Mëngjesin e hershëm të 11 marsit të vitit 1999 makineria vrastare serbe ia kishte mësyrë Jeshkovës së Vërrinit, ku ndodheshin rreth 30 pjesëtarë të njësisë speciale të brigadës 125 të ZOP-it, të cilës i printe komandant, Hysen Rexhepi.

Në një luftë të pabarabartë karshi mijëra forcave serbe dhe makinerisë së shumtë luftarake, atë ditë për të mos vdekur, ranë heroikisht 10 pjesëtarë të kësaj njësie dhe 11 dëshmorë të tjerë, të cilët iu bashkuan vëllezërve të tyre në këtë betejë.

Halime Suka, është krenare që birin e saj, Bashkimin, ia fali lirisë së Kosovës, duke rënë heroikisht në betejën e Jeshkovës të 11 para 22 viteve. Emocione në këtë ditë kanë edhe pjesëmarrësit e betejës së Jeshkovës nga njësia speciale e brigadës 125 të ZOP-it, Baki Latifi e Mehmet Morina, të cilët thanë se janë krenar që ishin bashkëluftëtarë të dëshmorëve që ranë në altarin e lirisë në këtë betejë ndër më të lavdishmet të UÇK-së jo vetëm në rajonin e Prizrenit.

Në përkujtim të kësaj beteje, janë bërë homazhe në varrezat e dëshmorëve në Landovicë dhe para lapidarit dhe varrezave në  Jeshkovë, nga familjarë të dëshmorëve, veteranë e invalidë të luftës, qytetarë e drejtues të komunës së Prizrenit.

Kryetari Mytaher Haskuka, tha me këtë rast se dëshmorët janë themeli i lirisë dhe pavarësisë së Kosovës, ndërsa UÇK-ja me luftën e saj të drejtë është krenaria e kombit tonë. Sekretari i degës së OVL të UÇK-së, Isa Berisha, tha se sot është edhe një ditë krenarie por dhe e dhimbshme, pasi ende nuk dihet fati i 11 dëshmorëve të rënë në këtë betejë.

Në Betejën e Jeshkovës së 11 Marsit të vitit 1999 ranë në fushën e nderit 21 dëshmorë, 10 nga të cilët prehen së bashku me taborrin e luftëtarëve të nderit në Landovicë, kurse 11 të tjerë kanë vetëm emër ,por jo edhe një varrë ku mund të iu bëhen nderimet e ditëve përkujtimore./Televizioni i Prizrenit/

The post PËRKUJTOHET 22 VJETORI I BETEJËS SË LAVDISHME TË JESHKOVËS appeared first on Prizreni Sot.

Aktivitetet do të fillojnë nga ora 10:00 me homazhe në varrezat e dëshmorëve në Landovicë, ndërsa në ora 11:00 do të vazhdohet me homazhe pranë lapidarit në fshatin Jeshkovë si dhe në varrezat ë dëshmorëve dhe martirëve të këtij fshati.

Ftohen të gjithë familjarët e dëshmorëve, invalidët dhe veteranët e luftës si dhe qytetarët që të marrin pjesë në përkujtim të kësaj beteje të lavdishme të njësisë speciale të brigadës 125 të ZOP- it , ka shkruar në facebook sekretari, Berisha.

The post Nesër përkujtohet 22 vjetori i betejës së lavdishme të Jeshkovës appeared first on Prizreni Sot.