se shumë shpejt do të dihet edhe dita e seancës.

Po ashtu është bërë e ditur që edhe shtëpia e Krasniqit në fshat është bastisur.

The post Jakup Krasniqi niset për në Hagë appeared first on Prizreni Sot.

Zyrtari i OVL të UÇK-së, Enver Hajdari e ka cilësuar maltretim trajtimin që po i bëhet Jakup Krasniqit, i cili po merret në pyetje brenda shtëpisë së tij në lagjen Velania në Prishtinë, shkruan Gazeta Express.

“Ka ndodhë diçka që nuk ndodh kurrkund në botë.. Një izolim, një maltretim”, ka thënë Hajdari.

Bastisjet e Prokurorisë së Specializuar, sipas tij janë të njëanshme dhe të turpshme.

“Këto bastisje janë të njëanshme…. Ne nuk e njohim këtë gjykatë dhe nuk do ta njohim këtë gjykatë. Bastisja është gjëja më e turpshme që ndodh pas 20 viteve”, tha ai.

Hajdari ka thënë se nuk kanë informacione nëse janë bastisur edhe shtëpi tjera të ish-pjesëtarëve të UÇK-së.

Paraprakisht, avokati i Jakup Krasniqit ka thënë se Dhomat e Specializuara e kanë konfirmuar aktakuzën kundër klientit të tij, dhe se ai do të transferohet në Hagë për gjykim.

The post Zyrtari i OVL-së së UÇK-së: Jakup Krasniqi po maltretohet brenda shtëpisë appeared first on Prizreni Sot.

“Krejt çfarë mund të konfirmojë është që ka një bastisje… Aktakuza e cila është konfirmuar, tash duhet të transferohet zotëri Krasniqi në Hagë, besoj gjatë ditës së sotme”, ka deklaruar Hasani për KosovaPress.

Ndërkohë që pjesëtarët e EULEX-it po qëndrojnë në oborrin e familjes Krasniqi edhe në fshatin Negrovc të Komunës së Drenasit, që është edhe vendlindja e Jakup Krasniqit, shtëpia e së cilit po bastiset sot në Prishtinë.

Ndërkohë në shtëpinë e tij në fshat nuk ka bastisje, meqë po priten anëtarët e familjes.

The post ​Avokati i Krasniqit: Jakupi pritet të transferohet sot në Hagë appeared first on Prizreni Sot.

Familjarët e Krasniqit kanë deklaruar se familja e ngushtë e ish-kryeparlamentarit janë terrorizuar kur në orët e para të mëngjesit zyrtarët e policisë dhe EULEX’it kanë zbarkuar në shtëpinë e tyre në Velani.

Djali i vëllait të Krasniqit, Arian Krasniqi ka thënë për kanal10 se Jakup Krasniqi është ndarë në një dhomë të veçantë dhe po merret në pyetje që nga mëngjesi.

“Janë të terrorizuar, në ora gjashtë kur kanë hyrë forcat, është i ndarë në një pjesë tjetër të shtëpisë baca Jakup, aty po vazhdon intervistimi nuk e dimë çka, bastisja prej orës 06:00. Momentalisht është prindi im dhe një mixhë tjetër në Negroc, sapo të përfundon këtu bastisja vazhdojmë atje. Nuk e dimë sa do të zgjasë këtu bastisja”, ka thënë ai.

The post Familjarët: Jemi të terrorizuar, Jakup Krasniqi është ndarë në një dhomë të veçantë nga mëngjesi appeared first on Prizreni Sot.