Sizmologët vlerësojnë se Kosova është më mirë në aspektin sizmik sepse ndodhet më larg pllakave tektonike. Ata shprehin shqetësim për cilësinë e ndërtimeve dhe bëjnë thirrje që objektet e banimit të ndërtohen sipas standardeve.

Pas tërmetit të fuqishëm i cili ndodhi dy ditë me parë në Turqi dhe Siri, Kosova po vlerësohet se mund të goditet nga tërmetet, por jo të kësaj fuqie.

Sizmologu Shemsi Mustafa në një përgjigje për Radio Kosovën tha se në Kosovë nuk ekziston mundësia që të bie një tërmet i ngjashëm si në Turqi e Siri, i cili la të vdekur mijëra persona e mijëra të tjerë të lënduar sepse vendi ynë ndodhet më larg pllakave tektonike.

Mustafa, tha se që objektet e banimit duhet të ndërtohen sipas standardeve dhe të bëhet një vlerësim se sa janë të rrezikuara ato zona nga goditjet e tërmeteve, pasi deri më tani kjo nuk ka ndodhur në një numër të madh të ndërtimeve.

Mustafa, tha se harta e rrezikut sizmik e përcakton se Kosova mund të goditet çdo pesë vite nga tërmetet, me magnitudë prej 5.0 dhe se tërmeti më i fortë në Kosovë ka qenë në vitin 1921, në zonën Viti-Ferizaj- Gjilan, 6.1 shkallë. Sipas tij, janë tri zona me të rrezikuara: zona veriore e Kosovës që e përfshinë nga Mitrovica deri në kufi, zona veri-perëndimore deri në zonën jug-perëndimore që përfshin nga Istogu deri në Prizren, dhe zona jug-lindore që është zona Ferizaj-Viti-Gjilan.

The post Sizmologët: Në Kosovë nuk ekziston mundësia për një tërmet të ngjashëm si në Turqi appeared first on Prizreni Sot.

“Zonat me rrezikun më të lartë sizmik në territorin e Kosovës janë; zona sizmogjene Pejë-Istog, ZS Ferizaj-Viti-Gjilan, ZS Kopavnik, ZS Prizren-Gjakovë, këto janë zona që përshkohen edhe me thyerjet aktive që mund të gjenerojnë në të ardhmen tërmete me magnitud maksimale 6.5 shkallë të richterit, kurse zonat me rrezik më të ulët, ZS Drenicë, ZS Prishtinë-Mitrovicë, këto janë zonat që përshkohen edhe me thyerjet aktive që mund të gjenerojnë në të ardhmen tërmete me magnitud maksimale 6.1 shkallë të richteri”, ka sqaruar ai.

Ai përmendi dhe tërmetin më të fuqishëm që e ka goditur Kosovën ndonjëherë.

“Kosova gjeografikisht është në zonën e kontaktit së dy pllakave të mëdha tektonike, në njërën anë të Afrikës që shtyn Euro-Aziatiken dhe qëndron në themel të saj. Për këto arsye, vendet në zonën mesdhetare i përkasin vendeve me rrezik të lartë sizmik duke përfshirë edhe zona përreth. Tërmeti më i fortë i regjistruar dhe i dokumentuar në Kosove është tërmeti i vitit 1921, në zonën Viti-Ferizaj- Gjilan me një magnitud prej 6.1 në shkallën Richter dhe një intensitet prej 8.5 ballë Mercali”, deklaroi Mustafa për Insajderin.

Drejtori i Institutit potencoi edhe karakteristikat që duhen pasur parasysh për një tërmet.

“Meqenëse nuk ka ende pajisje për parashikimin e tërmeteve të saktë për kohën, lokacionin dhe madhësinë, karakteristikat themelore të rrezikut sizmik përcaktohen në bazë të të dhënave për tërmetet që kanë ndodhur në të kaluarën dhe ato tërmete jashtë territorit të Kosovës, të cilat kanë efekte të konsiderueshme në territorin tonë . Në përgjithësi nuk ekziston asnjë rregull i tërmeteve si peridotitet, por vetëm për sa i përket probabilitetit të ndodhjes së ngjarjeve në një vend të caktuar, bazuar në katalogun e tërmeteve dhe disa faktor, si tektonik, gjeologjik si dhe topografik, të studiuara dhe të llogaritura në përpilimin e hartave të Rrezikut Sizmik”, sqaroi i pari i Instituti Sizmologjik.

Kujtojmë që 6 muaj më parë Kosova u godit nga një tërmet me magnitudë 2.8 të shkallës së Rihterit. Epiqendra e tij ishte në Viti, Kaçanik dhe fshatin Nikaj. Për fat ë mirë nuk ka shkaktuar as dëme në njerëz e as materiale.

Ndërkohë, dje Turqia e Siria u goditën nga një tërmet me magnitudë prej 7.8 të shkallës së Rihterit. Ky termet ka lënë të vdekur mijëra qytetarë. Operacionet e kërkim-shpëtimit janë duke vazhduar.

Tërmeti i parë me magnitudë 7.8 ka ndodhur natën në mot të ftohtë në provincën Kahramanmarasu në juglindje, rreth 60 kilometra nga kufiri sirian. Pasuan dhjetëra tërmete më të dobëta dhe një tjetër me magnitudë 7.5 ballë ndodhi pasdite, gjithashtu në juglindje të Turqisë.

The post Në rast tërmeti, këto janë zonat më të rrezikuar në Kosovë appeared first on Prizreni Sot.

Deri më tani raportohet se janë gjetur të paktën 12 viktima dhe mbi 400 të plagosur në Turqi. Ndërsa në Samos të Greqisë kanë humbur jetën dy fëmijë, 15 dhe 17-vjeç të cilët janë zënë poshtë nga një mur.

Njerëz që bërtasin të tmerruar dhe rrënoja të shumta, këto janë pamjet që janë shpërndarë masivisht në rrjetet sociale.

Tërmeti i fuqishëm tronditi dy shtete, Greqinë dhe Turqinë. Associated Press flet për të paktën 20 ndërtesa të shkatërruara në qytetin turk të Izmirit, (i treti më i madh në vend), në Bornova dhe Bayrakli. Epiqendra e tërmetit të dhunshëm ka qenë pranë brigjeve turke ne Egje dhe pranë ishullit grek të Samos-it. Lëkundjet janë ndjerë të forta deri në Athinë e Stamboll. Dëshmitarët okularë tregojnë se si njerëzit vrapuan të tmerruar nëpër rrugë në momentin kur toka u drodh.

The post Shkon në 12 numri i të vdekurve nga tërmeti në Izmir, 419 të plagosur appeared first on Prizreni Sot.