Numri i madh i udhëtarëve që është shënuar gjatë janarit i ka frikësuar bizneset kosovare.

Fluksi i madh i qytetarëve për në perëndim, pritet të sjellë edhe ikje të fuqisë punëtore.

Kështu po thotë Arian Vranica nga Shoqata e Gastronomeve.

“Mungesa e punëtorëve po vërehet në sektorin e gastronomisë dhe atë të ndërtimit në këto dyja ka më së shumti lëvizje të punëtorëve sepse të gjithë e kanë pritë këtë derë të hapët dhe me i vizituar vendet e huaja dhe me i shqyrtuar mundësitë e punësimit. Është krijuar edhe lehtësimi i procedurave të punësimit në zonën Schengen”, tha Vranica.

Vranica thotë se punëtorët ka mundësi mos të kthehen më pas pushimit pa pagesë.

“Punëtorët po marrin edhe pushime pa pagesë dhe vjetore diku prej 10 deri 20 mijë sillet numri i lëvizjeve të punëtorëve jo vetëm në sektorin e gastronomisë por nga të gjitha sektorët janë duke i shqyrtuar mundësitë ata pushim marrin por mundën edhe mos me u kthyer më në situatën që jemi”, u shpreh Vranica për Front Online.

Paga mesatare në gastronomi është 350 euro, por aspak e mjaftueshme krahas inflacionit.

Vranica ka kërkuar që Qeveria t’i subvencionoj bizneset.

“350 euro është paga mesatare, ka një rritje, por duhet ta kemi parasysh që niveli i inflacionit është shumë i lartë, produktet esenciale janë shtrenjtë përkundrazi pagat që janë rritë nuk mjaftojnë. Duhet shteti t’i shfrytëzoj mekanizmat e tij me inspektorin e punës, tregut të bëjë masa të caktuara ekonomike me i subvencionu bizneset, nuk ka asnjë hap nuk ka strategji të mirëfilltë”, deklaroi Vranica.

The post Gastronomët: Po ikin kamarierët nga Kosova, Qeveria t’i subvencionoj bizneset appeared first on Prizreni Sot.

Dje hetuesit kanë bërë kontrollin e katër personave të dyshuar si dhe kanë kryer kontrollin e shtëpisë së personit të pestë të dyshuar, si i dyshuari kryesor i rastit.

“Gjatë kontrolleve të realizuara ndaj personave të dyshuar T.P. (2000), V.Z. (2002), A.P (1999), L.E. (1994), B.B. (1998), janë siguruar prova të mjaftueshme që mbështesin dyshimin se, të pesë personat kanë kryer veprën penale “Falsifikim i parasë” nga neni 296 i KPRK-së”, njofton policia, transmeton Gazeta Express

“Në cilësinë e provave materiale janë sekuestruar:

Njëqind e nëntëdhjetë e pesë (195) para metalike nga dy (2) euro (të dyshuara si të falsifikuara) dhe Pesë (5) telefona mobil të dyshuarve,

Bazuar në dëshmitë dhe të gjeturat, të njëjtit dyshohet se janë kryerës potencial të kësaj vepre, ku vetëm gjatë muajit tetor 2021, kanë shkëmbyer herën e parë 300.00 EUR origjinal të fituara për 400.00 EUR false, që i kanë shpërnda, herën e dytë 200.00 EUR origjinal për 300.00 EUR false, si dhe herën e tretë 400.00 EUR origjinal për 550.00 EUR false. Të pesë të dyshuarit në bashkëpunim, me qëllim të përfitimit material, kanë shpërnda para të falsifikuara dhe paratë origjinale të fituara nga vepra penale “Falsifikim i parasë”, i kanë ndarë në pjesë të barabarta, në pesë pjesë”, njofton tutje policia.

Pas intervistimit të personave të dyshuar, me vendim për ndalim nga prokurori kompetent, të pesë të dyshuarit janë dërguar në ndalim policor për 48 orë.

The post Arrestohen 5 kamerierë në Prizren, dyshohet se shpërndanin para false appeared first on Prizreni Sot.