Në baze të të dhënave që Express ka siguruar nga Ministria e Punëve të Brendshme, nga 1 janari nga shtetësia e Kosovës kanë hequr dorë 1.672 persona.

Njësoj gjendja ishte edhe vitin e kaluar. Afër 5 mijë ishte numri i qytetarëve që u liruan nga shtetësia kosovare përgjatë 2022-ës.

“Gjatë periudhës 01.01.2023-19.06.2023 nga Shtetësia e Republikës së Kosovës janë liruar gjithsej 1,672 persona. Në vitin 2022 nga Shtetësia e Republikës së Kosovës janë liruar gjithsej 4,792 persona”, thuhet në përgjigjen e MPB-së.

E më i vogël ishte numri i qytetarëve që e fituan shtetësinë e Kosovës këtë vit dhe vitin e kaluar.

“Gjatë periudhës 01.01.2023-19.06.2023, Shtetësinë e Republikës së Kosovës e kanë fituar gjithsej 291 persona. Në vitin 2022 Shtetësinë e Republikës së Kosovës e kanë fituar gjithsej 587 persona”, thuhet ndër të tjera në përgjigjen e ministrisë.

Rëndomë kërkesat për lënien e shtetësisë vijnë nga personat që jetojnë në vende të tjera. Kjo pasi disa shtete nuk e lejojnë dyshtetësinë.

Theksojmë se Republika e Kosovës qytetarëve të saj u lejon të mbajnë dy e më tepër shtetësi, ndërkaq që ajo e Shqipërisë këtë numër e ka kufizuar në dy.

The post Për gjashtë muaj, mbi 1 mijë e 500 qytetarë hoqën dorë nga shtetësia e Kosovës appeared first on Prizreni Sot.

Sipas të dhënave të Ministrisë së Punëve të Brendshme (MPB), për periudhën janar-mars të këtij viti kanë heqë dorë nga shtetësia 1 mijë e 8 persona.

“Gjatë periudhës Janar-Mars 2023, në Divizionin e Shtetësisë janë marr 1,019 vendime për Lirim nga shtetësia: 1,008 v. pozitive, 11 v. negative dhe 893 kërkesa”, thuhet në raport.

Sipas të dhënave numri më i madh i qytetarëve kosovarë që kanë heq dorë nga shtetësia kosovare janë nga Gjermania e pasuar nga Austria, Sllovenia, Kroacia dhe të tjera.

Po ashtu në këtë raport thuhet se gjatë periudhës Janar – Mars 2023 në qendrën e Përkohshme të Pritjes për Migrantë janë akomoduar gjithsej 177 migrantë prej tyre 167 (94.3%)meshkuj dhe 10 (5.6%) femra.

“Nga përshkrimi i të dhënave, numri më i madh i migrantëve është nga Maroku me 87 (49%) i pasuar nga Siria 32 (18%), Somalia 29 (16.4%) Egjipti 8 (4.5%) Palestina 8 (4.5%), Algjeria 5 (2.8%) Jordania 2(1.12%), Eritrea 2 (1.1%), Pakistani 1(0.6%) Libia 1 (0.6%) dhe Sudani 1(0.6%) migrant”, thuhet në raportin e MBP-së.

Sipas të dhënave gjatë kësaj periudhe, në pikat kufitare janë kthyer 117 persona të ripranuar nga shtetet e ndryshme. Prej tyre me Forcë 101 (86.3%), Vullnetarë 7 (5.9%) dhe Vullnetarë të asistuar nga IOM 9 (7.7%).

Po ashtu, në Qendrën për Mbajtjen e të Huajve, kanë qenë të akomoduar 5 të huaj ndërsa me Vendimin për ndalim në Qendrën e Mbajtjes për të Huaj, gjatë kësaj periudhe raportuese janë akomoduar 4 të huaj, ndërsa nga Qendra janë larguar 4 të huaj. Numri aktual i të ndaluarave në Qendër është 1./IndeksOnline

The post Për tre muaj, mbi 1 mijë persona hoqën dorë nga shtetësia e Kosovës appeared first on Prizreni Sot.

Zyrtarë të Ministrisë së Punëve të Brendshme thonë se arsyeja e lirimit nga nënshtetësia, në të shumtën e rasteve ka të bëjë me atë se shumë shtete evropiane nuk lejojnë dyshtetësinë për shtetasit që nuk janë pjesë e BE. Sipas MPB-së, për nëntë vite, nga shtetësia janë liruar 46 mijë e 839 persona, e që është më shumë se sa totali i banorëve të pesë komunave të Kosovës.

4 mijë e 940 ishte numri i qytetarëve që hoqën dorë nga shtetësia kosovare gjatë vitit 2021. Krahasuar me një vit më parë ky numër ishte më i madh për 1 mijë e 307 persona. Ndërkohë, sipas të dhënave për muajin janar dhe shkurt, mesatarisht nga shtetësia kosovare janë liruar rreth 12 kosovarë në ditë.

Behar Haziraj, zyrtar i lartë për media në Ministrinë e Punëve të Brendshme dhe Administratës, në një prononcim për Radio Kosovën, tregon numrin e atyre që për arsye të ndryshme hoqën dorë nga shtetësia.

“Për sa i përket heqjes dorë të qytetarëve të Republikës së Kosovës nga shtetësia, në bazë të Ligjit për Shtetësi, gjatë periudhës janar – shkurt 2022, nga shtetësia e Republikës së Kosovës janë liruar 706 persona, prej tyre 341 meshkuj dhe 365 femra”, tha ai.

Haziraj tregon se arsyeja kryesore që shtyn kosovarët të heqin dorë nga shtetësia është ndalimi i dy shtetësisë në shumë vende ku jetojnë ata.

“Arsyet pse këta persona heqin dorë nga shtetësia e Republikë së Kosovës, është pasi që shumë shtete të Bashkimit Evropian nuk lejojnë dy shtetësinë, përfshirë këtu edhe disa shtete që nuk janë pjesë e BE-së. Kështu, duke pasur parasysh që një numër i madh i shtetasve tanë jetojnë tashmë me vite në këto shtete dhe si rezultat i saj kanë fituar të drejtën e Fitimit të Shtetësisë, janë të obliguar të lirohen nga shtetësia e mëparshme në rast se dëshirojnë ta fitojnë shtetësinë e atij vendi. Pra, arsyeja kryesore është ndalimi dy shtetësisë në shumë vende”, pohoi Haziraj.

Sipas të dhënave të Ministrisë së Punëve të Brendshme, që nga 2013-ta, për nëntë vite, nga shtetësia kosovare janë liruar 46 mijë e 839 persona. Nëse merret për bazë regjistrimi i popullsisë i vitit 2011, ky numër është për 1 mijë e 903 më i vogël se totali i popullësisë së pesë komunave të Kosovës: Shtimea, Hanit të Elezit, Kllokotit, Parteshit dhe Ranillugt.

The post Në dy muajt e parë të këtij viti, 706 kosovarë kanë hequr dorë nga shtetësia appeared first on Prizreni Sot.

Drejtori i Departamentit për Shtetësi, Azil dhe Migracion, Liridon Neziri tregon se numri më i madh i personave që kanë hequr dorë nga shtetësia e Kosovës janë nga Gjermania dhe se sipas tij vetëm Franca dhe Zvicra nuk obligojnë lirimin nga shtetësia e Kosovës.

“Për vitin 2021 kemi mbi 5 mijë persona që kanë hequr dorë nga shtetësia e Republikës së Kosovës. Arsyeja e heqjes dorë nga shtetësia është pasi që disa vende nga Bashkimi Evropian nuk lejojnë dy nënshtetësi për shtetasit nuk janë pjesë e Bashkimit Evropian duke pasur parasysh që ne kemi një numër të madh të emigracionit, pra shtetasit tanë të cilët kanë emigrua me vite…

Tashmë ata janë integruar dhe kërkesa e tyre është ose kërkesë e këtyre shteteve është të heqin dorë nga shtetësia e Republikës së Kosovës apo prej nga shtetësia prej nga vinë në mënyrë që ata të mund të fitojnë shtetësinë e atij vendi… Kemi të bëjmë më moshat e reja pasi që numri më i madh i atyre që tashmë heqin dorë nga shtetësia e Republikës së Kosovës janë edhe të lindur në këto vendet e Bashkimit Evropian”, thotë Neziri.

Në Kosovë ka edhe persona që kërkojnë azil. Sipas Nezirit numri i azilkërkueseve është më i vogël në vitin 2021 në krahasim me vitin 2020.

“Në krahasim me vitin 2020 në vitin 2021 ka qenë vit që jemi përballur me numër më të vogël sa i përket azil kërkueseve. Sigurisht që viti 2020 ka qenë si pasojë e pandemisë dhe mungesës së lëvizjeve që ia kanë pamundësuar emigrantëve që të lëvizin, pasi që dihet që Kosova nuk është një vend destinacioni sa i përket azilkërkueseve, Kosova është vend transit pra vetëm kalojnë nëpër Kosovë.

Numri i personave të cilët kanë kërkuar azil në Republikën e Kosovës për vitin 2021 është diku rreth 570 persona nuk është një numër i madh krahasim me vitin e kaluar kur kishim një numër rreth 1500 persona këtu përfshirë edhe personat që kanë kërkuar mbrojtjen ndërkombëtare apo janë ndaluar nga Policia e Kosovës si emigrantë ilegalë kemi një numër të përafërt me ata të cilët kanë kërkuar azil”, tha Neziri.

Gjatë periudhës janar-dhjetor 2021 në Divizionin e Shtetësisë janë marr 5031 vendime për lirim nga shtetësia: 4940 vendime pozitive dhe 91 vendime negative.

The post Afër pesë mijë qytetarë vitin e kaluar kanë hequr dorë nga shtetësia e Kosovës appeared first on Prizreni Sot.

Në statistikat që ka publikuar Ministria e Punëve të Brendshme për vitin 2020, vërehet një trend i rritjes së kërkesave të qytetarëve të Kosovës që jetojnë në vende të ndryshme të Evropës, që kanë kërkuar që të heqin dorë nga shtetësia e Kosovës.

Ministria e Punëve të Brendshme ka theksuar më herët se, një ndër arsyet kryesore që qytetarët kërkojnë që të heqin dorë nga shtetësia e Kosovës është se në disa shtete ku jetojnë, nuk u lejohet që të kenë dy shtetësi dhe ata zgjedhin që të kenë shtetësinë e vendit ku jetojnë.

Ja edhe shtetet me numrin më të madh të qytetarëve të Kosovës që kanë hequr dorë nga shtetësia e Kosovës gjatë viti 2020:

GJERMANI -3044

AUSTRI -422

SLLOVENI – 71

KROACI – 28

HOLANDË -27

TE TJERA 41

Ndërkohë që vlen të theksohet se gjatë vitit 2020, 177 qytetarë kanë fituar të drejtën e shtetësisë së Kosovës.

The post Mbi 3 mijë qytetarë hoqën dorë nga shtetësia e Kosovës appeared first on Prizreni Sot.