Ai për Ekonomia Online ka thënë se partitë politike kanë afat deri të premtën që t’i deklarojnë në KQZ koalicionet parazgjedhore.

“Sipas ligjit për zgjedhjet e përgjithshme, partitë politike të cilat janë të regjistruara në KQZ dhe të cilat duan të marrin pjesë në zgjedhjet në shkurt të viti 2025 përmes koalicionit duhet ta njoftojnë KQZ, respektivisht Zyrën për regjistrim, certifikim dhe kontrollim financiar të subjekteve politike si duna të marrin pjesë në këto zgjedhje në këtë mënyre. Afati i fundit për të bërë këtë njoftim është data 30 gusht pra deri ne këtë kohë të gjitha partitë politike duhet të njoftojnë KQZ-në se në zgjedhjet e 9 shkurtit do të marrin pjesë përmes koalicionit”, ka thënë Elezi.

Ai ka thënë se afati i fundit është më 30 gusht.

“Koalicioni mund të ndërtohet nga së paku dy parti politike dhe partia politike nuk mund të tërhiqet nga koalicioni pasi të jete certifikuar deri sa rezultati i zgjedhjeve të certifikohet nga ana e KQZ. Gjithashtu partia politike e cila është anëtare e koalicionit nuk mund të marr pjesë si anëtare në një koalicion tjetër, pra të partive të tjera apo edhe si parti e veçanta në procesin zgjedhor. Deri në këto momente që flasim në KQZ nuk kemi pranuar ndonjë njoftim nga ana e partive politike se do të kërkojnë certifikim në zgjedhje përmes koalicionit. Afati i fundit për të bërë këtë deklarimi është data 30 gusht”, ka thënë ai.

Kujtojmë se data e zgjedhjeve tashmë është caktuar dhe se ato pritet të mbahen më 9 shkurt 2025.

The post Valmir Elezi i KQZ-së: Deri më tani asnjë koalicion i deklaruar zyrtarisht – afati i fundit më 30 gusht appeared first on Prizreni Sot.

Sipas tij vendimi i KQZ’së për të shtypur më pak fletëvotime sesa që ka votues të regjistruar është një veprim i mirë menduar i KQZ’së.

Elezi theksoi se askush nuk do të mbetet pa votuar teksa konfirmoi se ka edhe fletëvotime të tjera rezervë në dispozicion.

“KQZ’ja duke u mbështetur edhe në praktikat e kaluara dhe në proceset e kaluara zgjedhore ka shtypur më pak fletëvotime sesa qytetarë të regjistruar për të votuar Ky është vendim i menduar mirë nga KQZ’ja. Kështu kemi vepruar edhe gjatë viteve të kaluara dhe nuk kemi pasur mungesë të fletëvotimeve. Nuk ka asgjë për tu shqetësuar se ka edhe fletëvotime rezervë dhe askush nuk do të mbetet pa votuar.  Të drejtë vote kanë të gjithë ata qytetarë që janë prezent në listat votuese. Ato përmbajnë jo vetëm banorët rezident të Kosovës por edhe ata që jetojnë jashtë vendit”, ka thënë ai.

Ndërsa sipas KQZ’së lista përfundimtare e votuesve brenda vendit për zgjedhjet e parakohshme për Kuvendin e Kosovës të cilat do të mbahen më 14 shkurt, përmban: 1 milion e 794 mijë e 862 emra të votuesve.

Në këto zgjedhje janë 143 mijë e 6 votues më pak se në Zgjedhjet për Kuvend të 6 tetorit 2019, pasi nga kjo listë janë larguar 122 mijë e 421 votues të cilët posedojnë vetëm dokumente të identifikimit të lëshuara nga UNMIK-u, si dhe për shkak të largimit të 11 mijë e 86 të cilët janë konfirmuar se janë larguar nga skema pensionale për shkak të vdekjes.

 Sipas KQZ’së janë aprovuar edhe 102 mijë e 100 aplikacione nga votues jashtë vendit.

The post Askush nuk do të mbetet pa votuar, në listat votuese janë edhe atë që jetojnë jashtë vendit appeared first on Prizreni Sot.