Njohësit e ekonomisë konsiderojnë se kamata e kredisë është e lartë dhe se institucionet duhet bërë më shumë që të ketë ndryshime.

Krahas kësaj, është shënuar rritje edhe në depozitat bankare. Gjatë pesë mujorit të parë të vitit 2025, depozitat e reja arritën mbi 480 milionë euro, mbi 133 milionë euro më shumë krahasuar me të njëjtën periudhë të vitit 2024.

Njohësit e ekonomisë vlerësojnë se në depozitimin e mjeteve dominon diaspora.

Ndërkaq, sipas qytetarëve marrja e kredive bëhet për shkak të vështirësive financiare me të cilat përballen

“Kredia nuk është e vogël kurrë, veç zori”, shprehet Ejup Musolli.

Një qytetar tjetër tregon se para disa vitesh ka marrë kredi.

“Kam marrë (kredi) para 30 vitesh. A e ke pasur vështirë ta kthesh? Jo, se është ndal në rrogë”, tha ai.

Kryetari i Odës Ekonomike të Kosovës, Lulzim Rafuna thotë se rritja e vlerës së kredive për ekonomitë familjare nuk është mesazh i mirë. Sipas tij, kjo tregon se familjet në Kosovë janë të detyruar t’i nënshtrohen marrjes së kredive të reja.

Rafuna për KosovaPress, potencon se norma e interesit në bankat e Kosovës vazhdon të jetë e lartë.

Ai thotë se ekzekutivi dhe Banka Qendrore Kosovës duhet të punojnë më shumë në këtë drejtim, për ta ulur normën e interesit.

Norma mesatare e interesit për kreditë e reja është 6.0 përqind.

E sa i përket rritjes së depozitave në banka, Rafunes thotë se vjen pasi diaspora dhe qytetarët e Kosovës nuk po investojnë më shumë në patundshmëri, siç kanë bërë më herët.

Sipas të dhënave të Bankës Qendrore të Kosovës (BQK), gjatë pesë mujorit të parë të vitit 2025, shuma e kredive të reja të lëshuara është 1.2 miliard euro, krahasuar me 998.0 milionë euro në periudhën e njëjtë të vitit 2024.

Nga BQK-ja thonë se portofoli i përgjithshëm i kredive ka arritur në 6.3 miliardë euro në fund të majit 2025, nga 5.2 miliardë euro në maj të vitit të kaluar, duke shënuar një rritje vjetore prej 1.1 miliardë euro ose 20.9%.

Ndërkaq, sa i përket depozitave, në përgjigjen e tyre për KosovaPress, thonë se gjatë kësaj periudhe pesë mujore janë regjistruar 480.9 milionë euro depozita të reja, krahasuar me 347.6 milionë euro vitin e kaluar.

Profesori i ekonomisë, Mustafë Kadrijaj thotë se rritja e kredive dhe depozitave tregon për një përshkallëzim të gjendjes ekonomike në vend.

Sipas tij, qytetarët dhe bizneset po i drejtohen kredive për të përballuar nevojat afatshkurtra, pasi nuk kanë mundësi të qarkullojnë apo të mbijetojnë ekonomikisht.

Ndërkaq, sa i përket depozitave, Kadrijaj vlerëson se pjesa më e madhe vjen nga mjetet e bashkatdhetarëve, të cilët i depozitojnë në banka.

Në një prononcim për KosovaPress, Kadrijaj vlerësoi se situata ekonomike në vend po rëndohet edhe për shkak të mungesës së funksionimit institucional.

The post Qytetarët e Kosovës hynë borxh në banka mbi një miliard euro brenda pesë muajve appeared first on Prizreni Sot.

Në një konferencë të fundvitit, ditë më parë BQK-ja njoftoi se tashmë 5.6 miliardë euro është shumë e përgjithshme e kredive në Kosovë. Në konferencë, Ahmet Ismaili, guvernator i BQK-së, ka treguar se kreditë kanë shënuar një rritje prej 768 milionë euro.

“Gjithsej, kreditë në nëntor 2024 kanë arritur shumën prej 5.668 miliarda euro, duke shënuar një rritje prej 768.9 milionë euro ose 15.7% krahasuar me dhjetorin e vitit 2023. Ndërsa, depozitat vazhdojnë të jenë burimi kryesor i financimit të kredive. Gjithsej, depozitat në nëntor të këtij viti kanë arritur në 6.586 miliarda euro, duke shënuar një rritje prej 448.5 milionë euro ose 7.3% krahasuar me dhjetorin e vitit 2023. Kjo rritje i atribuohet rritjes së normave të interesit në depozita dhe konkurrencës më intensive midis bankave për tërheqjen e depozitueseve” – kishte thënë Ahmeti.

Po ashtu, edhe remitencat janë rritur gjatë vitit 2024.

“Remitancat kanë arritur në 1.1 miliardë euro deri në tetor, dhe ne presim që të mbyllen në 1.3 miliardë euro. Ky ishte viti i parë me liberalizimin e vizave, dhe prandaj e kemi pritur një ngjarje të tillë” – kishte theksuar Ahmeti.

Ndërsa sektori që ka shënuar rritje edhe këtë vit është sektori bankar. Që nga pandemia e tutje, fitimi i bankave është në një rritje të përvitshme.

Edison Jakurti, njohës i çështjeve ekonomike, ditë më parë e përktheu fitimin e bankave në për qindje. Sipas tij, në vitin 2023 në krahasim me vitin 20219, që shënon vitin e fundit para pandemisë së COVID-19, profiti i bankave është rritur për 180 për qind.

Siç shkroi Jakurti në një formë satirike, në sketorin bankar ka ndodhur zhvillim më “i madh ekonomik që na la pa rrymë”.

“Zbulohet sektori ku ka ndodh ky zhvillimi i madh ekonomik që na la pa rrymë – sektori bankar. Sipas të dhënave të Bankës Qendrore të Kosovës, profiti neto (lexo: i pastër) i bankave në Kosovë prej vitit 2000 deri në nëntor 2024 ka qenë mbi 1.4 miliardë euro. 53% e këtij profiti është realizu në periudhën 2000-2019, ndërsa 47% në periudhën 2020-2024. Në vitin 2023, në krahasim me vitin 2019, që është viti i fundit para fillimit të pandemisë, profiti i bankave është rritë për 180%. E deri në nëntor 2024, krahasu me 2019, rritja është 196%. Kur t’përfshihet edhe dhjetori, rritja do t’jetë mbi 200%. Ky po që është zhvillim” – ka shkruar Jakurti.

Sjellim ndër mend që qytetarët e Kosovës gjatë viteve të fundit janë përballur me inflacion, gjë e cila ka ndikuar në koston dhe cilësinë e jetës së kosovarëve.

The post Qytetarët “rrasen” në kredi: Si shkoi viti 2024 për popullin e Kosovës? appeared first on Prizreni Sot.

Ndonëse sipas Mehmetit inflacioni në vendin tonë është në rënie dhe deri në fund të vitit pritet që të stabilizohet përfundimisht, një gjë e tillë nuk ndodhë edhe me çmimet dhe në këtë kontekst marrja e kredive konsumuese po shihet si zgjidhje për qytetarët e vendit në mënyrë që të përballojnë çmimet e larta të produkteve.

“Mundeni me e pa që inflacioni ka ra nëse e shohim ndër vite edhe sot ka rënie për 3% dhe çmimet kanë mbete të njëjta dhe ajo çka është e rëndësishme është që kreditë konsumuese janë rritë për 17% që është një numër bukur i lartë që të lenë me kuptu se qytetarët nuk po munden me ja dalë nga muaji në muaj dhe për këtë arsye e shohin si një mundësi të mirë marrjen e kredive për ta ballafaqu inflacionin edhe pse në këto raste ish dashtë që të kemi rritje dhe indeksim të pagave një gjë e tillë në Kosovë nuk ka ndodhë dhe në këtë formë kemi rritje të kredive konsumuese”, tha Mehmeti. /RTV21

The post Kosovarët vazhdojnë të “zhyten” në kredi për shkak çmimet e larta, ato u rritën për 17% appeared first on Prizreni Sot.

Veç në vitin që shkoi u regjistruan plot 114 milionë euro më shumë kredi konsumuese se më 2022.

Për këtë rritje prej 23 për qind, sipas Odës Ekonomike pati ndikim rënia e vlerës së parasë.

As rritja e kamatës nuk ndikoi në uljen e kërkesave për kredi, që për një profesor ekonomie paraqet rrezikun e mospagesës.

Raport krejt i kundërt ekziston në kreditë hipotekare ku më 2023 pati rënie prej 11 për qind në krahasim me vitin paraprak, Kjo sipas OEK-ut pasi sektori privat u hendikepua.

Ekonomistët vlerësojnë se duhet ndryshuar politika fiskale që krizat financiare të përballohen më lehtë./KK

The post Kredi deri n’fyt: Kosovarët të varur nga bankat appeared first on Prizreni Sot.

Banka Qendrore e Kosovës (BQK) thonë se numri i përgjithshëm i kredi marrësve është 118 mijë e 102 deri në nëntor, rreth 13 mijë më shumë se vitin e kaluar.

Përveç rritjes së kredive, edhe depozitat kanë arritur në vlerën 5 miliardë e 875.9 milionë euro.

Ndërsa, bankat komerciale në Kosovë kanë arritur të sigurojnë profit të lartë gjatë periudhës janar-tetor 2023.

Sipas raportit të fundit të Bankës Qendrore të Kosovës(BQK), për dhjetë muaj të këtij viti nga kreditë bankare dhe shërbimet tjera, bankat komerciale kanë pasur fitim të pastër 141 milionë euro ose rreth 20 milionë euro më shumë se në periudhën e njëjtë të viti të kaluar.

The post Kosovarët me borxhe deri në ‘fyt’, rreth 5 miliardë euro kredi appeared first on Prizreni Sot.

Sipas anketës “Shqyrtimi i dinamikës së varfërisë së amvisërive përballë inflacionit”, 10% e ekonomive familjare në Kosovë ishin dukshëm më të varfra në mes të viteve 2023 dhe 2021.

“Krahasuar me vitin 2021, në vitin 2023, një shtesë prej 10% e familjeve të anketuara jetonin nën pragun prej 1.85 euro në ditë, kur përshtaten të dhënat për rritjen e çmimeve”, thuhet në anketë.

Duke i përdorur të dhënat e të hyrave dhe kufirin e varfërisë prej 1.85 euro për person në ditë, shkalla e varfërisë në vitin 2023 vlerësohet të jetë 16%, krahasuar me 17.6% në 2022 dhe 14.5% në 2021.

Si pasojë shumë familje në Kosovë u detyruan të hynë borxh në banka edhe për gjëra ushqimore.

“Inflacioni ka çuar në rritjen e borxhit në mesin e ekonomive familjare, duke u mbështetur në kredi dhe kartela krediti për t’i përmbushur nevojat financiare. Për t’i luftuar pasojat e inflacionit në vitin e kaluar 16.1% e të anketuarve kanë përdorur kartela krediti dhe 16.3% e të anketuarve kanë deklaruar se duhet të përdorin kartela krediti ose forma të tjera borxhi për t’i mbuluar shpenzimet e rritura të ekonomive familjare; Vështirësitë financiare janë evidente, me 29% të të anketuarve që i shkurtojnë shpenzimet dhe i vonojnë pagesat e faturave, thuhet në anketë.

Sipas anketës, inflacioni ka ndikuar në mirëqenien mendore dhe sociale, duke shkaktuar ndërprerje në aktivitetet rutinore dhe rritje të stresit, duke çuar në cilësi më të ulët të jetës; 46% deklaruan se stresi dhe ankthi i tyre rriten si rezultat i rritjes së çmimeve (një përqindje më e madhe në mesin e komuniteteve romë, ashkali dhe egjiptas të Kosovës); 36% raportuan ndikim në marrëdhëniet personale ose jetën shoqërore; dhe 23% janë të shqetësuar për mirëqenien e tyre mendore për shkak të inflacionit.

The post Rritja e çmimeve detyroi shumë familje në Kosovë të hynë kredi edhe për gjëra ushqimore appeared first on Prizreni Sot.

Kështu thuhet në raportin “Anketa e kreditimit bankar, numër 16“, të prezantuar nga Banka Qendrore e Kosovës (BQK), duke shtuar se bankat komerciale në tremujorin e dytë të 2023-së kanë rritur normën e aprovimit të kredive për ekonomitë familjare.

“Pesë banka, prej tyre tre me rëndësi sistemike, raportuan për rritje të kërkesës për kreditë për blerjen e shtëpive, ndërsa gjashtë banka, prej tyre tre me rëndësi sistemike, deklaruan rritje të kërkesës për kreditë konsumuese”, thuhet në anketë.

Sipas BQK-së, kjo rritje është ndikuar pozitivisht nga perspektiva e favorshme e tregut të patundshmërive.

“Faktorët që ndikuan pozitivisht dinamikat në kërkesën për kredi ishin nevoja për financimin e shpenzimeve të konsumit (indeks pozitiv 0.34) dhe në një nivel më të ulët pozitivisht ndikoi edhe perspektiva e tregut të patundshmërive (indeks pozitiv 0.19)”, thotë BQK.

Anketa thekson se në tremujorin e ardhshëm, cilësia e portfolios kreditore e ekonomive familjare do të përkeqësohet.

“Gjatë tremujorit të tretë 2023, bankat presin që cilësia e portfolios kreditore e ekonomive familjare të përkeqësohet tutje, bazuar në vlerën pozitive të indeksit. Saktësisht, pritjet e bankave për raportin e kredive jo-performuese rezultuan në indeks pozitiv 0.17, deklaruar nga tri banka, ku dy nga to janë banka me peshë të lartë në kreditim dhe me rëndësi sistemike”, vijon raporti.

Bankat gjithashtu kanë raportuar rritje të qasjes në financim për këtë tremujor.

“Bankat raportuan rritje të qasjes në financim gjatë tremujorit të dytë të vitit 2023. Rezultati i agreguar i përgjigjeve të bankave u bazua në përgjigjet e shtatë bankave (prej tyre katër banka me rëndësi sistemike) të cilat deklaruan rritje të financimit, përderisa dy nga bankat deklaruan rënie të financimit (një nga bankat kishte rëndësi sistemike). Për tremujorin e ardhshëm, në përgjithësi bankat presin rritje të gjithsej qasjes në financim deri në një masë më të lartë se sa ai i tremujorit aktual me indeks pozitiv prej 0.45”, thekson anketa.

Ndryshimet në standardet kreditore të aplikuara për ekonomitë familjare dhe faktorët që kontribuuan | Burimi: BQK
Për sa i përket financimit kreditor për bizneset, institucioni më i lartë financiar në vend thotë se kërkesa për kredi shënoi rritje në nivel më të ulët se sa në tremujori i parë 2023.

“Gjatë tremujorit të dytë të vitit 2023, kërkesa për kredi nga ana e ndërmarrjeve shënoi rritje në nivel më të ulët se sa në tremujorin e parë 2023. Saktësisht, përgjigjet gjeneruan indeks pozitiv prej 0.31 e shprehur nga gjashtë nga gjithsej dhjetë banka pjesëmarrëse në anketë. Gjithashtu, kërkesa për kredi rezultoi të jetë më e lartë krahasuar me pritjet e bankave për TM2 2023 të shprehura në anketën e kaluar”, pohon BQK-ja, raporton Telegrafi.

Tutje thuhet se bankat komerciale nuk presin lëvizje të rëndësishme në kërkesën për kredi nga bizneset gjatë tremujorit të ardhshëm.

“Ky rezultat u ndikua nga përgjigjet e shtatë bankave, ku prej tyre tre banka (dy me rëndësi sistemike) deklaruan rënie të kërkesës për kredi në përgjithësi dhe katër banka tjera (një me rëndësi sistemike) që deklaruan rritje të kërkesës për kredi nga ndërmarrjet. Kërkesa për financim të investimet fikse pritet të shënoi rënie gjatë tremujorit të tretë 2023 dhe kërkesa për financim të inventarëve dhe kapitalit punues pritet të mbetet e pandryshuar. Njëkohësisht, cilësia e aplikacioneve të pranuara për kredi nuk pritet të ketë ndryshime të rëndësishme”, vijon raporti.

Ndryshimet në kërkesën për kredi nga ndërmarrjet dhe faktorët që kontribuuan | Burimi: BQK
Mbështetja e bizneseve në kreditim nga Fondi Kosovar për Garanci Kreditore (FKGK) thuhet se ka pasur rol kryesor në lehtësimin e standardeve kreditore.

“Faktori që deri në një masë ndikoi pozitivisht standardet kreditore, duke i ofruar siguri sektorit
bankar, ishte mbështetja nga FKGK me indeks pozitiv 0.21. Pra, mbështetja nga FKGK-së dhe rreziku i ulët i perceptuar në tregun e patundshmërive ndikuan pozitivisht kushtet dhe rregullat e aplikuara. Përderisa, mbështetja nga FKGK, toleranca më e lartë ndaj rrezikut dhe presioni i konkurrencës në mes të bankave ndikoi pozitivisht pritjet e bankave mbi kushtet dhe rregullat gjatë tremujorit të ardhshëm”, tregon anketa.

Në fund, bankat kanë raportuar se pritet të ketë rritje të kredive jo-performuese për bizneset dhe ekonomive familjare.

“Katër banka, ku dy prej tyre me rëndësi sistemike, presin rritje të kredive jo-performuese të ndërmarrjeve, kundrejt tre bankave, gjithashtu dy prej tyre me rëndësi sistemike, të cilat presin të njëjtën dinamikë për kreditë jo-performuese të ekonomive familjare”, përfundon BQK.

The post Qytetarët e Kosovës rrisin kërkesat për kredi, më së shumti për konsum e shtëpi appeared first on Prizreni Sot.

Sipas raportit të sistemit financiar për muajin maj 2023, të përgatitur nga Banka Qendrore e Kosovës, norma mesatare e interesit në kredi ka arritur në 6.5%, krahas 6.3 % sa ka qenë në muajin prill 2023.

Përderisa norma mesatare e interesit në kreditë dhe lizingjet që jepen nga institucionet mikrofinanciare arrinë në 19.1%, raporton Front Online.

Përndryshe, vetëm në pesë mujorin e parë të këtij viti nga shtrenjtimi i kredive dhe shërbimeve, bankat komerciale në Kosovë kanë arritur fitim të pastër prej rreth 66 milionë euro.

The post Shtrenjtohen kreditë bankare në Kosovë appeared first on Prizreni Sot.

Rreth 70 mijë qytetarë, vetëm në katër muajt e parë të këtij viti, u detyruan t’i drejtohen bankave komerciale për të marrë kredi.

Kjo për faktin se pagat e vogla nuk po u mjaftojnë që të bëjnë investime të ndryshme që atyre iu duhet.

Agim Hasani nga Prishtina, ishte detyruar të futet në kredi, pasi sipas tij, është e vështirë që të operohet më çmimet aktuale.

Qytetarët thonë se po e kanë të vështirë jetesën për shkak të inflacionit i cili vazhdon të jetë ende i lartë.

Banka Qendrore e Kosovës ka dhënë numrin e kredimarrësve për katër muajt e parë të këtij viti.

“Vlera e kredive të reja për periudhën Janar-Mars 2023 ka arritur në 490.1 milionë euro. Për periudhën e njëjtë të një viti më parë (janar-mars 2022), vlera e kredive ishte 508.2 milionë euro. Numri i kredimarrësve për katër muajt e parë të vitit 2023 është: 68,985. Këtu janë përfshirë kredimarrësit fizik dhe juridik. Një ndër arsyet që mund të ketë ndikuar në rënie të kreditimit në tremujorin e parë të vitit 2023 në krahasim me vitin paraprak, mund të jetë efekti i rritjes së normave të interesit në kredi.”, thotë Banka Qendrore e Kosovës, raporton kanal 10

Ndërkohë, njohësi i ekonomisë, Mustafë Kadrijaj, ka thënë se rritja e kësaj shifre është treguesi më i mirë për mos stabilitetin ekonomik në vend.

Ai thotë se çmimet e larta kanë ndikuar jashtëzakonisht shumë.

Sipas raportit të fundit të Agjencisë së Statistikave të Kosovës për muajin prill 2023, çmimet e konsumit kanë treguar një rritje të moderuar me një inflacion mujor prej 0.3 për qind.

The post Kosovarët të zhytur në kredi appeared first on Prizreni Sot.

Kështu thuhet në përgjigjen e Bankës Qendrore dhënë për Institutin për Hulumtime “Front”.

“Bazuar në të dhënat e gjeneruara sipas Data Bazë së Regjistrit të Kredive të Kosovës-RKK, numri i kredimarrësve total (fizik dhe juridik) për katër mujorin e parë 2023 (janar-prill) është 69,709”, thuhet në përgjigjen e BQK-së.

Vlera e kredive që janë marrë nga qytetarët nëpër bankat komerciale është mbi 1 miliardë euro.

“Vlera e kredive që kanë marrë personat fizik dhe juridik në periudhën e njëjtë (janar-prill 2023) është 1,035,842,540.28 €”, thuhet më tej në përgjigje.

E në rritjen e numrit të kredive thuhet se ka ndikuar rritja e çmimeve në shumë sektorë.

Ekonomisti Imer Raci thotë për iFront se është e pamundur të mbulohen shpenzimet me pagat aktuale.

“Ruajtja e standardit për shkak të rritjes së çmimeve ka ndikuar në marrjen e kredive gjë që është e pamundur të mbulohen shpenzimet me pagat aktuale e që nuk i janë përshtatur Inflacionit”, tha ai

Kosova është përballur me rritje çmimesh të produkteve dhe shërbimeve nga fundi i vitit të kaluar, kryesisht për shkak të çrregullimeve në furnizime që ka shkaktuar pandemia e koronavirusit.

Hov më të madh atyre u ka dhënë pushtimi rus i Ukrainës, i cili ka nisur në fund të shkurtit.

The post Kosovarët janë të zhytur në kredi appeared first on Prizreni Sot.

Këtë shifër e ka thënë deputeti i Partisë Demokratike të Kosovës, Bekim Haxhiu në lidhje me atë se çfarë po ndodh me shqyrtimin për tërheqjen e 30% të mjeteve nga Trusti, nismë kjo nga qytetarët e ku mbi 21 mijë nënshkrime ishin deponuar në Kuvendin e Kosovës.

Haxhiu po vlerëson se kjo shumë e marrjes së kredisë nga qytetarët u bë për shkak të inflacionit dhe rritjes së çmimeve, e ku sipas tij, nga kjo shumë e kredive për shtetasit e Kosovës, një pjesë e konsiderueshme u shpenzuan për blerjen e druve për ngrohje, ushqimeve bazike e gjërave tjera elementare.

Sipas tij, kjo është dëshmia me e mirë që Kuvendi i Kosovës duhet të votojë PËR tërheqjen e 30 për qind të parave nga Trusti për shkak të krizës ekonomike dhe rritjes enorme të çmimeve të produkteve bazë.

Megjithatë, ka një lajm të mirë për të gjithë qytetarët e Kosovës.

“Nisma qytetare ka pasur të trajtohet në seancën e fundit të dhjetorit, por kjo u zvarrit në Komisionin për Buxhet që drejtohet nga Armend Muja. Tani kanë kaluar të gjitha afatet ligjore dhe të Rregullores së Punës së Kuvendit dhe qysh në seancën e parë të sesionit të ri në javën e tretë të janarit mund të futet në rend dite kjo nismë qytetare”, ka thënë Bekim Haxhiu

Sipas Haxhiut, lehtësisht mund të kaloj në Kuvend kjo nismë për arsye se ka një reflektim edhe të deputetëve të shumicës, këtë rast të Lëvizjes Vetëvendosje.

“Ju e patë atë ditë në komision se dy deputet të VV-së abstenuan. Ka një disponimi te deputetët e partisë në pushtet që të votohet PRO”, ka thënë Haxhiu.

E iniciuesi i kësaj nisme, Adnan Jashari ka thënë për Gazeta Blic se nuk ka informatë se kur mund të jetë në rend dite kjo pikë, por ka kërkuar që sa më parë të jetë si pikë e rendit të ditës sepse sipas tij, çdo ditë qytetarët po e pyesin se çfarë po ndodh me 30 përqind të parave nga Trusti.

“Po presim që sa me shpejt të dalë për rend dite pasi që afatet kanë përfunduar dhe po zvarritet tashmë qëllimshëm!”, tha ai.

Tri partitë opozitare: PDK, LDK e AAK kanë kërkuar që kjo nismë për trustin të kaloj në Kuvendit e Kosovës për shkak të inflacionit.

Ato e kanë kritikuar ashpër qeverinë e Kosovës se po mbanë të “bllokuar’ mbi 700 milionë euro në llogarinë e qeverisë.

Duke u nisur nga kjo ata kanë kërkuar që Trusti duhet të kaloj në Kuvendin e Kosovës. / Gazeta Blic

The post Kosovarët morën kredi 1.5 miliardë euro për gjërat elementare appeared first on Prizreni Sot.

E nga kjo rritje nuk ka shpëtuar as Kosova, pasi që norma e interesit për biznese në muajin gusht është rritur në 6.05%. Kështu kanë bërë të ditur nga Shoqata e Bankave të Kosovës.

 “Norma efektive për kredi të lëshuara për korporatat jo financiare në fund të muajit gusht 2022 ishte 6.05% për dallim prej fundit të vitit 2021 kur ishte 5.72%, ndërsa për ekonomitë familjare në muajin gusht 2022 ishin 5.89% për dallim prej fundit 2021 që ishte 5.95%.”, thuhet në përgjigjen e shoqatës

Se kësti i kredive të ardhshme mund të rritet për shkak të Euribor-it e thonë edhe nga Shoqata e Bankave.

“Për kreditë ekzistuese, shumica e të cilave janë me norma fikse, nuk ndryshon kosto/interesi/kësti; ndërkaq për kreditë me norma variabile të interesit, mund të ndryshojë norma e interesit, varësisht nga ndryshimi kushtet e kontratës së kredisë dhe normës referente, kryesisht Euribor-it e që është jashtë kompetencave të bankave në Kosovë, pra varet nga zhvillimet tjera ekonomike në nivel të Bashkimit Evropian”, bëjnë të ditur nga shoqata.

Ndërsa të pyetur se cila bankë komerciale në Kosovë e ka bërë ngritjen e normës së interesit, nga Shoqata e Bankave kanë thënë se për dallim prej bizneseve, për ekonomitë familjare nuk ka pasur ngritje të interesit

“Pra, siç mund të shihet nga të dhënat e lartshënuara, për dallim nga viti 2021, në fund të muajit gusht 2022 kemi një rritje të lehtë të normave të interesit për kredi të korporatave jo financiare, përderisa kemi një rënie të lehtë të normave të interesit për kredi të ekonomive familjare”, thonë nga shoqata.

Ngritja e interesit të kredive nga bankat komerciale në Kosovë, nga njohësit e ekonomisë po shihet si një goditje për bizneset dhe qytetarët e Kosovës.

Njohësi i ekonomisë Mustaf Kadriu, për FrontOnline, tha se ngritja e interesit të kredive është treguesi më i mirë se vendi po përballet me krizë ekonomike.

“Hezitimi i ekonomive familjare që të marrin kredit po ashtu edhe të bizneset gatishmëria e tyre për të marrë kredi dhe rritja e normës së  interesit vlerësojë se është një tregues i mirë që kemi krizë ekonomike”, tha ai.

E për të dalë nga kjo krizë ai thotë se Qeveria duhet që të lehtësoj të bërit biznes në Kosovë.

“Ekonomitë familjare si rezultat që nuk kanë siguri financiare nuk janë të interesuara të investojnë dhe të gjithë interesimin e kanë të mbushja e shportës e jo të investimi, dhe në këtë drejtim bankat funksionon sipas ekonomisë së tregut dhe interesit financiar dhe në këtë drejtim Qeveria duhet të ia lehtësoj të bërit biznes bankave komerciale që ato të reflektojnë te kësti i kredive  dhe interesi”, deklaroi Mustafa.

Se rritja e interesit të kredive nga bankat komerciale në Kosovë është një goditje për bizneset e thotë edhe Skender Krasniqi nga Oda e Afarizmit Kosovë.

“Kjo ndikon shumë, në vend të ulen ato e të rritet përkrahja është ka rritet goditja që po iu bëhet qytetarëve dhe bizneseve. Dhe po shpresojmë se Qeveria do ta dëgjon zërin e bizneseve që t’iu dal në ndihmë”, tha ai.

Për ngritjen e normës së interesit të kredive nga bankat komerciale në Kosovë, është pyetur edhe Autoritetin e Konkurrencës së a kanë filluar hetimet, por në përgjigjet e tyre thuhet se nuk kanë filluar procedurat për hetim.

“Autoriteti i Konkurrencës nuk ka filluar ndonjë procedurë të veçantë hetimore ndaj ndonjë banke e as bankave në tërësi lidhur me paralajmërimet për ngritjen e interesit të kredive”, thonë në AKK-ja.

The post Goditen familjet dhe bizneset e Kosovës: Bankat shtrenjtojnë kreditë appeared first on Prizreni Sot.

Sipas Raportit të Sistemit Financiar i publikuar në javën e kaluar për muajin shkurt 2021 nga BQK-ja, shihet që është rritur vlera e kredive që kosovarët kanë marrë në banka në muajin shkurt. Nëse në janar vlera e kredive ka qenë gjithsejtë 3 miliard e 233 milionë euro, në shkurt vlera është gjithsejtë 3 miliard e 260 milionë euro, pra ka pasur një rritje mujore për 27 milionë euro, shkruan lajmi.net.

Kreditë u rritën si shkak i futjes në obligimeve të qytetarëve ose sipas fjalorit të BQK-së ‘ekonomive familjare’, Nëse ato në janar ishin në vlerë prej 1 miliardë e 180 milionë, në shkurtë arritën në 1 miliard e 198 milionë, ose 18 milionë më shumë. Pastaj rritje shënuan edhe kreditë për korporatat jo financiare dhe për korporatat tjera financiare.

Depozitat janë rritur nga 4 miliard e 340 milionë në 4 miliard e 350 milion euro. Pra, qytetarët për një muaj grumbulluan në banka 10 milionë euro.

Norma efektive e interesit në kredi në muajin shkurt, sipas BQK-së ka shënuar rritje, nga 6.1 për qind sa ishte, në 6.2 për qind.

Bankat kanë rritur të hyrat gjatë muajit shkurt, krahasuar me muajin janar. P.sh, në janar të hyrat kanë qenë 25.3 milionë euro, në shkurt ato arritën në 47.8 milionë euro.

Bankat në muajin shkurt raportuan shumë të mëdha të shpenzimeve. Nëse në muajin janar u raportuan shpenzime në vlerë prej 16.8 milionë euro, në shkurt ato u raportuan në vlerë prej 31.2 milionë euro. Nga i gjithë përfitimi neto, kthimi mesatar në asete ishte 2.3 për qind, ndërsa i një muaji paraprak ajo ishte në 2.3 për qind.

Në janar, vlera e aseteve të bankave në Kosovë ka qenë 5 miliard e 321 milionë euro, kurse në shkurt vlera e aseteve ka shënuar rritje, duke shkuar në 5 miliard e 349 milionë euro.

Sektori bankar, para përhapjes së pandemisë Covid-19, ka operuar përgjithësisht në një ambient me nivel të ulët të rreziqeve. Përhapja e pandemisë Covid-19 që nga gjysma e dytë e muajit mars si dhe masat e vazhdueshme për parandalimin e saj, kanë ndikuar në rritjen e rreziqeve ndaj të cilave ekspozohet sektori bankar.

Në Kosovë operojnë 11 banka komerciale, prej të cilave 9 janë në pronësi të huaj.

The post Kosovarët nuk i frikësohen pandemisë, futen në kredi “deri në fyt” appeared first on Prizreni Sot.

Ministri i Financave, Punës dhe Transfereve Hekuran Murati, tha se me 60 milionë sa ka kosto kjo marrëveshje do të blihen vaksina, por edhe pajisje të tjera anti-Covid.

“Në vazhdën e masave paraqes për aprovim nismën e marrëveshjes së marrëveshjes ekzistuese për financim, i tërë projekti kap vlerën totale prej 60 milionë euro, kjo do të mundësojë blerjen e vaksinave dhe pajisjeve të tjera”.

The post Qeveria Kurti vendos të marrë 60 milionë euro kredi për blerjen e vaksinave appeared first on Prizreni Sot.