Malisheva Archives - Prizreni Sot

Gruaja nga Malisheva raporton se u kanos në market nga bashkëshorti edhe pse kishte urdhër mbrojtës

ramiberisha — Sat, 26 Oct 2024 07:42:21 +0000

Një grua në Malishevë ka raportuar se është kanosur nga bashkëshorti i saj në një market, edhe pse e njëjta kishte urdhër mbrojtës, raporton Express.

Përmes raportit 24 orësh, Policia ka bërë me dije se i njëjti është arrestuar dhe dërguar në mbajtje.

“DHUNË NË FAMILJE&SHKELJE E URDHËRIT MBROJTËS – Malishevë 25.10.2024, 17:30. Ankuesja femër kosovare, ka raportuar se në një market, e kishte kanosur i dyshuari mashkull kosovar- bashkëshorti i saj edhe pse e njëjta kishte urdhër mbrojtës. I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raport.

The post Gruaja nga Malisheva raporton se u kanos në market nga bashkëshorti edhe pse kishte urdhër mbrojtës appeared first on Prizreni Sot.

Lufta kundër etheve hemorragjike, Malisheva dezinsekton zonat endemike

ramiberisha — Mon, 03 Jun 2024 07:45:37 +0000

Komuna e Malishevës ka njoftuar se ka vazhduar me fazën e dezinsektimit kundër rriqrave.

“Në kudër të zbatimit të strategjisë nacionale për luftimin dhe parandalimin e etheve hemorragjike krime kongo (EHKK), përkatësisht marrjen e masave preventive, Komuna e Malishevës është duke vazhduar me dezinsektimin e zonave endemike”, thuhet në njoftim.

Dezinsektimi gjatë kësaj fundjave është zhvilluar në qytetin e Malishevës, përkatësisht hapësirat më të frekuentuara dhe periferia e qytetit, ndërsa dezinsektimi do të vazhdoj edhe ditët në vijim, në zonat tjera.

“Shtabi komunal për menaxhimin e situatës me EHKK në Komunën e Malishevës, kërkon nga organet kompetente në nivel të vendit, që të marrin masat e nevojshme, sipas strategjisë nacionale për luftimin dhe parandalimin e EHKK, përkatësisht të bëhet repelimi i kafshëve, ndërsa Ministria e Shëndetësisë të aktivizoj Këshillin Ndërministror dhe të merret më seriozisht me menaxhimin e situatës me EHKK, jo vetëm në Komunën e Malishevës”, thuhet tutje në njoftim.

Kujtojmë që në territorin e Komunës së Malishevës, që nga paslufta, e deri në vitin 2013, si pasojë e virusit që shkakton ethe hemorragjike, e që kryesisht bartet nga rriqra tek njeriu, kanë humbur jetën 18 qytetarë.

The post Lufta kundër etheve hemorragjike, Malisheva dezinsekton zonat endemike appeared first on Prizreni Sot.

Njoftim për banorët e Malishevës: Mos e përdorni ujin

ramiberisha — Sat, 09 Jan 2021 11:36:38 +0000

Instituti Rajonal i Shëndetit Publik në Prizren, pas analizave të bëra të ujit për pije, me kërkesën e Komunës së Malishevës, për sistemet e ujësjellësve në Malishevë, ka rekomanduar që momentalisht uji të mos përdoret për pije, pasi është jashtë parametrave të lejuar, si pasojë e ndotjes nga vërshimet.

Për këtë gjë është njoftuar edhe njësia e Hidroregjionit Jugor, të cilët janë rekomanduar të marrin masat e nevojshme, për pastrimin e ujit.

Ndërsa këshilla e njëjtë vlen edhe për familjet të cilat furnizohen nga puset, pasi momentalisht rekomandohet të mos përdoret uji për pije, deri në një njoftim tjetër.

The post Njoftim për banorët e Malishevës: Mos e përdorni ujin appeared first on Prizreni Sot.