Në letrën e publikuar nga presidenca e Serbisë, Joe Biden i kujton Vuçiqit se rruga evropiane e Serbisë varet nga progresi drejt normalizimit të plotë të raporteve me Republikën e Kosovës, raporte të cilat Biden e përsëritë se duhet të bazohen në njohje reciproke.

Biden i ka thënë Vuçiqit se Bashkimi Evropian nuk është i plotë pa Serbinë dhe të gjithë fqinjët e saj.

“Aspiratat e Serbisë drejt BE-së gjithashtu varen nga progresi drejt normalizimi të plotë të raporteve në mes të Beogradit dhe Prishtinës, të cilat, siç edhe ju e dini, duhet të bazohen në njohje reciproke. SHBA-ja qëndron e gatshme që t’iu mbështes për të punuar në mirëbesim për të arritur një synim të tillë. Familja evropiane nuk është e plotë pa Serbinë dhe pa të gjithë fqinjët e saj”, ka shkruar Biden në letrën e tij.

The post Biden letër Vuçiqit për ditën e shtetit: Siç e dini, dialogu me Kosovën duhet të përfundojë me njohje reciproke appeared first on Prizreni Sot.

Kandidati demokrat fitoi me rezultat të ngushtë në Georgia, ndërsa Trumpi e fitoi Karolinën Veriore. Fituesit u bënë të ditur të premten, një javë e gjysmë pas ditës së zgjedhjeve, shkruan The New York Times, transmeton Gazeta Express.

Joe Biden e siguroi fitoren në zgjedhje kur u shpall fitues i 20 votave të Kolegjit Zgjedhor në Pensilvani të shtunën e kaluar, me ç’rast e kaloi pragun e nevojshëm prej gjithsej 270 votash për t’u zgjedhur president.

Fitorja e Bidenit në Georgia, shtet që dikur ishte bastion i Republikanëve, nënkupton që ai ka arritur t’ia marrë pesë shtete Trumpit, të cilat Partia Republikane i kishte fituar në zgjedhjet e vitit 2016. Katër tjerat janë Arizona, Michigani, Pensilvania dhe Wisconsini.

Në përgjithësi, Joe Biden fitoi në 25 shtete dhe në Distriktin e Kolumbisë, që përbëjnë 57 për qind të popullsisë së Shteteve të Bashkuara, ndërsa Donald Trump fitoi në 25 shtete tjera.

Kështu, Joe Bideni fitoi edhe në aspektin e votave popullore me mbi 78 milionë sosh, 5.3 milionë më shumë se rivali Donald Trump.

Joe Biden do të emërohet zyrtarisht si president në janar të vitit të ardhshëm, kur të mblidhet Kongresi.

The post Bideni fiton edhe në Georgia, e çimenton triumfin në zgjedhje appeared first on Prizreni Sot.

“I përulem besimit që më keni dhënë. Zotohem se do të jem president që nuk përpiqet të ndajë, por të bashkojë, që nuk sheh shtete të kuqe dhe shtete të kaltra, por vetëm Shtete të Bashkuara”, tha Biden.

Ai foli në shtetin e tij Dellauer, disa orë pasi mediat amerikane parashikuan fitoren e tij në shtetin e Pensilvanisë, me të cilën tejkaloi 270 votat e Kolegjit Zgjedhor, të nevojshme për t’u zgjedhur president.

Biden garoi në zgjedhjet e 3 nëntorit kundër presidentit aktual, Donald Trump, i cili tha se nuk e pranon rezultatin dhe se do ta sfidojë në gjykatë.

“Le t’i japim njëri-tjetrit shansin. Është koha të ndalojmë retorikën e ashpër, të ulim temperaturën, të shohim njëri-tjetrin, të dëgjojmë njëri-tjetrin… të ndalojmë t’i trajtojmë kundërshtarët tanë si armiq”, tha Biden në fjalimin që u transmetua drejtpërdrejt në mediat amerikane.

Ai citoi Librin e Predikuesit, duke thënë se ka “kohë për gjithçka”. “Kjo është koha për të shëruar Amerikën”, tha Biden.

“Do të punoj po aq shumë si për ata që nuk më votuan, si për ata që më votuan”, u zotua Biden.

Ai tha se detyra e tij e parë do të jetë vendosja nën kontroll e pandemisë së koronavirusit.

“Është mënyra e vetme që të mund t’i kthehemi jetës normale”, tha Biden dhe shtoi se “nuk do të kursejë asnjë përpjekje” për t’i dhënë fund pandemisë.

”Sonte, e gjithë bota po shikon Amerikën dhe besoj se Amerika është një fener për globin”, tha Biden.

“Le të jemi kombi që e dimë se mund të jemi. Një komb i bashkuar, një komb i forcuar, një komb i shëruar”, tha ai, teksa përfundoi fjalimin.

Biden u ftua në skenë nga nënpresidentja e zgjedhur Kamala Harris, gruaja e parë me ngjyrë që fitoi këtë pozitë.

“Ju zgjodhët shpresën, unitetin, mirësjelljen dhe të vërtetën. Ju zgjodhët Joe Bidenin president të ardhshëm të Shteteve të Bashkuara”, tha Harris në fjalimin e saj.

“Joe është një shërues. Një person, përvoja me humbje e të cilit i jep atij një ndjenjë qëllimi, që do të na ndihmojë ne si komb ta rikthejmë ndjenjën tonë të qëllimit”, tha Harris.

Harris e vlerësoi Bidenin për “guximin” për të thyer barrierat dhe për të zgjedhur një grua për nënpresidente.

”Unë mund të jem gruaja e parë në këtë zyrë, por nuk do të jem e fundit”, tha ajo.

Biden do të inaugurohet si presidenti i 46-të i Shteteve të Bashkuara më 20 janar, 2021.

Joe Biden me djemtë Hunter dhe Beau dhe gruan e dytë Jill.
Biden ka shërbyer në Uashington për gati gjysmë shekulli, përfshirë 35 vjet si senator dhe tetë vjet si nënpresident në administratën e Barack Obamës – nga viti 2009 deri më 2017.

Ai ka lindur në vitin 1942 në qytetin Skranton të Pensilvanisë, në një familje të klasës së mesme katolike romake.

The post Biden në fjalimin e fitores: Kjo është koha për të shëruar Amerikën appeared first on Prizreni Sot.

Në bazë të të dhënave të televizionit Fox News, Joe Biden në Georgia tash ka 2.449.371 vota, ndërsa rivali i tij, Donald Trump, ka 2.448.454 apo 917 vota më pak.

Ky është një ndryshim drastik i rrjedhës së garës së ngushtë, për shkak se tashmë në Georgia janë numëruar 99 për qind e votave dhe rikthimi i mundshëm i epërsisë së Trumpit është matematikisht pak i mundshëm, shkruan Gazeta Express.

Duhet theksuar se Georgia ka 16 vota në Kolegjin Zgjedhor dhe fitorja eventuale e Bidenit në këtë shtet do t’ia siguronte Bidenit fitoren në zgjedhje, të cilën edhe ashtu e ka afër, bazuar edhe në epërsinë momentale që e ka në Nevada.

Në Nevada, Joe Biden është në epërsi ndaj Trumpit, por vetëm me rreth 12 mijë vota, që nuk ia garanton fitoren ende. Sidoqoftë, kjo epërsi është më e lartë se një ditë më parë, kur dallimi mes tyre në këtë shtet ishte më pak se 8 mijë vota.

Zyrtarisht, fituesi i zgjedhjeve vendoset në mbledhjen e Kolegjit Zgjedhor që mbahet në dhjetor, ndërsa presidenti përfundimisht inaugurohet në mbledhjen e Kongresit që mbahet më 6 janar të vitit të ardhshëm.

The post E fundit: Bideni përmbys rezultatin në Georgia, kalon në epërsi dhe i afrohet tepër fitores appeared first on Prizreni Sot.

Kandidati demokrat mund të kapërcejë vijën e mbarimit me fitoren në Pensilvani, ku votat janë duke shkuar në favor të tij.

Joe Biden do të marrë një detaj të shtuar të sigurisë së Shërbimit Sekret në pritje të një fitoreje të mundshme të zgjedhjeve 2020 dhe fjalimin e pranimit në Delaware, sipas The Washington Post.

Duke cituar dy njerëz të njohur me planet, Post njoftoi se Shërbimi Sekret do të dërgojë përforcime te Wilmington të premten ndërsa fushata e tij përgatitet që Z. Biden të pretendojë potencialisht fitoren.

Fushata lajmëroi Shërbimin Sekret se kandidati Demokrat do të vazhdonte të përdorte një qendër kongresi në Wilmington për të paktën një ditë tjetër, ku ai mund të bënte një fjalim madhor që të premten.

Ndërsa siguria shtesë nuk do të barazohej me detajet e plota mbrojtëse të një presidenti të zgjedhur, media njoftoi se lëviz numri i agjentëve rreth ish-nënkryetarit më afër kësaj. As Shërbimi Sekret dhe as fushata e Biden nuk e komentuan raportin e Postës.

Rezultati përfundimtar i zgjedhjeve amerikane pritet të thirret në orët e para të mëngjesit të së premtes ose gjatë ditës në varësi të numërimit në Pensilvani dhe Georgia, me Arizona, Nevada dhe Karolina e Veriut që pritet të ndjekin.

Ndërsa Z. Biden aktualisht është i favorizuar për të arritur 270 votat e kolegjit elektoral të nevojshëm për të kërkuar presidencën, Donald Trump pohoi të enjten se kundërshtarët pa emër ishin “duke u përpjekur të manipulojnë zgjedhje”.

Fushata e tij ka nisur procese të shumta gjyqësore për të vonuar procesin e numërimit të votave në një numër shtetesh, duke përfshirë Pensilvania dhe Georgia.

Nëse Z. Trump refuzon të pranojë përpara se kolegji elektoral të thirret në favor të Z. Biden, Shërbimi Sekret mund të zgjedhë të mbajë status quo-në në mbrojtjen e të dy kandidatëve ndërkohë që zhvillohet lufta ligjore.

The post Shumë pranë fitores, Joe Bidenit i shtohet sigurimi nga Shërbimi Sekret appeared first on Prizreni Sot.

“Në Amerikë, vota është e shenjtë, është mënyra sesi njerëzit shprehin vullnetin e tyre dhe ky është vullneti i votuesve, asgjë tjetër nuk e zgjedh presidentin e shteteve te bashkuara. Çdo votë do të numërohet. Ne ndihemi të sigurtë, nuk kemi dyshime se kur numërimi të mbarojë, senatorja Harris dhe unë do të shpallemi fitues. Të gjithë duhet të ruajnë qetësinë. Procesi po vazhdon dhe numërimi është duke iu afruar fundit”.

Ai falënderoi mbështetësit për durimin e tyre dhe përsëriti se “secila votë do të numërohet”.

Biden paralajmëroi edhe një ditë më parë fitoren e shprehur bindjen se është në rrugën të mbarë për të siguruar votat e nevojshme për Shtëpinë e Bardhë.

Mesazhi i tij ishte se do të jetë një president i bashkimit të kombit, duke theksuar se kundërshtarët nuk duhet të trajtohen si armiq dhe se do të qeverisë si president i një vendi ku të përfaqësohen të gjithë.

The post Biden: S’kam dyshim që jam fitues appeared first on Prizreni Sot.

Për Trump, mënyra më e lehtë për 270 vota është nëse ai fiton në Pensilvani, e cila mbart 20 prej tyre dhe tre shtete të tjera. Nëse kjo nuk ndodh, Trump duhet të fitojë në pesë shtetet e mbetura Michigan, Wisconsin, Nevada, Georgia dhe Karolina e Veriut.

Mënyra më e lehtë për kundërshtarin e tij, Joseph Biden, është gjithashtu përmes Pensilvanisë, dhe në atë rast ai do të duhej të fitonte në Michigan në mënyrë që të fitonte 36 vota, aq sa mbartin këto dy shtete federale (atij i duhen 32 vota).

Një skenar më realist është që Biden të përfundojë me një raund prej 270 votash duke fituar në tre shtete – Michigan, Wisconsin dhe Nevada. Gjithashtu, një fitore në një nga dy shtetet që janë më të përkushtuara ndaj republikanëve nga gjashtë të mbeturat Karolina e Veriut dhe Georgia do të shënonte një fitore pothuajse të sigurt për Biden.

The post Rruga drejt fitores – kjo është gjendja aktuale e votave Trump-Biden appeared first on Prizreni Sot.