Bëhet e ditur se me një prezantim të tillë i kishte marrë tre burrave 2 mijë euro, përcjell Klankosova.tv.

“Është arrestuar i dyshuari mashkull kosovar pasi i njëjti duke u prezantuar rrejshëm si zyrtar policor, kishte vënë në lajthitje tri viktimat meshkuj kosovarë duke u marrë atyre nga 2000 €. Me vendim të prokurorit, i dyshuari është dërguar në mbajtje”, thuhet në raportin e policisë.

The post Arrestohet prizrenasi, mori 2 mijë euro nga tre persona, duke u prezantuar rrejshëm si polic appeared first on Prizreni Sot.

Kryeshefi ekzekutiv i IPK-së, Kushtrim Hodaj, tha se ankesat janë në rritje dhe se kanë të bëjnë me raste të ndryshme.

“Edhe këtë vit ka qenë numër relativisht i lartë, prej 1 janarit deri sot kemi pranuar mbi 900 ankesa, të cilat janë trajtuar dhe po trajtohen në departamentet përkatëse në IPK-së. Janë ankesa për sjellje të ndryshme të policisë, duke filluar prej keqtrajtimit gjatë ushtrimit të detyrës zyrtare, për keqpërdorim, për marrje të ryshfetit në disa raste, për sjellje të pahijshme, për pakënaqësi në shqiptimin e gjobave në kundërvajtje”, deklaron ai të hënën.

Inspektorati Policor gjatë pjesës së parë të vitit ka zhvilluar edhe operacionin e gjerë të koduar me emrat “Pika 1” dhe “Pika 2”, ku mbi 70 pjesëtarë të Policisë së Kosovës, janë arrestuar dhe suspenduar.

“Këtë vit kemi pasur numrin më të madh të rekomandimeve për suspendim dhe të arrestimeve. Për shkak edhe të dy-tri rasteve që i kemi zhvilluar në luftën kundër korrupsionit, raste që lidhen me policët e korruptuar në kufi, në tri pika kufitare. 76 punonjës të policisë janë arrestuar dhe suspenduar vetëm në këto dy raste”, shton ai.

Hodaj tha se tejkalimi i përdorimit të forcës është një prej veprave më të shpeshta në këtë institucion.

“Tejkalimi i përdorimit të forcës apo keqtrajtimi gjatë ushtrimit të detyrës zyrtare apo shkaktimi i lëndimeve ndaj qytetarëve është një prej veprave tipike që ndodhë zakonisht në polici, për shkak se policia është organ i autorizuar të përdor forcën dhe kur kjo tejkalohet, atëherë përbën shkelje dhe vepër penale. Sigurisht që shpesh herë është një vijë e hollë që ndan përdorimin e forcës bazuar në rregullat që ka policia”, shprehet ai. /ksp

The post Për 6 muaj, mbi 900 ankesa për policët, 118 të suspenduar e 90 të arrestuar appeared first on Prizreni Sot.

Keqtrajtimi gjatë ushtrimit të detyrës zyrtare dhe keqpërdorimi i autorizimeve zyrtare, janë dy veprat më të shpeshta për të cilat po hetohen pjesëtarët e Policisë së Kosovës.

Në anën tjetër, gjatë kësaj periudhe është rritur edhe numri i ankesave të qytetarëve, ku në Inspektoratin e Policor, janë pranuar 923 ankesa.

Kryeshefi i Inspektoratit Policor të Kosovës, Kushtrim Hodaj deklaron se janë 358 raste penale duke u trajtuar nga departamenti i hetimeve.

Ai pohon se ka rritje të ankesave të qytetarëve, por edhe të arrestimeve dhe suspendimeve të policëve.

“Ka një rritje të ankesave të qytetarëve të Kosovës ndaj punës së policisë. Nga janari deri në fund të qershorit, kemi pranuar 923 ankesa të qytetarëve ndaj punonjësve të policisë për shkelje të ndryshme. Të cilat ankesa janë trajtuar në Inspektorat Policor, 358 prej tyre janë vlerësuar që kanë elemente të veprave penale dhe janë dërguar në Departament të Hetimeve për tu trajtuar konform procedurave të Kodit të Procedurës Penale. Ndërkaq, gjithashtu ka një rritje edhe të numrit të veprimeve hetimore dhe suspendimeve që kemi ndërmarrë këtë vit, si Inspektorat i Policisë. Janë suspenduar 65 punonjës të policisë për këto raste që janë trajtuar. Si dhe janë arrestuar 27 zyrtarë të policor për vepra të ndryshme penale sipas autorizimeve të prokurorëve përkatës”, deklaron Hodaj për KosovaPress .

Hodaj thotë se krahasuar me vitin paraprak, janë rreth 200 ankesa më shumë, derisa tregon se për çfarë veprash penale janë arrestuar dhe suspenduar zyrtarët policor.

“Prej zyrtarëve të arrestuar dhe të suspenduar janë për vepra të ndryshme penale. Por, kryesisht janë për veprën për keqtrajtim gjatë ushtrimit të detyrës zyrtare dhe për keqpërdorim  i autorizimeve zyrtare apo pozitës zyrtare. Këto janë dy veprat që janë më të shpeshta. Ndërkaq, ka edhe vepra për shkaktim të lëndimeve trupore, dhunë në familje dhe vepra të ndryshme penale”, shton ai.

Të premten gjatë një aksioni të Partisë Socialdemokrate, Policia e Kosovës ka arrestuar aktivistët e kësaj partie. Megjithatë të njëjtit janë ankuar për përdorim të dhunës. Qeveria e Kosovës ka njoftuar se përgjegjësi për operacionin e policisë është suspenduar, ndërsa Inspektoriati Policor i Kosovës po vazhdon hetimet e mëtutjeshme lidhur me rastin.

“Ne e kemi pranuar një ankesë prej njërit prej zyrtarëve që ka qenë pjesëmarrës në atë protestë. Kanë dalur inspektorët tanë për të analizuar dhe verifikuar pretendimet e tyre. Do të vlerësojmë dhe analizojmë se a ka pasur keqtrajtim gjatë ushtrimit të detyrës zyrtare apo ka pasur tejkalim të përdorimit të forcave, kjo do të vlerësohet nga hetuesit tanë në bashkëpunim edhe me punëtorët përkatës, nëse vlerësohet që ka elemente sigurisht që do të trajtohet. Nëse vlerësohet që ka vetëm tejkalim që janë në domenin e procedurave administrative atëherë do të trajtohet nga Policia e Kosovës”, njofton Hodaj.

Gjatë vitit 2020, janë arrestuar 32 punonjës policorë të dyshuar për vepra penale, ndërkaq janë suspenduar 83 të tjerë.

The post 27 policë janë arrestuar gjatë këtij viti, 65 të tjerë janë suspenduar appeared first on Prizreni Sot.