Sot nxorri nga botimi romanin “Etja per jetë” të shkrimtarit dhe te poetit Murat Gashit.

Murat Gashi është autor i nëntë librave të zhanreve të ndryshme të letërsisë

Murat Gashi përmes romanit “Etja për jetë” na jep detaje të shumta për jetën nëpër të cilën qytetarët kaluan një vit të vështirë pandemie. Ky roman për lexuesit do të mbetët gjatë në kujtesën e tyre, sepse shkrimtari hapëroi me kohën që e lamë pas, ndërsa për letërsinë shqipe do të mbetet një perlë, që do të lexohet e rilexohet prapë. 

The post Doli nga shtypi romani më i ri “Etja per jetë” i autorit Murat Gashi appeared first on Prizreni Sot.

Shkruan: Ma Sc. Fatmir HALIMI

Shkrimtari Murat V. Gashi, me romanin “Etja për jetë” hatëroi nëpër kohë, me qëllim që të mbahet në mend kjo kohë e pandemisë, kjo jetë e vështirë, që e përjetoi populli ynë. Ky vit që lamë pas, pra viti 2020 do të mbahet në mend për shumë arsye, sepse kjo pandemi do të mbetet në kujtesën e njerëzimit, nga e cila edhe do të nxjerrim mësim nga “pësimet”, që të jemi më të përgatitur në të ardhmen për ndonjë virus tjetër që mund të ndodh.

Në këtë kohë, shkrimtari Murat V. Gashi e përjetoi pandeminë njësoi si çdo qytetar tjetër. Prandaj autori i shtyrë nga rrethanat që u krijuan për qytetarët e Kosovës, pas përhapjes së koronavirusit, ku u përballëm me një mori problemesh, jo vetëm me kushtet e vështira ekonomike, por edhe me infektime e vdekje të shumta, e ndjeu se edhe ai duhet të bënte diçka. Pas kësaj kohe njëvjeçare të pandemisë, Gashi të gjitha këto reaksione i shprehë përmes letërsisë, konkretisht përmes romanit “Etja për jetë”, i cili e paraqet mjaft bukur gjendjen shpirtërore, emocionale, por edhe rendin shoqëror.

Duke evokuar kohën ende të pa perënduar, jo vetëm të Covidit-19, por edhe të gjendjes politike, siç e quan ai, koha e virusit politik, Gashi rrëfimin e shkrimit të tij na e mbush me plot dhembje, trishtim e makthe nga më të ndryshmet, të cilat i paraqet përmes personazheve si: Agroni, Guri, Roni, Maki e të shumë të tjerëve

Shkrimtari Gashi duke paraqitur idenë e afirmimit të shpresës mbi aktualitetin e kohës dhe duke mbajtur qëndrimin pozitiv të zgjidhjeve të situatave, ai në letërsi sjell frymën pozitiviste.

Gashi te romani ” Etja për jetë ” tregoi talentin e vet artistik, njëkohësisht edhe novativ. Në këtë vepër përveç ngjarjeve të përditshmërisë të mbushura me plot dhimbje dhe makthe, autori sjell edhe përshkrime entuziaste të jetës gjatë kohës së pandemisë. Libri është i mbushur edhe me plot meditacione mbi çështjet etike, filozofike e psikologjike, si frika nga shkatërrimi i ekonomisë, frika nga izolimi total dhe largimit të punëtorëve nga ndërmarrjet private.

Shkrimtari Gashi përmes romanit “Etja për jetë ” shfaq njëfarë ironie jo vetëm ndaj qeverisjes së shtetit, por edhe ndaj vetvetes, që si qenie njerëzore nuk mundi të bëj më shumë për popullatën në përgjithësi, që jeta e tyre të bëhej më e lehtë gjatë kohës së pandemisë, e cila po vazhdon edhe sot, por vetëm ta tregoi realitetin, e që fajtor kryesor për të gjitha këto është virusi Covid-19.

Shkrimtari Gashi tërë rrëfimin e tij për jetën tonë në kohë pandemie e lidhë me dy raste të veçanta, ku rasti i parë përfundon tragjikisht, kurse rasti i dytë arrin t’i shpëtoi karantinës. Rasti i parë ka të bëj me tragjedinë që ndodhi në konviktin numër shtatë, kur një i ri, Roni, pas largimit nga karantina e Gjermanisë, u kthye i sëmurë në Kosovë, jo nga kovidi, por nga sëmundja e mëlçisë. Ai menjëherë sipas ligjeve në fuqi u dërgua në Qendrën e Studentëve, në Karantinë. Për pasojë e karantinimit, Roni nuk mund ta përballojë padrejtësinë që i bëhet aty, sepse ai dhe babai i tij Maki, mendonin që duhet të lirohet urgjentisht dhe të shtrihej në spital për shërim, e jo të izolohet. Kjo padrejtësi ndikoi që ai të hidhet nga kati i pestë i konvikteve dhe të vdes tragjikisht.

Kurse rasti i dytë ka të bëj me një tjetër qytetar, Agronin, i cili pasi u kthye nga Stambolli i Turqisë e futin edhe atë  në karantinë. Ky ishte më i shkathtë, sepse pasi që i bëri disa telefonata, lirohet në mes të natës nga karantina, pra nga konviktet e studentëve. Këtu autori i qet në pah padrejtësitë që bën shteti edhe me të izoluarit e karantinës.

Por Gashi nuk kufizohet vetëm në këto dy ngjarjeje. Ai më tej shtroi edhe çështjen e familjeve tjera që nuk iu përmbajtën masave mbrojtëse nga kovidi-19. Është rasti i  një familje në një qytet të Kosovës, kur u infektua nëna dhe ajo vdes. Në këtë reaksion vajza dhe djali i saj përpara policëve këmbëngulin që ta hapin sarkofagun. Policia nuk i lejon, por që në fund e hapin sarkofagun. Reaksioni i infektimit iu revanshua dhe që të dytë i infektoi. Vajza shpëton (shërohet) nga sëmundja, ndërsa djali 44 vjeçar vdes. Autori me këtë rast thotë: ai që nuk e respekton ligjin, ai edhe e pëson…

Krejt në fund, autori përmes romanit “Etja për jetë” na jep detaje të shumta për jetën nëpër të cilën qytetarët kaluan një vit të vështirë pandemie. Ky roman për lexuesit do të mbetët gjatë në kujtesën e tyre, sepse shkrimtari hatëroi me kohën që e lamë pas, ndërsa për letërsinë shqipe do të mbetet një perlë, që do të lexohet e rilexohet prapë.

The post SHKRIMTARI QË HAPËRON ME KOHËN appeared first on Prizreni Sot.

Shkruan: Murat Gashi

Në kohën e fundit, poeti Dashnor Xh. Gërmizaj, shpërtheu shpejt si njjë vullkan, për ta shpalosur frymëzinn e tij poetik, që në kohën e fundit botoi dy libra me poezi : “ Ti je në sytë e mi “ dhe “ Të kam në zemër nana ime “, ku këto ditë shpërtheu edhe me një libër tjetër , të tretin me radhë, “ Kjo është jeta “. Ky libër që është i ndërtuar me thënie, kapin shumë dimensione nga të gjitha anë, që në heshtje flasin vetë. Poeti që lind në këtë tokë të vuajtur ka konsumuar shumë kohë, shumë vite që një ditë t’I shprehë të gjitha mendimet dhe idetë e tij e që do të qendrojnë një kohë të gjatë si në rrafshin moral, oral e etik, por edhe për një kohë tjetër, sepse të tilla janë thurjet mendimesh të poetit. Te poeti Dashnor Xh. Gërmiza pash një ikonë të gjatë e të shëndosh, të mendimeve që të thumbojnë e lulëzojnë si lulet e majit. Në librin e tij “ Kjo është jeta “ shoh tamam figurën e poetit, shoh, dhimbjen, dashurinë, besimin e krenarinë shpirtërore të poetit. Dhe jo vetëm kaq. Te poeti shoh dhe një ikonë tjetër të veçantë, e cila ka ngritur edhe problemet e jetës ndërmjet njerëzve dhe natyrës. Kjo në një variant tjetër mund të quhet edhe si një shtyllë graniti, apo mermeri thëniesh, që Dashnori i ka shkruar vet. Ndryshe, lexuesit kur e lexonë përmbledhjen e thënieve në këtë libër do t’i duken si një ligj moral, apo si një libër ligjor, ku lexuesi pasionohet dhe e shef realitetin e jetës. Që në faqen e parë, shfaq ndjeshmërinë, ligjshmërinë dhe bënë thirrje që të kenë besueshmeri në vete, ku ndër të tjera thotë:

“ Bëjeni një besim modest më të arsyeshëm në fuqinë tuaj, në mënyrë që të keni suksese dhe të jeni të lumtur”

Poeti, këtu përveç që bënë thirrje për një besim të arsyeshme në fuqin e vet, ai jep mesazh të qartë se nëse ka arsye për një rrugë të drejtë, arritjes e qëllimit domosdo do të ketë sukses, ndryshe do të has në pengesa nëpër valet e jetës që vijnë pas. Pastaj kur kemi të bëjmë me një thënie tjetër në ngjyrën e natyrës, poeti përdor figurën e zogut ose zogjve, që përmes kësaj figure tregon të dashurit dhe të respektuarit e brezit të ri, para dhe pas brezit, e pse jo edhe arsimin nëpër të cilën duhet mësuar dhe këshilluar edukuar të tjerët gjatë gjithë jetës. Kjo mund të ketë edhe dimension tjetër, ndonëse figura e tyre është një botë shpezësh , që lidhen me natyrën, ku zogjt, janë të lirë nëpër hapësirën e tyre. Prandaj, përmes figurës së Zogjve poeti shprehet :

Zogjtë janë në këtë jetë për të namësuar. Ata janë mësues të ardhurueshmes që na tregojnë se ne duhet të jemi të lirë dhe të gëzuar.

Përmes librit me thënie “ Kjo është jeta “, autori ka paraqitur thjeshtësinë dhe madhështinë e tij që e kishte brenda vetes qe sa vite me radhë, e që vjen nga ndërgjegjja dhe përvoja e poetit, e thurjeve mjeshtërore eksploruese të fjalës së shenjtë në letërsinë shqipe. Në librin “ Kjo është jeta “ poeti thotë: Jo, të gjithë nuk janë të lumtur, disa vetëm qeshin e nuk duan të qajnë. Me këtë thënie rrok dimensionin e disa anëve. Në një anë thotë se jo të gjithë nuk janë të lumtur, kurse në anën tjetër thotë se vetëm qeshin e nuk duan të qajnë. Me këtë paraqet njeriun e fortë edhe pse nuk është i lumtur, duron dhe nuk dëshiron të qaj, por të qesh. Sepse armiku kur sheh që je duke qarë, më lehtë ta zen frymën. Por kjo rrok edhe dimensione tjera. Pra poeti ka një diapazon të gjërë filozofik. Stili i tij me këtë zhanër të librit me thënie “ Kjo është jeta “, është i dimensionuar në shumë drejtime dhe kap çaste të ndryshme të jetës. Libri i Dashnorit përveç tjerash e ka pasuruar letërsinë shqipe. Ky libër është i përshtatshëm për secilin lexues dhe pasionant të librit, sidomos në kohën e sotme kur edhe brezat e rinj kanë marrë një kahje tjetër të jetës . Poeti, tamam në kohën e duhur ndezi një qiri tjetër në botën frymëzuese të tij, dritën e re nëpër rrugët e jetës, për brezin e ri, me një fjalë kah duhet të shkoj ai. Pra është edhe një udhërrefyes apo mesazh për të ardhmen e shoqërisë në tërësi. Dashnori është fryma e këndvështrimit universal që frymëzon edhe të tjerët që të lexojnë e të shkruajn. Thëniet nisin e mbarojnë në formë të bisedave të të gjitha fushave të jetës , të mbushur me mesazhe të qarta. Si në fillim, e deri në fund të librit “ KJo është jeta “ me thënie prej mëse 1000 sosh, e ndërtoi si një bagazh të gjërë mendimesh në çastin e duhur , kur në shpritin e tij u grumbulluan shumë gjëra të jetës, si ato morale e shpirtërore ashtu edhe ato të natyrave të tjera. Dhe, kjo tek Dashnori shpërtheu me një energji dhe maturi, ku e ruajti stilin e tij tashmë të njohur nga lexuesit. Kështu ndër të tjera autori thotë:

Nuk është në natyrën time të ndez zjarrin, nëse njerëzit janë xheloz për thjeshtësinë time, atëherë çfarë faji kam unë.

Pastaj vazhdon pas saj:

Politikisht jemi aq të verbër, të shurdhër dhe memec, sa nuk na mësojnë as të themi të vërtetën. Pra këtu edhe pse e dim të vërtetën, megjithatë nuk jemi në gjendje as nuk guxojmë të flasim të vërtetën dhe kjo po na kushton shumë. Në këtë botë, njeriu duket se është i privuar nga e vërteta, nga liria e fjalës. Më tutje ai shprehet: Në botë ekzistojnë kaq shumë njerëz të pavlerë, sa ndonjëherë po të përplasen me ndonjë njeri me vlerë, vetë duken më të mençur se ata. Autori Gërmizaj, përveç këtyre thënieve, për jetën dhe politikën një vend të veçantë i ka kushtuar edhe thënieve për dashuri, që duken se shprehet me figura stilistike siç është metafora.
“ Duke ndenjur me shpirtin tim, ndjej kujtimet e tua sikur të mi tregojë një njeri “.

Ti je në zemrën time dhe askush nuk do të jetë pranë kujtimeve përveç teje, por në rast se nuk flet, atëherë si mund ta kujtoj këtë ?
Zemra jote është e mrekullueshme, sepse dje ishe bosh e më mbajte, ndërsa sot është plot, por më braktise.

Nuk është me rëndësi vendi ku po udhëton, por me ken udhëton, sepse edhe hija jote mund të të ndjek, por nuk mund të të ofroj një supë që të mbështetesh.
Këtu autori sikur flet për fatin e jetës së tij, por dashuria është pjesë e jetës së secilit nga ne. Duke lexuar thëniet e Poetit të përfshira në librin e tij “ Kjo është jeta “ Vërtetë më lanë përshtypje dhe më shkaktuan një kënaqësi të madhe, sepse poeti diti të “ përlot jetën me mesazhe të qarta, duke këshilluar e kujtuar se besimi dhe durimi është arma më e fortë e jetës së njeriut, e brezave të ardhshme dhe të shoqërisë në tërësisë. Në fund të librit poeti flet për paqe. Ja çfarë thotë ai:

Eja paqe, eja dashuri, eja lumturi, sepse në këtë kohë po na mungoni shumë.
Koha është pjesë e jetës, ajo do të sjellë gjithçka që është edhe qëllimi yt, prandaj beso.
Fryma e shendetit e një trupi të shëndosh, është shëndeti në dorë.
Mbylli sytë dhe mendo për atë që do, ta dish qëllimin e vërtetë të jetës. Ky është emri i lutjes dhe lumturia është e thjeshtë.

Ky libër është i veçantë për disa arsye, sepse poeti jep mesazhet e tij për një të ardhme më të mirë e të lumtur, i cili me admirim krijoi një art tjetër fare nga ato që janë përmbledhur deri më tash nga autorë të ndryshëm, që kanë krijuar libra me thënie.

Prandaj, lirisht mund të themi se autori diti të ngrit e të shprehë në jetën e përditshme mendime, të cilat do t’na shërbejnë si udhërrëfyese për të ardhmen e një jete plot dashuri, besim, paqe e mirësi në shoqërin tonë. Në këtë libër paraqiti vetëm pjesën e pare të thenieve. Nga autori pritet që në vazhdim do t’i paraqet edhe pjesët tjera me këtë zhanër të thënieve që do ta pasuron edhe më shumë letërsinë shqipe.

Të gjithë ata që do t’i lixojnë këto thënie të shkruara e të përmbledhura në Librin “ Kjo është jeta “, do të vënë gishtin në kokë , e ta prekin zemrën me dorë dhe do të mendojnë për t’ia kthye vetes besimin, dashurinë, paqen, tolerancën dhe harmonin në mesin e shoqërisë ku ata jetojnë.
Në fund, po e përfundoj parathënien me një thënje shumëdimensionale : Kur ishim fëmijë qanim me zë të lartë, për të marrë atë që donim e që na pëlqente, kur u rritëm qajmë në heshtje, për të harruar atë që na pëlqen, prandaj kjo është jeta.
Autorit i urojm shëndet, jetë të gjatë dhe suksese

The post POETI QË SHPËRTHEU SI NJË IKONË E GJATË DHE E SHËNDOSH E MENDIMEVE appeared first on Prizreni Sot.

Ky libër poetik i poetit Murat Gashi, i botuar së fundi nga poeti, vjen si një dashuri e përjetëshme për vendlindjen. Në këtë libër poetik gërshetohet poetika e poetit Gashit, ku shprehet fuqishëm tema atdhetare dhe tema e dashurisë për vendlindjen, familjen dhe të gjithë banorët e vendlindjes. “I flas vendit tim” është titull që simbolizon dashurinë për vendlindjen dhe në të njëjtën kohë, lexuesin e tërheq për lexim! Në këtë libër poetik nuk mungojnë figurat letrare që shënojnë momente poetike, duke përshkruar emocionin poetik në bazë të temës për të cilën flet poeti.

Libri fillon me poezinë “Baladë” që do ta udhëheq lexuesin drejt leximit mëtutje me kureshtjen dhe emocionin për ta ndjerë më shumë poezinë në vazhdim.

Ishte kurrizi gjerë e gjatë, me borë shkëlqimi.

Plot me ujëvara, lisa t’shëndoshë me sy kah qielli…

Dëgjoj melodinë që shpirtin ma shëron.

Poezia “Baladë”

Me këtë poezi fillon libri poetik, që është një thirrje për kthim në kujtime të hershme, por që jep shenjën e vendlidjes si një vend që asnjëherë nuk harrohet. Pra, në këto vargje shfaqet mesazhi poetik nga i cili vjen edhe titulli i librit. Pra, titulli “I flas vendit tim” dhe temat të tjera që bëjnë pjesë këtu janë një dedikim poetik nga poeti. Që në poezinë e parë poeti, sikur bënë një thirrje për të mos harruar vendlindjen që është shumë karakteristike në poezinë e tij, sepse gjithmonë vendlindjen e ndjen si një vend i veçantë ku e gjen qetësinë njeriu.

Për poetin në këtë libër poetik, tema e vendlindjes është shumë e çmuar, sepse gjithmonë kur shkruan për të, shkruan me tone dhe ndjenja të mallit, por duke  përshkruar gjithmonë, me figurat më të bukura letrare.

Shumë poezi për Prizrenin dhe vendlindjen simbolizojnë dashurinë, dhimbjen dhe krenarinë për to. Por në librin poetik “I flas vendit tim” nuk mungon as tema atdhetare, që njëherësh shprehet me një krenari të jashtëzakonshme për të kaluarën e vendit tij.

U ula në këndin e Urës së Gurit.

Derdhi ndjenjën gurëve në shtratin e lumit

Rritur lashtësisë…

Kujtimet e kaluarës s’harrohen as sot!

Lënë gjurmë gurgullimës së ujit…

Poezia “Kujtimet”

Kjo poezi përpos që shpreh dashurinë për vendlindjen, edhe vendlindjen e sheh si një vend të shenjtë, që dashurinë që ia fal vendlindja nuk mund ta gjen askund.

Ndërsa tema atdhetare është mjaft e fuqishme, që përjetohet si një krenari dhe dhimbje për të kaluarën e vendit, por në këtë temë nuk mungojnë as figurat e njohura heroike si Xhevat Berisha, dhe heronj të tjerë që kanë dhënë një kontribut të jashtëzakonshëm për lirinë e vendit. Figurat heroike që shfaqen në këtë libër poetik, janë figura që shfaqin krenarinë kombëtare si në poezinë heroike: “Jeshkovë legjendë e gjallë”, që shfaqet jo vetëm trimëria e djemëve të Vërrinit, por dhe krenaria kombëtare.

Dy herë të dogjën të shkrumbuan, rrënuan.

Jeshkovë si bima ndër rreze u rilinde…

Legjendë e gjallë, përjetë të ndritë krenaria.

Me bijtë si Skënderbeu, trima!

Poezia “Jeshkovë legjendë e gjallë”

Përmes këtyre vargjeve, shfaqet dashuria dhe krenaria për vendit, por në të njëjtën kohë përshkruhet gjithë tema kombëtare, përmes figurave heroike që përkujtohet kontributi i të tërë gjeneratave për lirinë e vendit.

Në këtë libër nuk mungojnë as poezitë përkushtuese mbi figurat publike si Nexhmije Pagarushës dhe të tjerëve në vazhdim, ku secila poezi përkushtuese është poezi që lartëson figurat e njohura publike por dhe figurat e ndryshme si kombëtare ashtu dhe familjare.

Pra, poetika e poetit Murat Gashit, në librin poetik “I flas vendit tim” është poetikë e larmishme që shpesh dashurinë dhe mirënjohjen për të gjithë duke u nisur nga njerëzit e vendlindjes, heronjtë e kombit, figurat e ndryshme publike, që pa dyshim kanë dhënë një kontribut të jashtëzakonshëm për shoqërinë.

The post Libri poetik “I FLAS VENDIT TIM” nga Murat Gashi appeared first on Prizreni Sot.