Testi i Arritshmërisë edhe këtë vit shkollor do të mbahet dy ditë. Në ditën e parë nxënësit pritet t’i nënshtrohen testit në lëndët shoqërore dhe në ditën e dytë në lëndët shkencore.

Udhëheqësi i Divizionit për Vlerësim, Standarde dhe Monitorim në Ministrinë e Arsimit, Shkencës, Teknologjisë dhe Inovacionit (MASHTI), Fatmir Elezi, në një përgjigje për Radio Kosovën tha se mbi 23 mijë nxënës pritet t’i nënshtrohen këtij vlerësimi.

“Testi i Arritshmerisë edhe këtë vit planifikohet të mbahet dy ditë. Nxënësit do t’i nënshtrohen testimit më 25 qershor në ditën e parë, kurse më datë 28 qershor në ditën e dytë. Këtë vit këtij testi pritet t’i nënshtrohen 23 mijë e 200 semimaturantë”, tha ai

Tutje, Elezaj tha së për herë të parë këtë vit shpërndarja e nxënësve nëpër klasë do të bëhet nga Ministria e Arsimit.

“Si zakonisht testi organizohet në koordinimi më komunat. Komunat janë përgjegjëse për organizimin e qendrave të testimit dhe të caktimit të administruesve të testimit. Ndërsa, caktimin e nxënësve nëpër salla do ta bëjë ministria. Nxënësit e klasave dhe shkollave të njëjta nuk do të jenë bashkë në të njëjtën sallë të testimit. Pra, do të përzihen dhe nuk do të jenë më shumë së dy tre nxënës të njëjtës klasë në sallën e testimit”, tha Elezaj.

Keq menaxhimin e testimit njohës të arsimit po vazhdojnë ta shohin si problem të vazhdueshëm. Rinor Qehaja nga Instituti,“ Edguard” i tha Radio Kosovës së në procesin e testimit ka shumë neglizhencë në administrim.

“Po të administrohej mirë ky testim, do të kishte kuptim. Mirëpo, në situatën në të cilën jemi, ku ka neglizhencë në administrim dhe shpërdorime të mëdha nga nxënësit, më e arsyeshme do të ishte që ky testim të organizohej pa vlerësim me pikë. Mirëpo, organizimi duhet të bëhet vetëm si orientim për të kuptuar nxënësit se në cilat profile kanë aftësi e shkathtësi më të mira kundrejt të tjerëve”, tha Qehaja.

Më 25 qershor nxënësit do t’i nënshtrohen testit në lëndët: gjuhë shqipe, gjuhë angleze, histori dhe gjeografi. Ndërsa, me 28 qershor do të hyjnë për testim në lëndët shkencore: matematikë, informatikë, fizikë, kimi e biologji. Qëllimi i Testit të Arritshmërisë është që të maten njohuritë dhe shkathtësitë e nxënësve dhe njëkohësisht nxënësve të klasave të nënta ky rezultat do t’ u shërbejë për regjistrim në shkollat e mesme të larta.

The post Testi i Arritshmerisë këtë vit do të mbahet dy ditë, këto janë datat appeared first on Prizreni Sot.

Kryetari i këtij këshilli, Jeton Demi ka thënë se testi është larg përmbushjes së qëllimit të tij bazik.

Këshilli i Prindërve kërkon përmisim ose pezullim të testit të Arritshmërisë

Këshilli i Prindërve të Prishtinës ka kërkuar përmisimin rrënjësor të testit të Arritshmërisë ose në të kundërt, pezullimin e tij.

Kryetari i këtij këshilli, Jeton Demi ka thënë se testi është larg përmbushjes së qëllimit të tij bazik.

Lexo Edhe:

When Something Went Wrong: The Epic Fails Of Celebs’ Wax Statues

Policëve të Kosovë u dalin përpara serbët në hyrje të objektit të komunës …
“Testi i Arritshmërisë ka për synim të krijojë një matës të harmonizuar të vlerësimit të nxënësve në nivel vendi. Megjithatë për shkak se procesi po kompromentohet nga rrjedhja e testeve, kopjimi dhe parregullsitë, ky test është larg përmbushjes së qëllimit që ka. Si i tillë ky vlerësim më shumë duket se shkakton zhvlerësim të sistemit arsimor parauniversitar (në mangësi të shumta menaxhimi dhe monitorimi) dhe krijon pabarazi mes nxënësve. Andaj ky testim ose duhet përmirësuar rrënjësisht ose duhet pezulluar’, ka deklaruar Demi.

Se pakënaqësitë e prindërve dhe vet nxënësve janë të shumta dhe prezente çdo vit, Demi nuk e ka mohuar.

“Pakënaqësitë e prindërve dhe nxënësve me atë proces janë të përvitshme, të shumta dhe të evidentuara. Pra aspak nuk arrinë ta justifikoj qëllimin që e ka”, ka deklaruar ai.

Sa janë reale rezultatet? A duhet të vazhdojë si metodë?

Eksperti i Arsimit, Egzon Gashi vlerëson se testi i Arritshmërisë ka nevojë për përmisime dhe rezultatet nuk janë më realet e mundshme.

“Aktualisht, nuk besoj se janë shumë të sakta për shkak që ka shumë raste kur shpërndahen pyetjet, në viber ose në metoda të ndryshme në mes nxënësve e ndonjëherë fatkeqsisht edhe përmes mësimdhënësve e shkollave. Unë besoj se ky është problem thelbësor në kulturë, jo me fajësu një grup njerzish, një person. Aq shumë rëndësi u japin këtyre testeve dhe në fakt rezultatet nuk janë aspak të sakta…as nxënësit nuk po dijnë të performojnë më së miri. Po ashtu, nuk po din si ta zbatojnë testin më së miri”, ka thënë ai.

I njëjti nuk e ka mohuar se prezenca e tij mbetet “e nevojshme”.

“Unë besoj se mundet të vazhdojë se duhet të zbatohet dhe të mbikqyret në mënyrë efektive, ato sigurisht ekzistojnë një arsye. Është vështirë me krahasu një student të Prishtinës me një të Prizrenit ose Gjianit kur nuk e ke një test kombëtar me pyetje të ngjajshme, andaj bëhet ky test. Megjithatë mënyra se si zbatohet dhe implementohet në terren është aq keq e maxhuar sa që nuk ka rezultate të sakta dhe aktualisht nuk ka sukses, por nuk besoj se nuk duhet të shuhet. E ka një rol në sistemin e arsimit”, ka thënë Gashi.

Se a duhet të largohet një praktikë e tillë, zyrtari nga radhët e Ministrisë së Arsimit, Shkencës, Teknologjisë dhe Inovacionit (MASHTI), Fatmir Elezi ka thënë se roli i tij mbetet për t’u shqyrtuar.

“Testi i arritshmërisë vlerëson njohurit e nxënësve në lëndë të caktuara dhe shërben për orientimin e nxënësve në klasën e X. Një praktikë e tillë vazhdon edhe ketë vit por në të ardhmen do të shqyrtohet roli i këtij vlerësimi”, ka thënë Elezi.

Por se sa janë mundësitë e kopjimit të larta, Elezi thotë se varet nga administruesit.

“Në çdo klasë janë nga 15 nxënës ku i administron një administrues prandaj mundësitë e kopjimit janë të vogla mirëpo ka administrues të papërgjegjshëm dhe ndodh që nxënësit arrin të postojnë në rrjetet sociale materiale të testit”, ka thënë ai.

Ndërkaq, lidhur me kopjimin në teste të tilla, eksperti Gashi tha se një gjë e tillë është më se e dukshme që ndodhë.

Në klasën e IX janë rreth 24 mijë nxënës që pritet të hyjnë në test, ka treguar Elezi.

Tashmë, MASHTI ka publikuar vendimin se kur do të mbahet testi i arritshmërisë këtë vit.

Më 4 korrik do të mbahet pjesa e parë e testimit, e cila përmban njohuri nga gjuha amtare, gjuha angleze, historia dhe gjeografia. Ndërkaq, një javë më vonë, përkatësisht më 11 korrik do të mbahet testimi i njohurive për lëndën e matematikës, informatikës, kimisë, fizikës dhe biologjisë./Dukagjini

The post Këshilli i Prindërve kërkon përmisim ose pezullim të testit të Arritshmërisë appeared first on Prizreni Sot.