Rasti ka ndodhur mesditën e së enjtes, në fshatin Kobaj në Prizren.

Policia në raportin 24 orësh ka bërë të ditur se viktima është dërguar për tretman mjekësor në Qendrën Klinike Universitare të Kosovës, në gjendje të rëndë shëndetësore.

“Fsh. Kobaj, Prizren, 11.11.2021 – 11:10. Viktima mashkull kosovar, deri sa ishte në vendin e punës është rrëzuar nga kulmi i një shtëpie dhe është lënduar. Viktima është dërguar për tretman mjekësor në QKUK dhe gjendja e tij është e rëndë. Rasti është duke u hetuar”, ka njoftuar policia.

The post U rrëzua nga kulmi i shtëpisë ku po punonte, prizrenasi dërgohet në QKUK në gjendje të rëndë appeared first on Prizreni Sot.

Me rastin e  përfundimit të punimeve për renovimin e kulmit të objektit të banimit ku ndodhet edhe Njësia Rajonale e Policisë së Trafikut, i është bërë vizitë nga kryetari Mytaher Haskuka i shoqëruar nga drejtori i Urbanizmit, Beni Kizolli dhe drejtori i DRP-së, Faton Alija.

Këtë projekt për renovimin e kulmeve në dobi të qytetarëve i cili po realizohet nga Drejtoria e Urbanizmit e ka vlerësuar të rëndëSishëm, kryetari Haskuka.

Drejtori i Urbanizmit, Beni Kizolli, tha se në kuadër të përkushtimit tonë për të përmirësuar ambientet tek banimet kolektive kemi intervenuar edhe në renovimin e kulmit të këtij objekti me një kosto prej 15 mijë eurove, ndërsa shtoi se, këtë vit do të ketë intervenime të ngjashme edhe në 12 objekte tjera të banimit kolektiv në qytet, njoftoi ai.

Renovimin e kulmit për objektin ku është i vendosur edhe një sektor i rëndësishëm i Policisë në Prizren, e vlerësoi të rëndësishëm drejtori i DRP, Faton Alija, i cili tha se këto dy institucione kanë bashkëpunim tejet të mirë, dhe se një gjë e tillë pritet të vazhdojë edhe me projekte të tjera të rëndësishme për të ofruar më shumë siguri për qytetarët, theksoi ai.

Në fund, drejtori i Urbanizmit Beni Kizolli, tha se për këtë projekt ka patur interesim të jashtëzakonshëm nga qytetarët që jetojnë në objekte të banimit kolektiv, dhe me mundësitë tona që disponojmë si komunë, këtë vit do të intervenojmë edhe në 12 objekte të këtilla.

Ndryshe, projekti për renovimin e kulmeve të këtyre objekteve të banimit kolektiv ka filluar në vitin 2018-të, i cili parasheh që në total të renovohen kulmet e 34 objekteve./Tv Prizreni

The post Renovohet kulmi i një ndërtese të banimit kolektiv ku ndodhet edhe njësia rajonale e policisë së trafikut në Prizren appeared first on Prizreni Sot.