Pjesë e seremonisë së zbulimit të shtatores së Heroit të Kosovës, Salajdin Berisha, përveç familjarëve, ishin të pranishëm edhe bashkëluftëtarë të tij, përfaqësues të shoqatave të dala nga lufta, qytetarë, drejtues të komunës së Prizrenit dhe zyrtarë të partive politike.

Sekretari i degës së OVL të UÇK, Isa Berisha, tha se sot po e zbulojmë shtatoren në përkujtim të kolosit të kombit tonë, i cili u flijua  me sakrificën e tij sublime në shërbim të atdheut.

Kryetari i Prizrenit, Mytaher Haskuka, tha se me vendosjen e shtatores kushtuar figurave madhore që meritojnë një gjë të tillë, do t’i përkujtojmë vlerat e luftës së lavdishme të UÇK-së, pjesë e së cilës ishte edhe komandanti, Selajdin Berisha.

Drejtori i Administratës, Osman Hajdari, tha se shtatorja e Heroit të Kosovës, Selajdin Berisha, duhet të na shërbejë neve të gjallëve e gjeneratave pas nesh, si kujtesë dhe udhërrëfyes së një personaliteti deri në vetëflijim për çështjet e kombit.

Vëllau i Heroit, Zehadini, falënderoi të pranishmit dhe ata që kontribuuan në realizimin e këtij projekti, si dhe pati një porosi. Para zbulimit të shtatores së Heroit, Selajdin Berisha, me një recital para të pranishmëve është paraqitur mbesa e Heroit, Lejla Gashi, si dhe këngëtari i mirënjohur, Shaqir Cërvadiku, me një këngë kushtuar Selajdin Berishës…/Tv Prizreni

The post Zbulohet shtatorja e heroit të Kosovës, Selajdin Berisha appeared first on Prizreni Sot.