E pranishme në hapje të kësaj Olimpiade ishte edhe drejtoresha e Arsimit, Xhemile Thaçi- Vezgishi, e cila i uroi suksese nxënësve dhe tha se dikasteri që e drejton ajo dhe drejtuesit e shkollave janë angazhuar maksimalisht për organizimin dhe mbarëvajtjen e kësaj gare tejet të rëndësishme, ku fituesit më pas do të përfaqësojnë Prizrenin në nivelin shtetëror, kombëtar dhe atë ndërkombëtar.

Zyrtari i DKA-së, Nexhat Maçkaj, tha se nga kjo Olimpiadë 12 fituesit 3 nga secila klasë më pas do të marrin pjesë në garën shtetërore që do të mbahet në Prishtinë me datën 27 shkurt. Pjesëmarrësit e kësaj Olimpiade, Puhiza Shemsedini dhe Klevisa Gaxha, fituese të kësaj gare vitin e kaluar dhe Besim Qunaj, u shprehen optimist për të arritur sukses në këtë organizim tejet të rëndësishëm për ata.

Fituesit e kësaj Olimpiade, do të përfaqësojnë Prizrenin në garën shtetërore në fund të muajit shkurt, ndërsa ata kanë rastin që të përfaqësojnë edhe vendin tonë  në garën e përbashkët me Republikën e Shqipërisë, në garat evropiane dhe Olimpiadën Botërore të Matematikës, e cila këtë vit do të mbahet në Rusi, njoftuan zyrtarë të DKA-së./Tv Prizreni

The post Po mbahet ” Olimpiada e Matematikës” ku po marrin pjesë 76 nxënës të shkollave Prizrenit appeared first on Prizreni Sot.