Viti 2024 nisi me raste më të shpeshta të aksidenteve në rrugët e Kosovës. Shumë prej tyre me fatalitet. Ato mbesin shqetësuese në Kosovë.

Një prej rasteve të fundit është edhe ai i vdekjes në Prishtinë të një 26-vjeçari nga Deçani që ishte këmbësor.

Parkimi i veturave në korsinë për qarkullimin të autobusit, kyçje e gabuar në udhëkryqe, ndalim i veturës pranë stacionit, përdorimi i telefonit, janë vetëm disa nga rastet kur vozitësit nuk respektojnë rregullat në komunikacion, pengojnë qarkullimin, krijojnë kolona e në disa raste shkaktojnë edhe aksidente.

Por, nuk janë vetëm vozitësit. Ka edhe raste kur këmbësorët nuk i respektojnë rregullat në trafik.

Sidoqoftë, me ndryshimet ligjore për rregullat në trafik, parashihen dënime me të larta për ngasësit e automjeteve, por edhe për këmbësorët.

Nol Dedaj është ekspert i komunikacionit.

“Mbikëqyrja e drejtuesve te automjetit edhe e ulet. Flas edhe për menaxhimin sa i përket kundërvajtjes. Duhet mbikëqyrje me e madh, të ndryshojnë procedurat e dhënies së patentë-shoferit dhe mbikëqyrja e shoferit deri në moshën e zgjatjes se patentë shoferit. Nuk guxojmë që drejtuesin e automjetit me e lanë pa mbikëqyrje”, deklaroi ai.

Sipas Policisë së Kosovës, gjatë periudhës kohore janar-dhjetor 2023, 9827 shoferëve u është ndaluar drejtimi i mjetit me veprim motorik, kurse 346 kundërvajtje janë shqiptuar ndaj këmbësoreve për mosrespektim të rregullave në trafikun rrugor.

The post Vozitjet e pakujdesshme: Brenda një viti mbi nëntë mijë shoferëve u është ndaluar drejtimi i automjetit appeared first on Prizreni Sot.