Për këtë proces do të shtypen 268 mijë e 688 fletëvotime apo 13 përqind më pak se numri i përgjithshëm i qytetarëve me të drejtë vote.Sipas Listës Votuese të certifikuar nga KQZ, votues të regjistruar në Kosovë janë 2 milionë e 69 mijë e 98 votues.“Sipas të dhënave nga Lista Votuese, numri i qytetarëve me të drejtë vote në vendvotime, në Republikën e Kosovës është 2,025,105 votues, ndërkaq numri i qytetarëve që janë regjistruar për të votuar me postë nga jashtë Kosovës është 43,993 votues” – thuhet tutje në njoftimin e KQZ-së.Zgjedhjet do të organizohen në 938 Qendra të Votimit me gjithsej 2 mijë e 625 vendvotime. 910 Qendra Votimi janë për votim të rregullt kurse 38 janë për votim me kusht.

The post KQZ vendos të shtyp mbi 3.6 milionë fletëvotime për Zgjedhet Lokale appeared first on Prizreni Sot.

Për të mundësuar votimin e personave të regjistruar si votues me nevoja të veçanta, KQZ do të angazhojë ekipet mobile në çdo komunë të Republikës së Kosovës, në ditën e zgjedhjeve, më 12 tetor 2025.

Procesi i regjistrimit dhe evidentimit ka filluar për votuesit me nevoja dhe rrethana të veçanta, ndërkaq për votuesit me lëvizje të kufiuar në institucione do të fillojë më 15 shtator.

  I.          Regjistrimi i votuesve me nevoja të veçanta, 7 shtator – 7 tetor 2025:

Votues me nevoja të veçanta, konsiderohen votuesit me zotësi juridike që nuk mund të dalin nga shtëpitë e tyre për të votuar personalisht në vendvotim, për shkak të paaftësisë fizike, shëndetësore ose çfarëdo paaftësie tjetër.

Regjistrimi i këtyre votuesve mund të bëhet përmes platformës elektronike https://vpnv.kqz-ks.org ose fizikisht në Komisionin Komunal të Zgjedhjeve në komunën ku është votuesi.

II.          Regjistrimi i votuesve në rrethana të veçanta, 7 shtator – 7 tetor 2025:

Votues në rrethana të veçanta konsiderohen votuesit që për shkaqe sigurie dhe votusit që janë në arrest shtëpiak nuk mund të votojnë në vendovitimin e tyre të caktuar.

Registrimi i votuesve që për shkaqe sigurie nuk mund të votojnë në vendvotim bëhet përmes platfomës elektronike të KQZ-së https://vpnv.kqz-ks.org si dhe duke kërkuar asistimin e Komisionit Komunal të Zgjedhjeve në komunën ku është votuesi, ndërkaq, KQZ në bashkëpunim me institucionet përkatëse bën evidentimin e qytetarëve me të drejtë vote që ndodhen nën masën e arrestit shtëpiak.

III.          Regjistrimi dhe evidentimi i votuesve me lëvizje të kufizuar në institucione do të fillojë më 15 shator dhe do të përfundojë më 2 tetor 2025.

Votues në institucione konsiderohen votuesit me zotësi juridike, me lëvizje të kufizuar në ndonjë institucion: votuesit në hospitalizim, njerëzit e moshuar në shtëpitë e caktuara për të moshuarit, personat në trajtim në institucionet e shëndetit mendor, të burgosurit në burgje dhe të paraburgosurit në qendrat e paraburgimit.

KQZ në bashkëpunim me institucione relevante bën evidentimin e këtyre votuesve.

Votuesit me lëvizje të kufiziuar në institucione dhe të evidentuar prej tyre konsiderohen si votues të regjistruar, ndërkaq votuesit që ndodhen në institucione të hospitalizimit, shtëpitë e të moshuarëve dhe strehimoret për mbrojtjen e viktimave, mund të regjistrohen edhe individulisht përmes platformës elektornike https://vpnv.kqz-ks.org.

The post KQZ: Sot fillon regjistrimi i votuesve me nevoja të veçanta për votim përmes ekipeve mobile në ditën e zgjedhjeve appeared first on Prizreni Sot.

Sipas KQZ-së, letëvotimi me kornizë të kaltër i përket zgjedhjeve për kuvendet komunale. Në anën e majtë të fletëvotimit, votuesi duhet të të votojë vetëm një subjekt politik, ndërsa në anën e djathtë të tij, votuesi mund të votojë vetëm një kandidat për anëtar të Kuvendit Komunal nga lista e atij subjekti politik.

Nëse në fletëvotim janë shënuar më shumë se 1 kandidat, do të llogaritet vetëm vota për subjektin politik.

Zëdhënësi i KQZ-së, Elezi, ka sqaruar se votuesit nuk kanë nevojë të votojnë drejtpërdrejtë për bartësin e listës, pasi vota për subjektin politik llogaritet votë edhe për të.

“Vota për subjektin politik llogaritet votë edhe për bartësin e listës, emri i të cilit në fletëvotim shkruhet nga KQZ nën emrin e subjektit politik”, ka shpjeguar Elezi.

The post Votuesi mund të votojë vetëm një kandidat për Kuvend Komunal – nëse zgjedhë më shumë llogaritet vetëm vota për subjektin politik appeared first on Prizreni Sot.

Zëdhënësi i KQZ-së, Valmir Elezi ka treguar se mënyra e plotësimit të fletëvotimeve në Zgjedhjet Lokale mbetet e njëjtë, si në zgjedhjet e viteve të kaluara, pasi Ligji për Zgjedhjet Lokale nuk ka ndryshuar.

Ai ka shpjeguar se secili votues, pasi të përfundojë procedurat e verifikimit, do të marrë nga dy fletëvotime, njëra i përket zgjedhjeve për Kryetar Komune dhe tjetra për Kuvendin Komunal.

Si plotësohet fletëvotimi në zgjedhjet për Kryetar Komune?

Fletëvotimi me kornizë të verdhë i përket zgjedhjeve për kryetar komune dhe përmban emrat e kandidatëve së bashku me subjektet politike që përfaqësojnë. Votuesi duhet të votojë vetëm një kandidat për Kryetar Komune, duke vendosur shenjën në katrorin pranë emrit të tij.

Si plotësohet fletëvotimi në zgjedhjet për Kuvendin Komunal?

Fletëvotimi me kornizë të kaltër i përket zgjedhjeve për kuvendet komunale. Në anën e majtë të fletëvotimit, votuesi duhet të të votojë vetëm një subjekt politik, ndërsa në anën e djathtë të tij, votuesi mund të votojë vetëm një kandidat për anëtar të Kuvendit Komunal nga lista e atij subjekti politik. Nëse në fletëvotim janë shëuar më shumë se 1 kandidat, do të llogaritet vetëm vota për subjektin politik.

Zëdhënësi i KQZ-së, Elezi, ka sqaruar se votuesit nuk kanë nevojë të votojnë drejtpërdrejtë për bartësin e listës, pasi vota për subjektin politik llogaritet votë edhe për të.

“Vota për subjektin politik llogaritet votë edhe për bartësin e listës, emri i të cilit në fletëvotim shkruhet nga KQZ nën emrin e subjektit politik”, ka shpjeguar Elezi.

Por, a lejohet që votuesit të votojë për një kandidat për Kryetar Komune nga një subjekt dhe për një kandidat për Kuvendin Komunal nga një subjekt tjetër politik?

Sipas shpjegimeve nga KQZ, kjo është e lejuar, pasi fletëvotimet janë të ndara.

“Po, kjo është e lejuar. Votuesi ka të drejtë të votojë në mënyrë të pavarur për secilën garë. Kjo do të thotë që një votues mund të votojë një kandidat për Kryetar Komune nga një subjekt politik dhe një subjekt tjetër politik në zgjedhjet për Kuvend Komunë. Zgjedhjet për Kryetar Komune dhe për Kuvende Komunale janë procese të ndara dhe kanë fletëvotime të veçanta. Pra, votuesi nuk është i detyruar që të votojë për të njëjtin subjekt në zgjedhjet për Kryetar Komune dhe në zgjedhjet për Kuvende Komunale”, ka shpjeguar Elezi.

The post Si plotësohet fletëvotimi në zgjedhjet për Kryetar Komune dhe për Kuvendin Komunal? Shpjegon KQZ appeared first on Prizreni Sot.

Në mbledhjen e 54-të të KQZ-së, u tha se qëllimi i këtij dokumenti është të përshkruajë të gjitha veprimet për përgatitjen e materialve për votimin jashtë Kosovës.

Procedura parasheh që pakoja me fletëvotime që KQZ ua dërgon përmes postës votuesve jashtë vendit mund të pranohet vetëm nga vetë personi i regjistruar.

“Zyrtari i postës duhet të sigurohet që të kontrollojë përmes dokumentit identifikues personin për të cilin është i dedikuar zarfime fletëvotime”, thuhet në këtë procedurë të KQZ-së.

Zarfi i cili do t’i dërgohet votuesit, përmban: fletëvotimet; zarfin e fshehtësisë; udhëzuesin me informacione se si plotësohen fletëvotimet dhe si realizohet votimi përmes postës; zarfin kthyes dhe shiritin mbyllës.

Në votimin jashtë Kosovës për votim me postë në Zgjedhjet Lokale, detyrë e votuesit është që pakon me fletëvotime ta dërgojë në ndonjërën nga kutitë postare të KQZ-së që hapen në shtete të ndryshme.

Sipas KQZ-së, adresat e kutive postare do të publikohen nga KQZ para fillimit të periudhës së votimit me postë, raporton KP.

Në këtë mbledhje, KQZ mori vendim edhe për decertifikimin e 9 kandidatëve nga subjekte të ndryshme politike, si: Prishina në dorën tënde (1); Partia Demokratike e Kosovës (1); Lëvizja për Bashkimin e Shqiptarëve (1); Partia Liberale Egjitpiane (2) dhe Alternativa (4). Këta kandidatë, ishin certifikuar më herët nga KQZ për pjesëmarrje në Zgjedhjet Lokale, të cilat do të mbahen më 12 tetor 2025.

The post KQZ miraton procedurën për votimin jashtë Kosovës: Zarfi me fletëvotime duhet të pranohet vetëm nga personi i regjistruar appeared first on Prizreni Sot.

“Po ashtu, anëtarët [e KQZ-së] u informuan lidhur me periudhën e regjistrimit të votuesve jashtë Kosovë për votim me postë … Sipas të dhënave, deri më sot (e hënë, 4 gusht, ora 08:00) përmes platformës elektronike https://diaspora.kqz-ks.org janë pranuar 1,971 aplikime për regjistrim për votim me postë, prej të cilave janë aprovuar 1,402, ndërkaq 569 aplikime janë refuzuar për shkak se aplikuesit nuk kanë paraqitur dokumentin që dëshmon adresën e banimit apo adresa e deklaruar nuk është e njëjtë me adresën në dokumentin që e dëshmon atë”, njofton tutje KQZ.

Anëtarët e KQZ-së janë informuar edhe për periudhën e aplikimit për certifikim të subjekteve politike dhe kandidatët e tyre.

Kjo periudhë ka filluar më 26.06.2025 dhe përfundon më 13.08.2025. Deri më tani kanë aplikuar për certifikim 54 subjekte: 19 parti politike, 19 iniciativa qytetare dhe 16 kandidatë të pavarur.

Në KQZ u shqyrtua dhe miratua dokumenti që analizon votat e pavlefshme në zgjedhjet për Kuvendin e Kosovës, të datës 09.02.2025.

“Sipas këtij dokumenti, nga numri i përgjithshëm i votuesve (966,283) që votuan në vendvotimet e rregullta, vendvotimet me kusht dhe në votimin jashtë Kosovës, 2.83 për qind e fletëvotimeve ishin të pavlefshme apo të zbrazëta. Nëse të dhënat e vitit 2025 krahasohen me të gjitha proceset zgjedhore të kaluara (2007, 2010. 2014, 2017, 2019 dhe 2021) në të cilat është aplikuar sistemi zgjedhor me lista të hapura, pra ku votuesit kanë zgjedhur subjektin politik dhe kandidatët për deputetë, atëherë në zgjedhjet e 9 shkurtit është regjistruar numri dhe përqindja më e ulët e fletëvotimeve të kësaj natyre”, njofton tutje KQZ.

KQZ ka miratuar edhe vendimin për zëvendësimin e një anëtari të Komisionit Komunal të Zgjedhjeve në Mitrovicën e Veriut, ka miratuar raportin financiar të KQZ-së për periudhën janar-qershor 2025, vendimin për miratimin e raportit të shpenzimeve të derivateve për automjetet e KQZ-së për të njejtën periudhë, zëvendësimin e një anëtari të Kuvendit Komunal në Dragash si dhe miratimin e listës së kandidatëve potencial për anëtarë të komisionit të pranimit për pozitat e nivelit profesional në departaentin e Teknologjisë Informative Zgjedhore dhe Shërbim të Votuesve.

Zgjedhjet Lokale do të mbahen me 12.10.2025.

The post 54 subjekte kanë aplikuar deri tani për certifikim në Zgjedhjet Lokale, afati mbyllet më 13 gusht appeared first on Prizreni Sot.

Kryetari i KQZ-së Kreshnik Radoniqi ka thënë se më 9 janar pritet të filloj procesi i votimit jashtë Kosovës përmes postes.

“Që nga mesi i muajit gusht KQZ është duke i vazhduar përgatitjet dhe deri më tani shumë nga aktivitetet janë kryer dhe të tjerat janë duke u zhvilluar. Më 9 janar pritet të filloj procesi i votimit jashtë Kosovës përmes postes, ndërkaq me 11 janar subjektet politike do ta fillojnë zyrtarisht fushatën zgjedhore”, tha Radoniqi.

The post Më 11 janar fillon zyrtarisht fushata zgjedhore appeared first on Prizreni Sot.

Sipas kësaj liste votuesish, numri i qytetarëve me të drejtë vote për këto zgjedhje është 2 milionë e 75 mijë e 868 votues.

Sipas të dhënave të KQZ-së, numri i qytetarëve me të drejtë vote në vendvotime, në Republikën e Kosovës, është: 1 milion e 970 mijë e 944 votues, ndërkaq, numri i qytetarëve që janë regjistruar për të votuar jashtë Kosovës, është 104 mijë e 924.

Arianit, Elshani, udhëheqës i këshillit për operacione zgjedhore tha se numri i votuesve, të jetë 999 votues nëpër zona rurale, kurse për zona urbane ai vazhdon të jetë 950.

“Secili votues mund të votoj rreth 10 kandidat, prandaj nuk kemi dashtë të tejkalojmë shifrën e 1 mijë votuesve”, ka thënë Elshani.

KQZ sqaron se votimi me kusht është i përcaktuar vetëm në një qendër të votimit në një komunë, nuk mund të votohet në të gjitha qendrat.

Ndërsa Alban Krasniqi, anëtar LVV-së, tha se votimi në përfaqësi diplomatike ballafaqohet me shumë sfida. “Po paralajmëroj një rrezik për disa qendra votimi, sepse nuk kanë hapësirë për një numër të madh të votuesve”.

Në Tiranë dhe Podgoricë u regjistruan pak votues, KQZ nuk do të mbajë votim fizik në këto përfaqësi diplomatike

Për shkak se në disa përfaqësi diplomatike numri i shtetasve të regjistruar për votim fizik është shumë i vogël, nën 50 votues, Komisioni Qendror i Zgjedhjeve mori vendim që procesi i votimit të mos organizohet në përfaqësitë diplomatike të vendosura në Podgoricë (Mali i Zi) dhe Tiranë (Shqipëri), raporton rtk.

Sipas të dhënave të KQZ-së, për të votuar në përfaqësinë diplomatike në Podgoricë janë regjistruar vetëm 8 votues dhe po aq edhe në Tiranë. Të gjithë votuesit e regjistruar, KQZ do t’i informojë se të njëjtit do të mund të votojnë përmes postës.

Më 29 gusht 2024, KQZ ka miratuar listën prej 35 Qendrave të Votimit me gjithsej 47 vendvotime të planifikuara për votim në 19 Ambasada dhe 16 Konsullata të Republikës së Kosovës që janë të vendosura në 22 shtete të ndryshme.

Sipas vendimit të fundit të KQZ-së, procesi i votimit do të zhvillohet në 17 Ambasada dhe 15 Konsullata të Republikës së Kosovës, të vendosura në 19 shtete të ndryshme të botës.

The post Dy milionë e 75 mijë e 868 qytetarë me të drejtë vote appeared first on Prizreni Sot.

Tashmë mbi 100 mijë votuesit e regjistruar kanë disa mënyra se si mund të votojnë dhe varësisht prej mënyrës që ata kanë zgjedhur është caktuar edhe periudha e votimit.

Në momentin e regjistrimit votuesit mund të përcaktohen individualisht për mënyrën e votimit: (1) të votojë fizikisht në njërën nga përfaqësitë diplomatike të Republikës së Kosovës; (2) duke dërguar fletëvotimin përmes postës në kutinë postare të KQZ-së në Kosovë; apo (3) duke dërguar fletëvotimin përmes postës në një nga kutitë postare të hapura nga KQZ jashtë Kosovës.

Zëdhënësi i KQZ-së, Valmir Elezi, ka treguar afatet e votimit për tri mënyrat e përcaktuara me ligj.

“Votimi në përfaqësi diplomatike për shtetasit që kanë përzgjedhur këtë mënyrë votimi do të zhvillohet më 8 shkurt 2025, pra një ditë para ditës së zgjedhjeve në Kosovë. Votimi fillon në ora 07:00 dhe mbyllet në ora 19:00, sipas orës lokale të vendit përkatës. Numërimi i këtyre fletëvotimeve bëhet në Kosovë”, tha Elezi.

Për mënyrën e dytë të votimit përmes postës për votuesit që janë regjistruar për të dërguar pakon me fletëvotim në kutinë postare të KQZ-së, Elezi ka thënë se fillon më 9 janar dhe përfundon më 8 shkurt 2025.

“Periudha e votimit për shtetasit e Kosovës që janë regjistruar për të votuar duke dërguar pakon me fletëvotim në kutinë postare të KQZ-së në Kosovë, fillon më 9 janar dhe përfundon më 8 shkurt 2025. Sipas Ligjit për Zgjedhjet e Përgjithshme, vota nga kjo mënyrë votimi, pranohet nga KQZ-ja deri të nesërmen e ditës së zgjedhjeve, me kusht që të ketë vulën e dërgimit para ditës së zgjedhjeve”, shpjegoi Elezi.

Për mënyrën e tretë dhe të fundit, e cila sipas KQZ-së, është mënyra që ka më së shumti votues të regjistruar për të dërguar pakon me fletëvotim përmes postës në një nga kutitë postare të hapura nga KQZ jashtë Kosovës, do të fillojë më 9 janar dhe përfundon më 8 shkurt 2025.

“Edhe periudha për votim për shtetasit e Kosovës që janë regjistruar për të votuar duke dërguar pakon me fletëvotim përmes postës në një nga kutitë postare të hapura nga KQZ jashtë Kosovës, fillon më 9 janar dhe përfundon më 8 shkurt 2025. Sipas Ligjit për Zgjedhjet e Përgjithshme, vota nga kjo mënyrë votimi, pranohen nga ekipet që dërgon KQZ-ja, vetëm ato që kanë arritur në kutinë postare, më së voni deri në orën e mbylljes së vendvotimeve në përfaqësinë diplomatike”, shpjegoi Elezi.

The post KQZ tregon afatet se kur mund të votojnë qytetarët jashtë Kosovës appeared first on Prizreni Sot.

Sipas të dhënave preliminare, numri i shtetasve të Kosovës që janë regjistruar si votues jashtë Kosovës në periudhën 29 gusht-26 dhjetor 2024, deri në orën 23:59 është 90,860.

Ndërkaq, numri i aplikimeve që janë në shqyrtim është: 18,244.

Shqyrtimi i këtyre aplikimeve do të vazhdojë edhe sot sipas zëdhënësit të KQZ-së, Valmir Elezi,

“Shqyrtimi i aplikimeve të pranuara do të vazhdojë edhe gjatë ditës së premte dhe do të bëjmë përpjekje që në një kohë sa më të shpejtë të kemi një raport përfundimtar për numrin e shtetasve të regjistruar për të votuar nga jashtë Kosovës, të ndarë sipas mënyrës së votimit dhe sipas shteteve”, ka thënë Elezi.

Zgjedhjet parlamentare do të mbahen më 9 shkurt dhe kjo do të jetë hera e parë që do të ketë zgjedhje të rregullta parlamentare që nga shpallja e pavarësisë më 2008.

The post Numri i shtetasve të Kosovës që janë regjistruar si votues jashtë Kosovës është 90,860 appeared first on Prizreni Sot.

Në një konferencë për media, zëdhënësi në KQZ, Valmir Elezi ka theksuar se numri i përgjithshëm i kandidatëve për deputetë, që përfaqësojnë këto subjekte politike, është 1 mijë e 280 kandidatë.

Me këtë rast, Elezi ka potencuar se Komisioni Qendror i Zgjedhjeve do të kërkojë nga institucionet kompetente të bëjnë verifikimet e nevojshme për përshtatshmërinë apo aftësinë e kandidatëve për t’u certifikuar për pjesëmarrje në zgjedhjet e 9 shkurtit 2025.

Ndër të tjera, Elezi ka theksuar se është paraparë që me 7 janar të vitit të ardhshëm të bëhet tërheqja e shortit për renditjen e partive politike në fletëvotim për zgjedhjet 2025.

The post KQZ tregon datën e tërheqjes së shortit për renditjen e partive politike appeared first on Prizreni Sot.

Në bazë të të dhënave, deri 19 nëntor, përmes platformës elektronike (http://diaspora.kqz-ks.org), janë pranuar rreth 18,670 kërkesa për regjistrim, prej të cilave janë miratuar 17,462 ndërsa 1,205 të tjera janë refuzuar.

Në shumicën e rasteve të refuzuara, aplikuesit nuk janë fotografuar, duke mbajtur njëkohësisht në dorë dokumentin e identifikimit.

Nga 17,462 aplikime të miratuara, 4,863 shtetas të Kosovës janë regjistruar për të votuar fizikisht në përfaqësi diplomatike, 2,381 janë regjistruar për të dërguar pakon me fletëvotim në kutinë postare të KQZ-në në Kosovë dhe 10,218 janë regjistruar për të dërguar pakon me fletëvotim në kutinë postare jashtë Kosovës.

The post KQZ: Janë pranuar rreth 18,670 kërkesa për regjistrim, prej të cilave janë miratuar 17,462 ndërsa 1,205 të tjera janë refuzuar appeared first on Prizreni Sot.

Kështu ka bërë të ditur zëdhënësi i KQZ-së, Valmir Elezi.

“Duke filluar nga 1 shtatori fillon periudha për aplikim të subjekteve politike që duan të certifikohen për pjesëmarrje në zgjedhjet për Kuvendin e Kosovës, të cilat do të mbahen më 9 shkurt 2025”, ka thënë Elezi ai në RTK.

“Gjatë kësaj kohe, pra 1 shtator – 11 dhjetor 2024, subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë në Komisionin Qendror të Zgjedhjeve edhe listën e tyre me kandidatët për deputetë”, shtoi Elezi.

The post KQZ njofton: Nga sot fillon periudha e aplikimit për certifikim të subjekteve politike appeared first on Prizreni Sot.

Sipas një komunikate për medie, ky shërbim pritet të filloj së ofruari sot dhe do të jetë i përhershëm.

Ndërsa sa i përket detajeve tjera, ato do të bëhen të ditura në konferencën për medie e cila pritet të mbahet në orën 13:00.

“Me qëllim të përmbushjes së detyrimeve që dalin nga Ligji për Zgjedhjet e Përgjithshme, i miratuar nga Kuvendi i Kosovës në muajin qershor të këtij viti, gjatë ditës së sotme (e premte, 24.11.2023) Komisioni Qendror i Zgjedhjeve do të fillojë shërbimin për votuesit që votojnë në Republikën e Kosovës, përmes së cilit iu mundësohet ta gjejnë dhe ta ndërrojnë Qendrën e Votimit brenda komunës së tyre.

Ky shërbim i KQZ-së do të jetë i përhershëm, çka do të thotë se votuesit do të kenë mundësi që të njoftohen lidhur me qendrat e votimit dhe të kërkojnë ndërrimin e tyre edhe në vitet jozgjedhore.

Publikimi i të gjitha detajeve do të bëhet gjatë konferencës për media nga Kryetari i KQZ-së, Kreshnik Radoniqi dhe Zëdhënësi, Valmir Elezi”, thuhet në njoftimin e KQZ-së.

The post KQZ fillon shërbimin për ndërrimin e qendrës së votimit brenda komunës appeared first on Prizreni Sot.

Këtë e ka konfirmuar zëdhënësi i KQZ-së, Valmir Elezi. Ai deklaroi se KQZ-ja do të mblidhet në orën 16:00.

“E konfirmoj se gjatë ditës kemi pranuar vendimin e Gjykatës Supreme, përmes së cilit urdhërohet Komisioni Qendror i Zgjedhjeve për përsëritjen e raundit të dytë të votimit jashtë Kosovës që i takon Zgjedhjeve për Kryetar të Komunës së Dragashit. Me qëllim të zbatimit të këtij vendimi, gjatë ditës së sotme (e enjte, 25 nëntor, ora 16:00) KQZ-ja do të mbajë mbledhje. Lidhur me mënyrën e zbatimit të këtij vendimi, do të njoftoheni në këtë mbledhje”, ka deklaruar Elezi.

Ndryshe, Gjykata Supreme ka marrë vendim që të përsëritet votimi në komunën e Dragashit vetëm nga jashtë Kosovës.

Sipas Aktgjykimit të Gjykatës Supreme urdhërohet KQZ-ja që të organizojë përsëritjen e Procesit të Votimit nga jashtë për Raundin e Dytë të Zgjedhjeve Lokale për kryetar të Komunës së Dragashit.

Ankesa e kandidatit të LDK-së Bexhet Xheladini është pranuar pjesërisht, teksa është refuzuar pjesa tjetër e ankesës ku kandidati i LDK-së ka kërkuar që votat e mëparshme me postë të përfshihen në rezultatin final.

The post Vendimi i Supremes për Dragashin, sot mblidhet KQZ-ja appeared first on Prizreni Sot.

Zëdhënësi i KQZ-së, Valmir Elezi, bënë të ditur për KosovaPress se të shtunën pritet të shpallen rezultatet e raundit të dytë të zgjedhjeve.

“Komisioni Qendror i Zgjedhjeve tashmë ka përmbyllur të gjitha proceset në Qendrën e Numërimit dhe të Rezultateve, në mesin e të cilave është numërimi i votave jashtë Kosovës, votave me kusht dhe votave të personave me nevoja e rrethana të veçanta. Tashmë ka mbetur që të shtunën të marrim konfirmimin nga Paneli Zgjedhor për Ankesa dhe Parashtresa. Kjo do të thotë se KQZ-ja mund të shpallë rezultatet përfundimtare të raundit të dytë gjatë ditës se shtunë”, thotë ai.

I pyetur për Komunën e Dragashit, Elezi thotë se nëse ka ndonjë çështje ende të pavendosur nga PZAP, do të procedojnë me komunat e tjera në të cilat nuk ka ndonjë ankesë.

“Natyrisht se Komisioni Qendror i Zgjedhjeve do të presë konfirmimin nga ky institucion nëse ka ndonjë çështje për të shqyrtuar apo vendosur dhe mbi bazën e kësaj përgjigje do të veprojë edhe Komisioni Qendror i Zgjedhjeve. Nëse ka ndonjë çështje të pavendosur akoma, atëherë KQZ-ja mund të procedojë me pjesën tjetër të komunave për të cilat nuk ka ndonjë ankesë”, thotë Elezi.

Me 14 nëntor, në 21 komuna është zhvilluar raundi i dytë i zgjedhjeve lokale pas atyre që u mbajtën me 17 tetor në tërë territorin e Kosovës.

The post KQZ pritet t’i shpallë të shtunën rezultatet përfundimtare të raundit të dytë appeared first on Prizreni Sot.

Kështu ka njoftuar zëdhënësi i KQZ-së, Valmir Elezi.

“Rezultatet përfundimtare të raundit të parë të Zgjedhjeve Lokale për Kryetarë të Komunave do të shpallen të enjten, në orën 10:00”, shkruan ai në Facebook.

Zgjedhjet lokale janë mbajtur më 17 tetor, n ë Komisionin Qendror të Zgjedhjeve ishin certifikuar 89 subjekte politike, prej të cilave janë: 32 parti politike, 1 koalicion, 33 iniciativa qytetare dhe 23 kandidatë të pavarur.

The post Të enjten KQZ shpall rezultatet përfundimtare të zgjedhjeve lokale appeared first on Prizreni Sot.

8 vendvotime u takojnë Zgjedhjeve për Kryetarë të Komunave, ndërsa 35 vendvotime të tjera u takojnë Zgjedhjeve për Kuvende Komunale.

Javën e kaluar KQZ kishte rinumëruar 8 vendvotime për Kryetarë të Komunave dhe 15 të tjera për Kuvende Komunale.

Vendimi i fundit i KQZ-së, për rinumërimin e 40 vendvotimeve, u mor pas rekomandimit nga Qendra e Numërimit dhe Rezultateve se pas procesit të hetimit të formularëve të rezultateve, të njëjtit nuk kishin mundur të regjistrohen si të rregullt.

Sipas KQZ-së, ka mospërputhje të të dhënave në formularët e rezultateve, ngatërrim të kategorive të fletëvotimeve, si dhe ka mospërputhje të votave të subjekteve me votat e kandidatëve.

Rinumërimi i këtyre vendvotimeve pritet të fillojë të hënën pasdite, në orën 17:00, raporton EO.

Pas rinumërimit të këtyre vendvotimeve pritet të fillojë numërimi i votave me kusht dhe atyre të personave me nevoja të veçanta.

The post KQZ-ja vendos për rinumërimin edhe të 8 vendvotimeve për kryetar dhe 35 për kuvende komunale appeared first on Prizreni Sot.

Valmir Elezi nga KQZ tha se në përgjithësi janë 255 vendvotime që do të hetohen dhe që janë përzgjedhur në mënyrë të rastësisht.

Sipas tij, gjatë pranimit të këtyre vendvotimeve nuk është vërejtur ndonjë parregullësi, por hetimi i tyre do të bëhet me qëllim të saktësisë.

“Këto vendvotime që do të hetohen, e që në total janë 255 vendvotime, janë përzgjedhur rastësisht dhe që gjatë pranimit të materialit të tyre nuk është vërejtur ndonjë parregullësi. Hetimi i tyre ka për qëllim që të vërtetojë nëse këshilli i vendvotimti ka bartur në mënyrë të saktë rezultatin/votat nga Fleta Llogaritëse e Kandidatëve në Formularin e Rezulatit të Kandidatëve. Fleta Llogaritëse e Kandidatëve, është një fletë pune ku regjistrohen votat e kandidatëve gjatë numërimit, para se ato të barten në Formularin e Rezultatit të Kandidatëve”, tha Elezi.

Ai po ashtu bëri të ditur se sipas procedurës, nëse nga hetimi rezulton se ka ndryshime dhe votat nuk janë bartur në mënyrë të saktë, atëherë pas vendimit të KQZ-së do të hapet kutia e votimit për ta saktësuar gjendjen.

The post KQZ-ja do të hetojë 255 vendvotime për votat e asambleistëve appeared first on Prizreni Sot.

Në mbledhjen e së shtunës u tha se numërimi i tyre do të fillojë shumë shpejt. Kurse, janë 225 vendvotime që do të hetohen dhe krahasohen me të dhënat e shënuara në vendvotim.

Shefi i sekretariatit të KQZ-së, Burim Ahmetaj, ka thënë se procesi i vlerësimit të këtyre pakove ka përfunduar para tri ditësh.

“Si shifra pas vlerësimit të pakove të supozuara, proces i cili ka filluar me 17 tetor dhe është përfunduar para tri ditësh, rezulton se janë 10 mijë e 934 zarfe me fletëvotime të ardhura përmes postës. Numri i pakove të aprovuara është 9610, ndërsa numri i pakove të refuzuara është 1324. Ju informoj se pranimi i votave me postë është bërë në QNR me datën 21 tetor dhe ditëve në vijim do të filloj procesi i numërimit të votave me postë”, ka thënë Ahmetaj.

Ahmetaj po ashtu ka thënë se gjatë ditës së shtunë do të fillojë procesi i verifikimit apo krahasimit të rezultateve të shënuara në formularë me rezultatet e kandidatëve.

“Sot do të fillojë po ashtu procesi i verifikimit apo krahasimit të rezultateve të shënuar në formularë të rezultateve të kandidatëve, përkundrejt rezultateve të shënuara në fletët llogaritëse të kandidatëve. Ky hetim do të bëhet me masën 10 për qind dhe nga barazimet tatale rezulton se janë 255 vendvotime të cilat do të hetohen dhe do të krahasohen me të dhënat që janë shënuar në vendvotim me qëllim që të shohim se sa kanë qenë të sakta rezultatet e shënuara në formularët e rezultateve të kandidatëve”, ka njoftuar ai./kp

The post KQZ: 225 vendvotime do të hetohen appeared first on Prizreni Sot.

Ai tha se përmes postës kanë ardhur 10 mijë e 934 zarfe me fletëvotime nga jashtë. Prej tyre, KQZ-ja ka aprovuar vetëm 9 mijë e 610 pako, teksa janë refuzuar 1.324 të tjera.

“Sa i përket votave me postë, raportin e kemi para dy ditësh në email dhe si shifra totale pas vlerësimit të pakove të supozuara, proces i cili ka filluar më 17 tetot dhe është përfunduar para tri ditësh, rezulton se janë  10 mijë e 934 zarfe me fletëvotime të ardhura përmes postës. Numri i pakove të aprovuara është 9 mijë e 610, ndërsa numri i pakove të refuzuara është 1.324. ju informojë se pranimi i votave me postë është bërë në QNR me 21 tetor dhe në ditët në vijim do të fillojë procesi i numërimit të votave me postë”, ka thënë Ahmetaj, në mbledhjen e sotme të KQZ-së.

The post Nga KQZ-ja tregojnë se kur do të fillojë numërimi i votave përmes postës appeared first on Prizreni Sot.

Elezi tha se fushata do të fillojë më 8 nëntor dhe do të përfundojë më 12 nëntor. 

“Fushata zgjedhore për subjektet politike dhe kandidatët që do të garojnë në raundin e dytë, do të jetë 5 ditore, do të fillojë më 8 nëntor dhe do të përfundojë më 12 nëntor”, ka deklaruar Elezi.

Ai tha se për votuesit e regjistruar suksesshëm nga jashtë Kosovës, gjatë periudhës 10 korrik – 18 gusht, KQZ-ja ka vendosur 15 ditë në dispozicion të tyre për të votuar përmes postës.

“Ky votim fillon më 29 tetor. Deri para kësaj date, KQZ-ja planifikon të miratojë dizajnin dhe përmbajtjen e fletëvotimeve, për ta bërë të mundur fillimin e votimit jashtë vendit. Fletëvotimet duhet të pranohen nga KQZ-ja më së largu më 12 nëntor”, ka deklaruar Elezi.

“Sa i përket vëzhgimit të zgjedhjeve të këtij raundi, KQZ-ja ka vendosur që subjektet politike garuese, OJQ-të, organizatat ndërkombëtare, misionet diplomatike dhe mediat të konfirmojnë listat me vëzhguesit që duan t’i angazhojnë sërish, si dhe të aplikojnë për vëzhgues shtesë. Aplikimi për akreditim të vëzhguesve shtesë të subjekteve politike, OJQ-ve, vëzhguesve ndërkombëtar dhe mediave, fillon më 28 tetor dhe përfundon më 8 nëntor”, tha Elezi.

The post Pesë ditë fushatë për raundin e dytë, kjo është data kur do të fillojë appeared first on Prizreni Sot.

Zëdhënësi i KQZ-së, Valmir Elezi ka thënë për KosovaPress se Komisioni Qendror i Zgjedhjeve pas zgjedhjeve të fundit parlamentare të 14 shkurtit të këtij viti, ka vazhduar me aktivitete të ndryshme me qëllim të pastrimit dhe saktësisë së listës votuese.

“Komisioni Qendror i Zgjedhjeve ka vazhduar me pastrimin e listës votuese. Në këtë drejtim, është bërë një punë e madhe në zgjedhjet e fundit të të cilat janë mbajtur më 14 shkurt. Që nga procesi i fundit zgjedhor, KQZ-ja ka gjetur një metodë të veçantë që i shërben pastrimit dhe saktësisë të listës votuese. Nga departamenti i pensioneve që funksionon në kuadër të Ministrisë së Punës dhe Mirëqenies Sociale, kemi pranuar një bazë të të dhënave me emrat e personave të cilët janë larguar nga skema pensionale për shkak të vdekjes dhe zyrtarët e KQZ-së kanë dalë në teren dhe kanë verifikuar këto të dhëna”, tha Elezi.

Sipas Elezit, procesi i verifikimit në terren është bërë përmes zyrave të gjendjes civile në komuna; bashkësive lokale fetare dhe përmes përfaqësuesve të fshatrave.

“Pas zgjedhjeve të parakohshme të 14 shkurtit, numri i personave që janë larguar si të vdekur nga lista votuese është 18 mijë e 252. Pjesë më e madhe e tyre, 14 mijë e 81 emra, janë larguar nga lista votuese sepse të njëjtit janë larguar nga skema pensionale”, bëri të ditur Elezi.

Zëdhënësi i KQZ-së, Elezi, bëri gjithashtu të ditur se pjesë e listës votuese nuk do të jenë as personat të cilët kanë hequr dorë nga shtetësia e Republikës së Kosovës. Ky numër, vetëm prej pas zgjedhjeve të parakohshme të 14 shkurtit 2021, është 1 mijë e 158 persona.

Në fillim të muajit shtator, Komisioni Qendror i Zgjedhjeve ka certifikuar listën përfundimtare të votuesve, e cila tregon për numrin e votuesve brenda dhe jashtë Kosovës për Zgjedhjet Lokale 2021. Sipas kësaj liste, e cila do të shpërndahet në vendvotime, më 17 tetor, përmban 1 milion e 885 mijë e 448 emra të votuesve, ndërsa numri i qytetarëve të cilët kanë arritur të regjistrohen suksesshëm si votues jashtë Kosovës është 15 mijë e 532 votues.

Në ditën e zgjedhjeve në Kosovë do të hapen 883 qendra të votimit, me gjithsej 2 mijë e 477 vendvotime./KP

The post KQZ largon më shumë se 18 mijë të vdekur nga lista votuese appeared first on Prizreni Sot.

Zëdhënësi i KQZ-së, Valmir Elezi, ka treguar se cilat janë masat të cilat duhet të zbatohen nga votuesit në mënyrë që të kujdesën për mospërhapjen e Covid-19.

“Komisioni Qendror i Zgjedhjeve nuk do të kërkojë nga votuesit që të dëshmojnë se janë të vaksinuar apo se kanë rezultuar negativ në testin për Covid-19. Nga votuesit, KQZ kërkon zbatimin e masave që tashmë janë të njohura. Këto masa, të cilat kanë ardhur si rekomandime dhe këshilla nga institucionet shëndetësore, janë miratuar nga KQZ-ja në udhëzimin për masat që duhet të zbatohen nga votuesit dhe stafi zgjedhor në ditën e zgjedhjeve. Sipas udhëzimit të KQZ-së, votuesit duhet të mbajnë distancën fizike 2m gjatë kohës sa janë duke qëndruar në hyrje të qendrës së votimit apo vendvotimit. Gjithashtu, votuesit duhet të mbajnë maskën mbrojtëse gjatë gjithë kohës, me përjashtim kur duhet të identifikohen nga anëtari i këshillit të vendvotimit. Në vendvotim do të vendosen edhe dezinfektuesit, të cilët do t’i shërbejnë votuesve për t’i dezinfektuar duart në hyrje dhe dalje të vendvotimit”, tha Elezi.

Ndryshe nga votuesit, stafit zgjedhor që do të angazhohet dhe vëzhguesve të subjekteve politike do t’i kërkohet të ofrojnë dëshmi se janë të vaksinuar me njërën nga dozat e vaksinës apo se kanë rezultuar negativ në testin për Covid-19.

“Komisioni Qendror i Zgjedhjeve i është drejtuar me një shkresë të veçantë subjekteve politike të cilat janë certifikuar për pjesëmarrje në Zgjedhjet Lokale 2021. Përmes kësaj shkrese, subjektet politike janë njoftuar se masat e miratuara nga Qeveria e Kosovës, janë të detyrueshme edhe për Komisionin Qendror të Zgjedhjeve. Prandaj, kemi kërkuar nga subjektet politike që të inkurajojnë të gjithë të nominuarit e tyre, qoftë si staf zgjedhor apo si vëzhgues, që të respektojnë këto masa. Nga anëtarët e këshillave të vendvotimit dhe nga vëzhguesit, do të kërkohet që të dëshmojnë se kanë marrë të paktën një dozë të vaksinës apo ta kenë me vete ndonjërin nga testet për Covid-19”, tha Elezi.

Anëtarëve të Këshillave të Vendvotimit (komisionerëve) dhe vëzhguesve do të kërkohet që ta  posedojnë të paktën njërin nga këto dokumente: certifikatën e vaksinimit për vaksinimin e plotë ose marrjen e një doze të vaksinës kundër Covid-19; testin PCR negative për Covid-19 jo më i vjetër se 72 orë; dëshminë se personi e ka kaluar Covid-19, testin PCR pozitiv, i lëshuar jo më pak se 21 ditë dhe jo më shumë se 180 ditë, ose rezultat i testit pozitiv të antitrupave serologjik IgG, i lëshuar më së shumti para 30 ditëve; apo testin e shpejtë antigjen negative jo më i vjetër se 48 orë.

The post KQZ: Votuesve nuk do t’iu kërkohet dëshmia e vaksinimit, masa rigoroze për komisionerë e vëzhgues appeared first on Prizreni Sot.

Përmes një njoftimi drejtuar mediave, KQZ’ja ka bërë me dije se të drejtën për të votuar përmes postës e kanë të gjithë aplikuesit e regjistruar suksesshëm si votues jashtë Kosovës gjatë periudhës së zhvilluar nga data 10 korrik deri më 18 gusht.

Njoftimi:

Periudha e votimit përmes postës, 15 shtator – 15 tetor 2021

Komisioni Qendror i Zgjedhjeve njofton se ka filluar periudha e votimit përmes postës, e cila përfundon më 15 tetor.

Gjatë kësaj periudhe, të drejtën për të votuar përmes postës e kanë të gjithë aplikuesit e regjistruar suksesshëm si votues jashtë Kosovës gjatë periudhës së zhvilluar nga data 10 korrik deri më 18 gusht. Numri i aplikuesve të cilët janë regjistruar suksesshëm si votues jashtë Kosovës dhe që mund të votojnë përmes postës është: 15 mijë e 532.

Fletëvotimet dhe të gjitha detajet se si votohet përmes postës janë të publikuara në këtë vegzë: https://www.kqz-ks.org/sherbimet-per-votuesit/votimi-me-poste/

Fletëvotimet përmes postës duhet të pranohen nga KQZ-ja më së largu deri më 15 tetor 2021.

The post KQZ-ja ka një njoftim me rëndësi për mërgimtarët që duan të votojnë në zgjedhjet lokale appeared first on Prizreni Sot.

 Nga shorti i tërhequr Lidhja Demokratike e Kosovës ka numrin 160 në fletëvotim ndërkaq Lëvizja Vetëvendosje do të garojë me numrin 144 në zgjedhjet lokale të 17 tetorit.

PDK-ja do të garojë me numrin 177 në fletëvotim, ndërkaq Nisma Socialdemokrate me numrin 119.

Aleanca për Ardhmërinë e Kosovës do ta ketë numrin 121 në fletëvotim.

Përshkak të gjendjes me pandeminë COVID-19, partitë opozitare kanë propozuar që fushata zgjedhore të shkurtohet në 10 ditë.

The post Këta janë numrat e partive në fletëvotim në zgjedhjet lokale të 17 tetorit appeared first on Prizreni Sot.

Në listën e subjekteve politike që certifikohen nga KQZ-ja nuk janë akoma subjektet politike parlamentare dhe kjo pritet të ndodhë në mbledhjen e radhës.

Ky institucion mori vendim të enjten për certifikimin e 48 subjekteve politike, prej të cilave 18 parti politike, 1 koalicion, 17 iniciativa qytetare dhe 12 kandidatë të pavarur.

Numri i përgjithshëm i kandidatëve të certifikuar, që përfaqësojnë këto subjekte politike është rreth 550 kandidatë, prej të cilëve rreth 30 kandidatë për zgjedhjet për Kryetarë të Komunave dhe më shumë se 500 kandidatë për pjesëmarrje në zgjedhjet për Kuvende Komunale.

Po ashtu, KQZ-ja mori vendim për moscertifikim të dy kandidatëve të pavarur për pjesëmarrje  në zgjedhjet për  Kuvende Komunale, pasi të njëjtit nuk janë në përputhje me nenin 29 të ligjit për zgjedhjet e përgjithshme.

Sipas KQZ-së do të vazhdohet në mbledhjet e radhës me certifikimin e kandidatëve dhe subjekteve tjera politike.

The post KQZ-ja certifikon 48 subjekte politike appeared first on Prizreni Sot.

Zëdhënësi i KQZ-së, Valmir Elezi në një konferencë për media ka bërë të ditur se kandidatë  të këtyre subjekteve politike nuk janë në pajtueshmëri me Nenin 29 të Ligjit për Zgjedhjet e Përgjithshme, pikën ‘q’, sipas të cilës kandidat nuk mund të jetë një person i cili është shpallur fajtor për vepër penale me një vendim përfundimtar të gjykatës në 3 vitet e fundit.

“Ju njoftoj se Komisioni Qendror i Zgjedhjeve ka pranuar përgjigjet nga institucionet e ndryshme, lidhur me përshtatshmërinë apo aftësinë e kandidatëve sipas nenit 29 të Ligjit për Zgjedhjet e Përgjithshme.

 Përgjigje kanë dërguar Këshilli Gjyqësor i Kosovës; Paneli Zgjedhor për Ankesa dhe Parashtresa; Ministria e Punëve të Brendshme; Ministria e Punëve të Jashtme; Agjencia e Kosovës për Inteligjencë; Dogana e Kosovës.  Duke u mbështetur në përgjigjet e Këshillit Gjyqësor të Kosovës rezulton se 30 subjekte politike nga 93 sa janë paraqitur për pjesëmarrje në zgjedhje, kanë kanidatë të cilët nuk janë në pajtueshmëri me Nenin 29 të Ligjit për Zgjedhjet e Përgjithshme, pikën ‘q’, sipas të cilës kandidat nuk mund të jetë një person i cili është shpallur fajtor për vepër penale me një vendim përfundimtar të gjykatës në 3 vitet e fundit”, ka thënë Elezi para gazetarëve.

Më tutje, ai konfirmoi se bëhet fjalë për 160 kandidatë që kanë kandiduar për kryetar komune apo për Kuvende Komunale dhe që kanë së paku një vendim përfundimtar të gjykatës me anë të të cilit janë shpallur fajtor për vepër penale në tri vitet e fundit.

“Në përgjithësi, janë 160 kandidatë nga lista prej më shumë se 5 mijë e 200 kandidatësh, të cilët kanë kërkuar të certifikohen qoftë në zgjedhjet për Kryetar Komune apo për Kuvende Komunale, por që kanë së paku një vendim përfundimtar të gjykatës me anë të të cilit janë shpallur fajtor për vepër penale në tri vitet e fundit”, ka deklaruar më tutje ai.

Elezi njoftoi se partitë politike e kanë mundësinë që të bëjnë zëvendësimin e kandidatëve me të tjerë.

“Pas pranimit të këtyre përgjigjeve, Zyra për Regjistrim të Partive Politike dhe Certifikim, ka filluar t’i njoftojë subjektet politike për përgjigjet e institucioneve me dhe të njëjtave do t’iu japë mundësi që të bëjnë zëvendësimet e këtyre personave me kandidatë të tjerë”, tha më tutje ai.

“Sipas planifikimeve me planin operacional të miratuar nga KQZ-ja, Zyra për Regjistrim të Partive Politike dhe Ceritfikim, do të paraqesë në KQZ rekomandimet lidhur me certifikim ose jo të ndonjë subjekti apo kandidati. KQZ-ja do të marrë vendimet për certifikim, më së largu deri më 1 shtator.  Në rast të moscertifikimit të ndonjë kandidati apo subjekti, pala e paknaqur me vendimin e KQZ-së mund të paraqes ankesë në Panelin Zgjedhor për Ankesa dhe Parashtresa dhe në Gjykatën Supreme. Të gjitha këto çështje, planifikohet të përfundojnë deri më 6 shtator. Kjo do t’i hapte rrugë KQZ-së për të organizuar tërheqjen e shortit për renditjen e subjekteve politike në fletëvotim. Afati i fundit për tërheqjen e shortit është data 8 shtator”, deklaroi ndër të tjera ai.

The post KQZ: 160 kandidatë të 30 subjekteve politike kanë probleme me ligjin appeared first on Prizreni Sot.

Kjo kohë e mbetur mbase mund të rrisë numrin e aplikacioneve, meqë nga 10 korriku nga kur u hap afati 40 ditësh deri mesditën e së shtunës janë dërguar vetëm 5 mijë e 330 të tilla.

Krahasuar me zgjedhjet e 17 shkurtit deri tash janë pranuar afër 125 mijë aplikacione më pak, kurse 7 mijë sosh ka pasur më shumë në zgjedhjet lokale të 2017-ës.

Në Komisionin Qendror të Zgjedhjeve thanë se janë munduar të bëjnë informim të mjaftueshëm për periudhën e regjistrimit.

E pavarësisht shifrave shtyrje të afatit nuk do të ketë.

The post Bie interesimi i diasporës për votim në zgjedhje lokale appeared first on Prizreni Sot.

Komisioni Qendror i Zgjedhjeve ka njoftuar se është hapur afati për aplikimin e subjekteve politike, koalicioneve, iniciativave qytetarë dhe kandidatët e pavarur, për certifikim për zgjedhjet e 17 shkurtit.

KQZ ka njoftuar se kërkesat për certifikim dorëzohen në Zyrën për Regjistrimin e Partive Politike dhe Certifikim.

Afati përfundon me 16 gusht.

” Njoftohen të gjitha partitë politike, koalicionet, iniciativat qytetare dhe kandidatët e pavarur, të cilët duan të marrin pjesë në Zgjedhjet Lokale se afati i aplikimit për certifikim ka filluar dhe përfundon më 16 gusht 2021″, thuhet në njoftim.

Njoftimi i plotë: 

ZGJEDHJET LOKALE NË REPUBLIKËN E KOSOVËS

17 tetor 2021

AFATI I APLIKIMIT PËR CERTIFIKIM TË SUBJEKTEVE POLITIKE

Njoftohen të gjitha partitë politike, koalicionet, iniciativat qytetare dhe kandidatët e pavarur, të cilët duan të marrin pjesë në Zgjedhjet Lokale se afati i aplikimit për certifikim ka filluar dhe përfundon më 16 gusht 2021.

Kërkesat për certifikim dorëzohen në Zyrën për Regjistrimin e Partive Politike dhe Certifikim, në çdo kohë, gjatë orarit të punës, nga ora 08:00 deri 16:00.

Për informata shtesë, mund të vizitoni ueb faqen e KQZ ëëë.kqz-ks.org ose kontaktoni në tel. 038 200 81 010

The post Zgjedhjet lokale, hapet afati për certifikimin e partive politike appeared first on Prizreni Sot.