Sipas raportit të publikuar nga Instituti i Statistikave në Shqipëri (INSTAT) mbi tregtinë e jashtme, eksportet drejt Kosovës gjatë periudhës janar-nëntor ishin 37.7 miliardë lekë [360 milionë euro], nga 34.6 miliardë lekë që ishin në 11-mujorin e 2022-shit.

Ndërkohë, importet për 11-mujorin llogaritën 10.6 miliardë lekë nga mbi 14.3 miliardë lekë që ishin në 11-mujorin e 2022-shit.

Eksportet kryesore të Shqipërisë drejt Kosovës përfaqësohen nga eksporti i materialeve të ndërtimit dhe metaleve, mineraleve dhe lëndëve djegëse, ushqimeve si dhe produkteve kimike dhe plastike.

Të rëndësishme në strukturën e eksporteve shfaqen prodhimet vendase të drurit/mobilierisë si ndenjëset (karrige e kolltukë) apo mobilie të tjera. Gjithashtu, edhe prodhimet bujqësore kanë peshë.

Gjatë kësaj periudhe, referuar të dhënave të INSTAT, Shqipëria ka eksportuar drejt Kosovës rreth 15.8 miliardë lekë materiale ndërtimi dhe metale dhe rreth 7.3 miliardë lekë minerale, lëndë djegëse, energji elektrike.

Prej 1 tetorit të vitit 2022 në Doganën e Durrësit po kryhet zhdoganimi i të gjitha mallrave me destinacion Kosovën.

Janë mbi 1000 biznese nga Kosova që përfitojnë aktualisht nga hapja e kësaj dege, jo vetëm kohë, por edhe kosto të reduktuar zhdoganimi. Referuar të dhënave nga Dogana, vetëm gjatë këtij viti janë rritur me 50 për qind mallrat dhe kontejnerët që zhdoganohen në Durrës dhe kanë destinacion tregun kosovar./rtk

The post Shqipëria rrit eksportet drejt Kosovës me 8.9 për qind appeared first on Prizreni Sot.

Përmes një komunikate, ME ka njoftuar se kjo është mundësuar nga bashkëpunimi mes Kosovës dhe Shqipërisë ,përkatësisht mes korporatave energjetike të dy vendeve.

“Falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike”, thuhet në komunikatë.

Komunikata e plotë:

Kthehet furnizimi i rregullt me energji elektrike

Nr.86/22

Prishtinë, 15.08.2022 – Duke u nisur nga situata botërore me krizën energjetike që ka prekur edhe rajonin, të gjitha institucionet përgjegjëse po punojnë intensivisht dhe në koordinim për sigurinë e furnizimit me energji elektrike.

Falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike.

Institucionet do të vazhdojnë të bëjnë përpjekjet maksimale për të ruajtur furnizimin e rregullt me energji elektrike gjatë ditëve në vijim. Megjithatë, marrë parasysh situatën, luten të gjithë qytetarët dhe bizneset që të marrin masa kursimi dhe të jenë sa më të kujdesshëm në përdorimin e energjisë elektrike.

Bashkëpunimi me Shqipërinë do të pasohet nga të tjera masa në adresim të krizës energjetike dhe gjendjes së emergjencës ku ndodhemi.

The post Shqipëria i del në ndihmë Kosovës, hiqen përkohësisht reduktimet e rrymës appeared first on Prizreni Sot.

Policisë Kufitare i është dashur të punojë me procedure të përshpejtuar që prej orëve të para të ditës, për të shmangur radhët dhe qëndrimet e panevojshme në kufi.

Heqja e masave kufizuese të pandemisë prej 1 Majit jo vetëm që ka shmangur vonesat në kontrollet kufitare, por edhe ka rritur fluksin e qytetarëve që kalojnë në dy anët e kufirit.

Sipas policisë kufitare në orët e para të kësaj të shtune kanë hyre në Shqipëri më shume se 3260 automjete me rreth 6100 qytetarë. Bregdeti mbetet më i preferuari, por edhe qytetet e tjera turistike.

The post Mijëra kosovarë ia mësyjnë Shqipërisë appeared first on Prizreni Sot.

Në raport me popullsinë, Shqipëria rezulton e para për numrin e lartë të banorëve të saj që marrin një shtetësi në një nga vendet e BE-së.

Sipas Eurostat, në vitin 2019, marokenët ishin grupi më i madh në mesin e shtetasve të rinj të BE-së apo 66,800 persona nga të cilët 84 për qind fituan shtetësinë e Spanjës, Italisë ose Francës, përpara shqiptarëve prej 41,700 persona apo 62 për qind shtetësinë së fituar ishte në Itali, britanikëve me 29,800 persona apo 75 për qind e shtetësinë së fituar i përkiste Gjermanisë, Suedisë ose Francës, sirianët prej 29,100 persona apo 69 për qind e shtetësisë së fituar ishte në Suedi, turqit prej 28,600 persona apo 57 për qind me shtetësinë gjermane, rumunët me 26,600 persona apo 60 për qind në Itali ose Gjermani, brazilianë me 23,500 persona apo 73 për qind në Itali ose Portugali, ukrainas me 18,100 persona apo 59 për qind në Gjermani, Poloni ose Itali, algjerianë me 18 mijë persona apo 82 për qind kanë fituar shtetësinë franceze dhe rusët me 16,400 persona nga të cilët 31 për qind kanë fituar shtetësinë gjermane.

Krahasuar me vitin 2018, marokenët dhe shqiptarët mbetën përfituesit kryesorë, ndërsa britanikët u zhvendosën nga vendi i shtatë në vendin e tretë.

Që nga viti 2002, kur Eurostat raporton të dhënat, shtetasit shqiptarë kanë marrë gjithsej 473 mijë pasaporta në një nga vendet e Bashkimit Evropian, pjesa më e madhe e tyre në Itali dhe Greqi, ku jetojnë dhe shumica e emigrantëve shqiptarë, të cilët në vite po bëhen shtetas me të drejta të plota në vendet ku jetojnë. Numri më i lartë i tyre është dhënë në vitin 2016, me rreth 67.5 mijë, duke u ulur gradualisht vitet e mëpasshme.

Shumica e shtetësive të reja u dhanë nga Gjermania me 132 mijë ose 19 për qind e totalit të BE-së, Italia me 127 mijë ose 18 për qind, Franca me 109,800 ose 16 për qind, Spanja me 99 mijë ose 14 për qind dhe Suedia me 64,200 ose 9 për qind që përbën 75 për qind të shtetësive të reja të dhëna në BE në vitin 2019 për të gjithë shtetasit e tjerë.

Shkalla e natyralizimit është raporti i numrit të personave që fituan shtetësinë e një vendi gjatë një viti mbi stokun e rezidentëve të huaj në të njëjtin vend në fillim të vitit. Në vitin 2019, normat më të larta të natyralizimit u regjistruan në Suedi prej 7 shtetësi të dhëna për 100 banorë të huaj, Rumani prej 4.7 shtetësi dhe Portugali prej 4.4 shtetësi, ndjekur nga Finlanda prej 3.8 shtetësi, Holanda prej 3.2 shtetësi dhe Belgjika prej 2.9 shtetësi.

Në skajin e kundërt të shkallës, normat e natyralizimit për 100 të huaj rezidentë u regjistruan në Lituani prej 0.2 shtetësi, Danimarkë prej 0.3 shtetësi, Estoni prej 0.4 shtetësi, Çeki prej 0.5 shtetësi, Letoni prej 0.6 shtetësi, Austri prej 0.7 shtetësi, Bullgari dhe Sllovaki prej 0.8 shtetësi secila si dhe Malta dhe Irlanda prej 0.9 shtetësi secila. 

The post Qytetarët e Shqipërisë të dytët në BE për marrjen e nënshtetësisë: 474 mijë pasaporta nga viti 2002 appeared first on Prizreni Sot.