Njëri shofer është gjobitur me 500 euro, 4 pike negative dhe ndalim vozitje për 12 muaj.

Ndërsa shoferit tjetër i është bërë fletëparaqitje për gjykatë për kundërvajtjen në fjalë, si dhe për ngasje pa patentë-shofer, në kundërshtim me rregullat e trafikut rrugor.

“Me datë 25 shtator 2025, njësitet policore të Stacionit Policor Rahovec, gjatë realizimit të detyrave të tyre ligjore dhe bazuar edhe në informata të qytetarëve si dhe në verifikimin e kamerave të sigurisë, kanë ndërmarr masa ligjore ndaj dy shoferëve lidhur me kundërvajtje të rënda në komunikacionin rrugor. Më datë 25.09.2025, në rrugën “Mizahir Isma” në Rahovec, nga patrullat policore janë identifikuar dy shoferë të cilët me automjetet e tyre me datën 22.09.2025 kishin bërë gara shpejtësie, duke rrezikuar pjesëmarrësit tjerë në trafik. Veprime këto të raportuara nga qytetarët dhe të verifikuara nga kamerat e sigurisë. Njërit nga shoferët i është shqiptuar gjoba prej 500 euro, i janë shqiptuar 4 pikë negative dhe është marrë masa e ndalimit të drejtimit të automjeteve për 12 muaj. Ndërsa shoferit tjetër i është bërë fletëparaqitje për gjykatë për kundërvajtjen në fjalë, si dhe për ngasje pa patentë-shofer, në kundërshtim me rregullat e trafikut rrugor.”

“Drejtoria Rajonale e Policisë në Gjakovë apelon tek të gjithë qytetarët që të respektojnë rregullat dhe ligjet e komunikacionit rrugor, duke pasur parasysh se shpejtësia mbi normat e lejuara dhe pjesëmarrja në gara të paligjshme paraqesin rrezik të madh për jetën dhe sigurinë e qytetarëve. Policia e Kosovës mbetet e përkushtuar në parandalimin dhe luftimin e dukurive të tilla, duke ndërmarrë masa ligjore ndaj të gjithë shkelësve të rregullave të komunikacionit.”

The post Po bënin gara shpejtësie, policia gjobit dy shoferë në Rahovec appeared first on Prizreni Sot.

Sipas policisë, i dyshuari në prezencë të avokatit me vendim të prokurorit është dërguar në mbajtje, transmeton Klankosova.tv.

“Më 11.09.2025 është ekstraduar nga Shqipëria i dyshuari shtetas i Shqipërisë pasi i njëjti dyshohet se ka qenë i përfshirë në një rast grabitje të ndodhur më 22.07.2022. I njëjti pas intervistimit në prezencë të avokatit me vendim të prokurorit është dërguar në mbajtje”, thuhet në njoftimin e policisë.

The post Ekstradohet nga Shqipëria në Kosovë i dyshuari për grabitje gjatë muajit korrik në Prizren appeared first on Prizreni Sot.

Gjatë kontrollit janë identifikuar disa automjete në të cilat ishin montuar zhurmues të veçantë, jashtë standardit të lejuar.

Këto makina janë dërguar fillimisht në kontroll teknik, ku pas matjeve është konstatuar tejkalim i nivelit të lejuar të zhurmës, raporton gazetari korrespondent Nuhi Salihu, në emisionin “Ora 7” në Klan Kosova.

Ai tutje tha se në bazë të raportit teknik, pronarëve u është kërkuar që të largojnë modifikimet e bëra dhe të rikthejnë automjetet në gjendjen fillestare.

Për mosrespektim të kësaj procedure dhe për shkak të prishjes së rendit dhe qetësisë publike, atyre u janë shqiptuar gjoba që shkojnë nga 150 deri në 500 euro.

Sipas policisë, ky aksion është ndërmarrë për të parandaluar zhurmat e larta që kohëve të fundit janë shfaqur në masë të madhe në qytet.

The post 500 euro gjobë për drejtuesit e automjeteve të modifikuara me zhurmues të veçantë në Prizren appeared first on Prizreni Sot.

Policia e Kosovës ka njoftuar se, të mërkurën, më datën 06.08.2025, rreth orës 16:40, ka pranuar ankesë nga qytetarët për bllokim të rrugës “Alush Kryeziu” në të dy shiritat e qarkullimit, nga organizatorët e një gazmendi familjar.

“Njësiti patrullues i Stacionit Policor të Prizrenit ka intervenuar në vendin e ngjarjes, ku ka identifikuar personin përgjegjës, i cili ka prezantuar një leje komunale për përdorim të njërës korsi nga ora 09:30 deri 10:30. Megjithatë, rruga ishte bllokuar në tërësi dhe jashtë afatit të lejuar. Policia ka shqiptuar gjobë në vlerë prej 300 euro sipas legjislacionit në fuqi dhe ka liruar rrugën për qarkullim normal të automjeteve”, thuhet në njoftimin e policisë.

The post Bllokoi të dy shiritat e rrugës gjatë një gazmendi familjar në Prizren, policia i shqipton 300 euro gjobë appeared first on Prizreni Sot.

“Fillimisht, secilit kundërvajtës i është shqiptuar gjobë prej 500 eurosh dhe masë ndaluese për drejtimin e automjetit për 12 muaj. Pas pranimit të kundërvajtjes nga personat e përfshirë dhe në përputhje me dispozitat ligjore në fuqi, masa e ndalimit të patentë shoferit është konvertuar në gjobë shtesë prej 500 eurosh për secilin, duke e çuar shumën totale të gjobës në 1000 euro për secilin”, njofton policia.

Policia e Kosovës apelon për respektim të rregullave të komunikacionit dhe rikujton se pjesëmarrja në gara të shpejtësisë paraqet rrezik të drejtpërdrejtë për jetën dhe sigurinë publike.

The post Gjobiten me nga 1000 euro dy kundërvajtës për gara të shpejtësisë në Prizren appeared first on Prizreni Sot.

Në raportin 24 orësh të Policisë së Kosovës bëhet e ditur se ngjarja ka ndodhur të martën, në Prizren.

Tutje bëhet e ditur se në vendin e ngjarja kanë dalë njësitë përkatëse, ndërsa ekipi mjekësor ka konstatuar vdekjen e tij.

“Ankuesi mashkull kosovar ka raportuar se ka gjetur pa shenja jete viktimën mashkull kosovar. Në vendin e ngjarjes kanë dalë njësitë përkatëse, ndërsa ekipi mjekësor ka konstatuar vdekjen e viktimës”, thuhet në raport.

Ndërkaq, me vendim të prokurorit, trupi i pajetë është dërguar në IML për obduksion.

The post Gjendet pa shenja jete një person në Prizren, rasti po hetohet appeared first on Prizreni Sot.

“Inspektorati Policor i Kosovës respektivisht Departamenti i Hetimeve ka pranuar dje një informatë nga Prokuroria Themelore në Prizren për tejkalim të autorizimeve policore gjatë përdorimit të forcës nga disa zyrtarë policorë në Prizren. Ngjarja është raportuar të ketë ndodhur dje kur një qytetar ishte ndaluar nga policia fillimisht për një kundërvajtje në trafik. Rasti është regjistruar në IPK dhe hetuesit janë angazhuar duke ndërmarrë veprime konkrete hetimore përfshirë shikimin e video-incizimeve të kamerave të sigurisë, identifikimin e dëshmitarëve të mundshëm dhe intervistimin e zyrtarit policor të dyshuar në këtë rast. Pas disa veprimeve hetimore në konsultim me Prokurorinë Themelore në Prizren, hetuesit e IPK-së kanë arrestuar një zyrtar policor që ishte përfshirë në këtë incident.”

Ai dyshohet për “Keqtrajtim gjatë ushtrimit të detyrës zyrtare” dhe “Lëndim i rëndë trupor”.

“Arrestimi i të dyshuarit është bërë me dyshimin se i njëjti ka kryer veprën penale “keqtrajtim gjatë ushtrimit të detyrës zyrtare” dhe “lëndim i rëndë trupor” kurse me vendim të prokurorit të njëjtit i është caktuar masa e ndalimit për 48 orë si dhe është suspenduar nga detyra. Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij incidenti.”

The post Arrestohet dhe suspendohet një polic në Prizren, dyshohet se e keqtrajtoi një qytetar appeared first on Prizreni Sot.

Në raportin 24-orësh të Policisë së Kosovës bëhet e ditur se rasti kishte ndodhur në Prizren, me 31 mars 2025, në ora 13:00, raporton Telegrafi.

“Pas hetimeve të zhvilluara lidhur me rastin, më 28.05.2025 është arrestuar i dyshuari mashkull kosovar dhe i njëjti pas intervistimit me vendim të prokurorit dërgohet në mbajtje”, thuhet në raportin e Policisë së Kosovës.

The post Pas dy muajsh hetime, arrestohet i dyshuari për sulm seksual në Prizren appeared first on Prizreni Sot.

Çololar u vetplagos me armë zjarri derisa ndodhej në shtëpinë e saj në Prizren.

IPK-ja tha se Çololar dyshohet se është vetplagosur duke e manipuluar në mënyrë të pasigurt armën zyrtare.

“Pas daljes në vendin e ngjarjes dhe ndërmarrjes së disa veprimeve hetimore dyshohet se një zyrtare policore e cila ishte jashtë detyrës zyrtare, derisa ishte në shtëpinë e saj, duke manipuluar në mënyrë të pasigurt me armën zyrtare i shkrep arma dhe e plagosë veten në këmbë”, tha IPK-ja.

Pas incidentit zyrtarja policore është dërguar për tretman mjekësor në Prizren.

“Në konsultim me Prokurorinë Themelore në Prizren, ndaj zyrtares policor është iniciuar rast me dyshimin se e njëjta ka kryer veprën penale Shkaktim i rrezikut të përgjithshëm kurse rasti do të hetohet në procedurë të rregullt”, tha IPK-ja.

Inspektorati tha se e ka sekuestruar përkohësisht, për qëllime të ekzaminimit, armën zyrtare të tipit Glock të cilën e posedonte Çololar

The post Rekomandohet suspendimi i polices në Prizren, i sekuestrohet arma appeared first on Prizreni Sot.

Ngjarja ka ndodhur jashtë orarit të punës.

Siç shkruan sot portali Sinjali, Çololar është suspenduar nga detyra me vendim të Drejtorisë Rajonale të Policisë në Prizren.

Ndaj saj është iniciuar një procedurë e brendshme disiplinore.

Hetime për rastin në drejtim të veprës penale “Shkaktim i rrezikut të përgjithshëm”, ka nisur edhe Prokuroria Themelore në Prizren.

Çololar ndodhet ende në spital nën përkujdesje mjekësore. Gjendja e saj është stabile dhe jashtë rrezikut për jetë.

The post Dihet identiteti i polices që u vetplagos me armë zyrtare, suspendohet nga puna appeared first on Prizreni Sot.

Policia e Kosovës tha se viktima ishte raportuar si e zhdukur.

“Prizren / 19.03.2025 – 18:30. Një femër dhe dy meshkuj kosovarë janë arrestuar me dyshimin e bazuar se të njëjtit e kanë trafikuar viktimën e mitur femër kosovare, e cila ka qenë e raportuar si e zhdukur. Me vendim të prokurorit të dyshuarit janë dërguar në mbajtje”, thuhet në raportin e policisë.

The post Arrestohen një grua dhe dy burra në Prizren, dyshohet se trafikuan të miturën që u raportua e zhdukur appeared first on Prizreni Sot.

Ai është arrestuar pasi që me qëllim të përfitimit të kundërligjshëm të pasurisë ka kontraktuar një shumë dukshëm jo proporcionale të pasurisë në këmbim të dhënies së borxhit, duke shfrytëzuar gjendjen e rëndë financiare të një personi tjetër.

I dyshuari është arrestuar dhe pas intervistimit në prezencë të avokatit me vendim të prokurorit është dërguar në mbajtje.

The post Policia në Prizren arreston një person për fajde appeared first on Prizreni Sot.

Gjatë kontrollit në shtëpinë e njërit nga të dyshuarit, policia ka gjetur dhe konfiskuar dy pistoleta (që dyshohet të jenë me gaz) dhe një granatë dore, e cila është tërhequr nga njësiti i specializuar EOD.
Me vendim të prokurorit, dy të dyshuarit janë dërguar në mbajtje, ndërsa hetimet për rastin po vazhdojnë.

The post Arrestohen dy persona në Prizren për kanosje dhe përdorim të armës appeared first on Prizreni Sot.

Rasti ka ndodhur në rrugën “Tranziti i Ri”, të premten në ora 00:10.

“Raportohet se në vendin e tij të punës (sigurim fizik) viktima mashkull kosovar, është gjetur pa shenja jete”, thuhet në raport.

Me vendim të prokurorit trupi i pajetë i viktimës është dërguar në IML për obduksion.

The post Gjendet i vdekur në vendin e punës një person në Prizren appeared first on Prizreni Sot.

Sipas policisë, nga këto substanca të sekuestruara, pesha e llojit marihuanë është prej 93.4 gram, dy qese me substance të dyshuar narkotike e llojit kokainë me peshë prej 5.62 gram, një peshore, një telefon, disa qese plastike të zbrazëta për paketim të narkotikëve, dy pako me rizlla dhe një grinder.

“Rr. Enver Haradinaj, Prizren 13.03.2025-15:00. Është arrestuar i dyshuari mashkull kosovar pasi që gjatë kontrollit në shtëpinë e tij janë gjetur dhe konfiskuar 70 qese me substancë të dyshuar narkotike e llojit marihuanë me peshë prej 93.4 gram, dy qese me substance të dyshuar narkotike e llojit kokainë me peshë prej 5.62 gram, një peshore, një telefon, disa qese plastike të zbrazëta për paketim të narkotikëve, dy pako me rizlla dhe një grinder”, thuhet në raportin 24 orësh të policisë.

Më tej thuhet se pas intervistimit, me vendim të prokurorit, i dyshuari është dërguar në vuajtje të dënimit pasi që kishte urdhër arrest aktiv për vuajtje dënimi.

The post Policia ia gjeti në shtëpi 70 qese me narkotik, arrestohet një person në Prizren, appeared first on Prizreni Sot.

F.Sh. (1998), A.Sh. (2001) dhe D.Sh. (2003) dyshohen se kishin marrë me forcë viktimën dhe e kishin dërguar në pyll në një fshat të Prizrenit. Të dyshuarit janë ndaluar për 48 orë.

“Me datën 12 mars 2025 njësite policore nga Stacioni Policor në Prizren pas pranimit të informatës se në një fshat të Prizrenit një person mashkull kosovar dyshohet se ishte privuar kundërligjshëm nga liria, kanë ndërmarrë veprimeve të shpejta operative hetimore duke arritur që të lokalizojnë dhe arrestojnë tre të dyshuar meshkuj kosovar me inicialet F.Sh. viti i lindjes 1998, A.Sh. viti i lindjes 2001 dhe D.Sh. viti i lindjes 2003, të cilët me viktimën ishin nisur në drejtim të Prizrenit”, thuhet në njoftimin e policisë.

Gjatë kontrollit tek të dyshuarit është gjetur dhe konfiskuar edhe një armë pistoletë e tipit EKOL e kalibrit 9 mm e cila do të përdoret si provë për Gjykatën.Pas arrestimit të të dyshuarve viktimës i është ofruar tretman mjekësorë në qendrën emergjentë të Spitalit të Prizrenit.

The post Arrestohen tre të dyshuar në Prizren, e dërguan me forcë në pyll një person appeared first on Prizreni Sot.

Për këtë rast të vdekjes, Polica e kishte marrë informatën më 11.03.2025, rreth orës 16:00. Viktima për disa ditë nuk ishte parë nga komshinjtë e tij.

“Me datën e lartcekur dëshmitari mashkull kosovar ka lajmëruar se kishte shkuar për vizitë te viktima mashkull kosovar pasi disa ditë nuk ishte vërejtur nga fqinjët e tij. Dëshmitari e kishte gjetur viktimën në shtëpinë e tij pa shenja jete. Në vendin e ngjarjes kanë dalë njësitë policore dhe ekipi i emergjencës ku edhe është konstatuar se personi ka ndërruar jetë” – sqarohet në raportin 24 orësh të Policisë.

The post Për disa ditë nuk u pa nga fqinjët, gjendet i vdekur një person në Prizren appeared first on Prizreni Sot.

Me 06.03.2025,rreth orës 15:30 min në Prizren, është arrestuar i kërkuari T K 33 vjeçar, m/sh/k, ndaj të cilit Gjykata Themelore në Prizren kishte lëshuar Urdhëresat, Ai ishte i kërkuar me urdhëresë gjyqësore nga Gjykata Themelore ne Prizren, për veprën penale “Posedim i narkotikëve .“

Me 07.03.2025,rreth orës 10:00 min në Prizren është arrestuar i kërkuari B.Q 45 vjeçar, m/sh/k, ndaj të cilit Gjykata Themelore në Prizren kishte lëshuar Urdhëresat, Ai ishte i kërkuar me urdhëresë gjyqësore nga Gjykata Themelore ne Prizren, për veprën penale “Vjedhje “ dhe “Vjedhje e rënd”.

Pas arrestimit dhe përfundimit të procedurave policore, sipas urdhëresave të gjykatës, të njëjtit janë dërguar në vuajtje të dënimit T K në kohë zgjatje prej një (1) viti e pesëmbëdhjetë (15) ditë burgim dhe B Q në kohë zgjatje prej një (1) viti e pesë (5) muaj burgim.

Drejtoria Rajonale e Policisë në Prizren do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave.

The post Arrestohen dy persona të kërkuar , dërgohen në vuajtje të dënimit me 1 vit e 15 ditë dhe tjetri me 1 vit e 5) burgim appeared first on Prizreni Sot.

Ata janë ndaluar për 48 orë.

“Gjatë operacionit policor është kontrolluar shtëpia dhe objektet tjera përcjellëse të të dyshuarve, me ç ‘rast janë sekuestruar dëshmi, dy automjete dhe dy armë, që mund të kenë lidhje me rastin. Ndaj dy të dyshuarve, pas intervistimit, me aktvendim të prokurorit nga Prokuroria Themelore në Prizren u caktohet masa e ndalimit për 48 orë.”

The post Policia në Prizren ka njoftuar për aksionin e sotëm kundër fajdes, i cili ka rezultuar me arrestimin e dy personave. appeared first on Prizreni Sot.

Për të i mbrojtur qytetarët nga mashtrime të tilla bëjmë thirrje dhe apel të merren parasysh këshillat e mëposhtme.

• Mos klikoni asnjë link të dyshuar që i pranoni përmes mesazheve (SMS) telefonike.

• Mos jepni të dhënat tuajt personale si fjalëkalime apo informacione bankare përmes faqeve të panjohura.

• Verifikoni çdo mesazh të dyshimtë duke kontaktuar drejtpërdrejt institucionin ose kompaninë që pretendohet se ju ka dërguar mesazhin.

• Raporto Rastin tek Autoritetet përkatëse ose ta banka e juaj (të bllokojnë transferin e të hollave) nëse keni dhënë informacione të ndjeshme.

Nëse keni dyshime ose keni rënë viktimë e një mashtrimi të tillë, ju lutem kontaktoni menjëherë autoritetet përkatëse Policore.

Për sigurinë tuaj, tregohuni të kujdesshëm dhe mos bini pre e mashtrimeve.

Bashkangjitur e keni foton e një lnku mashtrues që po dërgohet në formë SMS te qytetarët kohët e fundit. Mos Klikoni.

The post Policia:Kujdes nga mashtrimi nëpërmes SMS-ve appeared first on Prizreni Sot.

Tre të dyshuar janë dërguar në mbajtje.

“PJESËMARRJE NË TURME QË SHKAKTON VEPËR PENALE DHE HULIGANIZËM- Prizren / 23.02.2025 – 13:30. Janë sulmuar mes veti dy grupe të personave dhe si pasojë njëri nga ta ka pësuar lëndime trupore dhe ka pranuar tretman mjekësor. Lidhur me rastin janë arrestuar tre të dyshuar meshkuj kosovarë dhe të njëjtit me vendim të prokurorit janë dërguar në mbajtje.”

The post Një person i lënduar pas një përleshje mes dy grupeve në Prizren appeared first on Prizreni Sot.

Ndaj të dyshuarit Gjykata Themelore në Prizren kishte lëshuar urdhëresë për veprën penale ‘posedim i narkotikëve’ dhe ‘dhunë në familje’.

Pas arrestimit dhe përfundimit të procedurave policore, sipas urdhëresës së gjykatës, i njëjti është dërguar në vuajtje të dënimit në kohëzgjatje prej njëmbëdhjetë muajve (11) e pesëmbëdhjetë (15) ditë burgim.

Drejtoria Rajonale e Policisë në Prizren do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave.

The post Arrestohet personi i kërkuar në Prizren, dërgohet në vuajtje të dënimit appeared first on Prizreni Sot.

Sipas njoftimit të Policisë së Kosovës bëhet e ditur se janë sekuestruar 227.33 gramë substancë e dyshuar narkotike e llojit kokainë, 70.98 gramë substancë e dyshuar narkotike e llojit ekstazi, 2087.11 gramë substancë e dyshuar narkotike e llojit marihuanë, 297.32 gramë substancë e dyshuar narkotike e llojit të panjohur, një veturë, dy peshore elektronike, tre telefona celularë, një fishekë, një kamerë, disa dokumente identifikuese të personave të ndryshëm dhe 380€ para të gatshme.

“Si rezultat i punës dhe angazhimeve policore me datë 04.02.2025 në Prizren janë arrestuar tre të dyshuar meshkuj kosovarë për shkak se gjatë kontrollit tek të njëjtit në veturë, shtëpi dhe objekte përcjellëse janë gjetur dhe sekuestruar: 227.33 gramë substancë e dyshuar narkotike e llojit kokainë, 70.98 gramë substancë e dyshuar narkotike e llojit ekstazi, 2087.11 gramë substancë e dyshuar narkotike e llojit marihuanë, 297.32 gramë substancë e dyshuar narkotike e llojit të panjohur, një veturë, dy peshore elektronike, tre telefona celularë, një fishekë, një kamerë, disa dokumente identifikuese të personave të ndryshëm dhe 380€ para të gatshme”, thuhet në njoftim.

Po ashtu sipas njoftimi tre të dyshuarit pas intervistimit me vendim të prokurorit janë dërguar në mbajtje, ndërsa një i dyshuar tjetër është në kërkim policor.

The post Arrestohen tre persona për posedim të narkotikëve në Prizren, sekuestrohet një veturë dhe gjësende tjera appeared first on Prizreni Sot.

Presidentja e Kosovës, Vjosa Osmani tha se Policia e Kosovës është një nga shtyllat kryesore të shtetit duke garantuar sovranitetin dhe integritetin territorial të shtetit tonë.

Në ceremoninë e diplomimit, Osmani u shpreh se “krenaria sot është jashtëzakonshme sepse atdheut tonë po i bashkohen edhe 462 gardianë që do t’i dalin zot atdheut tonë”. Ajo tha se Policia e Kosovës është mburoja e paqes dhe lirisë.

Osmani potencoi se policët janë shtylla e parë e rendit dhe garantuesja e lirisë së secilit qytetar pavarësisht etnisë.

Ndërkaq, kryeministri i Kosovës, Albin Kurti, tha se struktura gjinore dhe etnike e kësaj gjenerate të Policisë së Kosovës e tregon strukturën e shoqërisë tonë dhe politikat e shtetit tonë.

Ai potencoi se 462 pjesëtarë të rinj i janë bashkuar Policisë së Kosovës, prej tyre 406 djem e burra dhe 56 vajza e gra. Ai shtoi se 343 prej të diplomuarve janë shqiptarë, 79 serbë, 23 boshnjakë, 6 turq, 3 ashkali dhe 2 rom.

Kurti tha se zotimi i kësaj qeverie për 2 mijë policë të rinj është përmbushur dhe po tejkalohet.

Ministri i Punëve të Brendshme, Xhelal Sveçla tha se diplomimi i kësaj gjenerate është hap i rëndësishëm për Policinë e Kosovës. Sveçla u shpreh se me diplomimin e gjeneratës së 61-të, Policia e Kosovës do të jetë më e fortë dhe më e sigurt.

Sipas tij, falë punës së pandalshme dhe profesionalizimit të Policisë e Kosovës, ajo renditet e para në Ballkanin Perëndimor për sundim të rendit dhe ligjit sipas projektit botëror për drejtësi.

Sveçla potencoi se Kosova sot renditet e 22-ta në botë për ndjenjën e lartë të sigurisë së qytetarëve të Republikës së Kosovës.

Drejtori i Përgjithshëm i Policisë së Kosovës, Gazmend Hoxha u shpreh se ky institucion është një organizatë multietnike që reflekton përbërjen etnike të shoqërisë kosovare. Ai u drejtua policëve të rinj duke u thënë se sfidat do të jenë të shumta dhe se nuk do të jetë rrugë e lehtë.

Hoxha potencoi se sipas hulumtimeve viteve të fundit del se Policia e Kosovës është institucioni më i besueshëm i Republikës së Kosovës, duke shtuar se kjo shton edhe me shumë përgjegjësinë e tyre, raporton koha.

Ndërkaq, zëdhënësi i gjeneratës së 61-të të Policisë së Kosovës, Granit Kosumi u shpreh se ky moment i diplomimit është dëshmi e përkushtimit dhe përpjekjeve për të përmbushur me nder dhe dinjitet detyrat që i presin. Ai u zotua se do të punojnë me përkushtim për të ruajtur besimin që e kanë qytetarët në Policinë e Kosovës.

The post 462 policë të rinj appeared first on Prizreni Sot.

Qëllimi i këtij aktiviteti sipas zëdhënësit të Policisë rajonale të Prizrenit, Vesel Gashi ka qenë krijimi i afërsisë me nxënësit, për të përçuar ndjenjën e sigurisë, por edhe për t’i mbështetur për ta kapërcyer përvojën traumatike.

“Stacioni Policor në Suharekë së bashku me Drejtorinë e Arsimit të Komunës së Suharekës, ka zhvilluar një aktivitet motivues për nxënësit, pas ngjarjes së ndodhur në SHFMU “17 Shkurti” me qëllim që Policia të jetë sa më afër komunitetit, të përçoj ndenjën e sigurisë dhe afërsisë. Me këtë rast janë shpërndarë ushqime dhe pije për nxënësit e kësaj shkolle”, ka bërë të ditur Gashi.

Në këtë shkollë të mërkurën në mëngjes disa nxënës kanë pësuar lëndime nga sulmi i qenit, ku njëra prej tyre është ndalur për trajtim në Repartin e Infektives. Lidhur me këtë rast, Policia pat intervenuar dhe pati neutralizuar qenin.

The post Drejtoria e Arsimit dhe Policia në Suharekë me aktivitet motivues për nxënësit pas incidentit me qenin appeared first on Prizreni Sot.

Operacioni, i cili pasoi një hetim disa-mujor nga Njësia për Hetimin e Trafikimit të Narkotikëve (DHTN) në Prishtinë, u zhvillua më 18 janar 2025, në bashkëpunim të ngushtë me Prokurorinë e Krimeve të Rënda.

Rasti i parë: Operacioni filloi në rrugën magjistrale Prishtinë-Ferizaj, ku një automjet Mercedes u ndalua dhe te drejtuesi i saj (Sh.S.) u gjet një qese me kokainë me peshë 5.35 gramë.

Rasti i dytë: Në rrugën “Vicanum” u ndalua një Audi Q8 i drejtuar nga i dyshuari (Xh.S.), ku u zbuluan 21 paketime me kokainë (20.1 gramë). Po në këtë lokacion, një Volvo ngjyrë hiri u ndalua dhe drejtuesi i saj (F.S.) u shoqërua si i implikuar në rast.

Në bastisjet e realizuara në rrugën “Dëshmorët e Marecit” në Prishtinë dhe në një garazh në fshatin Suhodoll të Lipjanit, u konfiskuan:

Sasi të mëdha narkotikësh: 219 qese me kokainë (114.4 gramë), një paketim (171.5 gramë) dhe të tjera.

Armë dhe municione: Dy revole me fishekë dhe një granatë dore F1.

Tri vetura të përdorura për fshehje dhe shpërndarje (Audi Q8, Mercedes dhe Phaeton).

Një veturë e dyshuar për vrasje në tentativë: Golf 7 ngjyrë e kaltër, e fshehur në një garazh në Suhodoll.

Para të gatshme (7900 euro dhe 100 dollarë), katër telefona celularë dhe pajisje DVR.

Vlera e kokainës së sekuestruar llogaritet rreth 30,000 euro nëse do të shpërndahej në treg.

Me urdhër të Prokurorit të Krimeve të Rënda, është hapur procedurë penale për veprat: Blerja, posedimi, shpërndarja dhe shitja e paautorizuar e narkotikëve si dhe mbajtja në kontroll, posedimi i paautorizuar i armëve.

Të dyshuarit janë dërguar në qendrën e mbajtjes për 48 orë, ndërsa hetimet po vazhdojnë.

Policia e Kosovës mbetet e përkushtuar në luftën kundër veprimtarive kriminale dhe për ruajtjen e sigurisë publike.

The post Konfiskohen narkotikë, armë dhe automjete të përfshira në krime appeared first on Prizreni Sot.

“Bazuar në situatën e tanishme ku kemi ndryshim të kushteve atmosferike dhe reshje të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me borë dhe me ngrica”.

Në fundjavë pritet një mot tipik dimëror për këtë periudhë kohore. Reshjet e dëborës që fillojnë gjatë mbrëmjes dhe natës, parashihet të vazhdojnë përgjatë ditës së shtunë kohë pas kohe.

The post Policia iu bën apel shoferëve për kujdes të shtuar në trafik appeared first on Prizreni Sot.

Në komunikatën e gjatë për media, Policia ka bërë të ditur se gjendja në veri ka qenë e qetë, përveç sulmit në kanalin e Ibër-Lepencit.

“Siguria e përgjithshme në Kosovë edhe gjatë kësaj periudhe kohore të këtij viti ka qenë e qetë, në përjashtim në veri të vendit, ku situata ka qenë e brishtë dhe e cenuar nga disa sulme kriminale e terroriste, duke veçuar sulmin terrorist ndaj Stacionit Policor në Zveqan, sulmin terrorist në objektin e Komunës së Zveqanit, sulmin terrorist ndaj infrastrukturës kritike në kanalin e Iber Lepencit në Zubin Potok, si dhe konfiskimin e një sasie të konsiderueshme të armatimit, municionit e pajisjeve të ndryshme ushtarake”, thuhet në raportin e Policisë për vitin 2024.

“Rastet dhe Sulmet e tilla kriminale e terroriste në veri të vendit kishin për qëllim cenimin e rendit dhe sigurinë publike si dhe pengimin e zbatimin të ligjit në mënyrë të drejtë dhe të barabartë për të gjithë qytetarët, mirëpo Policia e Kosovës me vendosmërinë e sajë ka arritur të menaxhojë situatën në mënyrën më profesionale të mundshme”, thuhet më tutje.

Për statistikat e përgjithshme të veprave penale në vitin 2024, vërehet një rënie prej 2% krahasuar me vitin 2023. Sipas të dhënave nga Policia, në vitin 2023 kishte 27 mijë e 560 raste, kurse në këtë vit kanë qenë 26 mijë e 775 raste.

Sipas po këtyre të dhënave të Policisë, numri i vrasjeve ka rënie krahasuar me vitin 2023. Në vitin e kaluar kanë qenë 29 vrasje, kurse në këtë vit, 17. Pra një rënie për 41% e vrasjeve.

Policia ka bërë të ditur se ka pasur rënie edhe të rasteve të lëndimit të rëndë dhe të lehtë trupor.

Në vitin 2023 kanë qenë 3 mijë e 844 vrasje kurse në vitin 2024 janë 3 mijë e 420 vjedhje.

Ajo që është rritur krahasuar me vitin 2023 janë rastet e dhunës në familje. Sipas Policisë së Kosovës, në vitin e kaluar kanë qenë 2 mijë e 251 raste, kurse në vitin 2024 kanë qenë 2 mijë e 387 raste të dhunës në familje.

“Statistikat Krahasuese për periudhën e 2023/2024 tregojnë rënie të rasteve dhe veprave penale në përgjithësi duke përfshi edhe VP si: Lëndim i rëndë trupor, lëndim i lehtë trupor, vjedhje, vjedhje e rëndë dhe grabitje”, thuhet në këtë raport.

Policia e Kosovës në vitin 2024 ka arrestuar 6 mijë e 980 persona, kurse në vitin 2023 kishte arrestuar 6 mijë e 602 raste. Në këtë vit, ka pasur më shumë armë të konfiskuara, me numrin që është 1 mijë e 586.

“Policia e Kosovës ka ndërmarrë një mori aktivitetesh policore, me qëllim të parandalimit dhe luftimit të krimit, shkatërrimit të grupeve kriminale, ofrimit të sigurisë së qëndrueshme, si dhe kontrollin e mbikëqyrjen e kufirit, ku ka arritur rezultate të theksuara në luftimin ndaj fenomenit të Fajdeve, Narkotikëve, , Kontrabandës me Migrant si dhe Kontrabandës së Mallrave etj”, thuhet në raport.

Në vitin 2024, Policia e Kosovës ka konfiskruar 27.8kg heroinë, 14kg kokainë, 1278kg marihuanë dhe mbi 3.8kg ekstazi.

Policia ka njoftuar edhe për rastet e aksidenteve.

“Siguria në trafikun rrugor gjithashtu ka qenë njëri ndër prioritetet për Policinë e Kosovës, e cila ka hartuar dhe zbatuar shumë plane operative, ka arritur të sigurojë pajisje moderne për trafik, ka realizuar fushata të ndryshme sensibilizuese me qëllim të rritjes së sigurisë në trafik dhe parandalimit të aksidenteve”, thuhet në raportin e Policisë.

Në vitin 2024 ka pasur rënie të aksidenteve me fatalitet. Në vitin 2023 kanë qenë 95 raste me aksidente fatale, kurse në këtë vit 88.

Në vitin 2023 kanë humbur jetën 105 persona në aksidente, kurse këtë vit 96. Në total, në vitin 2024 kanë qenë 21 mijë e 838 aksidente.

Kurse, gjobat e Policisë janë shtuar. Nga 630 mijë në vitin 2023, në 711 mijë këtë vit.

“Policia e Kosovës, mbetet e përkushtuar që të ofrojë siguri për të gjithë qytetarët e Republikës së Kosovës pa dallim, të vazhdoj primatin si një ndër institucionet më të besuara dhe transparente në vend, gjithmonë duke respektuar aktet ligjore dhe normative, si dhe duke garantuar të drejtat themelore të njeriut”, thuhet në raportin vjetor të Policisë.

The post Më pak vrasje, vjedhje e aksidente në vitin 2024 sipas raportit të Policisë appeared first on Prizreni Sot.

Mësohet se tashmë Antidroga po kryen kontrolle në disa lokacione në qytetin e Prizrenit, po pa specifikuar se për çfarë konkretisht bëhet fjalë.

Sinjali gjithashtu posedon edhe informacione të tjera lidhur me rastin, por me qëllim që të mos pengohet procesi i hetimeve dhe rrjedha e operacionet do t’i publikojë më vonë.

The post Aksion i madh i Antidrogës në Prizren, Policia zbarkon në disa lokacione appeared first on Prizreni Sot.

Policia në raportin 24-orësh bën të ditur se gjatë operacionit policor është zbatuar urdhër-kontrolli i gjykatës në vendbanimet e personave të dyshuar ku janë sekuestruar 20 njësi banesore dhe lokale afariste, 5 automjete, 5 armë dhe municion të kalibrit të ndryshëm, kontrata, para kontrata, të holla të gatshme, prova digjitale, si dhe janë bllokuar llogarite bankare të personave të dyshuar.

“Suharekë/Prizren 2023/2024. Drejtoria për Hetimin e Krimit të Organizuar dhe Krimeve të Rënda me datë 31.10.2024 ka realizuar operacion të gjerë policor në regjionin e Prizrenit dhe të Suharekës në 6 lokacione të ndryshme, me ç’ rast ka arrestuar 6 persona të dyshuar meshkuj kosovarë për veprat penale të fajdesë dhe detyrimit”, thuhet në raport.

Sipas Policisë, të dyshuarit në këtë rast me qëllim të përfitimit të kundërligjshëm të pasurisë, kanë kontraktuar shuma dukshëm jo proporcionale të pasurisë, në këmbim të shërbimit (dhënies së borxhit), duke shfrytëzuar gjendjen e rëndë financiare të viktimës.

Të dyshuarit kanë arritur të përfitojnë në mënyrë të kundërligjshme nga viktima shuma të mëdha të parave si dhe prona të paluajtshme dhe të luajtshme si formë e interesit nga veprimtaria e fajdesë, vlera e të cilave kalon shumën mbi 1 milion euro.

Me vendim të prokurorit të dyshuarit janë dërguar në mbajtje.

The post Aksioni i Policisë në rajonin e Prizrenit për fajde, vlera e përfitimit e të dyshuarve mbi 1 milionë euro appeared first on Prizreni Sot.