Ai dyshohet për veprën penale “Keqpërdorimi i pozitës apo autoritetit zyrtar”, nga neni 422, paragrafi 1 lidhur me nenin 81 të Kodit Penal të Republikës së Kosovës.

Prokuroria Speciale njofton se aktakuza është ngritur për shkak të dyshimit se i pandehuri, kreu i Komunës së Malishevës, Ragip Begaj, në vazhdimësi në cilësinë e personit zyrtar ka kryer veprën penale me dashje dhe duke shfrytëzuar autoritetin zyrtar, si dhe i ka tejkaluar kompetencat e tij duke i shkaktuar dëm shtetasit R.R. dhe buxhetit të komunës.

“Me këto veprime i pandehuri R.B. ka kryer veprën penale “Keqpërdorimi i pozitës apo autoritetit zyrtar”, nga neni 422, paragrafi 1 lidhur me nenin 81 të Kodit Penal të Republikës së Kosovës”, thuhet në njoftimin e Prokurorisë Speciale.

The post Ngritet aktakuzë ndaj kreut të Komunës së Malishevës, Ragip Begaj appeared first on Prizreni Sot.

Begaj ka njoftuar se pas shfaqjes së simptomave është testuar dhe ka dalë pozitiv me koronavirus.

“Ju njoftoj se pas shfaqjes së disa problemeve shëndetësore, e kam bërë testin RT-PCR dhe kam rezultuar pozitiv me SARS CoV-2. Për shkak të kësaj, për dy javë do të jem në vetizolim. I falënderoj të gjithë për përkrahjen dhe mbështetjen e dhënë gjatë këtyre ditëve”, ka thënë ai.

Begaj poashtu ka treguar se gjendjen e ka stabile dhe do të qëndrojë në vetizolim.

“Për çdo rast, kërkoj nga të gjithë ata që kanë pasur kontakt me mua në javën e fundit, të kenë kujdes dhe nëse kanë ndonjë simptomë të paraqiten te mjeku. Gjendjen e kam stabile dhe do të qëndroj në shtëpi në vetizolim.Pavarësisht kësaj, kërkoj nga të gjithë qytetarët që të respektojnë udhëzimet dhe rekomandimet e institucioneve shëndetësore, për t’u mbrojtur nga ky virus, pasi nuk ka armë tjetër të luftimit përveç zbatimit të masave dhe kujdesit të shtuar”, ka thënë ai.

The post Kryetari i Malishevës, Ragip Begaj ka rezultuar pozitiv me Covid-19 appeared first on Prizreni Sot.