Merdare Archives - Prizreni Sot

Vendkalimi në Merdar, mbi katër orë pritje për të dalë nga Kosova

ramiberisha — Sat, 06 Aug 2022 16:59:53 +0000

Në pasditën e sotme janë regjistruar mbi katër orë pritje për të hyrë në Serbi në vendkalimin kufitar në Merdar.

Kolona të gjata kryesisht janë krijuar nga bashkatdhetarët që po kthehen për në vendet e Evropës, pas pushimeve në Kosovë.

Qendra Kombëtare për Menaxhimin Kufitar në raportin e orës 16:26 njofton se pritjet më të gjata në vendkalimet kufitare të Kosovës me Serbinë janë regjistruar në pikën kufitare në Merdar.

Aty qytetarët, po presin 200-240 minuta në dalje, ndërsa 15-20 minuta për të hyrë në Kosovë.

Në Muçibabë ku po pritet 30-35 për të hyrë në Kosovë, ndërsa te Dheu i Bardhë për të hyrë në Kosovë pritet deri në 20 minuta, kurse në Jarinë deri në 15 minuta, në hyrje dhe dalje të Kosovës.

Në vendkalimet e tjera kufitare nuk ka pritje më të gjata se 10 minuta në hyrje dhe dalje të Kosovës.

The post Vendkalimi në Merdar, mbi katër orë pritje për të dalë nga Kosova appeared first on Prizreni Sot.

900 metra kolona në dalje të pikës kufitare në Merdarë

ramiberisha — Mon, 04 Jan 2021 09:03:53 +0000

Mërgimtarë të cilët erdhën për festat e fundvitit në Kosovë, tanimë kanë përfunduar pushimet e tyre.

Ata tashmë po kthehen në shtetet ku jetojnë e veprojnë. Edhe gjatë ditës së sotme raportohet për kolona nëpër pika kufitare.

Në dalje të pikës kufitare në Merdarë dhe Dheu i Bardhë raportohet për kolona. Në dalje të Merdares sipas Qendrës Kombëtare për Menaxhim Kufitar kolonat janë deri në 900 metra që i bie 90 deri në 120 minuta pritje për të kaluar këtë pikë kufitare.

Ndërsa rreth një po presin bashkatdhetarët që po kalojnë në pikën kufitare Dheu i Bardhë. Kolonat në këtë pikë kufitare raportohet të jenë deri në 700 metra.

Ndërsa kolona në pikën kufitare në Muçibabë është 100 metra, ndërsa në Jarinje 50 metra.

The post 900 metra kolona në dalje të pikës kufitare në Merdarë appeared first on Prizreni Sot.

Kthimi i mërgimtarëve, kolona të gjata në dalje të kufirit në Merdare

ramiberisha — Sat, 02 Jan 2021 11:57:34 +0000

Bashkatdhetarët që vizituan këto ditë Kosovën, duket se kanë filluar të kthehen në vendet e ndryshme ku jetojnë.

Sipas të dhënave të publikuara nga Qendra Kombëtare për Menaxhim Kufitar, në Merdare, konkretisht në dalje ka kolona deri në 200 metra dhe pritje nga 30 deri në 50 minuta. Kurse, në hyrje nga 3 deri në 5 minuta.

Ndërsa, në pikë kalimin kufitar “Dheu i Bardh”, kolonat janë të gjata nga 40 deri në 50 metra, dhe pritja nga 20 deri në 30 minuta. E hyrja për të hyrë në Kosovë, pritja është nga 3 deri në pesë minuta.

The post Kthimi i mërgimtarëve, kolona të gjata në dalje të kufirit në Merdare appeared first on Prizreni Sot.